Oseas 11
11
Israel runakunata Dios Yaya llakipanqan
1<<Israel naciontaqa unaypitam kuyä.
Tsurï kaptinmi Egiptupita qayamurqä.#Éxo. 4.22; Mat. 2.15.
2Peru tsaynö kuyaykaptïmi noqapita witikuyan.
Baal dioskunapaqmi sacrificiukunata waykayan.
Ïdulukunapaqmi inciensiuta qoshnïtsiyan.
3<<Wamrata makipita jancharkur puriyta yachatsiqnömi Efraín runakunata yachatsirqä.
Peru tsaynö yachaykätsiptïpis yanapaykanqäta manam tantiyakuyantsu.
4Paykunata alläpa kuyarmi abrazarkurnin taqllapayllapa puntäman apamurqä.
Imayka llullu wamrata marqarkur qaqllanta qaqlläman töpaykatsir kuyaqnömi kuyarqä.
Tsaynö kuyarmi mikuyninkunapis kikï qararqä.
5<<Peru tsaynö kuyaykaptïpis noqapitam witikuyashqa.
Tsaymi Egiptuchönatsu yapay servikuq kayanqa, sinöqa Asiria runakunapa poderninchönam kayanqa.
6Markachö täkuqkunatam espädawan wañutsiyanqa.
Markankuna alli murallashqa kaykaptinpis jankatmi ushakätsiyanqa.
Tsaynömi ushakätsiyanqa tsapakuyta yarpäyaptinpis.
7Kuyanqä runakunam mana cäsuyämar noqapita rakikäyashqa.
Poderösu Dios kanqäta nirpis janan shonqullam serviyäman.
8<<Efraín runakuna, ¡imanötan qonqaskiyaqman!
Israel runakuna, ¡imanötan dëjaskiyaqman!#11.8 Efraín runakunapaq y Israel runakunapaq parlarqa Israel nación runakunapaqmi parlan.
¿Adma markata y Zeboim markata ushakätsinqänötsuraq ushakätsiyaqman?#Deut. 29.23.
Qamkunapaq llakikuptïmi shonqüpis witpiyparaq witpin.
9Rabyatsiyämaptikipis manam llapaykitatsu ushakätsiyäshayki.
Castigarpis manam llapaykitatsu wañutsiyäshayki.
Noqaqa manam runatsu kä, sinöqa qamkunawan kaykaq santu Diosmi.
Manam chipyattsu ushakätsiyäshayki.
10<<Qamkuna tantiyakuskirmi qatiräyämanki.
Leonnö qayaraptïmi rupay jeqanan kaq lädupita tsuktsukyarraq kutiyämunki.
11Pishqukuna päriqnömi Egiptupita sas kutiyämunki.
Palumakuna päriqnömi Asiriapitapis sas kutiyämunki.
Wajikikunachö yapay täkuyänaykipaqmi yanapayäshayki>>.
Dios Yayam tsaynö nin.
Israel runakuna jutsata rurayanqan
12 12 (12.1) <<Israel runakunam tukuynöpa llullaykätsiyäman.
Judá runakunapis mana cäsuyämarmi ïdulukunata adoraykäyan.#11.12 Kay textuqa hebreuchö manam clärutsu. Tsaymi wakin traduccionkuna nin: Peru Judá runakunam sïqa cäsumar imaypis confiakayäman.
Currently Selected:
Oseas 11: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
