Proverbios 9
9
Fiestaman convidakuq warmiman yachayyuq kayta iwalatsinqan
1Yachayshi wajinta alli shäritsinaq.
Alli tsaränanpaqshi qanchis paradorkunata llaqllaskir jawitsinaq.
2Tsaypitash wätakunata pishtaskir alli mikuykunata kusinakunaq.
Tsaynöllash alli vïnuta ruraskir mikuynintinta mësaman servinaq.
3Tsaynö alistaskirshi serviqninkunata mandanaq marka janaqninpa aywaykur qayakayämunanpaq.
4Qayakurshi niyänaq: <<¡Mana tantiyakuq jövinkuna y jipashkuna!
¡Fiestaman shayämuy!>>
Mana musyaqkunatapis qayarshi niyänaq:
5<<Kusinanqä mikuyta mikuyänaykipaq y ruranqä vïnuta upyayänaykipaq fiestaman shayämuy.
6Mana alli ruraykunata dëjayay.
Dëjaskirmi alli kawakuyanki.
Yachayyuq runanö shumaq kawakuyay>>.
Yachayyuq y mana yachayyuq runa imanö kanqan
7Lluta parlaq runam corrigiptikipis ashashunki.
Mana allikunata ruraptin piñapaptikipis ofendishunkim.
8Malqueriädu runam consejaptikipis chikishunki.
Peru yachayyuq runam sïqa consejaptikipis kuyashunki.
9Yachayyuq runam tantiyatsiptiki mas yachakunqa.
Alli ruraq runaqa yachatsiptiki masmi yachakunqa.
10Yachayyuq kaytaqa qallaykunki Dios Yayapita mantsakurmi.
Santu Dios Yayata reqiqkunaqa tantiyakuqmi kayan.#Job 28.28; Sal. 111.10; Prov. 1.7.
11Tantiyakuq karqa atska watam kawakunki.
12Yachayyuq karqa mas tantiyakuqmi tikranki.
Malqueriädu karqa mana alli rikashqam kanki.
Mana yachayyuq kayta mana yarpachakuq warmiman iwalatsinqan
13Mana yachayyuq kaymi cuentustëra mana yarpachakuq y mana penqakuq warminö.
14Waji punkunman o marka janaqninman karpis jamakun 15tsaypa päsaq alli kawakuqkunata inkitar ninanpaq:
16<<¡Mana tantiyakuq jövinkuna y jipashkuna!
¡Kayman shayämuy!>>
Mana yarpaqkunatam qayar nin:
17<<Suwakuy yakum mas mishkin.
Mikuypis pakayllapa mikushqam mas gustakun>>.
18Peru tsaynö ninqanta chaskiqkuna manam musyayantsu wañuyänanpaq kanqanta.
Currently Selected:
Proverbios 9: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Proverbios 9
9
Fiestaman convidakuq warmiman yachayyuq kayta iwalatsinqan
1Yachayshi wajinta alli shäritsinaq.
Alli tsaränanpaqshi qanchis paradorkunata llaqllaskir jawitsinaq.
2Tsaypitash wätakunata pishtaskir alli mikuykunata kusinakunaq.
Tsaynöllash alli vïnuta ruraskir mikuynintinta mësaman servinaq.
3Tsaynö alistaskirshi serviqninkunata mandanaq marka janaqninpa aywaykur qayakayämunanpaq.
4Qayakurshi niyänaq: <<¡Mana tantiyakuq jövinkuna y jipashkuna!
¡Fiestaman shayämuy!>>
Mana musyaqkunatapis qayarshi niyänaq:
5<<Kusinanqä mikuyta mikuyänaykipaq y ruranqä vïnuta upyayänaykipaq fiestaman shayämuy.
6Mana alli ruraykunata dëjayay.
Dëjaskirmi alli kawakuyanki.
Yachayyuq runanö shumaq kawakuyay>>.
Yachayyuq y mana yachayyuq runa imanö kanqan
7Lluta parlaq runam corrigiptikipis ashashunki.
Mana allikunata ruraptin piñapaptikipis ofendishunkim.
8Malqueriädu runam consejaptikipis chikishunki.
Peru yachayyuq runam sïqa consejaptikipis kuyashunki.
9Yachayyuq runam tantiyatsiptiki mas yachakunqa.
Alli ruraq runaqa yachatsiptiki masmi yachakunqa.
10Yachayyuq kaytaqa qallaykunki Dios Yayapita mantsakurmi.
Santu Dios Yayata reqiqkunaqa tantiyakuqmi kayan.#Job 28.28; Sal. 111.10; Prov. 1.7.
11Tantiyakuq karqa atska watam kawakunki.
12Yachayyuq karqa mas tantiyakuqmi tikranki.
Malqueriädu karqa mana alli rikashqam kanki.
Mana yachayyuq kayta mana yarpachakuq warmiman iwalatsinqan
13Mana yachayyuq kaymi cuentustëra mana yarpachakuq y mana penqakuq warminö.
14Waji punkunman o marka janaqninman karpis jamakun 15tsaypa päsaq alli kawakuqkunata inkitar ninanpaq:
16<<¡Mana tantiyakuq jövinkuna y jipashkuna!
¡Kayman shayämuy!>>
Mana yarpaqkunatam qayar nin:
17<<Suwakuy yakum mas mishkin.
Mikuypis pakayllapa mikushqam mas gustakun>>.
18Peru tsaynö ninqanta chaskiqkuna manam musyayantsu wañuyänanpaq kanqanta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.