Lucas 21
21
Waktsa viüda ofrendata churanqan
Marcos 12.41-44
1Tsaypitanam templuchö Jesús rikaraykarqan ofrenda wiñäyänan cäjaman rïcu runakuna ofrendata wiñäyaqta. 2Tsaynöllam rikarqan juk waktsa viüdapis ishkay centävullata wiñaqta. 3Tsaynam Jesús nirqan: <<Rasun kaqtam niyaq: Kay waktsa viüdam llapanpitapis mas atskata wiñashqa. 4Wakin kaqkunaqa sobraqllatam wiñäyashqa. Peru kay viüdam sïqa tsaylla rantipakunanpaq kaykaptinpis llapanta wiñashqa>>.
Templuta juchutsiyänanpaq kanqanta Jesús willakunqan
Mateo 24.1-2; Marcos 13.1-2
5Templu perqaraq rumikuna kuyakuypaq kanqanta y Diospa qarayninkunawan adornashqa kanqanta parlayaptinmi Jesús nirqan: 6<<Kay llapan rikäyanqaykitam jankat juchutsiyanqa. Manam ni juk rumillapis perqaraykar quëdanqatsu>>.
Manaraq kutimuptin imanö kananpaq Jesús ninqan
Mateo 24.3-28; Marcos 13.3-23
7Tsaynam Jesústa tapuyarqan: <<Rabí, ¿imaytan ninqaykinö kanqa? Tsaynö kananpaq ¿ima señaltan kanqa?>>
8Jesúsnam nirqan: <<Cuidädutaq pipis engañayäshunkiman. Atskaqmi shutïchö shamur niyanqa: <Noqam Cristo kä> y <kay patsa ushakanqanam>. Peru tsaynö niyäshuptikipis ama creyiyankitsu. 9Guërra kanqanta y wañutsinakuy kanqanta musyarpis ama mantsakäyaytsu. Puntataqa tsaykunaraqmi kanqa. Tsaynö kaptinpis kay patsaqa manaraqmi ushakanqaraqtsu>>.
10Mastam Jesús nirqan: <<Juk nacionmi jukaq nacionwan guërrata rurayanqa y jukaq marka runakunam juk marka runakunawan wañutsinakuyanqa. 11Patsapis mantsakaypaqmi kuyunqa. Mallaqaypis pestipis maytsaychömi kanqa. Ciëluchöpis mantsakaypaq señalkunatam rikäyanqa.
12<<Peru tsaykuna manaraq päsaptinmi qatikachäyäshurniki prësu achkuyäshunki. Sinagögakunaman apaykurmi juzgayäshurniki carcelman qaykatsiyäshunki. Noqa raykum mandakuq reykunaman y gobernadorkunaman prësu apayäshunki. 13Tsaynöpam willakuynïta paykunatapis willayanki. 14Tsaychö imata parlayänaykipaqpis ama yarpachakuyaytsu. 15Noqam imata parlayänaykipaqpis tantiyatsiyäshayki. Tsaymi chikiyäshuqnikikunapis ni imapita acusayäshunkitsu.
16<<Qamkunapa contraykikunam shäriyanqa mamaykikuna, taytaykikuna, wawqikikuna, aylluykikuna y amïguykikunapis. Wakikitanam wañutsiyäshunki. 17Noqa raykum pïmaypis chikiyäshunki. 18Peru tsaynö kaptinpis Dios Yaya manam dëjayäshunkitsu. Manam ni juk aqtsaykikunallapis oqrakanqatsu. 19Imanö ñakarpis noqaman creyikamurmi salvakäyanki.
20<<Soldädukuna Jerusalénta tumat täparaqta rikarmi ushakänanpaqna kanqanta musyayanki. 21Tsaynö kaykaqta rikar Judea markakunachö täkuqkuna jirkakunapa qeshpir aywakuyätsun. Jerusalénchö täkuqkunapis qeshpir aywakuyätsun. Chakrakunapa yarqushqa kaqkunapis markaman ama kutiyätsuntsu. 22Tsay junaqkuna alläpa castïgu kaptinmi Dios Yayapa palabranchö ninqankuna llapan cumplinqa.
23<<¡Allaw, imanöraq ñakayanqa qeshyaq warmikuna y llullu wawayuq warmikuna! Maytsaychöpis Israel runakunata Dios Yaya castigaptinmi alläpa ñakayanqa. 24Wakintam espädawan wañutsiyanqa y wakintanam maytsay nacionkunapa prësu apayanqa. Dios Yayata mana cäsuq runakunam Jerusalénta poderninchö katsiyanqa hasta Dios Yaya dispöninqan tiempu cumplinqanyaq.
Jesucristo kay patsaman kutimunanpaq kanqan
Mateo 24.29-31; Marcos 13.24-27
25<<Rupaypis, killapis y qoyllurkunapis mantsaypaqmi kayanqa. Kay patsachö lamar alläpa mantsakaypaq qayarar laqchikaptinmi mantsakaywan llakikur ni imanö kayta puëdiyanqatsu. 26Ciëlupis tsuktsukyaptinmi kay patsata imapis päsananpaq kanqanta yarpar mantsakaywan desmayäyanqa. 27Tsaypitanam runakuna rikäyanqa Runapa Tsurin pukutay jananchö chipakyarraq alläpa poderösu kayninwan shamuykaqta.#Dan. 7.13. 28Tsay llapan niyanqaqkuna qallaykuptin valorakurnin kushikuyay. Tsaykunata rikarmi musyayanki ñakaykunapita Dios Yaya salvayäshunaykipaq kanqanta>>.
29Tsaynöllam iwalatsiypa yachatsikur Jesús nirqan: <<Hïgus jachata y wakin jachata rikar tantiyayay. 30Raprankuna tseqllimuqta rikarmi usya tiempu qallananpaqna kanqanta musyayanki. 31Tsaynöllam niyanqaqnö päsanqanta rikar musyayanki Dios Yayapa mandakuynin cercachöna kanqanta. 32Rasun kaqtam niyaq: Kanan tiempu runakuna manaraq ushakäyaptinmi llapan niyanqaqkuna cumplinqa. 33Ciëluwan kay patsa ushakaptinpis noqa ninqäkunaqa manam ushakanqatsu.
34<<Cuidädutaq tsay junaq illaqpita shamur tariyäshunkiman jutsata ruraykäyaqta, machashqata y imaykayuqpis kayänaykipaq yarpachakur chukru shonqu kaykäyaqta. 35Imayka trampanömi entëru munduchö runakunatapis tsay junaq illaqpita achkunqa. 36Tsaynö kananpaq kaykaptinqa Dios Yayaman imaypis mañakur shuyaraykäyay. Tsaynöpam shamunanpaq ñakaykunapita qeshpir Runapa Tsurinpa puntanchö kushishqa kayanki>>.
37Junaqpam templuchö Jesús yachatsiq y tardipanam Olivos lömaman aywaq tsaychö quëdakunanpaq. 38Jesús yachatsikunqanta wiyayänanpaqmi tsaka tsakallana llapan runakuna templuman aywayaq.
Currently Selected:
Lucas 21: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Lucas 21
21
Waktsa viüda ofrendata churanqan
Marcos 12.41-44
1Tsaypitanam templuchö Jesús rikaraykarqan ofrenda wiñäyänan cäjaman rïcu runakuna ofrendata wiñäyaqta. 2Tsaynöllam rikarqan juk waktsa viüdapis ishkay centävullata wiñaqta. 3Tsaynam Jesús nirqan: <<Rasun kaqtam niyaq: Kay waktsa viüdam llapanpitapis mas atskata wiñashqa. 4Wakin kaqkunaqa sobraqllatam wiñäyashqa. Peru kay viüdam sïqa tsaylla rantipakunanpaq kaykaptinpis llapanta wiñashqa>>.
Templuta juchutsiyänanpaq kanqanta Jesús willakunqan
Mateo 24.1-2; Marcos 13.1-2
5Templu perqaraq rumikuna kuyakuypaq kanqanta y Diospa qarayninkunawan adornashqa kanqanta parlayaptinmi Jesús nirqan: 6<<Kay llapan rikäyanqaykitam jankat juchutsiyanqa. Manam ni juk rumillapis perqaraykar quëdanqatsu>>.
Manaraq kutimuptin imanö kananpaq Jesús ninqan
Mateo 24.3-28; Marcos 13.3-23
7Tsaynam Jesústa tapuyarqan: <<Rabí, ¿imaytan ninqaykinö kanqa? Tsaynö kananpaq ¿ima señaltan kanqa?>>
8Jesúsnam nirqan: <<Cuidädutaq pipis engañayäshunkiman. Atskaqmi shutïchö shamur niyanqa: <Noqam Cristo kä> y <kay patsa ushakanqanam>. Peru tsaynö niyäshuptikipis ama creyiyankitsu. 9Guërra kanqanta y wañutsinakuy kanqanta musyarpis ama mantsakäyaytsu. Puntataqa tsaykunaraqmi kanqa. Tsaynö kaptinpis kay patsaqa manaraqmi ushakanqaraqtsu>>.
10Mastam Jesús nirqan: <<Juk nacionmi jukaq nacionwan guërrata rurayanqa y jukaq marka runakunam juk marka runakunawan wañutsinakuyanqa. 11Patsapis mantsakaypaqmi kuyunqa. Mallaqaypis pestipis maytsaychömi kanqa. Ciëluchöpis mantsakaypaq señalkunatam rikäyanqa.
12<<Peru tsaykuna manaraq päsaptinmi qatikachäyäshurniki prësu achkuyäshunki. Sinagögakunaman apaykurmi juzgayäshurniki carcelman qaykatsiyäshunki. Noqa raykum mandakuq reykunaman y gobernadorkunaman prësu apayäshunki. 13Tsaynöpam willakuynïta paykunatapis willayanki. 14Tsaychö imata parlayänaykipaqpis ama yarpachakuyaytsu. 15Noqam imata parlayänaykipaqpis tantiyatsiyäshayki. Tsaymi chikiyäshuqnikikunapis ni imapita acusayäshunkitsu.
16<<Qamkunapa contraykikunam shäriyanqa mamaykikuna, taytaykikuna, wawqikikuna, aylluykikuna y amïguykikunapis. Wakikitanam wañutsiyäshunki. 17Noqa raykum pïmaypis chikiyäshunki. 18Peru tsaynö kaptinpis Dios Yaya manam dëjayäshunkitsu. Manam ni juk aqtsaykikunallapis oqrakanqatsu. 19Imanö ñakarpis noqaman creyikamurmi salvakäyanki.
20<<Soldädukuna Jerusalénta tumat täparaqta rikarmi ushakänanpaqna kanqanta musyayanki. 21Tsaynö kaykaqta rikar Judea markakunachö täkuqkuna jirkakunapa qeshpir aywakuyätsun. Jerusalénchö täkuqkunapis qeshpir aywakuyätsun. Chakrakunapa yarqushqa kaqkunapis markaman ama kutiyätsuntsu. 22Tsay junaqkuna alläpa castïgu kaptinmi Dios Yayapa palabranchö ninqankuna llapan cumplinqa.
23<<¡Allaw, imanöraq ñakayanqa qeshyaq warmikuna y llullu wawayuq warmikuna! Maytsaychöpis Israel runakunata Dios Yaya castigaptinmi alläpa ñakayanqa. 24Wakintam espädawan wañutsiyanqa y wakintanam maytsay nacionkunapa prësu apayanqa. Dios Yayata mana cäsuq runakunam Jerusalénta poderninchö katsiyanqa hasta Dios Yaya dispöninqan tiempu cumplinqanyaq.
Jesucristo kay patsaman kutimunanpaq kanqan
Mateo 24.29-31; Marcos 13.24-27
25<<Rupaypis, killapis y qoyllurkunapis mantsaypaqmi kayanqa. Kay patsachö lamar alläpa mantsakaypaq qayarar laqchikaptinmi mantsakaywan llakikur ni imanö kayta puëdiyanqatsu. 26Ciëlupis tsuktsukyaptinmi kay patsata imapis päsananpaq kanqanta yarpar mantsakaywan desmayäyanqa. 27Tsaypitanam runakuna rikäyanqa Runapa Tsurin pukutay jananchö chipakyarraq alläpa poderösu kayninwan shamuykaqta.#Dan. 7.13. 28Tsay llapan niyanqaqkuna qallaykuptin valorakurnin kushikuyay. Tsaykunata rikarmi musyayanki ñakaykunapita Dios Yaya salvayäshunaykipaq kanqanta>>.
29Tsaynöllam iwalatsiypa yachatsikur Jesús nirqan: <<Hïgus jachata y wakin jachata rikar tantiyayay. 30Raprankuna tseqllimuqta rikarmi usya tiempu qallananpaqna kanqanta musyayanki. 31Tsaynöllam niyanqaqnö päsanqanta rikar musyayanki Dios Yayapa mandakuynin cercachöna kanqanta. 32Rasun kaqtam niyaq: Kanan tiempu runakuna manaraq ushakäyaptinmi llapan niyanqaqkuna cumplinqa. 33Ciëluwan kay patsa ushakaptinpis noqa ninqäkunaqa manam ushakanqatsu.
34<<Cuidädutaq tsay junaq illaqpita shamur tariyäshunkiman jutsata ruraykäyaqta, machashqata y imaykayuqpis kayänaykipaq yarpachakur chukru shonqu kaykäyaqta. 35Imayka trampanömi entëru munduchö runakunatapis tsay junaq illaqpita achkunqa. 36Tsaynö kananpaq kaykaptinqa Dios Yayaman imaypis mañakur shuyaraykäyay. Tsaynöpam shamunanpaq ñakaykunapita qeshpir Runapa Tsurinpa puntanchö kushishqa kayanki>>.
37Junaqpam templuchö Jesús yachatsiq y tardipanam Olivos lömaman aywaq tsaychö quëdakunanpaq. 38Jesús yachatsikunqanta wiyayänanpaqmi tsaka tsakallana llapan runakuna templuman aywayaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.