Jeremías 13
13
Ismushqa wachukunö Judá runakuna kayanqan
1 Dios Yayam nimarqan: <<Lïnupita awashqa wachukuta rantiskir wachakäkunki. Peru yakuman sïqa ama tullpunkitsu>>.
2 Dios Yaya nimanqannömi wachukuta rantiskir wachakäkurqä.
3Tsaypitam Dios Yaya yapay nimarqan: 4<<Wachakaraykanqayki wachukuta aparkur Perat raqraman ayway.#13.4 Hebreo idiömachö Perat raqrapa shutin y Éufrates mayupa shutin cäsi tsay shutinöllam kaykan. Tsaymi Perat raqraman Jeremías aywananpaq nir Éufrates mayu läduman Judá runakuna prësu chäyänanpaq kanqanta Dios Yaya tantiyatsirqan. Perat raqraqa Jeremíaspa markan Anatotpita juk lëwam karqan. Éufrates mayuqa Anatotpita pachak chunka (110) lëwapita masmi kaykan. Tsaychö qaqapa uchkunman pakaykunki>>.
5 Dios Yaya nimanqannöllam Perat raqraman aywar pakaykurqä.
6Tsaypita unaytanam Dios Yaya nimarqan: <<Perat raqraman kutir pakätsinqaq wachukuta apamunki>>.
7Tsaymi Perat raqraman kutir pakanqä wachukuta tarirqä jankat ismushqata imapaqpis mana väliqta.
8Tsaymi Dios Yaya nimarqan: 9<<Noqa Dios Yayam nï: Kay wachuku ismunqannömi Judá nación runakunapa y Jerusalén runakunapa orgullösu kayninkunapis ushakanqa. 10Tsay runakunam mana alli ruraq kar cäsuyämayta munayantsu. Paykunam shonqunkuna munanqannölla kawar juklä runakuna adorayanqan dioskunata servir adorayan. Tsaynö karmi ismushqa wachuku imapaqpis mana välinqannö kayan.
11<<Tseqllanman wachukuta chachak wachakäkunqannömi noqapis Israel runakunatawan Judá runakunata katsishkä. Tsaynö katsishkä munanqänö kawayaptin pïmay alabayämänanpaqmi. Tsaynö kaykaptinpis paykunam cäsuyämashqatsu. Noqa Dios Yayam nï>>.
Urpukunaman iwalatsiypa tantiyatsinqan
12<<Jeremías, kuyanqä runakunata ninki: <Israel runakunata kuyaq Dios Yayam nin: <<Llapan urpukunaman juntatmi vïnuta wiñäyanqa>>. Tsaymi paykuna niyäshunki: <<¿Pitan mana musyantsu urpuman juntat vïnu wiñäna kanqanta?>> >
13<<Tsaynö niyäshuptiki ninki: <Dios Yayam nin: Qamkunatam vïnuwan machätsiyäshayki.#13.13 Kay textuchömi Dios Yaya rabyayninta vïnuman iwalatsin. Machätsiyäshayki ninanqa castigayäshayki ninanmi. David jamanqan trönuchö jamaraq reyta, sacerdötikunata, profëtakunata y Jerusalénchö täkuq runakunatapis llapaykitam machätsiyäshayki. 14Urputa takanakatsir pakiqnömi qamkunata castigar ushakätsiyäshayki. Taytaykikunata y tsurikikunatam llapaykita mana perdonar mana llakipaypa ushakätsiyäshayki. Noqa Dios Yayam nï> >>.
Jutsa rurayanqanpita arrepentikuyänanpaq ninqan
15¡Shumaq cäsukuyay!
Kikin Dios Yaya parlapaykäyäshuptikiqa ¡mana allish tukur wiyayay!
16Desgracia manaraq chämunqanyaq Dios Yayata cäsuyay.
Alläpa tutapaychö jirkakunapa aywar manaraq ishkiyanqaykiyaq jutsaykikunapita arrepentikuyay.
Salvayäshunaykipaq yarpäyaptikipis mana arrepentikuyaptikiqa manam salvayäshunkitsu.
17Mana cäsukuyaptikim pakayllapa qamkunapaq waqashaq.
Dios Yaya kuyanqan runakuna kaykäyaptikipis prësu apakuyäshuptikim llakikur alläpa waqashaq.
18Dios Yayam nimarqan:
<<Reyta y maman reinata niy:
Contraykikuna shamur corönaykita umaykipita jipiyänanpaqnam kaykäyan.
Tsaynö kaykaptinqa jutsaykikunapita arrepentikur patsaman jamaykur perdonayänaqpaq mañakayämay.
19Mana arrepentikuyaptikiqa Neguevchö markakunatam contrayki soldädukuna kunchawaräyanqa.
Markapita manam ni pipis yarqunqatsu ni yaykunqatsu.
Judá runakunatam llapanta prësu apayanqa.
20Shumaq rikachakuyay.
Norti kaqläpitam contraykikuna shamuykäyan.
¿Maytan Dios Yaya entregashunqayki kuyakuypaq üshaykikuna?>>#13.20 Kay versïculukunachömi reyta iwalatsin mitsikuqman y Judá runakunatana üshankunaman.
21Jerusalén runakuna, ¿imanöraq kayanki amïguykikuna contrayki tikrar atacayäshuptiki?
¿Imanöraq kayanki tsay atacayäshuqnikikunata mandaqniki kayänanpaq Dios Yaya churaptin?
¿Manatsuraq qeshyaq warmi nanakuy tsariptin ñakaqnö ñakayanki?
22Tsay contraykikunam venciskiyäshurniki warmita qarirkur violaqnö munayanqanta rurayäshunki.
Imanir tsaynö päsayäshunqaykita yarpachakur tantiyakuyankiman alläpa jutsaykipita ñakayanqaykita.
23Yana runa ¿yuraqman tikranmantsuraq?
Tigripis muru kayninpita ¿juk colorman tikranmantsuraq?
Tsaynöllam qamkunapis mana alli ruraykunallata rurar allitaqa rurayankitsu.
24<<Tsaynö kayanqaykipitam desiertupita löcu wayra shamur oqshata witsiqnö witsikätsiyäshayki.#Sal. 1.4; Ose. 13.3; Sof. 2.2.
25Qonqaskayämar ïdulukunaman creyiyanqaykipitam tsaynö ñakayänaykipaq destinashkaq.
Noqa Dios Yayam nï.
26<<Ollqunta mana respitaq warmita castigar llullipanta umanman wankuptin penqakunqannömi qamkunapis castigayaptiq penqakuyanki.
27Rikäyashkaqmi ollqunta mana respitaq warmi jukkunaman aywaqnö juk dioskunata adoraq aywayanqaykita.
Lömakunachö y chakrakunachö adorayanqaykitam rikäyashkä.
Tsay rurayanqaykim alläpa penqakuypaq kaykan.
¡Allaw Jerusalén runakuna, imanöraq kayanki!
¿Imayllaqa jutsa ruraypita limpiutsuraq kayanki?
¿Imayyaqpis jutsata rurar tsaynö taqrallatsuraq kaykäyanki?>>
Currently Selected:
Jeremías 13: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
