Joroma 8
8
Kuo i Tipo
1Pi mano, nan do likame kobino ngolo kop i wi jo kame tie i Kirisito Yesu. 2Pien iswil me Tipo, kame mio jo kuo i Kirisito Yesu otieko gonyo wa kiye iswil kame kelo dub kede to. 3Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub. 4Rubanga otimo kaman tetekeny gikame opoore, gikame Iswil mito miero cobere kakare i kom wa, wan jo kalikame obedo i kite me kuo me kom, do obedo bala kame Tipo mito. 5Pien jo kame bedo i kite me kuo me kom keto tam gi i kom gikame kom mito, do jo kame bedo bala kame Tipo mito, keto tam gi i kom gikame Tipo mito. 6Keto tam i kom gikame kom mito kelo to, do keto tam i kom gikame Tipo mito kelo kuo kede mulem. 7Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo. 8Doko jo kame bedo i kite me kuo me kom likame karuno yomo cuny Rubanga.
9Do wun likame ibedunu i kite me kuo me kom, do ibedunu bala kame Tipo mito, pien Tipo ka Rubanga bedo i komu. Ngat kame li kede Tipo ka Kirisito, udo likame en me ka Kirisito. 10Do ka Kirisito tie i kuo wu, akadi bed bala komu oto pi dub, do tipo wu kuo pien itiekunu doko jo kopoore. 11#1 Jokorinti 3.16Ka Tipo me ngat koyaruno Yesu kikom jo oto bedo i kuo wu, ngat nono koyaruno Kirisito Yesu kikom jo oto bino mino komu da kame to kuo, pi Tipo mere kame tie i kuo wu.
12Pi mano, imiegu kede amiegu na, wan otienu kede gimoro kame miero otimunu, kame tie banya, do likame ne kuo me kom amoto pi bedo bala kame kom mito, 13pien ka ibedunu i ekite me kuo me kom, ibinunu to, do ka ijikunu tice me kom pi Tipo, ibinunu kuo. 14Pien jo dedede kame Tipo ka Rubanga telo, gin idwe ka Rubanga. 15#Marako 14.36; Jogalatia 4.6#Jogalatia 4.5-7Pien likame igamunu Tipo kame loko wu idokunu ipasoi di eko mino wu bedo kede lworo, do igamunu Tipo kame mio wu ibedunu idwe ka Rubanga. Kame okokunu but Rubanga be, “Aba! Papa!” 16udo Tipo nono kikome en kame tie mino ijura karacel kede tipo wa be wan obedunu idwe ka Rubanga. 17Aso ka wan idwe ka Rubanga, udo otienu jo kame bino udo winyo mere, di onywakunu udo winyo nono karacel kede Kirisito, ka di ateteni wan otienu neno can kede en me wek mi wa deyo karacel kede en.
Deyo kame Obinunu Udo
18Ango angeo be can kame nataman wan otienu neno i kare ni likame romo porere kede deyo kame kobino nyuto ne wa. 19Pien cwec lung tie daro kede mit adwong pi Rubanga nyuto idwe mege. 20#Ageini 3.17-19Pien oudo koketo cwec lung i twer me gikame dwong mere li, likame pi mit mere, do pi mit me ngat kame bin okete i twer nono, di egeno be 21kobino gonyo cwec lung ki bedo mabus me gikame top, di eko donyo i deyo me bedo idwe kogonyere ka Rubanga. 22Wan ongeo be cwec lung obedo cur kede aramo alit tuno nan. 23#2 Jokorinti 5.2-4Do likame cwec kenekene, wada kikom wa, wan jo kame otienu kede giamia ka Rubanga me Tipo bala anyakini me agege, ocurunu eliling di odaro Rubanga loko wa doko idwe mege, gikame obedo alako me kom wa. 24Pien pi bedo kede gen noni en komio kolako wa. Gen kame neeno udo likame en gen, pien ngai kame geno gikame en etie neno? 25Do ka ogenunu gi kalikame otienu neno, odiunu cuny wa pi dare.
26Kamanono da, Tipo konyo wa i goro wa; pien likame wan ongeunu epone me lego bala kame opoorenu timo kede, do Tipo nono bako doge pirwa kede cur kalikame wacere. 27Doko ngat kame neno cuny jo ngeo tam me Tipo, pien Tipo bako doge pi jokacil bala kame Rubanga mito kede.
28Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere. 29Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot. 30Jo kame en oudo egeo moko kop gi sek bin en eko lwongo da; jo kame elwongo, en eko da mino gi kidoko jo kopoore; jo kame emio odoko jo kopoore, en eko da mino gi deyo.
Amara ka Rubanga i Kirisito Yesu
31Nan owac do benyo? Ka Rubanga tie kede wa, ngai kame twero mon kede wa? 32En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en? 33Ngai kame karuno kelo pido moro i kom jo kame Rubanga otieko yero? Rubanga en kame mio jo bedo di kipoore. 34Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa. 35Ngai kame bino poko wa ki amara ka Kirisito? Iparunu be peko bino poko wa, amoto cwercuny, amoto itidil, amoto kec, amoto bedo li kede giangapa, amoto gimoro arac kame karuno timere ne wa, amoto epima? 36#Sabuli 44.22Bala kite kame kowandiko kede be,
“Kotie neko wa piny yuluyul piri;
kotero wa bala romini kame koyaro ngongolo.”
37Li, i gigi dedede, wan olounu adikinicel pi ngat kame omaro wa. 38Pien ango angeo kiber be, akadi to amoto kuo, imalaikan amoto jopug me malo, jame me kare kanataman amoto me waru, twer, 39boro malo amoto tuto piny, arabo gimoroni kenekene kame kocweo, likame bino twero poko wa ki amara ka Rubanga kame tie i Kirisito Yesu Rwot wa.
Currently Selected:
Joroma 8: BILKDC13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Joroma 8
8
Kuo i Tipo
1Pi mano, nan do likame kobino ngolo kop i wi jo kame tie i Kirisito Yesu. 2Pien iswil me Tipo, kame mio jo kuo i Kirisito Yesu otieko gonyo wa kiye iswil kame kelo dub kede to. 3Rubanga otieko timo gikame oudo Iswil likame twero timo, pien kite me kuo me anywali otieko mine edoko goro. En eoro Wode kikokome pi bino i cal me kuo me kom kame opong kede dub, di en eko ngolo kop me raco i wi dub. 4Rubanga otimo kaman tetekeny gikame opoore, gikame Iswil mito miero cobere kakare i kom wa, wan jo kalikame obedo i kite me kuo me kom, do obedo bala kame Tipo mito. 5Pien jo kame bedo i kite me kuo me kom keto tam gi i kom gikame kom mito, do jo kame bedo bala kame Tipo mito, keto tam gi i kom gikame Tipo mito. 6Keto tam i kom gikame kom mito kelo to, do keto tam i kom gikame Tipo mito kelo kuo kede mulem. 7Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo. 8Doko jo kame bedo i kite me kuo me kom likame karuno yomo cuny Rubanga.
9Do wun likame ibedunu i kite me kuo me kom, do ibedunu bala kame Tipo mito, pien Tipo ka Rubanga bedo i komu. Ngat kame li kede Tipo ka Kirisito, udo likame en me ka Kirisito. 10Do ka Kirisito tie i kuo wu, akadi bed bala komu oto pi dub, do tipo wu kuo pien itiekunu doko jo kopoore. 11#1 Jokorinti 3.16Ka Tipo me ngat koyaruno Yesu kikom jo oto bedo i kuo wu, ngat nono koyaruno Kirisito Yesu kikom jo oto bino mino komu da kame to kuo, pi Tipo mere kame tie i kuo wu.
12Pi mano, imiegu kede amiegu na, wan otienu kede gimoro kame miero otimunu, kame tie banya, do likame ne kuo me kom amoto pi bedo bala kame kom mito, 13pien ka ibedunu i ekite me kuo me kom, ibinunu to, do ka ijikunu tice me kom pi Tipo, ibinunu kuo. 14Pien jo dedede kame Tipo ka Rubanga telo, gin idwe ka Rubanga. 15#Marako 14.36; Jogalatia 4.6#Jogalatia 4.5-7Pien likame igamunu Tipo kame loko wu idokunu ipasoi di eko mino wu bedo kede lworo, do igamunu Tipo kame mio wu ibedunu idwe ka Rubanga. Kame okokunu but Rubanga be, “Aba! Papa!” 16udo Tipo nono kikome en kame tie mino ijura karacel kede tipo wa be wan obedunu idwe ka Rubanga. 17Aso ka wan idwe ka Rubanga, udo otienu jo kame bino udo winyo mere, di onywakunu udo winyo nono karacel kede Kirisito, ka di ateteni wan otienu neno can kede en me wek mi wa deyo karacel kede en.
Deyo kame Obinunu Udo
18Ango angeo be can kame nataman wan otienu neno i kare ni likame romo porere kede deyo kame kobino nyuto ne wa. 19Pien cwec lung tie daro kede mit adwong pi Rubanga nyuto idwe mege. 20#Ageini 3.17-19Pien oudo koketo cwec lung i twer me gikame dwong mere li, likame pi mit mere, do pi mit me ngat kame bin okete i twer nono, di egeno be 21kobino gonyo cwec lung ki bedo mabus me gikame top, di eko donyo i deyo me bedo idwe kogonyere ka Rubanga. 22Wan ongeo be cwec lung obedo cur kede aramo alit tuno nan. 23#2 Jokorinti 5.2-4Do likame cwec kenekene, wada kikom wa, wan jo kame otienu kede giamia ka Rubanga me Tipo bala anyakini me agege, ocurunu eliling di odaro Rubanga loko wa doko idwe mege, gikame obedo alako me kom wa. 24Pien pi bedo kede gen noni en komio kolako wa. Gen kame neeno udo likame en gen, pien ngai kame geno gikame en etie neno? 25Do ka ogenunu gi kalikame otienu neno, odiunu cuny wa pi dare.
26Kamanono da, Tipo konyo wa i goro wa; pien likame wan ongeunu epone me lego bala kame opoorenu timo kede, do Tipo nono bako doge pirwa kede cur kalikame wacere. 27Doko ngat kame neno cuny jo ngeo tam me Tipo, pien Tipo bako doge pi jokacil bala kame Rubanga mito kede.
28Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere. 29Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot. 30Jo kame en oudo egeo moko kop gi sek bin en eko lwongo da; jo kame elwongo, en eko da mino gi kidoko jo kopoore; jo kame emio odoko jo kopoore, en eko da mino gi deyo.
Amara ka Rubanga i Kirisito Yesu
31Nan owac do benyo? Ka Rubanga tie kede wa, ngai kame twero mon kede wa? 32En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en? 33Ngai kame karuno kelo pido moro i kom jo kame Rubanga otieko yero? Rubanga en kame mio jo bedo di kipoore. 34Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa. 35Ngai kame bino poko wa ki amara ka Kirisito? Iparunu be peko bino poko wa, amoto cwercuny, amoto itidil, amoto kec, amoto bedo li kede giangapa, amoto gimoro arac kame karuno timere ne wa, amoto epima? 36#Sabuli 44.22Bala kite kame kowandiko kede be,
“Kotie neko wa piny yuluyul piri;
kotero wa bala romini kame koyaro ngongolo.”
37Li, i gigi dedede, wan olounu adikinicel pi ngat kame omaro wa. 38Pien ango angeo kiber be, akadi to amoto kuo, imalaikan amoto jopug me malo, jame me kare kanataman amoto me waru, twer, 39boro malo amoto tuto piny, arabo gimoroni kenekene kame kocweo, likame bino twero poko wa ki amara ka Rubanga kame tie i Kirisito Yesu Rwot wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.