Isaías 45
45
Rey Cirupaq Dios Yaya willakatsinqan
1Cirutam Dios Yaya nin:
<<Qamtam akrashkaq rey kanaykipaq.
Makipita jancharkurmi yanapashayki nacionkunata podernikichö katsinaykipaq,
poderyuq reykunata ushakätsinaykipaq
y marka punkuta kichapuyäshunaykipaq.
Tsay punkutaqa manam pipis wichqapushunkitsu.
2Kikïmi puntaykita aywar altu jirkakunatapis pampatsäshaq.
Bronci punkukunatam jankat pakishaq.
Fiërru trancakunatapis jankatmi ñututsishaq.
3Chaniyuq tesörukunatam alistapäshayki.
Pakaraykaq riquëzäkunatam makyashayki.
Tsaynöpam musyanki Israel runakunata kuyaq Dios Yaya kanqäta.
Tsaynöllam musyanki shutikipa kikï qayanqaqta.
4<<Servimaqnï Jacobta kuyarmi y akranqä Israel runakuna raykum mana reqimaptikipis shutikipa qayar akrashkaq.
5Noqam Dios Yaya kä.
Noqapita masqa manam juk Dios kantsu.
Mana servimaptikipis valienti kanaykipaqmi yanapashayki.
6Tsaynömi yanapashayki kay patsapa juk kuchunpita jukaq kuchunyaq noqalla Dios Yaya kanqäta musyayänanpaq.
Noqam Dios Yaya kä.
Noqapita masqa manam juk Dios kantsu.
7Noqam permïtï junaq y paqas kananpaqpis.
Noqam permïtï bendición o desgracia kananpaqpis.
Noqa Dios Yayam llapan tsaykunata permïtï>>.
Dios Yaya kamakuq kanqan
8<<Ciëlu kichakätsun.
Pukutaypita tamyamuqnö kay patsaman salvación chämutsun.
Kay patsachö salvaciontapis y alli kawaytapis chaskiyätsun.
Noqa Dios Yayam tsaynö kananpaq permïtï.
9<<¡Allaw, imanöraq kayanqa kamaqninta contestaqkuna!
Qamkunaqa mitu mankanölla kaykar manka ruraqta <¿imanirtan kay rikuqta ruramanki?> ¿niyankimantsuraq?
<Mana allitam ruramashkanki> ¿niyankimantsuraq?#Rom. 9.20.
10Wamrapis mamanta taytanta manam ninmantsu: <¿Imapaqtan rurayämashkanki?> >>
11Kamaqnin kar Israel runakunapa santu Diosninmi nin:
<<Wamräkuna kayaptikim munanqänö wätayaq.
Imanö wätayaptiqpis ¿musyapäyämankimantsuraq?
Waray warantin imanö rikäyänaqpaqpis ¿yätsiyämankimantsuraq?
12<<Noqam kay patsata kamashkä.
Tsaychö täkuyänanpaqmi runatapis kamashkä.
Ciëlutapis makïwan mashtaskirmi llapan qoyllurkunatapis tsayman churashkä.
13Noqam rey Cirutapis llapanta vencinanpaq yanapashaq.
Llapan imayka ruranqan alli kananpaqmi permïtishaq.
Paymi Jerusalén markäta allitsatsinqa.
Prësu apayanqan Israel runakunatapis päguta mana cobraypam dëjamunqa>>.
Llapanta mandaq Dios Yayam tsaynö nin.
14Israel runakunatam Dios Yaya nin:
<<Egipto y Etiopía runakunapa riquëzankunam qamkunapana kanqa.
Sabá nacionpita jatusaq runakunapis mandäduykikunachömi kayanqa.
Paykunam cadenawan watashqa qepaykita shayämunqa.
Puntaykiman qonqurpakurmi llakipäyänaykipaq niyäshunki:
<Rasunpam Dios Yaya yanapaykäshunki.
Paypita masqa manam juk Dios kantsu> >>.
15Dios Yaya, Israel runakunata salvaq y mana rikakaq Diosmi kanki.
16Ïduluta ruraqkunam llapan penqakuyanqa.#Isa. 42.17.
17Peru noqakunatam sïqa salvayämanki.
Salvayämaptikim chikimaqnïkuna imaypis manakaqman churayämanqanatsu.
18 Dios Yayam ciëluta kamashqa.
Kay patsatapis kamarmi shumaq patsakätsishqa.
Manam manakaqpaqtsu kamashqa, sinöqa runakuna täkuyänanpaqmi kamashqa.
Paymi nin:
<<Noqam Dios Yaya kä.
Noqapita masqa manam juk Dios kantsu.
19Manam tutapayman ni pakapanman aywaykurtsu imatapis parlä.
Jacobpita miraqkuna manam manakaqllapaq ashiyämänanpaqtsu nï.
Noqa Dios Yayaqa rasun kaqllatam parlä.
Alli kaqllatam musyatsikü>>.
Ïdulukunata manakaqman churanqan
20<<Juklä nación runakunam mana tantiyakurnin qerupita rurashqa ïdulunkunata matankashqa puritsiyan.
Mana salvaykaptinmi tsaykunaman mañakuyan.
Tsay runakunatam nï:
Qamkunata tapuyänaqpaq qorikäyämuy.
21Imata yarpäyanqaykitapis mä niyämay.
Kikikikunapurapis mä tapunakuyay.
¿Pitan unaypitana nirqan kanan päsananpaq kaqta?
¿Manaku noqa Dios Yaya tsaykunata willayarqaq?
Noqapita masqa manam juk Dios kantsu.
Noqapita masqa manam kantsu allillata ruraq y imapitapis salvakuq.
22<<Patsa kuchunchö täkuqkunapis, cäsuyämar confiakayämay.
Confiakayämaptikim salvayäshayki.
Noqallam Dios kä.
Noqapita masqa manam juk Dios kantsu.
23Llapanmi puntäman qonqurikayämunqa.
Llapanmi cäsuyämänanpaq niyämanqa.
Tsaypaqmi kikïpa shutïchö jurashkä.
Imatapis permïtinäpaq änirqa mana qonqarmi cumplï.#Rom. 14.11; Fil. 2.10-11.
24<<Tsaymi runakuna niyanqa:
<Poderösu Dios Yayallam salvamaqnintsik>.
Peru contran tikraqkunam sïqa paypa puntanchö penqakur puriyanqa.
25 Dios Yaya salvaptinmi Israel runakuna pay munanqannö kushishqa kawakuyanqa>>.
Currently Selected:
Isaías 45: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Isaías 45
45
Rey Cirupaq Dios Yaya willakatsinqan
1Cirutam Dios Yaya nin:
<<Qamtam akrashkaq rey kanaykipaq.
Makipita jancharkurmi yanapashayki nacionkunata podernikichö katsinaykipaq,
poderyuq reykunata ushakätsinaykipaq
y marka punkuta kichapuyäshunaykipaq.
Tsay punkutaqa manam pipis wichqapushunkitsu.
2Kikïmi puntaykita aywar altu jirkakunatapis pampatsäshaq.
Bronci punkukunatam jankat pakishaq.
Fiërru trancakunatapis jankatmi ñututsishaq.
3Chaniyuq tesörukunatam alistapäshayki.
Pakaraykaq riquëzäkunatam makyashayki.
Tsaynöpam musyanki Israel runakunata kuyaq Dios Yaya kanqäta.
Tsaynöllam musyanki shutikipa kikï qayanqaqta.
4<<Servimaqnï Jacobta kuyarmi y akranqä Israel runakuna raykum mana reqimaptikipis shutikipa qayar akrashkaq.
5Noqam Dios Yaya kä.
Noqapita masqa manam juk Dios kantsu.
Mana servimaptikipis valienti kanaykipaqmi yanapashayki.
6Tsaynömi yanapashayki kay patsapa juk kuchunpita jukaq kuchunyaq noqalla Dios Yaya kanqäta musyayänanpaq.
Noqam Dios Yaya kä.
Noqapita masqa manam juk Dios kantsu.
7Noqam permïtï junaq y paqas kananpaqpis.
Noqam permïtï bendición o desgracia kananpaqpis.
Noqa Dios Yayam llapan tsaykunata permïtï>>.
Dios Yaya kamakuq kanqan
8<<Ciëlu kichakätsun.
Pukutaypita tamyamuqnö kay patsaman salvación chämutsun.
Kay patsachö salvaciontapis y alli kawaytapis chaskiyätsun.
Noqa Dios Yayam tsaynö kananpaq permïtï.
9<<¡Allaw, imanöraq kayanqa kamaqninta contestaqkuna!
Qamkunaqa mitu mankanölla kaykar manka ruraqta <¿imanirtan kay rikuqta ruramanki?> ¿niyankimantsuraq?
<Mana allitam ruramashkanki> ¿niyankimantsuraq?#Rom. 9.20.
10Wamrapis mamanta taytanta manam ninmantsu: <¿Imapaqtan rurayämashkanki?> >>
11Kamaqnin kar Israel runakunapa santu Diosninmi nin:
<<Wamräkuna kayaptikim munanqänö wätayaq.
Imanö wätayaptiqpis ¿musyapäyämankimantsuraq?
Waray warantin imanö rikäyänaqpaqpis ¿yätsiyämankimantsuraq?
12<<Noqam kay patsata kamashkä.
Tsaychö täkuyänanpaqmi runatapis kamashkä.
Ciëlutapis makïwan mashtaskirmi llapan qoyllurkunatapis tsayman churashkä.
13Noqam rey Cirutapis llapanta vencinanpaq yanapashaq.
Llapan imayka ruranqan alli kananpaqmi permïtishaq.
Paymi Jerusalén markäta allitsatsinqa.
Prësu apayanqan Israel runakunatapis päguta mana cobraypam dëjamunqa>>.
Llapanta mandaq Dios Yayam tsaynö nin.
14Israel runakunatam Dios Yaya nin:
<<Egipto y Etiopía runakunapa riquëzankunam qamkunapana kanqa.
Sabá nacionpita jatusaq runakunapis mandäduykikunachömi kayanqa.
Paykunam cadenawan watashqa qepaykita shayämunqa.
Puntaykiman qonqurpakurmi llakipäyänaykipaq niyäshunki:
<Rasunpam Dios Yaya yanapaykäshunki.
Paypita masqa manam juk Dios kantsu> >>.
15Dios Yaya, Israel runakunata salvaq y mana rikakaq Diosmi kanki.
16Ïduluta ruraqkunam llapan penqakuyanqa.#Isa. 42.17.
17Peru noqakunatam sïqa salvayämanki.
Salvayämaptikim chikimaqnïkuna imaypis manakaqman churayämanqanatsu.
18 Dios Yayam ciëluta kamashqa.
Kay patsatapis kamarmi shumaq patsakätsishqa.
Manam manakaqpaqtsu kamashqa, sinöqa runakuna täkuyänanpaqmi kamashqa.
Paymi nin:
<<Noqam Dios Yaya kä.
Noqapita masqa manam juk Dios kantsu.
19Manam tutapayman ni pakapanman aywaykurtsu imatapis parlä.
Jacobpita miraqkuna manam manakaqllapaq ashiyämänanpaqtsu nï.
Noqa Dios Yayaqa rasun kaqllatam parlä.
Alli kaqllatam musyatsikü>>.
Ïdulukunata manakaqman churanqan
20<<Juklä nación runakunam mana tantiyakurnin qerupita rurashqa ïdulunkunata matankashqa puritsiyan.
Mana salvaykaptinmi tsaykunaman mañakuyan.
Tsay runakunatam nï:
Qamkunata tapuyänaqpaq qorikäyämuy.
21Imata yarpäyanqaykitapis mä niyämay.
Kikikikunapurapis mä tapunakuyay.
¿Pitan unaypitana nirqan kanan päsananpaq kaqta?
¿Manaku noqa Dios Yaya tsaykunata willayarqaq?
Noqapita masqa manam juk Dios kantsu.
Noqapita masqa manam kantsu allillata ruraq y imapitapis salvakuq.
22<<Patsa kuchunchö täkuqkunapis, cäsuyämar confiakayämay.
Confiakayämaptikim salvayäshayki.
Noqallam Dios kä.
Noqapita masqa manam juk Dios kantsu.
23Llapanmi puntäman qonqurikayämunqa.
Llapanmi cäsuyämänanpaq niyämanqa.
Tsaypaqmi kikïpa shutïchö jurashkä.
Imatapis permïtinäpaq änirqa mana qonqarmi cumplï.#Rom. 14.11; Fil. 2.10-11.
24<<Tsaymi runakuna niyanqa:
<Poderösu Dios Yayallam salvamaqnintsik>.
Peru contran tikraqkunam sïqa paypa puntanchö penqakur puriyanqa.
25 Dios Yaya salvaptinmi Israel runakuna pay munanqannö kushishqa kawakuyanqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.