2 Makabi 2
2
Yeremia Okano Eema me Tie ka Rwot
1“Wan oudo i kope kame kowandiko piny be enabi Yeremia bin omio cik but jo kame oudo kotie tero obukui pi gin kano mac mogo, bala kame kowaco nono, 2kede be en, ingei mino gin Iswil ka Rubanga, eko kwenyaro gi be poore kur wi gi wil kede cik ka Rwot, arabo yei mino tam gi parao tenge ka kiko neno rubangan kame kotimo kede saabu kede siliba kede jamini kame kotubuso gi kede. 3En bin ewaco negi da kope ace kacal kede mogonogi di ekwao gi be Iswil ka Rwot poore kur yai ki cuny gi.
4“Kope kame kowandiko nogo da waco ne wa be Yeremia bin oko udo kop kowok kibut Rubanga, di ekwenyaro en pi tero Eema kede Sanduku me Isikan ka Rwot, i moru kame bin Musa oyito iye pi neno lobo kame oudo Rubanga ocikere pi mino jo wa. 5Kakame Yeremia bin oko tuno kede i moru nono, en eko udo abo alac di en eko kano Eema kede Sanduku me Isikan ka Rwot kunono, kede alutari me wango odok angwe kur. Di do en eko mwono doge.
6“Jo mogo kikom jo wa bin oko tamo lube pi mito ngeno yongayo aoto i abo nono, do likame kiko twero wude. 7Kakame Yeremia oko ngeno kede kop nono, en eko bunano gi di ewaco be, ‘Likame tie dano moro kame bino ngeno kabedo nono tuno di Rubanga bobo ocoko jo mege karacel, di eko nyuto negi cuny me kisa. 8#Yai 16.10; 24.16; 1 Abakai 8.10-11I kare nono Rwot bino nyuto kakame kokano iye ginogi. Meny me tie ka Rwot bino neeno i edou bala bin i kare ka Musa kede i ceng kame Sulumani bin olego kede be tempulo miero kokwer kede wor adwong.’
9“Kowaco ne wa da epone kame Sulumani pi rieko mere bin oko mino kede giayala me kwero tempulo kede me tieko gere. 10Bala kame bin Musa olego kede but Rwot di mac oko wok ki malo di oko wango giayala, kamanono da Sulumani bin olego di mac oko wok ki malo di oko wango giayala. 11Musa bin oko waco ne jo be giayala me kwanyo dub nono bin mac owango pien jo oudo likame poore came. 12Sulumani bin oko tedo ebaga pi ceng kanyauni.
Itabun ka Nekemia
13“Gikame bin otimere nogi kowandiko kope gi piny i itabun me gwoko kope kotimere, kede i kope kame Nekemia bin owandiko. Nekemia bin ogero ot me gwoko itabun di eko coko karacel itabun amako kop i kom abakai kede inabin, kede kope kame bin Daudi owandiko, kede da baluwan kame bin abakai owandiko amako kop i kom giamia but Rubanga. 14Kamanono da Yuda bin ocoko itabun dedede koudo orwenyo pi yi koudo opoto ne wa; nataman itabun nogo tie but wa. 15Ka imitunu itabun nogi, cwaunu jo om gi ne wu.
Lwongo Jo pi Camo Ebaga
16 #
1 Makabi 4.59
“Bala kame wan oyapuno tedo kede Ebaga me Nyogao Kwero tempulo, wan otie wandiko ne wu baluwa noni pi wuda tedo ebaga nono. 17Rubanga otieko lako jo mege dedede, doko etieko dwoko ne wa lobo wa kacil, abaka, josaseredoti, kede tic me tempulo 18bala kame en bin ecikere i Iswil. En etieko lako wa ki peko apapat areco, doko etieko lonyo tempulo. Piento en etieko timo ginogi, wan oyei be pi cuny me kisa mere, en i kare kiyapiyapi ebino coko wan karacel i tempulo mere kacil, ki pinye dedede me wi lobo.”
Kope Ageo me Ngat Kowandiko
19Yasoni me Sirene otieko wandiko itabun kany amako kop i kom Yuda Makabi kede imiegu mege, lonyo tempulo adwong, kede kwero alutari mere. 20En etieko tatamo da kope amako yi kede Antiokus Epipane kede wode Eupator, 21doko en etieko tatamo kope amako gianyuta kame bin oko neeno but jo koudo oko yi abongo lworo pi gwoko edini me Iyudayan. Bed bala isirikalen wan oudo nonok, do gin kiko twero mano piny nono lung, di kiko donyo wapo isirikalen kame asonya tie i wi gi nogo. 22Gin kiko mano tempulo wa kidwoko, tempulo kame nyinge iruo i wi lobo lung, kilako bomba, di kiko dwoko iswilia koudo koyapuno kwanyo tenge. Gin bin kitwero timo magonogi dedede pien Rwot oudo oko bedo kede cuny me kisa kede mwolo but gi.
23Ango nataman abino tamo keto i itabu acel wie wie me kope me itabun kany nogi kame Yasoni bin owandiko. 24Kite kame kowandiko kede kope nogi yore i yore kede kite kame kitot kede, mio ngat kame mito somo kop i kom gikame bin oko timere, cunye kwanyere. 25Ango atieko tamo mine bedo yoyot ne jo dedede kame bino bedo kede mit me some; jo kame bino mito some pi udo yomcuny bino udo yomcuny, kede jo kame bino mito some pi yutuno kope kame tie iye, gida likame kibino ude etek. 26Likame ebedo gikame yoyot pi wandiko kope kacal kamanoni i yore acegocego; emito keto teko kede tic iwor kiakia. 27Ecal bala iiko ebaga kame jo atie kede mit apapat bino camo. Do ango cunya yom pi timo tic atek noni tetekeny ayom cuny jo kame bino some. 28Ango abino weko ne ngat kame bin owandiko kope nogi kop amakere kede yore i yore me gi kotimere, di ango ako bino tamo mino wie wie gi. 29Ango likame acal bala ngat atie gero ot anyen kame miero apar pi gi dedede amako gedo nono yore i yore, do ango acal bala ngat kame cilo ot, kame tic na en mino ot nono bedo cil kenekene. 30Ngat kame bin ocako wandiko kop en amiero nen be etatamo kope dedede yore i yore abongo weko gimoro, 31do ngat kame wandiko wie wie me kope poore koyei ne mino kope acegocego abongo donyo i tuto me kope. 32Aso, ango nataman amito cako tatamo kop kikokome, abongo medo kop moro i kom kope kame kotieko waco; pien etwero bedo gi me mingo pi ango wandiko kope kame cako kame bor, di itatam me gi kotimere kikokome ko bedo cecek.
Currently Selected:
2 Makabi 2: BILKDC13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
2 Makabi 2
2
Yeremia Okano Eema me Tie ka Rwot
1“Wan oudo i kope kame kowandiko piny be enabi Yeremia bin omio cik but jo kame oudo kotie tero obukui pi gin kano mac mogo, bala kame kowaco nono, 2kede be en, ingei mino gin Iswil ka Rubanga, eko kwenyaro gi be poore kur wi gi wil kede cik ka Rwot, arabo yei mino tam gi parao tenge ka kiko neno rubangan kame kotimo kede saabu kede siliba kede jamini kame kotubuso gi kede. 3En bin ewaco negi da kope ace kacal kede mogonogi di ekwao gi be Iswil ka Rwot poore kur yai ki cuny gi.
4“Kope kame kowandiko nogo da waco ne wa be Yeremia bin oko udo kop kowok kibut Rubanga, di ekwenyaro en pi tero Eema kede Sanduku me Isikan ka Rwot, i moru kame bin Musa oyito iye pi neno lobo kame oudo Rubanga ocikere pi mino jo wa. 5Kakame Yeremia bin oko tuno kede i moru nono, en eko udo abo alac di en eko kano Eema kede Sanduku me Isikan ka Rwot kunono, kede alutari me wango odok angwe kur. Di do en eko mwono doge.
6“Jo mogo kikom jo wa bin oko tamo lube pi mito ngeno yongayo aoto i abo nono, do likame kiko twero wude. 7Kakame Yeremia oko ngeno kede kop nono, en eko bunano gi di ewaco be, ‘Likame tie dano moro kame bino ngeno kabedo nono tuno di Rubanga bobo ocoko jo mege karacel, di eko nyuto negi cuny me kisa. 8#Yai 16.10; 24.16; 1 Abakai 8.10-11I kare nono Rwot bino nyuto kakame kokano iye ginogi. Meny me tie ka Rwot bino neeno i edou bala bin i kare ka Musa kede i ceng kame Sulumani bin olego kede be tempulo miero kokwer kede wor adwong.’
9“Kowaco ne wa da epone kame Sulumani pi rieko mere bin oko mino kede giayala me kwero tempulo kede me tieko gere. 10Bala kame bin Musa olego kede but Rwot di mac oko wok ki malo di oko wango giayala, kamanono da Sulumani bin olego di mac oko wok ki malo di oko wango giayala. 11Musa bin oko waco ne jo be giayala me kwanyo dub nono bin mac owango pien jo oudo likame poore came. 12Sulumani bin oko tedo ebaga pi ceng kanyauni.
Itabun ka Nekemia
13“Gikame bin otimere nogi kowandiko kope gi piny i itabun me gwoko kope kotimere, kede i kope kame Nekemia bin owandiko. Nekemia bin ogero ot me gwoko itabun di eko coko karacel itabun amako kop i kom abakai kede inabin, kede kope kame bin Daudi owandiko, kede da baluwan kame bin abakai owandiko amako kop i kom giamia but Rubanga. 14Kamanono da Yuda bin ocoko itabun dedede koudo orwenyo pi yi koudo opoto ne wa; nataman itabun nogo tie but wa. 15Ka imitunu itabun nogi, cwaunu jo om gi ne wu.
Lwongo Jo pi Camo Ebaga
16 #
1 Makabi 4.59
“Bala kame wan oyapuno tedo kede Ebaga me Nyogao Kwero tempulo, wan otie wandiko ne wu baluwa noni pi wuda tedo ebaga nono. 17Rubanga otieko lako jo mege dedede, doko etieko dwoko ne wa lobo wa kacil, abaka, josaseredoti, kede tic me tempulo 18bala kame en bin ecikere i Iswil. En etieko lako wa ki peko apapat areco, doko etieko lonyo tempulo. Piento en etieko timo ginogi, wan oyei be pi cuny me kisa mere, en i kare kiyapiyapi ebino coko wan karacel i tempulo mere kacil, ki pinye dedede me wi lobo.”
Kope Ageo me Ngat Kowandiko
19Yasoni me Sirene otieko wandiko itabun kany amako kop i kom Yuda Makabi kede imiegu mege, lonyo tempulo adwong, kede kwero alutari mere. 20En etieko tatamo da kope amako yi kede Antiokus Epipane kede wode Eupator, 21doko en etieko tatamo kope amako gianyuta kame bin oko neeno but jo koudo oko yi abongo lworo pi gwoko edini me Iyudayan. Bed bala isirikalen wan oudo nonok, do gin kiko twero mano piny nono lung, di kiko donyo wapo isirikalen kame asonya tie i wi gi nogo. 22Gin kiko mano tempulo wa kidwoko, tempulo kame nyinge iruo i wi lobo lung, kilako bomba, di kiko dwoko iswilia koudo koyapuno kwanyo tenge. Gin bin kitwero timo magonogi dedede pien Rwot oudo oko bedo kede cuny me kisa kede mwolo but gi.
23Ango nataman abino tamo keto i itabu acel wie wie me kope me itabun kany nogi kame Yasoni bin owandiko. 24Kite kame kowandiko kede kope nogi yore i yore kede kite kame kitot kede, mio ngat kame mito somo kop i kom gikame bin oko timere, cunye kwanyere. 25Ango atieko tamo mine bedo yoyot ne jo dedede kame bino bedo kede mit me some; jo kame bino mito some pi udo yomcuny bino udo yomcuny, kede jo kame bino mito some pi yutuno kope kame tie iye, gida likame kibino ude etek. 26Likame ebedo gikame yoyot pi wandiko kope kacal kamanoni i yore acegocego; emito keto teko kede tic iwor kiakia. 27Ecal bala iiko ebaga kame jo atie kede mit apapat bino camo. Do ango cunya yom pi timo tic atek noni tetekeny ayom cuny jo kame bino some. 28Ango abino weko ne ngat kame bin owandiko kope nogi kop amakere kede yore i yore me gi kotimere, di ango ako bino tamo mino wie wie gi. 29Ango likame acal bala ngat atie gero ot anyen kame miero apar pi gi dedede amako gedo nono yore i yore, do ango acal bala ngat kame cilo ot, kame tic na en mino ot nono bedo cil kenekene. 30Ngat kame bin ocako wandiko kop en amiero nen be etatamo kope dedede yore i yore abongo weko gimoro, 31do ngat kame wandiko wie wie me kope poore koyei ne mino kope acegocego abongo donyo i tuto me kope. 32Aso, ango nataman amito cako tatamo kop kikokome, abongo medo kop moro i kom kope kame kotieko waco; pien etwero bedo gi me mingo pi ango wandiko kope kame cako kame bor, di itatam me gi kotimere kikokome ko bedo cecek.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.