Salmo 118
118
Salmo 118 (117)
Dios Yaya kuyakuq kanqan
1Allillata ruraq kanqanpita Dios Yayata agradëcikuyay.
Kuyakuq kayninqa manam ni imaypis ushakantsu.#1Crón. 16.34; 2Crón. 5.13; 7.3; Esd. 3.11; Sal. 100.5; 106.1; 107.1; 136.1-26; Jer. 33.11.
2Israel runakuna niyätsun:
<<Dios Yayapa kuyakuyninqa mana ushakaqmi>>.
3Aarónpita miraqkunapis#118.3 Aarónpita miraqkunam sacerdötikuna kayarqan. niyätsun:
<<Dios Yayapa kuyakuyninqa mana ushakaqmi>>.
4 Dios Yayapita mantsakuqkuna llapan niyätsun:
<<Dios Yayapa kuyakuyninqa mana ushakaqmi>>.
5Llakikurmi Dios Yayata mañakurqä.
Wiyamarmi ñakanqäpita jipimashqa.
6 Dios Yaya noqawan kaptinmi imapitapis mantsakütsu.
Conträ shäriyaptinpis manam llakikütsu.#Sal. 56.4, 11; Heb. 13.6.
7 Dios Yayaqa manam dëjamantsu.
Paymi imaypis yanapaman.
Kikïmi rikäshaq chikimaqnïkunata ushakätsinqanta.
8Runaman confiakunqantsikpa rantinqa Dios Yayaman confiakunqantsikmi mas alli.
9Mandakuq reykunaman confiakunantsikpa rantinqa Dios Yayaman confiakunqantsikmi mas alli.
10Maytsay nación soldädukunam atacayämänanpaq juntapäyämarqan.
Peru Dios Yayapa shutinchömi llapanta ushakätsirqä.
11Tsay soldädukunam atacayämänanpaq entërüpa tumat kunchawaskayämarqan.
Peru Dios Yayapa shutinchömi llapanta ushakätsirqä.
12Abëja juntämuqnömi juntapayämarqan.
Peru kashata nina rupaqnömi llapanta ushakätsirqä.
Dios Yayapa shutinchömi supayninkunata apatsirqä.
13Kunjar qarpuqnömi cäsi venciyämarqan.
Peru Dios Yaya yanapamaptinmi vencirqä.
14 Dios Yayam imaypis valoratsiman.
Paytam imaypis alabä.
Paymi imaykapita salvamaqnï.#Éxo. 15.2; Isa. 12.2.
15Dios Yaya munanqannö kawaqkunam carpankunachö kushikuyan.
¡Poderösu kayninwanmi llapanta Dios Yaya vencishqa!
16¡Dios Yayapa poderösu kayninmi mantsakaypaq!
¡Dios Yayam derëcha kaq makinwan llapanta ushakätsishqa!
17Noqaqa manam wañushaqraqtsu.
Dios Yaya ruranqankunata willakunäpaq kawashaqraqmi.
18 Dios Yaya mana llakipaypa castigamarpis wañunäta manam permïtishqatsu.
19¡Templupa punkunta kichapaykayällämay!
Dios Yayata agradëcikuqmi yaykuyta munä.
20Tsay punkum Dios Yayaman yaykuna punku.
Tsay punkupam yaykuyan Dios Yaya munanqannö kawakuq runakunalla.#Sal. 15; 24.3-6.
21 Dios Yaya, mañakunqaqta wiyamanqaykipitam alläpa agradëcikuq.
Noqata salvamanqaykipitam pächi niq.
22Waji perqaqkuna <<kay rumi manam allitsu>> nir jitariyanqanmi maestru rumiman tikrashqa.
23Tsaynö kananpaqmi Dios Yaya permïtishqa.
Tsaypitam mantsakashqa kaykantsik.#Mat. 21.42; Mar. 12.10-11; Luc. 20.17; Hech. 4.11; 1Ped. 2.7.
24Kay junaqmi Dios Yaya yanapamanqantsik junaq.
Tsaypita kushikur alabashun.
25¡Dios Yaya, salvaykayällämay!
¡Llapan rurayanqäkuna allilla kananpaq yanapaykayällämay!
26 Dios Yayapa shutinchö shamuq runa alabashqa kaykullätsun.
Dios Yayapa wajinchömi kushishqa chaskiyällaq.#Mat. 21.9; 23.39; Mar. 11.9; Luc. 13.35; 19.38; Juan 12.13.
27 Dios Yayallam rasunpa kaq Diosqa.
Paymi alli kawayta qaramashkantsik.
Tsaynö kaykaptinqa altarpa waqrankuna kaqyaq rämakunata aptashqa yaykushun.#118.27 O altarpa waqrankunaman sacrificiupaq wätata watäshun.
28Dios Yaya, qammi Diosnï kanki.
Qamta agradëcikurmi alabashayki.
29Allillata ruranqanpita Dios Yayata alabashun.
Paypa kuyakuyninmi imaypis mana ushakaq.
Currently Selected:
Salmo 118: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
