Juan 13
13
Discïpulunkunapa chakinta Jesús mayllanqan
1 Pascua fiesta manaraq qallaptinmi Jesús musyarqanna kay patsata dëjaskir Taytan kaqman aywakunanpaqna kanqanta. Tsaynö kaykarpis payman creyiqkunataqa imaypis kuyanqannöllam kuyarqan.
2Discïpulunkunawan Jesús manaraq meriendayaptinmi Simónpa tsurin Judas Iscariotita diablu yarpätsishqana karqan Jesústa rantikunanpaq. 3Jesús musyarqannam llapanta poderninman Taytan churanqanta. Tsaynöllam musyarqan pay kaqpita shamunqanta y pay kaqman kutinanpaq kanqanta. 4Mikuykäyanqanpita sharkurnam janan kaq llatapanta jipiskir toällata tseqllanman watarqan. 5Tsaypitanam lavatoriuman yakuta wiñarkur discïpulunkunapa chakinta mayllarqan. Mayllaskirnam tseqllanchö kaykaq toällawan tsakitsirqan.
6Simón Pedrupa chakinta mayllananpaq kaykaptinmi Pedro nirqan: <<Taytay, ¿imanöpatan qamqa chakïta mayllamunkiman?>>
7Jesúsnam nirqan: <<Imanir mayllamunqäta kanan mana tantiyarpis tsaypitaraqmi tantiyanki>>.
8Pedrunam nirqan: <<Taytay, chakïtaqa imaypis manam mayllamunkimantsu>>.
Jesúsnam nirqan: <<Chakikita mana mayllamuptïqa manam discïpulütsu kanki>>.
9Tsaymi Simón Pedro nirqan: <<Taytay, tsaypunqa ama chakillätaqa mayllamuytsu, sinöqa makïta, umätapis mayllaykallämuy>>.
10Jesúsnam nirqan: <<Pipis armakuskirqa chakillantanam mayllakun. Qamkunaqa jutsaykikunapita limpiunam kayanki. Peru tsaynö karpis manam llapaykitsu limpiu kaykäyanki>>.
11Tsaynö nirqan jukaq discïpulun payta rantikunanpaq kanqanta musyarmi.
12Discïpulunkunapa chakinta mayllaskirnam llushtinqan llatapanta shukukurkur mësaman yapay jamaykurqan. Tsaypitanam nirqan: <<¿Tantiyayankiku imanir chakikikunata mayllamunqäta? 13Yachatsikuq kanqäta y Señornikikuna kanqäta niyämar rasun kaqtam niyämanki. 14Noqa yachatsikuqnikikuna y Señornikikuna kaykar chakikikunata mayllaykämuptïqa qamkunapis chakikikunata jukniki jukniki mayllapunakuyanki. 15Tsaynö rurashkä noqata rikäyämar qamkunapis rurayänaykipaqmi.#13.15 Tsay witsaymi servikuqkunalla pipatapis chakinta mayllayaq. Tsaymi kay textuchö Jesucristo nirqan servikuqnö humillakurnin juknin juknintsik yanapanakunapaq.#Mat. 20.28; Mar. 10.45; Luc. 22.27. 16Rasun kaqtam niyaq: Servikuqqa manam patronninpita mas poderyuqtsu.#Mat. 10.24; Luc. 6.40; Juan 15.20. Tsaynöllam kacha aywaqpis kachaqninpita mas poderyuqtsu.#13.16 Jesucristo patronnin kaykarpis servikuqnömi discïpulunkunata servirqan. Tsaynöllam discïpulunkunapis runa majinkunata serviyanman. 17Kay niyanqaqta tantiyar cumplirmi kushishqa kawakuyanki.
18<<Manam llapaykipaqtsu tsaynö nikä. Noqam musyä mayqan discïpulükunata akranqäta. Dios Yayapa palabranmi nin: <Noqawan paqta mikuykarmi conträ shärishqa>.#Sal. 41.9. Tsay qellqashqa kaykaqmi cumplinqa. 19Manaraq cumpliptinmi qamkunata willayaq tsaynö kananpaq kanqanta. Ninqänölla cumpliptinmi noqa kanqäta musyayanki#13.19 Noqa kanqäta nirmi Jesucristo tantiyatsirqan kikin Dios kanqanta. Tsaypaq masta musyanaykipaq liyinki Éxo. 3.14; Juan 10.30-33..
20<<Rasun kaqtam niyaq: Kachanqä runakunata chaskiqkunaqa noqatam chaskiyäman. Noqata chaskimaqkunaqa kachamaqnïtam chaskiyan>>.#Mat. 10.40; Mar. 9.37; Luc. 9.48; 10.16.
Judas rantikunanpaq kanqanta willakunqan
Mateo 26.20-25; Marcos 14.17-21; Lucas 22.21-23
21Tsaynö nirmi Jesús alläpa llakikur nirqan: <<Rasun kaqtam niyaq: Qamkunapita juknikim prësu achkuyämänanpaq traicionamanqa>>.
22Mayqanpaq nikanqanta mana musyarmi discïpulunkuna juknin juknin rikänakuyarqan. 23Tsay höram Jesúspa kuyay discïpulun lädunchö kaykarqan. 24Paytam Simón Pedro sëñasllapa nirqan mayqanpaq nikanqantapis Jesústa tapunanpaq. 25Tsaymi kuyanqan discïpulun Jesúsman tikraykur tapurqan: <<Taytay, ¿mayqäkunapaqtan nikanki?>>
26Jesúsnam nirqan: <<Tantata tullpurkur makyanqä kaqmi kanqa>>.
Tsaynö nirmi tantata tullpurkur Simónpa tsurin Judas Iscariotita makyarqan. 27Tsay tantata chaskiskiptinmi Judasman Satanás yaykurqan. Tsaymi Jesús nirqan: <<Yarpaykanqaykita sas ruray>>.
28Peru manam ni mayqan discïpulunkunapis imanir tsaynö ninqanta tantiyarqantsu. 29Qellay katsiq kaptinmi wakin yarpäyarqan Pascua fiestapaq rantipakuq Jesús kachanqanta. Wakin kaqnam yarpäyarqan waktsakunata yanapananpaq kachaykanqanta. 30Tantata mikuskirnam Judasqa sas aywakurqan. Tsay höraqa patsa tutapashqanam karqan.
Mushuq mandamientuta Jesús yachatsikunqan
31Judas yarquskiptinnam Jesús nirqan: <<Höra chämushqanam Runapa Tsurin glorificashqa kananpaq#13.31 Glorificashqa kananpaq kanqanta nirqa Jesucristo wañunanpaq, kawamunanpaq, Dios Yayaman kutikunanpaq y llapanpaqpis poderyuq kananpaq kanqantam nirqan.. 32Dios Yayata Runapa Tsurin glorificaptinmi#13.32 Dios Yayata Runapa Tsurin glorificaptinmi ninqanqa Dios Yaya munanqannö wañuptïmi ninanmi. Runapa Tsurintapis Dios Yaya glorificanqa. Manaraqpis unaytam tsaynö glorificanqa.
33<<Kuyay wamräkuna, qamkunapita aywakunäpaqnam kaykä. Israel autoridäkunata ninqänöllam qamkunatapis niyaq: Ashiyämarpis noqa aywanqämanqa manam aywayta puëdiyankitsu.#Juan 7.34.
34<<Qamkunata kuyayanqaqnö juknin jukninwanpis kuyanakuyanki. Kay ninqäkunaqa mushuq mandamientum.#Juan 15.12, 17; 1Juan 3.23; 2Juan 5. 35Tsaynö kuyanakuyaptikim pïmaypis musyayanqa discïpulükuna kayanqaykita>>.
Pedro nëgananpaq kaqta Jesús ninqan
Mateo 26.31-35; Marcos 14.27-31; Lucas 22.31-34
36Simón Pedrunam tapurqan: <<Taytay, ¿maypatan aywanki?>>
Jesúsnam nirqan: <<Noqa aywanqämanqa manam aywayankiraqtsu. Tsaypitaraqmi aywayanki>>.
37Pedrunam nirqan: <<Taytay, ¿imanirtan qamwan kanan aywämantsu? Qam raykuqa wañushaqmi>>.
38Tsaymi Jesús nirqan: <<¿Rasunpaku noqa rayku wañunaykipaq listu kaykanki? Rasun kaqtam niq: Gällu manaraq cantaptinmi kimsa kuti nëgamanki>>.
Currently Selected:
Juan 13: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.