Isaías 63
63
Contrankunata Dios Yaya ushakätsinqan
1Edomchö Bosra markapita ¿pitan shamuykan?
¿Pitan puka llatapan shukushqa poderösu shamuykan?
<<Noqa Dios Yayam shamuykä.
Noqam salvayänaqpaq willakuykä.
Salvayänaqpaqmi poderösu kä>>.
2¿Imanirtan üva jaruq runapa llatapannö llatapayki pukayashqa?
3<<Üvata jaruqnömi conträkunata kikillä ushakätsishkä.#Lam. 1.15; Joel 3.13; Apoc. 14.20; 19.15.
Manam ni pipis yanapamashqatsu.
Alläpa rabyashqa jaruqnömi jankat ushakätsishkä.
Tsaymi yawarnin pilchipämaptin llatapäpis yawarllana.#Apoc. 19.13.
4Tsaynö ushakätsinäpaqmi unaypitana yarparqä.
Höra chämushqanam kuyanqä runakunata salvanäpaq.
5Waklä kayläpa rikachakurpis manam ni pita yanapamänanpaq rikarqätsu.
Pipis mana kaptinmi mantsakarqä.
Alläpa rabyarmi conträkunata kikillä ushakätsishkä.#Isa. 59.16.
6Rabyarmi markakunata ushakätsishkä.
Alläpa rabyarmi mana llakipaypa castigashkä.
Yakutanöraqmi yawarninkunatapis jichashkä>>.#Isa. 34.5-8; Jer. 49.7-22; Eze. 25.12-14; 35.1-15; Amós 1.11-12; Abd. 1-14; Mal. 1.2-5.
Israel runakunata Dios Yaya llakipanqan
7 Dios Yaya kuyakuq kanqantam imaypis willakushaq.
Noqantsik rayku imaykata ruranqanpitam Dios Yayata agradëcikü.
Llakipäkuq kayninwanmi Israel runakuna kashqa imaypis yanapamantsik.
8Unay castantsikkunapaqmi Dios Yaya nirqan:
<<Paykunam kuyanqä runakuna kayan.
Wamräkuna karmi imaypis cäsuyämanqa>>.
Tsaynö nirmi imaykapita salvarqan.
9Paykuna ñakayaptinmi Dios Yayapa shonqunpis alläpa llakikurqan.
Sufriyanqanpitam kikin salvarqan.#Deut. 32.11-12.
Alläpa llakipäkuq kayninwanmi marqakurkur apaqnö imaypis yanaparqan.
10Peru tsaynö yanapaykaptinpis Dios Yayata mana cäsurmi Espíritu Santunta alläpa llakikatsiyarqan.
Tsaymi Dios Yaya rabyar paykunapa contran kar mana llakipaypa castigarqan.#Deut. 32.15-25.
11Tsaynö castigaptinmi yarpäyarqan Moisés kawanqan witsay Dios Yaya imanö salvanqanta.
Tsaymi niyarqan:
<<¿Maytan Dios Yaya?
Paymi mitsikuqtanö Moisésta churarqan castantsikkunata cuidananpaq.
Kuyanqan runakuna kayaptinmi lamarpa päsatsimurqan.
Dios Yayapa Santu Espïritunmi Moisésta yanaparqan.
Kananqa ¿maychötan Dios Yaya kaykan?
12Paymi poderösu kayninwan Moisésta pushamurqan.
Lamartam poderninwan ishkayman rakirqan.
Tsaynö ruranqanta manam ni imaypis qonqashuntsu.#Éxo. 14.21.
13Feyu nänipa bestiata päsatsiqnömi kuyanqan runankunata lamarpa päsatsimurqan.
14Alli qewaman wätakunata qatiqnömi Dios Yayapa Espïritun alli kawakuyänanpaq yanaparqan.
Kuyanqan runankunata tsaynö pushamuptinmi Dios Yaya alläpa poderösu kanqanta pïmaypis musyayarqan>>.#Sal. 77.20.
Yanapananpaq Dios Yayata mañakunqan
15Dios Yaya, chipakyaykaq sagrädu ciëluchö täkunqaykipita rikaykallämuy.
Alläpa kuyakuq poderösu kaykar ¿imanirtan yanapayämankitsu?
¿Imanirtan shonquyki chukruyashqa?
Llakipäkuq kayniki ¿ushakashqaku?
¿Jankatku qonqayämashkanki?
16Peru Abrahampis y Jacobpis castan kayanqäta nëgayämaptinpis qammi taytäkuna kanki.
Unaypitanam salvayämaqnï kanki.
17 Dios Yaya, ¿imanirtan mana allikunata rurayänäpaq dëjayämashkanki?
¿Imanirtan qampita mana mantsakuyänäpaq shonqükunata chukruyätsishkanki?
Serviyäshuqniki wamraykikuna kaykäyaptïqa llakipaykayällämay.
18Kuyanqayki santu runakuna kaykarpis wallka watallam entregayämanqayki nacionchö täkuyashkä.
Mana respitarmi templuykimanpis conträkuna lluta yaykuyashqa.
19Tsaymi imaypis mana kaqnö ni shutikitapis mana parlaqnö kaykäyä.
Currently Selected:
Isaías 63: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Isaías 63
63
Contrankunata Dios Yaya ushakätsinqan
1Edomchö Bosra markapita ¿pitan shamuykan?
¿Pitan puka llatapan shukushqa poderösu shamuykan?
<<Noqa Dios Yayam shamuykä.
Noqam salvayänaqpaq willakuykä.
Salvayänaqpaqmi poderösu kä>>.
2¿Imanirtan üva jaruq runapa llatapannö llatapayki pukayashqa?
3<<Üvata jaruqnömi conträkunata kikillä ushakätsishkä.#Lam. 1.15; Joel 3.13; Apoc. 14.20; 19.15.
Manam ni pipis yanapamashqatsu.
Alläpa rabyashqa jaruqnömi jankat ushakätsishkä.
Tsaymi yawarnin pilchipämaptin llatapäpis yawarllana.#Apoc. 19.13.
4Tsaynö ushakätsinäpaqmi unaypitana yarparqä.
Höra chämushqanam kuyanqä runakunata salvanäpaq.
5Waklä kayläpa rikachakurpis manam ni pita yanapamänanpaq rikarqätsu.
Pipis mana kaptinmi mantsakarqä.
Alläpa rabyarmi conträkunata kikillä ushakätsishkä.#Isa. 59.16.
6Rabyarmi markakunata ushakätsishkä.
Alläpa rabyarmi mana llakipaypa castigashkä.
Yakutanöraqmi yawarninkunatapis jichashkä>>.#Isa. 34.5-8; Jer. 49.7-22; Eze. 25.12-14; 35.1-15; Amós 1.11-12; Abd. 1-14; Mal. 1.2-5.
Israel runakunata Dios Yaya llakipanqan
7 Dios Yaya kuyakuq kanqantam imaypis willakushaq.
Noqantsik rayku imaykata ruranqanpitam Dios Yayata agradëcikü.
Llakipäkuq kayninwanmi Israel runakuna kashqa imaypis yanapamantsik.
8Unay castantsikkunapaqmi Dios Yaya nirqan:
<<Paykunam kuyanqä runakuna kayan.
Wamräkuna karmi imaypis cäsuyämanqa>>.
Tsaynö nirmi imaykapita salvarqan.
9Paykuna ñakayaptinmi Dios Yayapa shonqunpis alläpa llakikurqan.
Sufriyanqanpitam kikin salvarqan.#Deut. 32.11-12.
Alläpa llakipäkuq kayninwanmi marqakurkur apaqnö imaypis yanaparqan.
10Peru tsaynö yanapaykaptinpis Dios Yayata mana cäsurmi Espíritu Santunta alläpa llakikatsiyarqan.
Tsaymi Dios Yaya rabyar paykunapa contran kar mana llakipaypa castigarqan.#Deut. 32.15-25.
11Tsaynö castigaptinmi yarpäyarqan Moisés kawanqan witsay Dios Yaya imanö salvanqanta.
Tsaymi niyarqan:
<<¿Maytan Dios Yaya?
Paymi mitsikuqtanö Moisésta churarqan castantsikkunata cuidananpaq.
Kuyanqan runakuna kayaptinmi lamarpa päsatsimurqan.
Dios Yayapa Santu Espïritunmi Moisésta yanaparqan.
Kananqa ¿maychötan Dios Yaya kaykan?
12Paymi poderösu kayninwan Moisésta pushamurqan.
Lamartam poderninwan ishkayman rakirqan.
Tsaynö ruranqanta manam ni imaypis qonqashuntsu.#Éxo. 14.21.
13Feyu nänipa bestiata päsatsiqnömi kuyanqan runankunata lamarpa päsatsimurqan.
14Alli qewaman wätakunata qatiqnömi Dios Yayapa Espïritun alli kawakuyänanpaq yanaparqan.
Kuyanqan runankunata tsaynö pushamuptinmi Dios Yaya alläpa poderösu kanqanta pïmaypis musyayarqan>>.#Sal. 77.20.
Yanapananpaq Dios Yayata mañakunqan
15Dios Yaya, chipakyaykaq sagrädu ciëluchö täkunqaykipita rikaykallämuy.
Alläpa kuyakuq poderösu kaykar ¿imanirtan yanapayämankitsu?
¿Imanirtan shonquyki chukruyashqa?
Llakipäkuq kayniki ¿ushakashqaku?
¿Jankatku qonqayämashkanki?
16Peru Abrahampis y Jacobpis castan kayanqäta nëgayämaptinpis qammi taytäkuna kanki.
Unaypitanam salvayämaqnï kanki.
17 Dios Yaya, ¿imanirtan mana allikunata rurayänäpaq dëjayämashkanki?
¿Imanirtan qampita mana mantsakuyänäpaq shonqükunata chukruyätsishkanki?
Serviyäshuqniki wamraykikuna kaykäyaptïqa llakipaykayällämay.
18Kuyanqayki santu runakuna kaykarpis wallka watallam entregayämanqayki nacionchö täkuyashkä.
Mana respitarmi templuykimanpis conträkuna lluta yaykuyashqa.
19Tsaymi imaypis mana kaqnö ni shutikitapis mana parlaqnö kaykäyä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.