Proverbios 30
30
Agur tantiyatsinqankuna
1Jaquépa tsurin Agurmi Itielta y Ucalta nirqan:
2Llapan runapitapis mas mana ima musyaq upanömi kä.
Imatapis mana musyaq runanömi kä.
3Yachayyuq kaytapis manam yachakushkätsu.
Santu Dios Yayapa yachatsikuynintapis llapantaqa manam musyätsu.
4Manam ni pï runapis ciëlupa aywaskir kutimushqatsu.
Tsaynöllam ni pï runapis wayrata aptarantsu,
ni lamarta jakunwan pituntsu
ni kay patsapa mujunninta churashqatsu.
Pillapis ruranqanta musyarqa mä shutinta willayämay.
Rasunpa yachayyuq karqa tsurinpa shutinta mä willayämay.
5Dios Yayam confiakuqkunatam imaykapita tsapan.
Llapan prometinqantam payqa imaypis cumplin.#2Sam. 22.31; Sal. 18.30.
6Paypa palabranman kikikipa yarpaynikita ama yapaytsu.
Yapaptikim rabyar castigashunki.
Tsaynöpam llullakuq kanqayki musyakanqa.
7Dios Yaya, ishkay cösallatam kawaynïchö mañakuq.
8Pitapis mana llullatsinäpaq tantiyaykatsillämay.
Ama rïcuyaykatsimaytsu ni waktsayaykatsimaytsu.
Masbien waran waran wananqäkunata alistapaykamay.#Mat. 6.11.
9Talvezchi rïcuyarqa nëgarniki qonqaskiqman.
Faltäpukur suwakurqa penqakuymanchi churaqman.
10Servikuq runa mana allita rurakaptin patronninta ama willapaytsu.
Willapaptikim tsay servikuq maldicionarpis maldicionäshunki.
11Wakin kaq runakunam mamantawan taytanta maldicionäyan.
12Wakin kaq runakunam jutsasapa kaykarpis jutsannaq tukuyan.
13Wakin kaq runakunanam llapanpita mas alli kanqanta yarpar runa majinkunata manakaqman churayan.
14Wakin kaq runakunanam ambiciösu kar waktsakunapa imaykankunata qechur qarapatäyan.
Mana llakipäkuq kayaptinmi paykunapa kirunkunapis espädanöraq y curmïllunkunapis puñalnöraq.
15Ambiciösu runam yawar shoquqnö kaykan.
Tsay runam maytsikata chaskirpis contentantsu.
Tsaynöllam kimsa cösakunawan juk mas mana contentaqkuna.
16Tsaykunam kayan sepultüra, qolluq warmi, tsaki chakra y nina.
17Taytanta burlakur manakaqman churaqkunapa y maman yätsinqanta mana cäsuqkunapa ñawintapis wiskulkuna jipiyätsun.
Kawaykaqllata condorkunapis mikuyätsun.
18Kimsa cösawan juk masmi mana tantiyaypaq kayan.
19Tsaykunam kayan pitsak imanö altuchö purinqan,
rumi jananpa culebra imanö aywanqan,
lamar jananpa büqui imanö aywanqan
y ollquwan warmi churakaskiyaptin wamrankuna imanö kanqan.
20Ollqunta mana respitaq warmim jukwan ankallaraskirpis penqakuntsu.
Tsaymi nin: <<Manam ima mana allitapis rurätsu>>.
21Kay patsachömi kan kimsa cösa y juk mas runakunata mana gustanqan.
22Tsaykunam kayan servikuq runa rey kayman yaykunqan,
mana tantiyakuq runa imaykayuq tikranqan,
23despreciashqa warmi ollquyuq kanqan
y patrönanpa rantin servikuq warmi patröna tikranqan.
24Kay patsachömi chusku ichishaq kaqkunalla alli yachayyuq runakunapitapis mas yachayyuq kayan.
25Tsaykunam kayan ñuyäshukuna (paykunaqa kallpannaq karpis usya tiempum mikuyninkuna churakuyan),
26wishkashkuna (paykunaqa kallpannaq karpis ranrakunachömi wajinkuna rurayan),
27chukllushkuna (paykunam mandaqninkuna rey mana kaptinpis shumaq fïlayllapa puriyan)
28y arashkuna (paykunam fácil achkuy karpis reypa palaciunman yaykuyan).
29Kimsa cösawan juk masmi kayan orgullösu puriqkuna.
30Tsaykunam kayan león (leonqa llapan wätapitapis mas mantsaypaq ni imapitapis manam qeshpintsu),
31pelya gällu,
yayan chïvu
y soldädukunapa puntanta aywaq rey.
32-33Lichi tiktashqata chaqarkurmi bätir mantequïllaman tikratsin.
Jinchi sinyakuptinmi yawar yarqun.
Tsaynöllam pitapis ofendirqa maqanakuyman chan.
Allish tukur mana tantiyakurnin pitapis ofendirqa tsaykunata tantiyay.
Currently Selected:
Proverbios 30: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Proverbios 30
30
Agur tantiyatsinqankuna
1Jaquépa tsurin Agurmi Itielta y Ucalta nirqan:
2Llapan runapitapis mas mana ima musyaq upanömi kä.
Imatapis mana musyaq runanömi kä.
3Yachayyuq kaytapis manam yachakushkätsu.
Santu Dios Yayapa yachatsikuynintapis llapantaqa manam musyätsu.
4Manam ni pï runapis ciëlupa aywaskir kutimushqatsu.
Tsaynöllam ni pï runapis wayrata aptarantsu,
ni lamarta jakunwan pituntsu
ni kay patsapa mujunninta churashqatsu.
Pillapis ruranqanta musyarqa mä shutinta willayämay.
Rasunpa yachayyuq karqa tsurinpa shutinta mä willayämay.
5Dios Yayam confiakuqkunatam imaykapita tsapan.
Llapan prometinqantam payqa imaypis cumplin.#2Sam. 22.31; Sal. 18.30.
6Paypa palabranman kikikipa yarpaynikita ama yapaytsu.
Yapaptikim rabyar castigashunki.
Tsaynöpam llullakuq kanqayki musyakanqa.
7Dios Yaya, ishkay cösallatam kawaynïchö mañakuq.
8Pitapis mana llullatsinäpaq tantiyaykatsillämay.
Ama rïcuyaykatsimaytsu ni waktsayaykatsimaytsu.
Masbien waran waran wananqäkunata alistapaykamay.#Mat. 6.11.
9Talvezchi rïcuyarqa nëgarniki qonqaskiqman.
Faltäpukur suwakurqa penqakuymanchi churaqman.
10Servikuq runa mana allita rurakaptin patronninta ama willapaytsu.
Willapaptikim tsay servikuq maldicionarpis maldicionäshunki.
11Wakin kaq runakunam mamantawan taytanta maldicionäyan.
12Wakin kaq runakunam jutsasapa kaykarpis jutsannaq tukuyan.
13Wakin kaq runakunanam llapanpita mas alli kanqanta yarpar runa majinkunata manakaqman churayan.
14Wakin kaq runakunanam ambiciösu kar waktsakunapa imaykankunata qechur qarapatäyan.
Mana llakipäkuq kayaptinmi paykunapa kirunkunapis espädanöraq y curmïllunkunapis puñalnöraq.
15Ambiciösu runam yawar shoquqnö kaykan.
Tsay runam maytsikata chaskirpis contentantsu.
Tsaynöllam kimsa cösakunawan juk mas mana contentaqkuna.
16Tsaykunam kayan sepultüra, qolluq warmi, tsaki chakra y nina.
17Taytanta burlakur manakaqman churaqkunapa y maman yätsinqanta mana cäsuqkunapa ñawintapis wiskulkuna jipiyätsun.
Kawaykaqllata condorkunapis mikuyätsun.
18Kimsa cösawan juk masmi mana tantiyaypaq kayan.
19Tsaykunam kayan pitsak imanö altuchö purinqan,
rumi jananpa culebra imanö aywanqan,
lamar jananpa büqui imanö aywanqan
y ollquwan warmi churakaskiyaptin wamrankuna imanö kanqan.
20Ollqunta mana respitaq warmim jukwan ankallaraskirpis penqakuntsu.
Tsaymi nin: <<Manam ima mana allitapis rurätsu>>.
21Kay patsachömi kan kimsa cösa y juk mas runakunata mana gustanqan.
22Tsaykunam kayan servikuq runa rey kayman yaykunqan,
mana tantiyakuq runa imaykayuq tikranqan,
23despreciashqa warmi ollquyuq kanqan
y patrönanpa rantin servikuq warmi patröna tikranqan.
24Kay patsachömi chusku ichishaq kaqkunalla alli yachayyuq runakunapitapis mas yachayyuq kayan.
25Tsaykunam kayan ñuyäshukuna (paykunaqa kallpannaq karpis usya tiempum mikuyninkuna churakuyan),
26wishkashkuna (paykunaqa kallpannaq karpis ranrakunachömi wajinkuna rurayan),
27chukllushkuna (paykunam mandaqninkuna rey mana kaptinpis shumaq fïlayllapa puriyan)
28y arashkuna (paykunam fácil achkuy karpis reypa palaciunman yaykuyan).
29Kimsa cösawan juk masmi kayan orgullösu puriqkuna.
30Tsaykunam kayan león (leonqa llapan wätapitapis mas mantsaypaq ni imapitapis manam qeshpintsu),
31pelya gällu,
yayan chïvu
y soldädukunapa puntanta aywaq rey.
32-33Lichi tiktashqata chaqarkurmi bätir mantequïllaman tikratsin.
Jinchi sinyakuptinmi yawar yarqun.
Tsaynöllam pitapis ofendirqa maqanakuyman chan.
Allish tukur mana tantiyakurnin pitapis ofendirqa tsaykunata tantiyay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.