Oseas 2
2
1 1 (3) Tsaynam ollqu kaqkunata niyanki: <Dios Yayapam>.
Warmi kaqkunatanam niyanki: <Dios Yaya llakipanqankunam> >>.
Israel nación runakunata prostitütaman iwalatsinqan
2 2 (4) Dios Yayam Israel runakunata nin:
<<Mamaykikunata mana llakipaypa qayapäyay.
Kananpitaqa mananam warmïnatsu kanqa.
Noqapis manam ollqunnatsu kashaq.
Noqawan amistayta munarqa amana prostitüta katsunnatsu.
Abrazaranqan waynantapis dëjatsunna.#2.2 Israel runakunapa mamanpaq parlarmi nacionninpaq parlan. Waynankunapaq parlarqa Baal dioskunapaq y ïdulukunapaqmi parlan. Tsaykunata adorayaptinmi prostitütanö kayanqanta Dios Yaya nirqan.
3 3 (5) <<Mana dëjaptinqa penqakunanpaqmi qalapataskir mamawachayllata dëjashaq.#Isa. 47.1-3; Eze. 16.37-39; Apoc. 17.16.
Jankatmi tsunyaman tikratsishaq.
Usyawan castigaptïmi yakunaypita wañunqa.
4 4 (6) Qamkunatapis wachapukuy kayaptikim#2.4 Diosta adorayanqanpa rantin Israel runakuna ïdulukunaman creyikuptinmi Dios Yayanatsu taytankuna, sinöqa tsay ïdulukunana kayarqan. Tsaymi Israel runakuna wachapukuy kayanqanta nirqan. llakipäyäshaykinatsu.
5 5 (7) Mamayki penqakuypaq prostitüta karmi nirqan:
<Waynäkuna ashiq aywashaq.
Paykunam qarayämanqa mikuyta, yakuta, millwata, lïnuta, aceitita y upyanäpaq kaqkunatapis>.#Jer. 2.23-25; 3.1-2; Ose. 4.12-14.
6 6 (8) <<Tsaymi purinan nänikunatapis kashakunawan cercushaq.#2.6 Purinan nänikunapaq parlarqa kawayninpaqmi parlaykan.
Nänita ashirpis mana tarinanpaqmi entërunpa tsapäshaq.
7 7 (9) Alläpa löcayashqam waynankunata ashinqa.
Mana tarirmi yarpachakur ninqa:
<Mejorqa punta kaq ollqüman kutikushaq.#2.7 Punta kaq ollqunpaq parlarmi Dios Yayapaq parlan.
Paywanqa kushishqam kawakurqä>.
8 8 (10) <<Tsaynö nikarpis mamaykiqa manam tantiyakuntsu trïguta, vïnuta y aceitita previnipanqäta.
Noqam qellaytawan qoritapis previniparqä.
Tsaynö kaykaptinpis tsay qellayta y qoritam Baalta adorar aparqan.
9 9 (11) Tsaymi kananqa trïguta cosechayänan kaykaptin qorikushaq.
Tsayraq rurashqa vïnutapis kutitsikushaqmi.
Llatapan rurananpaq previnipanqä millwata y lïnutapis qorikushaqmi.
10 10 (12) <<Kananqa waynankunapa rikänanchömi penqakuypaq qarapatäshaq.
Makïpita manam imanöpapis qeshpinqatsu.
11 11 (13) Fiestankunata rurar kayanqanpis ushakanqam.
Manam llullu killa fiestata ni jamay junaqta ni wakin fiestakunatapis ruranqanatsu.#Isa. 1.12-14; Amós 5.21-23.
12 12 (14) Paymi nikan üva chakrankunata y hïgus jachankunata waynankuna qarayanqanta.
Tsay üva chakrankunata y hïgus jachankunatapis chipyatmi ushakätsishaq.
Qewallana juntaptinmi chucaru wätakuna tsaychö mikuyanqa.
13 13 (15) Baal diosninkunapaq inciensiuta qoshnïtsinqanpitam tsaynö castigashaq.
Paymi dëjaskamar wallqankunatawan sortïjankunata shukurkur waynankunaman aywaykan>>.
Dios Yayam tsaynö nin.
Israel runakunata qorinanpaq Dios Yaya ninqan
14 14 (16) <<Tsaynö kaptinpis noqawan yapay amistananpaqmi desiertuman pushaykur alli shimilläpa parlapäshaq.
15 15 (17) Üva chakrankunatam kutitsishaq.
Acor Pampatam#Jos. 7.24-26. tikratsishaq bendición punku kananpaq.#2.15 Acor ninanqa desgracia ninanmi. Tsaymi Acor Pampatam tikratsishaq bendición punku kananpaq ninanqa desgracia päsanqantam tikratsishaq bendición kananpaq ninanmi.
Tsaymi yapay cäsumanqa Egiptupita jipimunqä witsay jipash kar cäsumanqannö>>.
16 16 (18) Dios Yayam nin: <<Tsay witsaymi <Tayta Baal> nimanqaykipa rantin <qammi ollqü kanki> nimanki.#2.16 Tsay witsaymi Baalpa shutinchö Dios Yayata adorayanqanta Israel runakuna yarpäyarqan.
17 17 (19) Manam Baalpa shutinkunata ni imaypis parlankinatsu.
18 18 (20) Tsay witsaymi mana atacashunaykipaq pactuta rurashaq chucaru wätakunawan, päriqkunawan y lätaypa puriqkunawanpis.
Manam espäda, flëcha ni ima armakunapis qam kaqchö kanqanatsu.
Mana imapita mantsakurmi tranquïlu puñukunki.
19 19 (21) Qammi imayyaqpis warmï kanki.
Qamwan casararmi imaypis kuyashayki.
Manam pakayllapa kaq warmïtsu kanki, sinöqa legïtimu kaq warmïmi.
20 20 (22) Warmï kaptikim imaypis dëjashaykitsu.
Llakipäkuq Dios Yaya kanqäta musyarmi kuyamanki>>.
21 21 (23) Dios Yayam nin: <<Tsay witsay tamyamunanpaq mañakayämaptikim ciëlupita tamyatsimushaq.
22 22 (24) Tamyaptinmi trïgu, üva y olïvupis allish wayunqa.
Tsaynömi Jezreelpaq#2.22 Jezreel nirmi Israel runakunapaq parlan. Jezreel ninanqa Diosmi murun ninanmi. bendición kanqa.
23 23 (25) Muruta muruqnömi nacionnikikunaman kutitsiyämushayki noqallatana adorayämänaykipaq.
Lo-ruhama#2.23a Lo-ruhama ninanqa mana llakipashqa ninanmi. shutiki kananpaq nishqa karpis kananqa kuyayäshaykim.
Lo-ammi#2.23b Lo-ammi ninanqa manam noqapatsu ninanmi. shutiki kananpaq nishqa karpis kananqa <noqapanam kayanki> niyäshaykim.#Zac. 13.9; Rom. 9.25; 1Ped. 2.10.
Tsaymi qamkunapis niyämanki: <Japallan Diosnïkunam kanki> >>.
Currently Selected:
Oseas 2: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Oseas 2
2
1 1 (3) Tsaynam ollqu kaqkunata niyanki: <Dios Yayapam>.
Warmi kaqkunatanam niyanki: <Dios Yaya llakipanqankunam> >>.
Israel nación runakunata prostitütaman iwalatsinqan
2 2 (4) Dios Yayam Israel runakunata nin:
<<Mamaykikunata mana llakipaypa qayapäyay.
Kananpitaqa mananam warmïnatsu kanqa.
Noqapis manam ollqunnatsu kashaq.
Noqawan amistayta munarqa amana prostitüta katsunnatsu.
Abrazaranqan waynantapis dëjatsunna.#2.2 Israel runakunapa mamanpaq parlarmi nacionninpaq parlan. Waynankunapaq parlarqa Baal dioskunapaq y ïdulukunapaqmi parlan. Tsaykunata adorayaptinmi prostitütanö kayanqanta Dios Yaya nirqan.
3 3 (5) <<Mana dëjaptinqa penqakunanpaqmi qalapataskir mamawachayllata dëjashaq.#Isa. 47.1-3; Eze. 16.37-39; Apoc. 17.16.
Jankatmi tsunyaman tikratsishaq.
Usyawan castigaptïmi yakunaypita wañunqa.
4 4 (6) Qamkunatapis wachapukuy kayaptikim#2.4 Diosta adorayanqanpa rantin Israel runakuna ïdulukunaman creyikuptinmi Dios Yayanatsu taytankuna, sinöqa tsay ïdulukunana kayarqan. Tsaymi Israel runakuna wachapukuy kayanqanta nirqan. llakipäyäshaykinatsu.
5 5 (7) Mamayki penqakuypaq prostitüta karmi nirqan:
<Waynäkuna ashiq aywashaq.
Paykunam qarayämanqa mikuyta, yakuta, millwata, lïnuta, aceitita y upyanäpaq kaqkunatapis>.#Jer. 2.23-25; 3.1-2; Ose. 4.12-14.
6 6 (8) <<Tsaymi purinan nänikunatapis kashakunawan cercushaq.#2.6 Purinan nänikunapaq parlarqa kawayninpaqmi parlaykan.
Nänita ashirpis mana tarinanpaqmi entërunpa tsapäshaq.
7 7 (9) Alläpa löcayashqam waynankunata ashinqa.
Mana tarirmi yarpachakur ninqa:
<Mejorqa punta kaq ollqüman kutikushaq.#2.7 Punta kaq ollqunpaq parlarmi Dios Yayapaq parlan.
Paywanqa kushishqam kawakurqä>.
8 8 (10) <<Tsaynö nikarpis mamaykiqa manam tantiyakuntsu trïguta, vïnuta y aceitita previnipanqäta.
Noqam qellaytawan qoritapis previniparqä.
Tsaynö kaykaptinpis tsay qellayta y qoritam Baalta adorar aparqan.
9 9 (11) Tsaymi kananqa trïguta cosechayänan kaykaptin qorikushaq.
Tsayraq rurashqa vïnutapis kutitsikushaqmi.
Llatapan rurananpaq previnipanqä millwata y lïnutapis qorikushaqmi.
10 10 (12) <<Kananqa waynankunapa rikänanchömi penqakuypaq qarapatäshaq.
Makïpita manam imanöpapis qeshpinqatsu.
11 11 (13) Fiestankunata rurar kayanqanpis ushakanqam.
Manam llullu killa fiestata ni jamay junaqta ni wakin fiestakunatapis ruranqanatsu.#Isa. 1.12-14; Amós 5.21-23.
12 12 (14) Paymi nikan üva chakrankunata y hïgus jachankunata waynankuna qarayanqanta.
Tsay üva chakrankunata y hïgus jachankunatapis chipyatmi ushakätsishaq.
Qewallana juntaptinmi chucaru wätakuna tsaychö mikuyanqa.
13 13 (15) Baal diosninkunapaq inciensiuta qoshnïtsinqanpitam tsaynö castigashaq.
Paymi dëjaskamar wallqankunatawan sortïjankunata shukurkur waynankunaman aywaykan>>.
Dios Yayam tsaynö nin.
Israel runakunata qorinanpaq Dios Yaya ninqan
14 14 (16) <<Tsaynö kaptinpis noqawan yapay amistananpaqmi desiertuman pushaykur alli shimilläpa parlapäshaq.
15 15 (17) Üva chakrankunatam kutitsishaq.
Acor Pampatam#Jos. 7.24-26. tikratsishaq bendición punku kananpaq.#2.15 Acor ninanqa desgracia ninanmi. Tsaymi Acor Pampatam tikratsishaq bendición punku kananpaq ninanqa desgracia päsanqantam tikratsishaq bendición kananpaq ninanmi.
Tsaymi yapay cäsumanqa Egiptupita jipimunqä witsay jipash kar cäsumanqannö>>.
16 16 (18) Dios Yayam nin: <<Tsay witsaymi <Tayta Baal> nimanqaykipa rantin <qammi ollqü kanki> nimanki.#2.16 Tsay witsaymi Baalpa shutinchö Dios Yayata adorayanqanta Israel runakuna yarpäyarqan.
17 17 (19) Manam Baalpa shutinkunata ni imaypis parlankinatsu.
18 18 (20) Tsay witsaymi mana atacashunaykipaq pactuta rurashaq chucaru wätakunawan, päriqkunawan y lätaypa puriqkunawanpis.
Manam espäda, flëcha ni ima armakunapis qam kaqchö kanqanatsu.
Mana imapita mantsakurmi tranquïlu puñukunki.
19 19 (21) Qammi imayyaqpis warmï kanki.
Qamwan casararmi imaypis kuyashayki.
Manam pakayllapa kaq warmïtsu kanki, sinöqa legïtimu kaq warmïmi.
20 20 (22) Warmï kaptikim imaypis dëjashaykitsu.
Llakipäkuq Dios Yaya kanqäta musyarmi kuyamanki>>.
21 21 (23) Dios Yayam nin: <<Tsay witsay tamyamunanpaq mañakayämaptikim ciëlupita tamyatsimushaq.
22 22 (24) Tamyaptinmi trïgu, üva y olïvupis allish wayunqa.
Tsaynömi Jezreelpaq#2.22 Jezreel nirmi Israel runakunapaq parlan. Jezreel ninanqa Diosmi murun ninanmi. bendición kanqa.
23 23 (25) Muruta muruqnömi nacionnikikunaman kutitsiyämushayki noqallatana adorayämänaykipaq.
Lo-ruhama#2.23a Lo-ruhama ninanqa mana llakipashqa ninanmi. shutiki kananpaq nishqa karpis kananqa kuyayäshaykim.
Lo-ammi#2.23b Lo-ammi ninanqa manam noqapatsu ninanmi. shutiki kananpaq nishqa karpis kananqa <noqapanam kayanki> niyäshaykim.#Zac. 13.9; Rom. 9.25; 1Ped. 2.10.
Tsaymi qamkunapis niyämanki: <Japallan Diosnïkunam kanki> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.