Joroma 12
12
Epone me Kuo i Tic ka Rubanga
1Pi mano, imiegu kede amiegu na, akwao wu pi cuny me kisa ka Rubanga be, miunu komu bala giayala kame kuo, gikacil kame yomo cuny Rubanga. Manoni en woro Rubanga i ateni. 2Kur ilubunu kuo me piny ni, do miunu kuo wu lokere pi tam anyen kame itienu kede, me wek ingeunu gikame Rubanga mito, gikaber, kame yomo cunye kede kopoore.
3Pi kisa kame komia, ango awaco ne ngat acelacel kibutu pi weko paro pi dwongo mere i yore amalo kalamo kite kame mitere ne kede, do pi bedo kede tam aber, ngat acelacel di lubere kede rom me yei kame Rubanga omie. 4#1 Jokorinti 12.12Pien bala kame otienu kede adulion atot i kom wa acel, doko adulion nogo dedede likame timo tic acel, 5wada otienu kamanono, bed bala ototunu, otienu kom acel i Kirisito, do di ngat acelacel bedo bala adul me kom ngat ocelu. 6#1 Jokorinti 12.4-11Bala kame otienu kede giamia apapat kame lubere kede kisa kame Rubanga omio wa, wek otiunu kede gi. Ka giamia wa obedo me imurai, otiunu kede di lubere kede rom me yei wa; 7ka giamia wa obedo me tic ne jo, otiunu kede ne jo; ngapwony pwony jo; 8ngat kame supo cuny jo sup cuny gi; ngat kame mio, emi kede cunye dedede; ngat kame telo jo, etel gi di eketo cunye iye; ngakisa, etim kisa kede yomcuny.
9Miunu amara wu bed me ateni, dagunu gikame rac di ikounu moko i kom gikaber. 10Marerenu kenu kenu, ikounu woro jo icegun kalamo. 11Ketunu cunyu nakanaka, tiunu ne Rwot kede cunyu dedede. 12Lelunu pi gen wu, diunu cunyu i can kame itienu iye, bedunu di ilegunu nakanaka. 13Miunu jokacil gikame mitere ne gi, bedunu jo kame gamo jo.
14 #
Matayo 5.44; Luka 6.28 Kwaunu winyo ne jo kame tidilo wu; kwaunu ne gi winyo do kur ilamunu gi. 15Lelunu karacel kede jo kame lelo, kokunu karacel kede jo kame kok. 16#Agole 3.7Bedunu i anapakin kede ngat acelacel, kur itingerenu do riberenu kede jo kame pirgi likame tek; kur iwakerenu be iriekunu kalamo kite kame itienu kede.
17Kur iculunu raco moro kede raco, do tamunu pi gikaber i wang jo dedede. 18I tetu butu ka twerere, bedunu i mulem kede jo dedede. 19#Iswilia 32.35Jo na kame amaro, kur iculunu kwor, do wekunu kare ne lilo ka Rubanga; pien kowandiko be, “Tic me culo kwor en mera, abino culo kwor, Rwot en kowaco.” 20#Agole 25.21-22 Do tim bala kame kowandiko be, “Ka kec oneko ngakwor ni, mie cam; ka orio oneke, mie pii emati; pien ka itimo kamanono ibino mino lewic make.” 21Kur imiunu gikarac loi wu, do tiunu kede gikaber pi lono gikarac.
Currently Selected:
Joroma 12: BILKDC13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Joroma 12
12
Epone me Kuo i Tic ka Rubanga
1Pi mano, imiegu kede amiegu na, akwao wu pi cuny me kisa ka Rubanga be, miunu komu bala giayala kame kuo, gikacil kame yomo cuny Rubanga. Manoni en woro Rubanga i ateni. 2Kur ilubunu kuo me piny ni, do miunu kuo wu lokere pi tam anyen kame itienu kede, me wek ingeunu gikame Rubanga mito, gikaber, kame yomo cunye kede kopoore.
3Pi kisa kame komia, ango awaco ne ngat acelacel kibutu pi weko paro pi dwongo mere i yore amalo kalamo kite kame mitere ne kede, do pi bedo kede tam aber, ngat acelacel di lubere kede rom me yei kame Rubanga omie. 4#1 Jokorinti 12.12Pien bala kame otienu kede adulion atot i kom wa acel, doko adulion nogo dedede likame timo tic acel, 5wada otienu kamanono, bed bala ototunu, otienu kom acel i Kirisito, do di ngat acelacel bedo bala adul me kom ngat ocelu. 6#1 Jokorinti 12.4-11Bala kame otienu kede giamia apapat kame lubere kede kisa kame Rubanga omio wa, wek otiunu kede gi. Ka giamia wa obedo me imurai, otiunu kede di lubere kede rom me yei wa; 7ka giamia wa obedo me tic ne jo, otiunu kede ne jo; ngapwony pwony jo; 8ngat kame supo cuny jo sup cuny gi; ngat kame mio, emi kede cunye dedede; ngat kame telo jo, etel gi di eketo cunye iye; ngakisa, etim kisa kede yomcuny.
9Miunu amara wu bed me ateni, dagunu gikame rac di ikounu moko i kom gikaber. 10Marerenu kenu kenu, ikounu woro jo icegun kalamo. 11Ketunu cunyu nakanaka, tiunu ne Rwot kede cunyu dedede. 12Lelunu pi gen wu, diunu cunyu i can kame itienu iye, bedunu di ilegunu nakanaka. 13Miunu jokacil gikame mitere ne gi, bedunu jo kame gamo jo.
14 #
Matayo 5.44; Luka 6.28 Kwaunu winyo ne jo kame tidilo wu; kwaunu ne gi winyo do kur ilamunu gi. 15Lelunu karacel kede jo kame lelo, kokunu karacel kede jo kame kok. 16#Agole 3.7Bedunu i anapakin kede ngat acelacel, kur itingerenu do riberenu kede jo kame pirgi likame tek; kur iwakerenu be iriekunu kalamo kite kame itienu kede.
17Kur iculunu raco moro kede raco, do tamunu pi gikaber i wang jo dedede. 18I tetu butu ka twerere, bedunu i mulem kede jo dedede. 19#Iswilia 32.35Jo na kame amaro, kur iculunu kwor, do wekunu kare ne lilo ka Rubanga; pien kowandiko be, “Tic me culo kwor en mera, abino culo kwor, Rwot en kowaco.” 20#Agole 25.21-22 Do tim bala kame kowandiko be, “Ka kec oneko ngakwor ni, mie cam; ka orio oneke, mie pii emati; pien ka itimo kamanono ibino mino lewic make.” 21Kur imiunu gikarac loi wu, do tiunu kede gikaber pi lono gikarac.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.