Lucas 23
23
Pilatuman Jesústa apayanqan
Mateo 27.1-2, 11-14; Marcos 15.1-5; Juan 18.28-38
1Tsaypitanam Pilatuman llapan autoridäkuna Jesústa apayarqan. 2Tsaychönam Jesústa acusarnin niyarqan: <<Kay runatam tariyashkä nacionnintsikpa contran shäriyänanpaq runakunata willaykaqta. Manam munantsu impuestuta mandakuq Césarpaq pägayänantapis. Tsaynöllam nikan Cristo kar rey kanqanta>>.
3Tsaynam Jesústa Pilato tapurqan: <<¿Rasunpaku Israel runakunapa mandakuqnin rey kanki?>>
Jesúsnam nirqan: <<Rasun kaqtam nikanki>>.
4Tsaynam mandakuq sacerdötikunatawan tsaychö qorikashqa runakunata Pilato nirqan: <<Kay runapa ima jutsantapis manam tarïtsu>>.
5Peru tsaynö niptinmi masraq niyarqan: <<¡Kay runaqa autoridäkunapa contran shäriyänanpaqmi runakunata yachaykätsin! Galileapita qallaykurmi kananqa kay Judeachöna yachaykätsin>>.
Herodesman Jesústa apayanqan
6Tsayta wiyaykurmi Pilato tapurqan: <<¿Kay runaqa Galileapitaku?>>
7<<Awmi>> niyaptinnam Galileachö mandakuq Herodes juzgananpaq Jesústa apatsirqan. Tsay junaqkunam Herodespis Jerusalénchö kaykarqan.
8Jesúspaq parlayanqanta wiyashqa karmi y milagrukuna ruraqta rikayta munar Herodesqa unaypitana reqiyta munarqan. Tsaymi Jesústa chäratsiyaptin alläpa kushikurqan. 9Herodes yapay yapay tapuptinpis Jesúsqa manam ni imata parlakurqantsu. 10Tsaychömi mandakuq sacerdötikuna y ley yachatsikuqkuna Jesúspa contran imaykata niyarqan. 11Tsaynam reypa cäpanta ashqurkatsir soldädunkunawan Herodes asiparnin burlakuyarqan. Tsaypitanam Pilatuman yapay kutitsirqan. 12Tsay junaqmi Herodeswan Pilato chikinakuyanqanpita amistayarqan.
Jesústa wañutsiyänanpaq Pilato mandanqan
Mateo 27.15-26; Marcos 15.6-15; Juan 18.39—19.16
13Tsaypitanam mandakuq sacerdötikunata, autoridäkunata y llapan runakunata qayaskatsir 14Pilato nirqan: <<Kay runatam apayämushkanki: <Autoridäkunapa contran shäriyänanpaqmi runakunata yachatsin> nir. Peru puntaykikunachö tapur manam ima jutsantapis acusayanqaykinöqa tarishkätsu. 15Herodespis jutsanta mana tarirmi kayman kutitsimushqa. Kay runa wañunanpaqnöqa manam ni ima mana allitapis rurashqatsu. 16Tsaymi astaykatsirlla kachaykushaq>>.
17[Cada watam Pascuachö Pilatuqa juk prësuta qarquq.]#Mat. 27.15; Mar. 15.6. 18Jesústa qarquyta munaptinmi llapan runakuna juk shimilla qayaykachar niyarqan: <<¡Tsay runaqa wañutsun! ¡Barrabásta qarquy!>>
19Barrabásqa carcelchö qaykurarqan gobiernupa contran Jerusalénchö shärinqanpita y wañutsikunqanpitam.
20Tsaymi runakunata Pilato yapay nirqan Jesústa qarqunanpaq. 21Peru masraqmi qayaykachar niyarqan: <<¡Crucificay! ¡Crucificay!>>
22Pilatunam yapay nirqan: <<¿Ima mana allitatan rurashqa? Wañunanpaqqa manam ni ima jutsantapis tarïtsu. Tsaymi astaykatsirlla qarqushaq>>.
23Peru crucificänanta munarmi mas jinchi qayaykachäyarqan. [Mandakuq sacerdötikuna y] runakuna tsaynö qayaykachäyaptinmi Pilato änirqan. 24Tsaymi runakuna mañakuyanqannö Jesústa wañutsiyänanpaq kachaykurqan. 25Gobiernupa contran shärishqa kaykaptin y wañutsikushqa kaykaptinpis runakuna munayanqannömi Barrabásta qarqurqan. Jesústanam wañutsiyänanpaq entregarqan.
Jesústa crucificäyanqan
Mateo 27.32-44; Marcos 15.21-32; Juan 19.17-27
26Jesústa crucificaq apaykäyaptinmi Simón shutiyuq runa chakrapita kutiykämurqan. Paymi Cirene nacionpita karqan. Paytam mandayarqan Jesús apaykanqan cruzta matankarkur Jesúspa qepanta aywananpaq.
27Maytsikaq runakunam Jesúspa qepanta aywayarqan. Paykunawanmi atskaq warmikunapis alläpa llakikur waqarnin aywayarqan. 28Peru Jesúsnam tumaykur nirqan: <<Jerusalén warmikuna, ama noqapaqqa waqayaytsu, sinöqa kikikikunapaq y wamraykikunapaq waqayay. 29Alläpa ñakay junaqkunam chämunqa. Tsay witsaymi runakuna niyanqa: <¡Ima kushishqaraq kayan qolluq warmikuna y llulluta mana chuchuq warmikuna!> 30Tsay witsaymi runakuna alläpa ñakar jirkakunata niyanqa: <¡Juklla janäkunaman juchumur ushakaskatsiyämay!> Tsaynöllam qaqakunatapis niyanqa: <¡Juklla qopiskayämay!>#Ose. 10.8. 31Kawaykaq jachata kaynö ruraykarqa tsakishqa jachataqa ¡imataraq rurayanqa!>>#23.31 Tsaynö Jesús nirqan: Jutsannaq kaykaptï kaynö ñakaykätsiyämarqa ¡imanöraq qamkunata y wakin Israel runakunata sufritsiyäshunki!
32Jesústawan crucificäyänanpaqmi ishkaq jutsasapakunatapis apayarqan. 33Calavëra niyanqan sitiuman chaykatsirmi Jesústa crucificäyarqan. Apayanqan jutsasapakunatam jukaqta derëcha lädunman y jukaqtana itsuq lädunman crucificäyarqan.
34[Jesúsnam nirqan: <<Taytallä, kay runakunata perdonaykuy. Manam ni imata ruraykäyanqantapis musyayantsu>>.]
Soldädukunanam Jesúspa llatapanta apayänanpaq sortiyayarqan.#Sal. 22.18.
35Tsaychö runakuna rikaraykäyaptinmi autoridäkuna Jesústa burlakurnin niyarqan: <<Dios Yaya akranqan Cristo kaykarqa jukta salvanqannölla mä kanan kikinpis salvakutsun>>.
36Tsaynöllam soldädukunapis burlakurnin puchquq vïnuta upyatsiyta munar 37niyarqan: <<Israel runakunapa mandakuqnin rey kaykarqa mä kikiki salvakuy>>.
38Cruzpa puntanchömi juk letrëru nirqan: <<Kay runam Israel runakunapa mandakuqnin rey>>. [Tsayqa qellqashqa karqan griëguchö, latínchö y hebreo idiömakunachömi.#Juan 19.20.]
39Tsaynöllam crucificashqa jukaq runapis Jesústa burlakur nirqan: <<Dios Yaya mandamunqan Cristo karqa mä kikiki salvakuskir noqakunatapis salvayämay>>.
40Peru jukaqnam piñapar nirqan: <<Qampis paynö kayläya ñakaychö kaykarqa ¿manaku Diospita mantsakunki? 41Noqantsikqa mana allita ruranqantsikpitam ñakaykantsik. Peru kay runaqa manam ni ima mana allitapis rurashqatsu>>.
42Tsaypitanam Jesústa nirqan: <<Mandakuynikichö kaykar noqalläta yarpaykallämanki>>.
43Jesúsnam nirqan: <<Rasun kaqtam niq: Kananpitaqa noqawanmi paraísuchö kanki>>.
Jesús wañunqan
Mateo 27.45-56; Marcos 15.33-41; Juan 19.28-30
44Pullan junaqpita las tresyaqmi patsa tutapaskirqan. 45Rupaypis manam atsikyarqantsu. Tsay höram templu rurinchö cortïnapis pullanpa rachiskirqan.#23.45 Templu rurinchö cortïnam Lugar Santïsimuman pipis mana yaykunanpaq tsapararqan. Tsaypaq masta musyanaykipaq liyinki Éxo. 26.31-33; Heb. 9.1-10; 10.19-20. 46Jesúsnam qayaraypa nirqan: <<¡Taytallä! ¡Makikimanmi almalläta churaykamü!>>#Sal. 31.5. Tsaynö niskirnam wañuskirqan.
47Tsaykunata rikaykurmi soldädukunapa capitannin Dios Yayata alabar nirqan: <<¡Rasunpam kay runaqa jutsannaq kashqa!>>
48Tsaychö kaykaq llapan runakunanam alläpa llakikuywan pëchunkunatapis kutarraq kutikuyarqan.#23.48 Tsay witsay runakunam imapitapis llakikurnin pësakur pëchunkunata kutakuyaq. 49Jesústa reqiqnin runakunanam karullapita alläpa llakishqa rikaraykäyarqan. Paykunawanmi Galileapita qatirnin shamuq warmikunapis kaykäyarqan.
Jesústa pampayanqan
Mateo 27.57-61; Marcos 15.42-47; Juan 19.38-42
50Juk runam José shutiyuq karqan. Payqa Israel runakunapa autoridänin y Dios Yaya munanqannö kawaq runam karqan. 51Judeachö Arimatea markapitam karqan. Paypis Dios Yayapa mandakuynintam shuyaraykarqan. Autoridä majinkuna Jesústa wañutsiyänanpaq parlayaptinpis manam munarqantsu. 52Paymi Pilatuman aywarnin rugakur nirqan: <<Jesúspa ayanta pampanäpaq dëjapaykallämay>>.
53Äniskiptinnam Jesúspa ayanta cruzpita jipiskir lïnu säbanaswan piturqan. Tsaypitanam manaraq pitapis pampayanqan qaqachö uchkushqa sepultüraman pamparqan. 54Tsaynö pamparqan jamay junaqpaq alistakuyänan junaq ushaykaptinnam. Jamay junaq qallananpaqnam kaykarqan.#23.54 Israel runakunapaqqa waran waran qallaq seis de la tardim.
55Galileapita Jesúswan paqta shamuq warmikunanam Josépa qepanta aywar rikäyarqan sepultüra maychö kanqanta y Jesúspa cuerpunta imanö churayanqanta. 56Tsaypita wajinkunaman kutiskirnam mushkuq jachakunatawan perfümikunata previniyarqan Jesúspa ayanta shupayänanpaq. Jamay junaq kaptinmi mandamientu ninqannö jamayarqan.
Currently Selected:
Lucas 23: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Lucas 23
23
Pilatuman Jesústa apayanqan
Mateo 27.1-2, 11-14; Marcos 15.1-5; Juan 18.28-38
1Tsaypitanam Pilatuman llapan autoridäkuna Jesústa apayarqan. 2Tsaychönam Jesústa acusarnin niyarqan: <<Kay runatam tariyashkä nacionnintsikpa contran shäriyänanpaq runakunata willaykaqta. Manam munantsu impuestuta mandakuq Césarpaq pägayänantapis. Tsaynöllam nikan Cristo kar rey kanqanta>>.
3Tsaynam Jesústa Pilato tapurqan: <<¿Rasunpaku Israel runakunapa mandakuqnin rey kanki?>>
Jesúsnam nirqan: <<Rasun kaqtam nikanki>>.
4Tsaynam mandakuq sacerdötikunatawan tsaychö qorikashqa runakunata Pilato nirqan: <<Kay runapa ima jutsantapis manam tarïtsu>>.
5Peru tsaynö niptinmi masraq niyarqan: <<¡Kay runaqa autoridäkunapa contran shäriyänanpaqmi runakunata yachaykätsin! Galileapita qallaykurmi kananqa kay Judeachöna yachaykätsin>>.
Herodesman Jesústa apayanqan
6Tsayta wiyaykurmi Pilato tapurqan: <<¿Kay runaqa Galileapitaku?>>
7<<Awmi>> niyaptinnam Galileachö mandakuq Herodes juzgananpaq Jesústa apatsirqan. Tsay junaqkunam Herodespis Jerusalénchö kaykarqan.
8Jesúspaq parlayanqanta wiyashqa karmi y milagrukuna ruraqta rikayta munar Herodesqa unaypitana reqiyta munarqan. Tsaymi Jesústa chäratsiyaptin alläpa kushikurqan. 9Herodes yapay yapay tapuptinpis Jesúsqa manam ni imata parlakurqantsu. 10Tsaychömi mandakuq sacerdötikuna y ley yachatsikuqkuna Jesúspa contran imaykata niyarqan. 11Tsaynam reypa cäpanta ashqurkatsir soldädunkunawan Herodes asiparnin burlakuyarqan. Tsaypitanam Pilatuman yapay kutitsirqan. 12Tsay junaqmi Herodeswan Pilato chikinakuyanqanpita amistayarqan.
Jesústa wañutsiyänanpaq Pilato mandanqan
Mateo 27.15-26; Marcos 15.6-15; Juan 18.39—19.16
13Tsaypitanam mandakuq sacerdötikunata, autoridäkunata y llapan runakunata qayaskatsir 14Pilato nirqan: <<Kay runatam apayämushkanki: <Autoridäkunapa contran shäriyänanpaqmi runakunata yachatsin> nir. Peru puntaykikunachö tapur manam ima jutsantapis acusayanqaykinöqa tarishkätsu. 15Herodespis jutsanta mana tarirmi kayman kutitsimushqa. Kay runa wañunanpaqnöqa manam ni ima mana allitapis rurashqatsu. 16Tsaymi astaykatsirlla kachaykushaq>>.
17[Cada watam Pascuachö Pilatuqa juk prësuta qarquq.]#Mat. 27.15; Mar. 15.6. 18Jesústa qarquyta munaptinmi llapan runakuna juk shimilla qayaykachar niyarqan: <<¡Tsay runaqa wañutsun! ¡Barrabásta qarquy!>>
19Barrabásqa carcelchö qaykurarqan gobiernupa contran Jerusalénchö shärinqanpita y wañutsikunqanpitam.
20Tsaymi runakunata Pilato yapay nirqan Jesústa qarqunanpaq. 21Peru masraqmi qayaykachar niyarqan: <<¡Crucificay! ¡Crucificay!>>
22Pilatunam yapay nirqan: <<¿Ima mana allitatan rurashqa? Wañunanpaqqa manam ni ima jutsantapis tarïtsu. Tsaymi astaykatsirlla qarqushaq>>.
23Peru crucificänanta munarmi mas jinchi qayaykachäyarqan. [Mandakuq sacerdötikuna y] runakuna tsaynö qayaykachäyaptinmi Pilato änirqan. 24Tsaymi runakuna mañakuyanqannö Jesústa wañutsiyänanpaq kachaykurqan. 25Gobiernupa contran shärishqa kaykaptin y wañutsikushqa kaykaptinpis runakuna munayanqannömi Barrabásta qarqurqan. Jesústanam wañutsiyänanpaq entregarqan.
Jesústa crucificäyanqan
Mateo 27.32-44; Marcos 15.21-32; Juan 19.17-27
26Jesústa crucificaq apaykäyaptinmi Simón shutiyuq runa chakrapita kutiykämurqan. Paymi Cirene nacionpita karqan. Paytam mandayarqan Jesús apaykanqan cruzta matankarkur Jesúspa qepanta aywananpaq.
27Maytsikaq runakunam Jesúspa qepanta aywayarqan. Paykunawanmi atskaq warmikunapis alläpa llakikur waqarnin aywayarqan. 28Peru Jesúsnam tumaykur nirqan: <<Jerusalén warmikuna, ama noqapaqqa waqayaytsu, sinöqa kikikikunapaq y wamraykikunapaq waqayay. 29Alläpa ñakay junaqkunam chämunqa. Tsay witsaymi runakuna niyanqa: <¡Ima kushishqaraq kayan qolluq warmikuna y llulluta mana chuchuq warmikuna!> 30Tsay witsaymi runakuna alläpa ñakar jirkakunata niyanqa: <¡Juklla janäkunaman juchumur ushakaskatsiyämay!> Tsaynöllam qaqakunatapis niyanqa: <¡Juklla qopiskayämay!>#Ose. 10.8. 31Kawaykaq jachata kaynö ruraykarqa tsakishqa jachataqa ¡imataraq rurayanqa!>>#23.31 Tsaynö Jesús nirqan: Jutsannaq kaykaptï kaynö ñakaykätsiyämarqa ¡imanöraq qamkunata y wakin Israel runakunata sufritsiyäshunki!
32Jesústawan crucificäyänanpaqmi ishkaq jutsasapakunatapis apayarqan. 33Calavëra niyanqan sitiuman chaykatsirmi Jesústa crucificäyarqan. Apayanqan jutsasapakunatam jukaqta derëcha lädunman y jukaqtana itsuq lädunman crucificäyarqan.
34[Jesúsnam nirqan: <<Taytallä, kay runakunata perdonaykuy. Manam ni imata ruraykäyanqantapis musyayantsu>>.]
Soldädukunanam Jesúspa llatapanta apayänanpaq sortiyayarqan.#Sal. 22.18.
35Tsaychö runakuna rikaraykäyaptinmi autoridäkuna Jesústa burlakurnin niyarqan: <<Dios Yaya akranqan Cristo kaykarqa jukta salvanqannölla mä kanan kikinpis salvakutsun>>.
36Tsaynöllam soldädukunapis burlakurnin puchquq vïnuta upyatsiyta munar 37niyarqan: <<Israel runakunapa mandakuqnin rey kaykarqa mä kikiki salvakuy>>.
38Cruzpa puntanchömi juk letrëru nirqan: <<Kay runam Israel runakunapa mandakuqnin rey>>. [Tsayqa qellqashqa karqan griëguchö, latínchö y hebreo idiömakunachömi.#Juan 19.20.]
39Tsaynöllam crucificashqa jukaq runapis Jesústa burlakur nirqan: <<Dios Yaya mandamunqan Cristo karqa mä kikiki salvakuskir noqakunatapis salvayämay>>.
40Peru jukaqnam piñapar nirqan: <<Qampis paynö kayläya ñakaychö kaykarqa ¿manaku Diospita mantsakunki? 41Noqantsikqa mana allita ruranqantsikpitam ñakaykantsik. Peru kay runaqa manam ni ima mana allitapis rurashqatsu>>.
42Tsaypitanam Jesústa nirqan: <<Mandakuynikichö kaykar noqalläta yarpaykallämanki>>.
43Jesúsnam nirqan: <<Rasun kaqtam niq: Kananpitaqa noqawanmi paraísuchö kanki>>.
Jesús wañunqan
Mateo 27.45-56; Marcos 15.33-41; Juan 19.28-30
44Pullan junaqpita las tresyaqmi patsa tutapaskirqan. 45Rupaypis manam atsikyarqantsu. Tsay höram templu rurinchö cortïnapis pullanpa rachiskirqan.#23.45 Templu rurinchö cortïnam Lugar Santïsimuman pipis mana yaykunanpaq tsapararqan. Tsaypaq masta musyanaykipaq liyinki Éxo. 26.31-33; Heb. 9.1-10; 10.19-20. 46Jesúsnam qayaraypa nirqan: <<¡Taytallä! ¡Makikimanmi almalläta churaykamü!>>#Sal. 31.5. Tsaynö niskirnam wañuskirqan.
47Tsaykunata rikaykurmi soldädukunapa capitannin Dios Yayata alabar nirqan: <<¡Rasunpam kay runaqa jutsannaq kashqa!>>
48Tsaychö kaykaq llapan runakunanam alläpa llakikuywan pëchunkunatapis kutarraq kutikuyarqan.#23.48 Tsay witsay runakunam imapitapis llakikurnin pësakur pëchunkunata kutakuyaq. 49Jesústa reqiqnin runakunanam karullapita alläpa llakishqa rikaraykäyarqan. Paykunawanmi Galileapita qatirnin shamuq warmikunapis kaykäyarqan.
Jesústa pampayanqan
Mateo 27.57-61; Marcos 15.42-47; Juan 19.38-42
50Juk runam José shutiyuq karqan. Payqa Israel runakunapa autoridänin y Dios Yaya munanqannö kawaq runam karqan. 51Judeachö Arimatea markapitam karqan. Paypis Dios Yayapa mandakuynintam shuyaraykarqan. Autoridä majinkuna Jesústa wañutsiyänanpaq parlayaptinpis manam munarqantsu. 52Paymi Pilatuman aywarnin rugakur nirqan: <<Jesúspa ayanta pampanäpaq dëjapaykallämay>>.
53Äniskiptinnam Jesúspa ayanta cruzpita jipiskir lïnu säbanaswan piturqan. Tsaypitanam manaraq pitapis pampayanqan qaqachö uchkushqa sepultüraman pamparqan. 54Tsaynö pamparqan jamay junaqpaq alistakuyänan junaq ushaykaptinnam. Jamay junaq qallananpaqnam kaykarqan.#23.54 Israel runakunapaqqa waran waran qallaq seis de la tardim.
55Galileapita Jesúswan paqta shamuq warmikunanam Josépa qepanta aywar rikäyarqan sepultüra maychö kanqanta y Jesúspa cuerpunta imanö churayanqanta. 56Tsaypita wajinkunaman kutiskirnam mushkuq jachakunatawan perfümikunata previniyarqan Jesúspa ayanta shupayänanpaq. Jamay junaq kaptinmi mandamientu ninqannö jamayarqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.