Jeremías 15
15
Rugakuyaptinpis mana perdonananpaq Dios Yaya ninqan
1Tsaynö mañakuptïmi Dios Yaya nimarqan: <<Moiséswan#Éxo. 32.11-14; Núm. 14.13-19. Samuel#1Sam. 7.5-9. shamur Judá runakunata perdonanäpaq rugayämaptinpis mananam perdonashaqnatsu. Judá runakunata perdonanäpaqqa manam voluntänïpis kannatsu. Paykunataqa manam rikaytapis munänatsu.
2<< <Tsaypunqa ¿imatan päsayämanqa?> nir tapuyäshuptiki ninki:
<< <Qeshyaywan wañuqpaq kaqkuna qeshyaywan wañuyätsun.
Guërrachö wañuqpaq kaqkuna guërrachö wañuyätsun.
Mallaqaywan wañuqpaq kaqkuna mallaqaywan wañuyätsun.
Prësu apayänanpaq kaqkunata prësu apayätsun.#Jer. 43.11; Apoc. 13.10.
3<< <Noqa Dios Yayam nï: Kay runakunatam chusku castïgukunawan castigashaq. Tsay castïgukunam kanqa guërrachö wañuyanqan, allqukuna ayakunata qechunakur mikuyanqan, wiskulkuna shiwkan shiwkan mikuyanqan y chucaru wätakuna mikuyanqan. 4Tsaynö castiganqäta musyarmi maytsay nacionchö täkuq runakuna alläpa mantsakäyanqa. Tsaytam rurashaq Ezequíaspa tsurin Manasés#2Rey. 21.1-16; 2Crón. 33.1-9. rey kaykar Jerusalénchö jutsata ruranqanpita.
Jerusalén runakunata castigar ushakätsinanpaq Dios Yaya ninqan
5<< <Jerusalén runakuna, qamkunata castigayaptiq ¿piraq llakipäyäshunki?
¿Piraq llakikunqa?
Imanö kayanqaykita musyayta munar ¿piraq tapukunqa?
6Jaqiyämanqaykipitam ushakätsiyäshayki.
Yapay yapay llakipäyarnikipis ajayashkänam.
Noqa Dios Yayam nï.
7<< <Trïgu päjata wayra apananpaq jurquïtawan jitaqnömi qamkunatapis markaykikunapita wakpa kaypa jitariyäshayki.
Wamraykikunata wañutsiptïmi täkuyanqayki markakunapis tsunyaranqa.
Tsaynömi ushakätsiyäshayki jutsa rurayta mana dëjayanqaykipita.
8Lamar kuchunchö arenïllapitapis mas atskam viüdakuna kayanqa.
Pullan junaq kaykaptinmi jövinkunatapis mamantinta wañutsir ushakätsishaq.
Illaqpitam alläpa mantsakayman churashaq.
9<< <Qanchis ollqu wawayuq warmikunapis wawankunata wañutsiyaptinmi alläpa llakikuyanqa.
Kallpankuna ushakaptin imanakayta mana puëdirmi alläpa penqakuyanqa.
Kawaykar quëdaqkunatapis contrankunam espädawan wañutsiyanqa.
Noqa Dios Yayam nï> >>.
Runakuna chikiyaptin Dios Yayata Jeremías mañakunqan
10¡Ay, imapaqraq mamäpis wachamarqan!
Pïmaywan piñanakur jaqayätsinakurllam qoyaskïpis.
Qellayta mana prestaptïpis y mana prestakuykaptïpis llapanmi maldicionäyäman.
11 Dios Yayallä, qamtam alli serviq.
Chikimaqnïkuna llakikuyaptin y ñakayaptinpis yanapanaykipaqmi rugakushkaq.
Tsaynö mana mañakuptiqqa maldicionäyämanqan chämätsun.
12Paykunatam nishkanki:
<<Nortichö fiërruta y broncita ¿pillaqa pakinmantsuraq?#15.12 Nortichö fiërrupaq y broncipaq parlarmi norti kaqlä contran nacionkunapaq parlaykan. Pillaqa pakinmantsuraq nirqa pipis venciyta mana puëdinqantam nin.
13Jutsata rurayanqaykipitam entëru nacionnikichö riquëzaykikunata contraykikunapa makinman churashaq.
Imatapis mana cobrayllapam llapanta entregashaq.
14Imaypis mana reqiyanqayki nacionchömi contraykikunapa serviqnin kayanki.
Qamkunam alläpa rabyatsiyämashkanki.
Imaykata nina rupanqannömi qamkunatapis mana llakipaypa castigayäshayki>>.
15 Dios Yaya, qammi musyanki pï runakuna chikiyämanqanta.
Paykuna chikiyämaptinpis yanapaykallämay.
Mana wañutsiyämänanpaq salvaykallämay.
Chikimaqnïkunata kikinkunatapis chikiyätsun.
Paykunata ama llakipaytsu.
Imaykata qayapäyämaptinpis qam raykum awantakü.
16Llapanta mandaq Dios Yaya, qampanam kä.
Parlapämaptikim alli mikuyta mikuqnö llapanta chaskikushkä.
Nimanqaykikunata chaskikuptïmi shonqü alläpa kushikun.
17Runakuna qorikar kushikuyaptinpis paykunawan manam qorikätsu.
Willakunäpaq akramanqaykipitam qorikanqäpa rantin juklächö jamaräkü.
Jutsata rurayaptin rabyanqaykinömi noqapis jutsata rurayaptin rabyakü.
Tsay rabyakuytaqa qammi shonqüman churamushkanki.
18¿Imanirtan imaypis llakishqalla kä?
¿Imanirtan imaypis kushikütsu?
¿Imanirtan illaqpita tsakiq pözunö kaykanki?
Jeremíasta yanapananpaq Dios Yaya ninqan
19Tsaynö nir llakikuptïmi Dios Yaya nimarqan:
<<Noqaman kutimuptikim yapay servimänaykipaq churashayki.
Manakaqkunata parlanqaykipa rantin shumaq tantiyakur parlaptikim willakuynïta willakunaykipaq yapay churashayki.
Mana cäsumaq runakunanöqa ama parlaytsu, sinöqa rikäyäshunaykipaq allillata parlay.
20<<Noqam churashayki broncipita rurashqa murällanö kanaykipaq.
<Upälla kay> niyäshuptikipis willakuynïta willakunaykipaqmi imaypis yanapashayki.
Imaypis qamwan karmi imapis mana päsashunaykipaq tsapäshayki.#Jer. 1.18.
Noqa Dios Yayam nï.
21Noqam mana alli runakunapa poderninpita tsapäshayki.
Wañutsikuqkunapa poderninpitapis salvashaykim>>.
Currently Selected:
Jeremías 15: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
