Santiago 4
4
Jutsata mana rurar kawanapaq ninqan
1¿Imanirtan pelyar y qayapänakur kawaykäyanki? Shonquykikunachö mana alli yarpay kaptinmi tsaynö kaykäyanki. 2Wakinkuna imaykayuq kayanqanta rikarmi qamkunapis paykunanö kayta munayanki. Tsaymi imaykanöpapis tariyta munar runa majikitapis wañutsiyanki. Tsaynö rurarpis Dios Yayata mana mañakurmi ima munayanqaykitapis tariyankitsu. 3Manakaqkunachö ushayänaykipaq kaptinmi mañakurpis chaskiyankitsu.
4¡Mana cäsukuq jutsasapa runakuna! ¿Manaku musyayanki mana allikunata rurar Dios Yayapa contran kayanqaykita? Pipis mana allikunata rurarqa Dios Yayapa contranmi kaykan. 5¿Manaku creyiyanki Dios Yayapa palabran ninqanta? Tsaychömi nimantsik mana allikunata rurashqa noqantsikman kachamunqan Espíritu Santu rabyakunqanta. 6Peru tsaynö kaptinpis llakipämantsikmi. Tsaymi palabranchöpis nin:
<<Yachaq tukuqkunataqa Dios Yaya manam yanapantsu.
Peru qollmi shonqu kaqkunatam sïqa llakipar yanapan>>.#Prov. 3.34; 1Ped. 5.5.
7Tsaynö kaykaptinqa mana yachaq tukurlla Dios Yaya ninqanta cäsukur diabluta pärapuyay.#Mat. 4.3-11; Efe. 6.12; 1Ped. 5.8-9. Pärapuyaptikiqa qeshpirmi aywakunqa.
8Dios Yayawan imaypis kawakuyay. Tsaynö kawakuyaptikiqa paypis qamkunawanmi kaykanqa.
¡Jutsasapakuna! Makikikunata mayllakuqnö jutsa ruraykunata dëjayay. Janan shonqulla cäsuyanqaykipa rantin llapan shonquykikunawan Dios Yayata cäsuyay. 9Jutsaykikunapita alläpa llakikur waqayay. Asikuyanqaykipa rantin waqayay. Kushikuyanqaykipa rantin llakikuyay. 10Dios Yayata cäsur mana yachaq tukurlla kawakuyay. Tsaynö kayaptikim yanapayäshunki.#Mat. 23.12; 1Ped. 5.6.
Mana musyapäkuq kanapaq ninqan
11Wawqikuna y panikuna, mayqaykipis ama musyapänakuyaytsu. Pitapis musyaparqa Dios Yaya kuyanakunapaq nimanqantsik mandamientutam manakaqman churaykantsik. Dios Yayapa mandamientunqa manam manakaqman churanapaqtsu, sinöqa cäsunapaqmi.
12Dios Yayam leyninkunata qaramashkantsik. Payllam jutsayuq o jutsannaq kanqantsikta nimäshun. Payllam salvamänapaq o condenamänapaqpis poderösu kaykan. Tsaynö kaykaptinqa ¿pitan qamqa kanki runa majikita juzganaykipaq?
Ima päsananpaq kanqanta mana musyanqantsik
13Wakikim niyanki: <<Waraykuna juklä markapa aywar tsaychö juk wata negociuta rurashun atska qellayta gänamunapaq>>.
Tsaynö niqkuna, shumaq wiyayämay. 14Manam musyantsiktsu waraykuna ima päsamänapaq kanqantapis.#Prov. 27.1. Pukutay yuriskamur illakaskinqannöllam noqantsikpis illakäshun. 15Tsaymi nishwan: <<Dios Yaya munaptin kawarmi kaytapis y waktapis rurashun>>.
16Peru tsaynö niyanqaykipa rantinmi imata rurayänaykipaqpis aläbakuykäyanki. Tsaynö aläbakuyanqaykiqa manam allitsu. 17Allikunata ruranapaq kanqanta musyaykar mana rurarqa jutsatam ruraykantsik.
Currently Selected:
Santiago 4: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Santiago 4
4
Jutsata mana rurar kawanapaq ninqan
1¿Imanirtan pelyar y qayapänakur kawaykäyanki? Shonquykikunachö mana alli yarpay kaptinmi tsaynö kaykäyanki. 2Wakinkuna imaykayuq kayanqanta rikarmi qamkunapis paykunanö kayta munayanki. Tsaymi imaykanöpapis tariyta munar runa majikitapis wañutsiyanki. Tsaynö rurarpis Dios Yayata mana mañakurmi ima munayanqaykitapis tariyankitsu. 3Manakaqkunachö ushayänaykipaq kaptinmi mañakurpis chaskiyankitsu.
4¡Mana cäsukuq jutsasapa runakuna! ¿Manaku musyayanki mana allikunata rurar Dios Yayapa contran kayanqaykita? Pipis mana allikunata rurarqa Dios Yayapa contranmi kaykan. 5¿Manaku creyiyanki Dios Yayapa palabran ninqanta? Tsaychömi nimantsik mana allikunata rurashqa noqantsikman kachamunqan Espíritu Santu rabyakunqanta. 6Peru tsaynö kaptinpis llakipämantsikmi. Tsaymi palabranchöpis nin:
<<Yachaq tukuqkunataqa Dios Yaya manam yanapantsu.
Peru qollmi shonqu kaqkunatam sïqa llakipar yanapan>>.#Prov. 3.34; 1Ped. 5.5.
7Tsaynö kaykaptinqa mana yachaq tukurlla Dios Yaya ninqanta cäsukur diabluta pärapuyay.#Mat. 4.3-11; Efe. 6.12; 1Ped. 5.8-9. Pärapuyaptikiqa qeshpirmi aywakunqa.
8Dios Yayawan imaypis kawakuyay. Tsaynö kawakuyaptikiqa paypis qamkunawanmi kaykanqa.
¡Jutsasapakuna! Makikikunata mayllakuqnö jutsa ruraykunata dëjayay. Janan shonqulla cäsuyanqaykipa rantin llapan shonquykikunawan Dios Yayata cäsuyay. 9Jutsaykikunapita alläpa llakikur waqayay. Asikuyanqaykipa rantin waqayay. Kushikuyanqaykipa rantin llakikuyay. 10Dios Yayata cäsur mana yachaq tukurlla kawakuyay. Tsaynö kayaptikim yanapayäshunki.#Mat. 23.12; 1Ped. 5.6.
Mana musyapäkuq kanapaq ninqan
11Wawqikuna y panikuna, mayqaykipis ama musyapänakuyaytsu. Pitapis musyaparqa Dios Yaya kuyanakunapaq nimanqantsik mandamientutam manakaqman churaykantsik. Dios Yayapa mandamientunqa manam manakaqman churanapaqtsu, sinöqa cäsunapaqmi.
12Dios Yayam leyninkunata qaramashkantsik. Payllam jutsayuq o jutsannaq kanqantsikta nimäshun. Payllam salvamänapaq o condenamänapaqpis poderösu kaykan. Tsaynö kaykaptinqa ¿pitan qamqa kanki runa majikita juzganaykipaq?
Ima päsananpaq kanqanta mana musyanqantsik
13Wakikim niyanki: <<Waraykuna juklä markapa aywar tsaychö juk wata negociuta rurashun atska qellayta gänamunapaq>>.
Tsaynö niqkuna, shumaq wiyayämay. 14Manam musyantsiktsu waraykuna ima päsamänapaq kanqantapis.#Prov. 27.1. Pukutay yuriskamur illakaskinqannöllam noqantsikpis illakäshun. 15Tsaymi nishwan: <<Dios Yaya munaptin kawarmi kaytapis y waktapis rurashun>>.
16Peru tsaynö niyanqaykipa rantinmi imata rurayänaykipaqpis aläbakuykäyanki. Tsaynö aläbakuyanqaykiqa manam allitsu. 17Allikunata ruranapaq kanqanta musyaykar mana rurarqa jutsatam ruraykantsik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.