Malaquías 4
4
Dios Yaya juzganan junaq chämunanpaq ninqan
1 1 (3.19) Llapanta mandaq Dios Yayam nin: <<Ichikllanam faltan juzganä junaq chämunanpaq. Tsay junaqqa imayka lunyaypa lunyar oqshata nina rupaqnömi llapan allish tukuqkunata y mana alli ruraqkunata ushakätsishaq. 2 2 (3.20) Peru qamkuna noqapita mantsakuqkunapaqmi sïqa rupay yarqamuqnö salvación shamunqa. Salvacionta chaskirmi imayka becërrukuna tushuqnöraq kushishqa saltaykachäyanki. 3 3 (3.21) Juzganä junaq chämuptinmi mana alli runakunata venciskir uchpatanö jarur ushayanki. Noqa llapanta mandaq Dios Yayam tsaynö nï>>.
Profëta Elíasta mandamunanpaq Dios Yaya ninqan
4 4 (3.22) Dios Yayam nin: <<Servimaqnï Moisésta Horeb jirkachö#Éxo. 19.16—20.20; 24.1-17; Deut. 5.1-3. entreganqä leynïkunata imaypis ama qonqayaytsu. Tsay leynïkunawan mandamientükunaqa llapan Israel runakunapaqmi.
5 5 (3.23) <<Juzganä junaqmi alläpa mantsakaypaq kanqa. Tsay junaq manaraq chämuptinmi profëta Elíasta qamkunaman kachamushaq.#1Rey. 17—21; 2Rey. 2.1-12; Mat. 11.14; 17.10-13; Mar. 9.11-13; Juan 1.21. 6 6 (3.24) Pay willakuptinmi mamanpis wawankunawan y taytanpis tsurinkunawan amistayanqa. Tsurinkunapis taytanwan y mamanwan amistayanqa.#Luc. 1.17. Mana amistayaptinqa shamunqä höram nacionninkunata ushakätsishaq>>.
Currently Selected:
Malaquías 4: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.