Daniel 4
4
Jatun jachata rey Nabucodonosor sueñunqan
1 1 (3.31) Rey Nabucodonosormi maytsay markakunaman, nacionkunaman y ima idiömata parlaq runakunaman cartakur nirqan:
Qamkunachö alli päsakuy kaykullätsun. 2 2 (3.32) Poderösu Dios Yayam mantsakaypaq kaqkunata rurarnin shumaq tantiyatsimashqa. Tsaytam kushishqa willayaynikikunata munä. 3 3 (3.33) ¡Pay ruranqanmi mantsakaypaq! ¡Milagru ruranqanmi kushikuypaq! ¡Tsaymi payqa imayyaqpis mandaq! ¡Poderninmi ni imaypis ushakanqatsu!
4 4 (1) Noqa Nabucodonosormi yarpanqänö llapanpis alli kaptin palaciüchö kushishqa alli kawakurqä. 5 5 (2) Juk paqas puñuykarmi mana allita sueñuskir alläpa mantsakarqä. 6 6 (3) Tsaymi Babiloniachö täkuq llapan yachayyuq runakunata qayatsimurqä sueñunqä imapaq kanqanta willayämänanpaq. 7 7 (4) Adivïnukuna, brüjukuna, qoyllur estudiaqkuna y suerti qatiqkuna chaykayämuptinmi sueñunqäta willarqä. Peru manam ni mayqanpis tantiyatsiyämayta puëdiyarqantsu.
8 8 (5) Tsaypitanam Daniel chämurqan. Paypam jukaq shutin Beltsasar karqan. Tsaynömi shutin churashkä adoranqä diospa shutinnö kananpaq. Payta llapan dioskuna yanapaptinmi imata sueñunqätapis willar nirqä: 9 9 (6) <<Beltsasar, yachayyuq runakunapa mandakuqnin kaptikim musyä llapan dioskuna yanapayäshunqaykita. Tsaymi qampaqqa imapis ajatsu imata sueñunqäta y sueñunqä imapaq kanqantapis willaykamänaykipaq.
10 10 (7) <<Cämächö puñuykarmi sueñuynïchö rikashkä kay mundu chawpinchö jatun jacha ichiraykaqta. 11 11 (8) Tsay jacha wiñar tetayaptinmi puntanpis ciëluyaq chashqa. Tsaymi maytsaymanpis rikakashqa. 12 12 (9) Tsay jachapam raprankunapis alläpa shumaq kashqa. Llapan runakuna mikuyänanpaqmi wayuyninpis atska kashqa. Llapan chucaru wätakunapis jachapa chakinchömi llantukuyashqa. Tsaynöllam rämankunachö pishqukunapis qeshunkuna rurayashqa. Tsay jachapa wayuynintam llapan wätakunapis mikuyashqa.
13 13 (10) <<Cämächö puñuykarmi sueñuynïchö rikashkä ciëlupita juk ángel uraykämuqta. 14 14 (11) Tsay angelmi jinchi nimurqan: <Tsay jachata walluskir llapan rämankunata llawmiyay. Tsaypita raprankunatapis jankat shushutsiyay. Wayuyninkunatapis chipyat tapsiyay. Llantunchö llantukuq wätakunatapis llapanta qarquyay. Pishqukunapis qeshunkunata dëjaskir aywakuyätsun. 15 15 (12) Peru troncunta sïqa jawantinta patsallanchö fiërru y bronci cadenakunawan wataykur dëjaykuyay. Qewakunapa chawpillanchö wätakunawan paqta kawatsun. Shushallpis patsallanchö oqutsun. 16 16 (13) Yarpaynin alli kaykanqanpita wätapa yarpayninnö tikratsun. Qanchis watäyaq tsaynö katsun>.
17 17 (14) <<Tsaynö kananpaq kaqtam angelkuna willakuyashqa. Tsaynö päsaptinmi pïmaypis musyayanqa llapan mandaqkunapitapis Dios Yaya mas poderösu kanqanta. Paymi pitapis munanqan kaqta churan nacionchö mandakuq kananpaq. Munarqa mas qollmi shonqu kaqtapis mandakuq kananpaqmi churan.
18 18 (15) <<Tsaytam noqa Nabucodonosor sueñuynïchö rikashkä. Beltsasar, tsay sueñunqä imapaq kanqanta kanan willaykamay. Kay mandakunqä nacionchö manam mayqan adivïnukunapis tantiyatsiyämayta puëdiyantsu. Peru qammi sïqa llapan dioskuna yanapashuptiki tantiyatsimayta puëdinki>>.
Rey Nabucodonosor imapaq sueñunqanta Daniel willanqan
19 19 (16) Tsaynö willanqä mantsakaypaq kaptinmi Beltsasar shutiyuq Daniel juk höranö alläpa mantsakashqa wiyararqan. Tsaymi nirqä: <<Beltsasar, tsay sueñunqäta willaptiq ama mantsakaytsu>>.
Danielnam nimarqan: <<Taytay, tsay sueñuynikichö rikanqaykiqa chikishuqnikikunata päsananpaq kaykullätsun. 20-22 20-22 (17-19) Sueñuynikichö rikanqayki jatun jacham kikiki kanki. Tsay jacha wiñarnin tetayanqannömi qampis poderyuq tikrashkanki. Rämasapayar puntan ciëluyaq chanqannömi qampis poderyuq tikrar ciëluchö angelnö kanki. Jachapa raprankuna alläpa shumaq kanqannö y wayuyninkuna llapan runakuna mikuyänanpaq atska kanqannömi qampis atskaq runakunata yanapanki. Chucaru wätakuna jacha chakinchö llantukuyanqannö y rämankunachö pishqukuna qeshunkunata rurayanqannömi llapan runakunapis mandäduykichö kaykäyan. Tsay jacha kay patsachö maytsayman rikakanqannömi llapan nacionkunapis podernikichö kayan.
23 23 (20) <<Tsaynöllam sueñuynikichö rikashkanki ciëlupita willakuq ángel urämuqta. Paymi nirqan: <Tsay jachata walluskir llapanta ushakätsiy. Peru troncunta sïqa jawantinta patsallanchö dëjaykuyay. Fiërruwan y bronci cadenakunawan watarkur qewakuna chawpinllachö dëjaykuyay. Shushallpis patsallanchö oqutsun. Qanchis wata päsanqanyaq wätakunawan paqta katsun>.
24 24 (21) <<Taytay rey, poderösu Dios Yaya sueñuynikichö rikätsishunqaykim qamta päsashunaykipaq. Tsay sueñunqayki imapaq kanqanta kanan willashayki. 25 25 (22) Runakuna täkuyanqanpita qarquyäshuptikim wätakunawan paqta kawanki. Törunömi qewata mikunki y shushallmi oqushunki. Tsaynömi qanchis wata kanki Dios Yaya poderösu kanqanta tantiyanqaykiyaq. Paymi pitapis munanqan kaqta churan mandakuq kananpaq.
26 26 (23) <<Jawantin troncu patsallanchö quëdaqmi mandakuq kayman kutinaykipaq. Mandakuq kaymanmi kutinki Dios Yaya poderösu kanqanta tantiyanqayki höra.
27 27 (24) <<Taytay rey, tsaynö mana päsashunaykipaq kanan yätsinqaqta wiyamay. Jutsa ruraykunata dëjaskir runa majikita alli rikay. Mana alli ruraynikita dëjaskir waktsakunata yanapay. Tsaynö rurarqa talvezchi puntata kanqaykinö tranquïlu kawakunkiman>>.
28 28 (25) Daniel willamanqannöllam llapan päsamarqan. 29 29 (26) Tsay sueñunqäpita juk watatanam Babilonia palaciüchö puriykar 30 30 (27) nirqä: <<¡Noqam poderyuq kar mandakunqä nacionkunapa capitalnin kananpaq kay jatusaq Babilonia markakunata shäritsishkä! Tsaynöpam maytsay nacionchö poderyuq kanqäta musyayanqa>>.
31 31 (28) Parlayta manaraq usharmi ciëlupita nimuqta wiyarqä: <<Rey Nabucodonosor, ninqäta shumaq wiyamay. Kananpitaqa mananam mandakuq reynatsu kanki. 32 32 (29) Runakuna täkuyanqanpita qarquyäshuptikim wätakunawan paqta kawanki. Törunömi qewata mikunki. Qanchis watam tsaynö kawanki Dios Yaya poderösu kanqanta tantiyanqaykiyaq. Paymi pitapis munanqanta mandakuq kananpaq churan>>.
33 33 (30) Tsay höram nimanqan cumplirqan. Tsaymi runakuna täkuyanqanpita qarquskayämaptin törunö qewata mikur qallaykurqä. Cuerpütanam shushall oqumarqan. Aqtsäpis pitsakpa plümannö y shillüpis pitsakpa shillunnömi wiñarqan.
34 34 (31) Qanchis wata päsaskiptinmi noqa Nabucodonosor ciëlupa rikarkur Dios Yayata perdonta mañakurqä. Tsaymi yapay juiciüman churakaskir imayyaqpis kawaq poderösu Dios Yayata alabar agradëcikurqä.
Paypa mandakuyninqa mana ushakaqmi.
Mandakuq kaynintaqa manam ni pipis qechunqatsu.
35 35 (32) Paypaqqa mayqan nacionpis manakaqllam.
Dios Yayam ciëluchö y kay patsachöpis munanqannö imatapis ruran.
Paytaqa manam ni pipis tsapata churantsu.
Paytaqa manam ni pipis <<¿imanirtan tsaynö ruraykanki?>> nintsu.
36 36 (33) Tsay höram ñawpata kanqänö juiciüman churakarqä. Mandakuq kanqäman yapay kutirmi puntata poderyuq kanqänö yapay poderyuq karqä. Tsaymi puntata mandäsimaqkunapis yanapayämänanpaq yapay kutiyämurqan. Trönüman kutirmi punta kanqäpita mas poderyuq tikrarqä. 37 37 (34) Tsaymi noqa Nabucodonosor ciëluchö Dios Yayata alabä. Pay ruranqanmi llapanpis alli. Yachaq tukuqkunatam penqakuyman churan.
Currently Selected:
Daniel 4: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Daniel 4
4
Jatun jachata rey Nabucodonosor sueñunqan
1 1 (3.31) Rey Nabucodonosormi maytsay markakunaman, nacionkunaman y ima idiömata parlaq runakunaman cartakur nirqan:
Qamkunachö alli päsakuy kaykullätsun. 2 2 (3.32) Poderösu Dios Yayam mantsakaypaq kaqkunata rurarnin shumaq tantiyatsimashqa. Tsaytam kushishqa willayaynikikunata munä. 3 3 (3.33) ¡Pay ruranqanmi mantsakaypaq! ¡Milagru ruranqanmi kushikuypaq! ¡Tsaymi payqa imayyaqpis mandaq! ¡Poderninmi ni imaypis ushakanqatsu!
4 4 (1) Noqa Nabucodonosormi yarpanqänö llapanpis alli kaptin palaciüchö kushishqa alli kawakurqä. 5 5 (2) Juk paqas puñuykarmi mana allita sueñuskir alläpa mantsakarqä. 6 6 (3) Tsaymi Babiloniachö täkuq llapan yachayyuq runakunata qayatsimurqä sueñunqä imapaq kanqanta willayämänanpaq. 7 7 (4) Adivïnukuna, brüjukuna, qoyllur estudiaqkuna y suerti qatiqkuna chaykayämuptinmi sueñunqäta willarqä. Peru manam ni mayqanpis tantiyatsiyämayta puëdiyarqantsu.
8 8 (5) Tsaypitanam Daniel chämurqan. Paypam jukaq shutin Beltsasar karqan. Tsaynömi shutin churashkä adoranqä diospa shutinnö kananpaq. Payta llapan dioskuna yanapaptinmi imata sueñunqätapis willar nirqä: 9 9 (6) <<Beltsasar, yachayyuq runakunapa mandakuqnin kaptikim musyä llapan dioskuna yanapayäshunqaykita. Tsaymi qampaqqa imapis ajatsu imata sueñunqäta y sueñunqä imapaq kanqantapis willaykamänaykipaq.
10 10 (7) <<Cämächö puñuykarmi sueñuynïchö rikashkä kay mundu chawpinchö jatun jacha ichiraykaqta. 11 11 (8) Tsay jacha wiñar tetayaptinmi puntanpis ciëluyaq chashqa. Tsaymi maytsaymanpis rikakashqa. 12 12 (9) Tsay jachapam raprankunapis alläpa shumaq kashqa. Llapan runakuna mikuyänanpaqmi wayuyninpis atska kashqa. Llapan chucaru wätakunapis jachapa chakinchömi llantukuyashqa. Tsaynöllam rämankunachö pishqukunapis qeshunkuna rurayashqa. Tsay jachapa wayuynintam llapan wätakunapis mikuyashqa.
13 13 (10) <<Cämächö puñuykarmi sueñuynïchö rikashkä ciëlupita juk ángel uraykämuqta. 14 14 (11) Tsay angelmi jinchi nimurqan: <Tsay jachata walluskir llapan rämankunata llawmiyay. Tsaypita raprankunatapis jankat shushutsiyay. Wayuyninkunatapis chipyat tapsiyay. Llantunchö llantukuq wätakunatapis llapanta qarquyay. Pishqukunapis qeshunkunata dëjaskir aywakuyätsun. 15 15 (12) Peru troncunta sïqa jawantinta patsallanchö fiërru y bronci cadenakunawan wataykur dëjaykuyay. Qewakunapa chawpillanchö wätakunawan paqta kawatsun. Shushallpis patsallanchö oqutsun. 16 16 (13) Yarpaynin alli kaykanqanpita wätapa yarpayninnö tikratsun. Qanchis watäyaq tsaynö katsun>.
17 17 (14) <<Tsaynö kananpaq kaqtam angelkuna willakuyashqa. Tsaynö päsaptinmi pïmaypis musyayanqa llapan mandaqkunapitapis Dios Yaya mas poderösu kanqanta. Paymi pitapis munanqan kaqta churan nacionchö mandakuq kananpaq. Munarqa mas qollmi shonqu kaqtapis mandakuq kananpaqmi churan.
18 18 (15) <<Tsaytam noqa Nabucodonosor sueñuynïchö rikashkä. Beltsasar, tsay sueñunqä imapaq kanqanta kanan willaykamay. Kay mandakunqä nacionchö manam mayqan adivïnukunapis tantiyatsiyämayta puëdiyantsu. Peru qammi sïqa llapan dioskuna yanapashuptiki tantiyatsimayta puëdinki>>.
Rey Nabucodonosor imapaq sueñunqanta Daniel willanqan
19 19 (16) Tsaynö willanqä mantsakaypaq kaptinmi Beltsasar shutiyuq Daniel juk höranö alläpa mantsakashqa wiyararqan. Tsaymi nirqä: <<Beltsasar, tsay sueñunqäta willaptiq ama mantsakaytsu>>.
Danielnam nimarqan: <<Taytay, tsay sueñuynikichö rikanqaykiqa chikishuqnikikunata päsananpaq kaykullätsun. 20-22 20-22 (17-19) Sueñuynikichö rikanqayki jatun jacham kikiki kanki. Tsay jacha wiñarnin tetayanqannömi qampis poderyuq tikrashkanki. Rämasapayar puntan ciëluyaq chanqannömi qampis poderyuq tikrar ciëluchö angelnö kanki. Jachapa raprankuna alläpa shumaq kanqannö y wayuyninkuna llapan runakuna mikuyänanpaq atska kanqannömi qampis atskaq runakunata yanapanki. Chucaru wätakuna jacha chakinchö llantukuyanqannö y rämankunachö pishqukuna qeshunkunata rurayanqannömi llapan runakunapis mandäduykichö kaykäyan. Tsay jacha kay patsachö maytsayman rikakanqannömi llapan nacionkunapis podernikichö kayan.
23 23 (20) <<Tsaynöllam sueñuynikichö rikashkanki ciëlupita willakuq ángel urämuqta. Paymi nirqan: <Tsay jachata walluskir llapanta ushakätsiy. Peru troncunta sïqa jawantinta patsallanchö dëjaykuyay. Fiërruwan y bronci cadenakunawan watarkur qewakuna chawpinllachö dëjaykuyay. Shushallpis patsallanchö oqutsun. Qanchis wata päsanqanyaq wätakunawan paqta katsun>.
24 24 (21) <<Taytay rey, poderösu Dios Yaya sueñuynikichö rikätsishunqaykim qamta päsashunaykipaq. Tsay sueñunqayki imapaq kanqanta kanan willashayki. 25 25 (22) Runakuna täkuyanqanpita qarquyäshuptikim wätakunawan paqta kawanki. Törunömi qewata mikunki y shushallmi oqushunki. Tsaynömi qanchis wata kanki Dios Yaya poderösu kanqanta tantiyanqaykiyaq. Paymi pitapis munanqan kaqta churan mandakuq kananpaq.
26 26 (23) <<Jawantin troncu patsallanchö quëdaqmi mandakuq kayman kutinaykipaq. Mandakuq kaymanmi kutinki Dios Yaya poderösu kanqanta tantiyanqayki höra.
27 27 (24) <<Taytay rey, tsaynö mana päsashunaykipaq kanan yätsinqaqta wiyamay. Jutsa ruraykunata dëjaskir runa majikita alli rikay. Mana alli ruraynikita dëjaskir waktsakunata yanapay. Tsaynö rurarqa talvezchi puntata kanqaykinö tranquïlu kawakunkiman>>.
28 28 (25) Daniel willamanqannöllam llapan päsamarqan. 29 29 (26) Tsay sueñunqäpita juk watatanam Babilonia palaciüchö puriykar 30 30 (27) nirqä: <<¡Noqam poderyuq kar mandakunqä nacionkunapa capitalnin kananpaq kay jatusaq Babilonia markakunata shäritsishkä! Tsaynöpam maytsay nacionchö poderyuq kanqäta musyayanqa>>.
31 31 (28) Parlayta manaraq usharmi ciëlupita nimuqta wiyarqä: <<Rey Nabucodonosor, ninqäta shumaq wiyamay. Kananpitaqa mananam mandakuq reynatsu kanki. 32 32 (29) Runakuna täkuyanqanpita qarquyäshuptikim wätakunawan paqta kawanki. Törunömi qewata mikunki. Qanchis watam tsaynö kawanki Dios Yaya poderösu kanqanta tantiyanqaykiyaq. Paymi pitapis munanqanta mandakuq kananpaq churan>>.
33 33 (30) Tsay höram nimanqan cumplirqan. Tsaymi runakuna täkuyanqanpita qarquskayämaptin törunö qewata mikur qallaykurqä. Cuerpütanam shushall oqumarqan. Aqtsäpis pitsakpa plümannö y shillüpis pitsakpa shillunnömi wiñarqan.
34 34 (31) Qanchis wata päsaskiptinmi noqa Nabucodonosor ciëlupa rikarkur Dios Yayata perdonta mañakurqä. Tsaymi yapay juiciüman churakaskir imayyaqpis kawaq poderösu Dios Yayata alabar agradëcikurqä.
Paypa mandakuyninqa mana ushakaqmi.
Mandakuq kaynintaqa manam ni pipis qechunqatsu.
35 35 (32) Paypaqqa mayqan nacionpis manakaqllam.
Dios Yayam ciëluchö y kay patsachöpis munanqannö imatapis ruran.
Paytaqa manam ni pipis tsapata churantsu.
Paytaqa manam ni pipis <<¿imanirtan tsaynö ruraykanki?>> nintsu.
36 36 (33) Tsay höram ñawpata kanqänö juiciüman churakarqä. Mandakuq kanqäman yapay kutirmi puntata poderyuq kanqänö yapay poderyuq karqä. Tsaymi puntata mandäsimaqkunapis yanapayämänanpaq yapay kutiyämurqan. Trönüman kutirmi punta kanqäpita mas poderyuq tikrarqä. 37 37 (34) Tsaymi noqa Nabucodonosor ciëluchö Dios Yayata alabä. Pay ruranqanmi llapanpis alli. Yachaq tukuqkunatam penqakuyman churan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.