Mateo 13
13
Murukuq runaman Jesús iwalatsinqan
Marcos 4.1-9; Lucas 8.4-8
1Tsay junaqllam wajipita yarquskir Galilea qocha kuchunman Jesús aywarqan. Chaykurmi yachatsikunanpaq jamarqan. 2Jesús yachatsikunqanta wiyayta munarmi atskaq runakuna tsayman qorikäyarqan. Alläpa kichkinakuyaptinnam qocha kuchunchö büquiman lätarkur Jesús jamaykurqan.#Luc. 5.1-3.
3Tsaypitanam imamanpis iwalatsiypa atska yachatsikuykunata yachatsikur nirqan: <<Juk runash trïgu muruq aywanaq. 4Muruta maqtsiptinshi näniman wakin shikwanaq. Tsaytash pishqukuna shamur upshaskiyänaq. 5Wakin kaq murunash shallamaman shikwanaq. Tsaychö allpa mana kaptinshi sas jeqamurpis 6jawan mana kaptin achaywan tsakiskinaq. 7Wakin kaq murunash kashakuna rurinman shikwanaq. Jeqamurpis kashakuna wiñar qopiptinshi qarwatarnin wañuskinaq. 8Peru wakin murunash sïqa alli allpaman shikwanaq. Tsaychö alli wiñämurshi alli espïgayuq kayänaq. Wakin espïgash pachak (100) trïguta wayunaq, wakin espïgash soqta chunka (60) trïguta wayunaq y wakinnash kimsa chunka (30) trïguta wayunaq. 9Rinriyuq kaqkunaqa ninqäkunata wiyakuyätsun>>.
Iwalatsiypa imanir Jesús yachatsikunqan
Marcos 4.10-12; Lucas 8.9-10
10Tsaypitanam discïpulunkuna Jesústa tapuyarqan: <<Taytay, iwalatsiypa imanir yachatsinqaykita tantiyaykatsiyällämay>>.
11Jesúsnam nirqan: <<Qamkunatam Dios Yayapa mandakuynin imanö kanqanta shumaq tantiyatsiyäshayki. Peru wakintaqa manam tantiyatsishaqtsu. 12Yachatsinqäta cäsuqkunaqa masmi tantiyayanqa. Peru mana cäsuqkunam sïqa ichiklla tantiyayanqantapis qonqaskiyanqa.#Mat. 25.29; Mar. 4.25; Luc. 8.18; 19.26. 13Tsaymi imamanpis iwalatsir tantiyatsï. Paykunam rikarpis cuentata qokuyantsu y wiyaykarpis tantiyayantsu. 14Tsaynö kananpaq kanqanta musyarmi profëta Isaías qellqar nirqan:
<<Mayjina wiyarpis manam tantiyayankitsu.
Mayjina rikarpis manam cuentata qokuyankitsu.
15Tsay runakunapa shonqunkunam chukruyashqa.
Rinrinkunam upayashqa.
Ñawinkunam qaprayashqa.
Tsaymi rikäyantsu, wiyayantsu, tantiyayantsu ni arrepentikuyantsu.
Tsaynö kayaptinmi noqapis kutikätsishaqtsu.#13.15 Manam qeshyayllapita kutikätsinanpaqtsu nin, sinöqa ñakaykunapita, llakikuykunapita y jutsa ruraykunapita salvananpaqmi nin.#Isa. 6.9-10.
16<<Peru qamkunatam sïqa Dios Yaya yanapayäshunki rikäyanqaykita y wiyayanqaykita tantiyayänaykipaq. 17Rasun kaqtam niyaq: Unay profëtakunapis y Dios Yaya munanqannö kawaq runakunapis rikäyanqaykita rikayta munarpis manam rikäyarqantsu. Wiyayanqaykita wiyayta munarpis manam wiyayarqantsu.#Luc. 10.23-24.
Murukuqman iwalatsinqanta Jesús tantiyatsinqan
Marcos 4.13-20; Lucas 8.11-15
18<<Murukuq runaman iwalatsiypa yachatsinqäta kanan tantiyatsiyäshayki. 19Trïgu muruqa Dios Yayapa mandakuyninpa willakuyninmi. Wakin runakunaqa chukru näninömi kayan. Tsaymi Dios Yayapa willakuyninta wiyarpis mana chaskikuyaptin Satanás shamur wiyayanqantapis qonqaskatsin.
20<<Wakin runakunaqa shallama chakranömi kayan. Paykunam Diospa willakuyninta wiyar kushishqa chaskiyan. 21Peru kushishqa chaskirpis jawäkuyta mana puëdiq trïgunömi kayan. Tsaymi Diospa palabranta chaskiyanqanpita runakuna chikiyaptin creyikuyninta dëjaskiyan.
22<<Wakin kaq runakunaqa kasha chakranömi kayan. Paykunaqa Diospa willakuyninta wiyarpis kay vïdachö imaykapaq llakikur y rïcu kayllapaq yarpachakurmi Diospa willakuyninta qonqaskir mana wayuq trïgunö kayan.
23<<Peru wakin runakunam sïqa alli allpanö kayan. Paykunam Dios Yayapa willakuyninta chaskir Dios Yaya munanqannö kawakuyan. Tsaymi alli allpachö juk murullapita pachak (100) trïgu o soqta chunka (60) trïgu o kimsa chunka (30) trïgu wayunqannö kayan>>.
Trïguwan ballïcu wiñämunqanpaq Jesús yachatsikunqan
24Tsaypitanam iwalatsiypa yapay yachatsir Jesús nirqan: <<Dios Yayapa mandakuynin imanö kanqanta iwalatsiypa yachatsiyäshayki. Juk runash chakranchö trïguta murunaq. 25Peru murur ushaskiptinnash chikiqnin runa paqasllapa aywaykur trïgu murunqanman ballïcuta maqtsiskinaq. 26Trïgu wiñämurnin espigar qallaykuptinshi ballïcupis wiñamunaq.
27<<Tsayshi serviqninkuna aywaykur patronninta niyänaq: <Taytay, alli akraykur muruykaptikiqa ¿imanöparaq ballïcu jeqamushqa?>
28<<Tsaynö willayaptinshi ninaq: <Mayqanpis chikipämaqnïmi maqtsishqa kanqa>.
<<Serviqninkunash tapur niyänaq: <¿Munankiku tsay ballïcuta llupiyänäta?>
29<<Niyaptinshi ninaq: <Ama llupiyaytsu. Ballïcuta llupirqa trïgutam llupiyanki. 30Siëgayaq tsaychö dëjaykuyay. Sëgaqkunatanam nishaq: <<Puntata ballïcuta qoriskir waykanapaq wankuyay. Peru trïguta sïqa qoriskir qollqäman churayay>> > >>.
Mostäza muruman Jesús iwalatsinqan
Marcos 4.30-32; Lucas 13.18-19
31Mastam iwalatsiypa yachatsikur Jesús nirqan: <<Dios Yayapa mandakuyninqa mostäza muruta juk runa chakranman murunqannömi. 32Llapan murupitapis mas ichiklla kaykarmi wiñämurqa wakin qorakunapitapis mas jatun wiñan. Tsaymi rämankunachö pishqukunapis qeshunkuna rurayan>>.#13.32 Tsay willanqanpaqmi Jesús nirqan: Takshalla murupita mostäza jeqarkamur wiñanqannömi Dios Yayapa mandakuyninpis maytsayman chanqa.
Levadüraman Jesús iwalatsinqan
Lucas 13.20-21
33Iwalatsiypa yapay yachatsikurmi Jesús nirqan: <<Dios Yayapa mandakuyninqa imayka levadüranömi. Tantata rurananpaq ishkay arröbanö jarinaman levadürata wiñaptinmi mäsa atskaman saksan>>.#13.33 Tsaynö willanqanpaqmi Jesús nirqan: Ichiklla levadüra mäsata saksätsinqannömi Dios Yayapa mandakuyninpis maytsayman chanqa.
Imapaq iwalatsiypa Jesús yachatsikunqan
Marcos 4.33-34
34Tsaynömi Jesús imamanpis iwalatsiypa runakunata yachatsirqan. Imamanpis mana iwalatsiypaqa imaypis manam yachatsikurqantsu. 35Tsaynömi yachatsirqan Dios Yayapa profëtan ninqanta cumplinanpaq. Tsay qellqanqanchömi nin:
<<Imamanpis iwalatsiypam yachatsiyäshayki.
Kay patsata kamanqanpita pipis mana tantiyanqankunatam willakushaq>>.#Sal. 78.2.
Ballïcuman iwalatsiypa yachatsinqanta Jesús tantiyatsinqan
36Tsaypitanam runakuna aywakuyänanpaq niskir Jesús juk wajiman yaykuyarqan. Tsaychömi discïpulunkuna rugayarqan ballïcuman iwalatsiypa yachatsinqanta tantiyatsinanpaq.
37Tsaymi Jesús nirqan: <<Trïgu muruqmi Runapa Tsurin. 38Chakraqa entëru patsam. Trïguqa Dios Yayapa mandakuyninchö kawaqkunam. Ballïcuqa Satanás munanqannö kawaqkunam. 39Ballïcuta maqtsiqqa diablum. Cosëchaqa día del juicium. Cosëchata qoriqkunanam angelkuna kayan.
40<<Ballïcuta qoriskir ninaman jitanqannömi día del juiciuchöpis kanqa. 41Día del juiciuchömi angelninkunata Runapa Tsurin kachamunqa jutsa ruratsikuqkunata y jutsa ruraqkunatapis mandakuyninpita qoriskir 42lunyaypa lunyaq ninaman jitaykuyänanpaq. Tsaychömi alläpa waqar kirunkunapis requchyätsirraq ñakayanqa. 43Peru Dios Yaya munanqannö kawaqkunam sïqa Dios Yayapa mandakuyninchö rupaynöraq atsikyäyanqa.#Dan. 12.3. Rinriyuq kaqkunaqa ninqäkunata wiyakuyätsun.
Pamparaq qellayman Jesús iwalatsinqan
44<<Dios Yayapa mandakuyninmi chakrachö qellay pamparaqman iwalan. Juk runash chakrachö maytsika qellay pamparaykaqta tariskinaq. Tsay qellayta tariskirshi kanqallanman pampaykunaq. Tsaypitanash llapan imaykankunata rantikuskir tsay qellay pamparaq chakrata kushishqa rantinaq.#13.44 Tsay willanqanpaqmi Jesús nirqan: Tsay chakrachö tarinqan qellay llapan imaykanpitapis mas alli kanqannömi Diospa mandakuyninman yaykunapaq kanqanpis llapan imaykapitapis mas alli.
Perlaskunaman Jesús iwalatsinqan
45<<Tsaynöllam Dios Yayapa mandakuyninpis kuyakuypaq perlasman iwalan. Juk negociantish allin kaq perlasta rantinanpaq ashinaq. 46Mas allin kaqta tariskirnash llapan imaykankunata rantikuskir tsay perlasta rantinaq>>.#13.46 Tsay willanqanpaqmi Jesús nirqan: Tsay rantinqan perlas llapan imaykanpitapis mas alli kanqannömi Diospa mandakuyninman yaykunapaq kanqanpis llapan imaykantsikpitapis mas alli.
Atarräyaman Jesús iwalatsinqan
47<<Tsaynöllam Dios Yayapa mandakuynin atarräyaman iwalan. Lamarman atarräyata jitarmi imaykaläya pescäduta achkumun. 48Atarräya juntatam lamar kuchunman jipiyan. Tsaychömi alli kaq pescäduta canastaman wiñäyan y mana alli kaqtana jitariyan. 49Tsaynöllam día del juiciuchö angelkuna shamur alli runakunapita jutsa ruraq runakunata rakiyanqa. 50Jutsa ruraq runakunatam lunyaypa lunyaq ninaman jitaykuyanqa. Tsaychömi alläpa waqar kirunkunapis requchyätsirraq ñakayanqa>>.
Maran kaq y mushuq kaq mikuyman Jesús iwalatsinqan
51Tsaynö yachatsikuskirnam discïpulunkunata Jesús tapurqan: <<¿Kay yachatsiyanqaqkunata tantiyayankiku?>>
Paykunanam niyarqan: <<Awmi taytay>>.
52Jesúsnam nirqan: <<Dios Yayapa mandakuyninpita yachatsiq runam maran kaq mikuykunata y tsayraq churashqa kaqkunata jipiskamur qaraqnö kaykan>>.#13.52 Maran kaq mikuykunatam iwalatsin Moisés qellqanqanman y profëtakuna willakuyanqanman. Tsayraq churanqan kaqkunatam iwalatsin Jesucristo yachatsinqanman.
Nazaretchö Jesús willakunqan
Marcos 6.1-6; Lucas 4.16-30
53Imamanpis iwalatsiypa yachatsikuskirnam Jesús tsaypita aywakurqan. 54Markanman chaykur sinagögachö yachatsikuptinmi marka majinkuna mantsakashqa niyarqan: <<Tsaynö yachatsikunanpaq ¿maychöraq yachakamushqa? Tsaynölla ¿imanöparaq milagrukunata ruran? 55Payqa ¿manaku carpintëru Josépa tsurin? Mamanpis ¿manaku María? Wawqinkunapis ¿manaku Santiago, José, Simón y Judas? 56Llapan paninkunapis ¿manaku kaychö täkuyan? Tsayläya yachatsikunanpaqqa ¿maychöraq yachakamushqa?>>
57Tsaynö nirmi Jesús yachatsikunqankunata creyiyarqantsu. Tsaymi Jesús nirqan: <<Wakin markakunachö profëtata chaskiyaptinpis ayllunkuna y marka majinkunaqa manam chaskiyantsu>>.#Juan 4.44.
58Tsaynö mana chaskiyaptinmi juk ishkay milagrukunallata tsaychö rurarqan.
Currently Selected:
Mateo 13: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 13
13
Murukuq runaman Jesús iwalatsinqan
Marcos 4.1-9; Lucas 8.4-8
1Tsay junaqllam wajipita yarquskir Galilea qocha kuchunman Jesús aywarqan. Chaykurmi yachatsikunanpaq jamarqan. 2Jesús yachatsikunqanta wiyayta munarmi atskaq runakuna tsayman qorikäyarqan. Alläpa kichkinakuyaptinnam qocha kuchunchö büquiman lätarkur Jesús jamaykurqan.#Luc. 5.1-3.
3Tsaypitanam imamanpis iwalatsiypa atska yachatsikuykunata yachatsikur nirqan: <<Juk runash trïgu muruq aywanaq. 4Muruta maqtsiptinshi näniman wakin shikwanaq. Tsaytash pishqukuna shamur upshaskiyänaq. 5Wakin kaq murunash shallamaman shikwanaq. Tsaychö allpa mana kaptinshi sas jeqamurpis 6jawan mana kaptin achaywan tsakiskinaq. 7Wakin kaq murunash kashakuna rurinman shikwanaq. Jeqamurpis kashakuna wiñar qopiptinshi qarwatarnin wañuskinaq. 8Peru wakin murunash sïqa alli allpaman shikwanaq. Tsaychö alli wiñämurshi alli espïgayuq kayänaq. Wakin espïgash pachak (100) trïguta wayunaq, wakin espïgash soqta chunka (60) trïguta wayunaq y wakinnash kimsa chunka (30) trïguta wayunaq. 9Rinriyuq kaqkunaqa ninqäkunata wiyakuyätsun>>.
Iwalatsiypa imanir Jesús yachatsikunqan
Marcos 4.10-12; Lucas 8.9-10
10Tsaypitanam discïpulunkuna Jesústa tapuyarqan: <<Taytay, iwalatsiypa imanir yachatsinqaykita tantiyaykatsiyällämay>>.
11Jesúsnam nirqan: <<Qamkunatam Dios Yayapa mandakuynin imanö kanqanta shumaq tantiyatsiyäshayki. Peru wakintaqa manam tantiyatsishaqtsu. 12Yachatsinqäta cäsuqkunaqa masmi tantiyayanqa. Peru mana cäsuqkunam sïqa ichiklla tantiyayanqantapis qonqaskiyanqa.#Mat. 25.29; Mar. 4.25; Luc. 8.18; 19.26. 13Tsaymi imamanpis iwalatsir tantiyatsï. Paykunam rikarpis cuentata qokuyantsu y wiyaykarpis tantiyayantsu. 14Tsaynö kananpaq kanqanta musyarmi profëta Isaías qellqar nirqan:
<<Mayjina wiyarpis manam tantiyayankitsu.
Mayjina rikarpis manam cuentata qokuyankitsu.
15Tsay runakunapa shonqunkunam chukruyashqa.
Rinrinkunam upayashqa.
Ñawinkunam qaprayashqa.
Tsaymi rikäyantsu, wiyayantsu, tantiyayantsu ni arrepentikuyantsu.
Tsaynö kayaptinmi noqapis kutikätsishaqtsu.#13.15 Manam qeshyayllapita kutikätsinanpaqtsu nin, sinöqa ñakaykunapita, llakikuykunapita y jutsa ruraykunapita salvananpaqmi nin.#Isa. 6.9-10.
16<<Peru qamkunatam sïqa Dios Yaya yanapayäshunki rikäyanqaykita y wiyayanqaykita tantiyayänaykipaq. 17Rasun kaqtam niyaq: Unay profëtakunapis y Dios Yaya munanqannö kawaq runakunapis rikäyanqaykita rikayta munarpis manam rikäyarqantsu. Wiyayanqaykita wiyayta munarpis manam wiyayarqantsu.#Luc. 10.23-24.
Murukuqman iwalatsinqanta Jesús tantiyatsinqan
Marcos 4.13-20; Lucas 8.11-15
18<<Murukuq runaman iwalatsiypa yachatsinqäta kanan tantiyatsiyäshayki. 19Trïgu muruqa Dios Yayapa mandakuyninpa willakuyninmi. Wakin runakunaqa chukru näninömi kayan. Tsaymi Dios Yayapa willakuyninta wiyarpis mana chaskikuyaptin Satanás shamur wiyayanqantapis qonqaskatsin.
20<<Wakin runakunaqa shallama chakranömi kayan. Paykunam Diospa willakuyninta wiyar kushishqa chaskiyan. 21Peru kushishqa chaskirpis jawäkuyta mana puëdiq trïgunömi kayan. Tsaymi Diospa palabranta chaskiyanqanpita runakuna chikiyaptin creyikuyninta dëjaskiyan.
22<<Wakin kaq runakunaqa kasha chakranömi kayan. Paykunaqa Diospa willakuyninta wiyarpis kay vïdachö imaykapaq llakikur y rïcu kayllapaq yarpachakurmi Diospa willakuyninta qonqaskir mana wayuq trïgunö kayan.
23<<Peru wakin runakunam sïqa alli allpanö kayan. Paykunam Dios Yayapa willakuyninta chaskir Dios Yaya munanqannö kawakuyan. Tsaymi alli allpachö juk murullapita pachak (100) trïgu o soqta chunka (60) trïgu o kimsa chunka (30) trïgu wayunqannö kayan>>.
Trïguwan ballïcu wiñämunqanpaq Jesús yachatsikunqan
24Tsaypitanam iwalatsiypa yapay yachatsir Jesús nirqan: <<Dios Yayapa mandakuynin imanö kanqanta iwalatsiypa yachatsiyäshayki. Juk runash chakranchö trïguta murunaq. 25Peru murur ushaskiptinnash chikiqnin runa paqasllapa aywaykur trïgu murunqanman ballïcuta maqtsiskinaq. 26Trïgu wiñämurnin espigar qallaykuptinshi ballïcupis wiñamunaq.
27<<Tsayshi serviqninkuna aywaykur patronninta niyänaq: <Taytay, alli akraykur muruykaptikiqa ¿imanöparaq ballïcu jeqamushqa?>
28<<Tsaynö willayaptinshi ninaq: <Mayqanpis chikipämaqnïmi maqtsishqa kanqa>.
<<Serviqninkunash tapur niyänaq: <¿Munankiku tsay ballïcuta llupiyänäta?>
29<<Niyaptinshi ninaq: <Ama llupiyaytsu. Ballïcuta llupirqa trïgutam llupiyanki. 30Siëgayaq tsaychö dëjaykuyay. Sëgaqkunatanam nishaq: <<Puntata ballïcuta qoriskir waykanapaq wankuyay. Peru trïguta sïqa qoriskir qollqäman churayay>> > >>.
Mostäza muruman Jesús iwalatsinqan
Marcos 4.30-32; Lucas 13.18-19
31Mastam iwalatsiypa yachatsikur Jesús nirqan: <<Dios Yayapa mandakuyninqa mostäza muruta juk runa chakranman murunqannömi. 32Llapan murupitapis mas ichiklla kaykarmi wiñämurqa wakin qorakunapitapis mas jatun wiñan. Tsaymi rämankunachö pishqukunapis qeshunkuna rurayan>>.#13.32 Tsay willanqanpaqmi Jesús nirqan: Takshalla murupita mostäza jeqarkamur wiñanqannömi Dios Yayapa mandakuyninpis maytsayman chanqa.
Levadüraman Jesús iwalatsinqan
Lucas 13.20-21
33Iwalatsiypa yapay yachatsikurmi Jesús nirqan: <<Dios Yayapa mandakuyninqa imayka levadüranömi. Tantata rurananpaq ishkay arröbanö jarinaman levadürata wiñaptinmi mäsa atskaman saksan>>.#13.33 Tsaynö willanqanpaqmi Jesús nirqan: Ichiklla levadüra mäsata saksätsinqannömi Dios Yayapa mandakuyninpis maytsayman chanqa.
Imapaq iwalatsiypa Jesús yachatsikunqan
Marcos 4.33-34
34Tsaynömi Jesús imamanpis iwalatsiypa runakunata yachatsirqan. Imamanpis mana iwalatsiypaqa imaypis manam yachatsikurqantsu. 35Tsaynömi yachatsirqan Dios Yayapa profëtan ninqanta cumplinanpaq. Tsay qellqanqanchömi nin:
<<Imamanpis iwalatsiypam yachatsiyäshayki.
Kay patsata kamanqanpita pipis mana tantiyanqankunatam willakushaq>>.#Sal. 78.2.
Ballïcuman iwalatsiypa yachatsinqanta Jesús tantiyatsinqan
36Tsaypitanam runakuna aywakuyänanpaq niskir Jesús juk wajiman yaykuyarqan. Tsaychömi discïpulunkuna rugayarqan ballïcuman iwalatsiypa yachatsinqanta tantiyatsinanpaq.
37Tsaymi Jesús nirqan: <<Trïgu muruqmi Runapa Tsurin. 38Chakraqa entëru patsam. Trïguqa Dios Yayapa mandakuyninchö kawaqkunam. Ballïcuqa Satanás munanqannö kawaqkunam. 39Ballïcuta maqtsiqqa diablum. Cosëchaqa día del juicium. Cosëchata qoriqkunanam angelkuna kayan.
40<<Ballïcuta qoriskir ninaman jitanqannömi día del juiciuchöpis kanqa. 41Día del juiciuchömi angelninkunata Runapa Tsurin kachamunqa jutsa ruratsikuqkunata y jutsa ruraqkunatapis mandakuyninpita qoriskir 42lunyaypa lunyaq ninaman jitaykuyänanpaq. Tsaychömi alläpa waqar kirunkunapis requchyätsirraq ñakayanqa. 43Peru Dios Yaya munanqannö kawaqkunam sïqa Dios Yayapa mandakuyninchö rupaynöraq atsikyäyanqa.#Dan. 12.3. Rinriyuq kaqkunaqa ninqäkunata wiyakuyätsun.
Pamparaq qellayman Jesús iwalatsinqan
44<<Dios Yayapa mandakuyninmi chakrachö qellay pamparaqman iwalan. Juk runash chakrachö maytsika qellay pamparaykaqta tariskinaq. Tsay qellayta tariskirshi kanqallanman pampaykunaq. Tsaypitanash llapan imaykankunata rantikuskir tsay qellay pamparaq chakrata kushishqa rantinaq.#13.44 Tsay willanqanpaqmi Jesús nirqan: Tsay chakrachö tarinqan qellay llapan imaykanpitapis mas alli kanqannömi Diospa mandakuyninman yaykunapaq kanqanpis llapan imaykapitapis mas alli.
Perlaskunaman Jesús iwalatsinqan
45<<Tsaynöllam Dios Yayapa mandakuyninpis kuyakuypaq perlasman iwalan. Juk negociantish allin kaq perlasta rantinanpaq ashinaq. 46Mas allin kaqta tariskirnash llapan imaykankunata rantikuskir tsay perlasta rantinaq>>.#13.46 Tsay willanqanpaqmi Jesús nirqan: Tsay rantinqan perlas llapan imaykanpitapis mas alli kanqannömi Diospa mandakuyninman yaykunapaq kanqanpis llapan imaykantsikpitapis mas alli.
Atarräyaman Jesús iwalatsinqan
47<<Tsaynöllam Dios Yayapa mandakuynin atarräyaman iwalan. Lamarman atarräyata jitarmi imaykaläya pescäduta achkumun. 48Atarräya juntatam lamar kuchunman jipiyan. Tsaychömi alli kaq pescäduta canastaman wiñäyan y mana alli kaqtana jitariyan. 49Tsaynöllam día del juiciuchö angelkuna shamur alli runakunapita jutsa ruraq runakunata rakiyanqa. 50Jutsa ruraq runakunatam lunyaypa lunyaq ninaman jitaykuyanqa. Tsaychömi alläpa waqar kirunkunapis requchyätsirraq ñakayanqa>>.
Maran kaq y mushuq kaq mikuyman Jesús iwalatsinqan
51Tsaynö yachatsikuskirnam discïpulunkunata Jesús tapurqan: <<¿Kay yachatsiyanqaqkunata tantiyayankiku?>>
Paykunanam niyarqan: <<Awmi taytay>>.
52Jesúsnam nirqan: <<Dios Yayapa mandakuyninpita yachatsiq runam maran kaq mikuykunata y tsayraq churashqa kaqkunata jipiskamur qaraqnö kaykan>>.#13.52 Maran kaq mikuykunatam iwalatsin Moisés qellqanqanman y profëtakuna willakuyanqanman. Tsayraq churanqan kaqkunatam iwalatsin Jesucristo yachatsinqanman.
Nazaretchö Jesús willakunqan
Marcos 6.1-6; Lucas 4.16-30
53Imamanpis iwalatsiypa yachatsikuskirnam Jesús tsaypita aywakurqan. 54Markanman chaykur sinagögachö yachatsikuptinmi marka majinkuna mantsakashqa niyarqan: <<Tsaynö yachatsikunanpaq ¿maychöraq yachakamushqa? Tsaynölla ¿imanöparaq milagrukunata ruran? 55Payqa ¿manaku carpintëru Josépa tsurin? Mamanpis ¿manaku María? Wawqinkunapis ¿manaku Santiago, José, Simón y Judas? 56Llapan paninkunapis ¿manaku kaychö täkuyan? Tsayläya yachatsikunanpaqqa ¿maychöraq yachakamushqa?>>
57Tsaynö nirmi Jesús yachatsikunqankunata creyiyarqantsu. Tsaymi Jesús nirqan: <<Wakin markakunachö profëtata chaskiyaptinpis ayllunkuna y marka majinkunaqa manam chaskiyantsu>>.#Juan 4.44.
58Tsaynö mana chaskiyaptinmi juk ishkay milagrukunallata tsaychö rurarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.