KULAVA 30
30
Luximbi lwakuvuluka vyakuxika
1Mose ahanjikile kuli vamyata jamiyaci yavana vaIsalele, avambile ngwenyi, Eli likiko lizu nalweze Yehova ngwenyi,
2 #
Luxi. 23.21-23; Mateu 5.23. Mutu hakuxika Yehova luxiko, cipwe nge mwalixinga nakukasa mwono wenyi naluxingo, kanda akazomboka lizu lyenyiko. Akalinge nganomu mwaya vyuma vyosena nahanjika nakanwa kenyi.
3Pwevo nawa hakuxika Yehova luxiko nakulikasa naluxingo, hakutwama muzuvo yaise hausanda wenyi,
4kaha ise hakwivwa luxiko lwenyi naluxingo luze nakase mwono wenyi, ise hakuliholela kulu hali ikiye, kaha jixiko jenyi josena najizama, namaxingo osena nalikase mwono wenyi nawemana.
5Oloze kaci nge ise mwamukanyisa halikumbi lize mwevwako, kakwexi luxiko lwenyi lumwe nalwimanako, cipwe luxingo lwenyi lumwe nakase mwono wenyi. Yehova mwamukonekela, mwomwo ise namukanyisa, xikaho.
6Kaci nge nasomboka lyehi hakuxika ngoco jixiko, mokomoko hakulauka namivumbo yenyi nakukasa mwono wenyi,
7kaci nge lunga lyenyi mwacivwa nakuliholela kulu hali ikiye halikumbi lize mwacivwa, kaha jixiko jenyi najizama, namaxingo enyi nawa nakase mwono wenyi nawemana.
8Oloze kaci nge lunga lyenyi mwamukanyisa halikumbi lize mwacivwa, mwajimuna luxiko alixikanga, nakulusuka camivumbo yenyi akasanga mwono wenyi, kaha Yehova mwamukonekela.
9Oloze luxiko lwapwevo watuliwe, cipwelu lwayou vanatumbika lyehi, vyuma vyosena mwanalikase mwono wenyi navizama hali ikiye.
10Kaci nge alixikile muzuvo yalunga lyenyi, cipwe kukasa mwono wenyi hakulixinga,
11kaci nge lunga lyenyi acivwile nakuliholela kulu hali ikiye nakuzeneka kumukanyisa, kaha jixiko jenyi josena najizama, namaxingo enyi osena akaxile mwono wenyi nawemana.
12Oloze kaci nge lunga lyenyi avijimwine cakuvijimuna halikumbi lize avivwile, kaha vyuma vize ahanjikile namivumbo yenyi vyakuvuluka jixiko jenyi cipwe hakulikasa mwono wenyi, kavyexi kuzamako. Lunga lyenyi navijimuna, kaha Yehova mwamukonekela.
13Jixiko josena namaxingo akukasa akuyanjisa mwono wenyi osena, lunga lyenyi nahase kuvizamisa, mokomoko lunga lyenyi nahase kuvijimuna.
14Oloze kaci nge lunga lyenyi mwaliholela kulu hali ikiye hakumbi hakumbi, mwazamisa jixiko jenyi josena nakulikasa cenyi cosena nalikase. Navizamisa lyehi mbe, mwomwo aliholelanga hali ikiye halikumbi lize avivwanga, xikaho.
15Oloze kaci nge hakuvivwa himwavijimuna cakuvijimuna, mwambata kuhenga capwevo.
16Evi vikiko vilika valwezele Mose kuli Yehova, vyahali lunga napwevo lyenyi, nahali ise namwanenyi wapwevo acili sanda muzuvo yaise.
Currently Selected:
KULAVA 30: LUE70
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
KULAVA 30
30
Luximbi lwakuvuluka vyakuxika
1Mose ahanjikile kuli vamyata jamiyaci yavana vaIsalele, avambile ngwenyi, Eli likiko lizu nalweze Yehova ngwenyi,
2 #
Luxi. 23.21-23; Mateu 5.23. Mutu hakuxika Yehova luxiko, cipwe nge mwalixinga nakukasa mwono wenyi naluxingo, kanda akazomboka lizu lyenyiko. Akalinge nganomu mwaya vyuma vyosena nahanjika nakanwa kenyi.
3Pwevo nawa hakuxika Yehova luxiko nakulikasa naluxingo, hakutwama muzuvo yaise hausanda wenyi,
4kaha ise hakwivwa luxiko lwenyi naluxingo luze nakase mwono wenyi, ise hakuliholela kulu hali ikiye, kaha jixiko jenyi josena najizama, namaxingo osena nalikase mwono wenyi nawemana.
5Oloze kaci nge ise mwamukanyisa halikumbi lize mwevwako, kakwexi luxiko lwenyi lumwe nalwimanako, cipwe luxingo lwenyi lumwe nakase mwono wenyi. Yehova mwamukonekela, mwomwo ise namukanyisa, xikaho.
6Kaci nge nasomboka lyehi hakuxika ngoco jixiko, mokomoko hakulauka namivumbo yenyi nakukasa mwono wenyi,
7kaci nge lunga lyenyi mwacivwa nakuliholela kulu hali ikiye halikumbi lize mwacivwa, kaha jixiko jenyi najizama, namaxingo enyi nawa nakase mwono wenyi nawemana.
8Oloze kaci nge lunga lyenyi mwamukanyisa halikumbi lize mwacivwa, mwajimuna luxiko alixikanga, nakulusuka camivumbo yenyi akasanga mwono wenyi, kaha Yehova mwamukonekela.
9Oloze luxiko lwapwevo watuliwe, cipwelu lwayou vanatumbika lyehi, vyuma vyosena mwanalikase mwono wenyi navizama hali ikiye.
10Kaci nge alixikile muzuvo yalunga lyenyi, cipwe kukasa mwono wenyi hakulixinga,
11kaci nge lunga lyenyi acivwile nakuliholela kulu hali ikiye nakuzeneka kumukanyisa, kaha jixiko jenyi josena najizama, namaxingo enyi osena akaxile mwono wenyi nawemana.
12Oloze kaci nge lunga lyenyi avijimwine cakuvijimuna halikumbi lize avivwile, kaha vyuma vize ahanjikile namivumbo yenyi vyakuvuluka jixiko jenyi cipwe hakulikasa mwono wenyi, kavyexi kuzamako. Lunga lyenyi navijimuna, kaha Yehova mwamukonekela.
13Jixiko josena namaxingo akukasa akuyanjisa mwono wenyi osena, lunga lyenyi nahase kuvizamisa, mokomoko lunga lyenyi nahase kuvijimuna.
14Oloze kaci nge lunga lyenyi mwaliholela kulu hali ikiye hakumbi hakumbi, mwazamisa jixiko jenyi josena nakulikasa cenyi cosena nalikase. Navizamisa lyehi mbe, mwomwo aliholelanga hali ikiye halikumbi lize avivwanga, xikaho.
15Oloze kaci nge hakuvivwa himwavijimuna cakuvijimuna, mwambata kuhenga capwevo.
16Evi vikiko vilika valwezele Mose kuli Yehova, vyahali lunga napwevo lyenyi, nahali ise namwanenyi wapwevo acili sanda muzuvo yaise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Luvale Bible © Bible Society of Zambia, 1970.