Isaías 62
62
Jerusalénta salvananpaq ninqan
1Jerusalén#62.1 Kay capïtuluchö Jerusalén markata Dios Yaya parlaparqa kuyanqan runankunatam parlapaykan., llakiykarnikiqa manam upälla kämantsu.
Dios Yaya munanqannö kawakunqaykiyaq y contraykikunapita salvashunqaykiyaq willashayki.
Salvashqana karmi patsa waraptin rupay atsikyaqnöraq kanki.
2Allina kawakunqaykitam maytsay nación runakuna musyayanqa.
Llapan reykunam poderösu kanqaykita rikäyanqa.
Kikin Dios Yayam mushuq shutiki churamunqa.
3Rey shukuranqan corönanömi Dios Yayapa poderninchö kanki.
4<<Dëjashqa>> niyäshunqaykipa rantinmi <<Dios Yaya kuyanqan>> niyäshunkina.
Tsaynöllam <<ushakashqa marka>> niyäshunqaykipa rantin <<Dios Yayapa warmin>> niyäshunki.#Isa. 60.15; Ose. 2.23.
5Jipashwan jöven churakanqannömi Dios Yayapis qamwan churakanqa.
Warminwan ollqun kushishqa kawanqannömi Dios Yayapis qamwan kushishqa kanqa.
6Jerusalén, murällaykikuna jananmanmi rikachakuqkunata churashkä.#Isa. 52.8; Eze. 33.
Paykunam paqaspa junaqpapis mana päraypa Dios Yayata mañakuyanqa.
Dios Yayata rugakuqkuna, ama upälla kayaytsu.
7Jerusalénta allitsar ushayanqanyaq Dios Yayata rugakuyay.
Maytsaychöpis runakuna Jerusalénta respitayanqanyaq Dios Yayata mañakuyay.
8 Dios Yaya poderösu karmi jurar Jerusalén markata nirqan:
<<Chikishuqniki runakuna trïguykita apayänanta mananam dëjashaqnatsu.
Sufrir ruranqayki vïnuykita juklä runakuna upyayänanpaqpis manam permïtishaqnatsu.
9Tsaypa rantinmi qorinqayki mikuyta kikiki mikur alabamanki.
Üvaykipita ruranqayki vïnuykitapis kikikim sagrädu templüpa patiunchö upyanki>>.
10¡Marka punkukunapa yarquyay!
¡Runakuna shayämunanpaq nänita allitsayay!
¡Nänichö rumikunatapis jitariyay!
¡Llapan nación runakuna yaykayämunanpaq señalta jawiyay!
11Maytsayman willakatsirmi Dios Yaya nirqan:
<<Salvaqnin chämunanpaqna kaykanqanta Sión runakunata willayay.
Chaykamurmi alli kawayman churanqa>>.#Isa. 40.10.
12Kuyanqan runankunapaqmi <<santum kayan>> niyanqa.
<<Dios Yaya salvanqan runakunam kayan>> niyanqa.
<<Jerusalénmi täkuy munay marka>> niyanqa.
<<Dios Yaya ni imaypis mana dëjanqan markam>> niyanqa.
Currently Selected:
Isaías 62: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
