Salmo 101
101
Salmo 101 (100)
Dios Yayata mandakuq rey prometinqan
1a (1a) David qellqanqan salmu.
1 1 (1b) Kuyakuq kanqaykipitam alabashayki.
Imaykatapis allillata ruranqaykipitam alabashayki.
Dios Yaya, qamllatam alabashayki.
2Munanqaykinömi kawakuyta munä.
¡Imayraq shamunki yanapamänaykipaq!
Mandakunqä palaciüchömi allita rurar kawakushaq.
3Mana allikunata manam rikaytapis munätsu.
Jutsa ruraqkunata manam witipäshaqtsu.
Paykuna witipäyämänantapis manam munashaqtsu.
4Mana alli yarpaykuna shamuptinpis manam cäsushaqtsu.
Manam imaypis jutsata rurashaqnatsu.
5Vecïnunpaq rimaqkunatam upällatsishaq.
Orgullösukunata manam chaskishaqtsu.
6Cäsushuqnikikunallatam yanapayämänanpaq churashaq.
Jutsannaqkunallam serviyämanqa.
7Trampösukunataqa palaciüman manam chaskishaqtsu.
Llullakuqkunapis puntäman manam yaykayämunqatsu.
8Cada alliq juzgarmi mana alli ruraqkunata wañutsiyänanpaq nishaq.
Dios Yaya akranqan markapitam jankat ushakätsishaq.
Currently Selected:
Salmo 101: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
