Yuörö 17
17
Mere a gwutö a pioŋ wuu kaŋo
(Köti Kenet 20.1-13)
1 #
Ken 20.2-13
A momoret liŋ na Ŋutu ti Yisaraele jölöjine suluja i yöbu na Siyin gwoso i jöjölöji nase, gwoso na sarakiŋdye MATAT na, a se ’bikikiŋdye kemialan Repidim yu; ama a pioŋ gwe ’bayin nagon Ŋutu mamat. 2Nyena a Ŋutu kulo woŋe ko Mose adi, Tiŋdi yi pioŋ anyen yi mamat. A Mose pipije se adi, Nyö ta woŋon ko nan? Nyö ta möŋu MATAT? 3Ama a Ŋutu iŋge moka kure lo pioŋ nyu, a se woŋe ko Mose adi, Nyö do joŋdya yi kaŋo Ejipeto yu i tatuja na yi ko ŋwajik kaŋ, se ko toro ’bo kaŋ ko kure? 4A Mose gwine ko MATAT adi, Nan koŋdya nyo ko kulo Ŋutu? Se gwe nyona ko gugumba na nan ko ŋurupö. 5A MATAT waddi Mose adi, lwöŋöddi ko kulu Ŋutu ŋerot, baraddi kulye temejik ti Ŋutu ti Yisaraele, ko ’dumuŋdye ture logon do a gwuddye Supiri lu ko iti.
6Mete, nan mo gwo ’dan konut i komor i mere Orebe yu; a do gwuddye mere, a pioŋ mo wuu kaŋo anyen Ŋutu mamat. A Mose koŋdi sona a temejik ti Yisaraele memeddya. 7A nye gwije nu pirit a Masa, #17.7MasaKarin ti Masa nyönyökö adi Möŋu Köti a Meriba, #17.7MeribaKarin ti Meriba nyönyökö adi Woŋon kogwon kulya ti woŋon na Ŋutu ti Yisaraele, Köti kogwon se a möŋu MATAT pija adi, MATAT gwon kayaŋ kiden le kode ’bayin?
Ŋutu ti Yisaraele a mörö ko Ŋutu ti Amalek
8A Ŋutu ti Amalek poŋdi i mörö ko Ŋutu ti Yisaraele Repidim ni. 9A Mose kulyani ko Yosua adi, Wulökiŋdye yi Ŋutu, ko iti ta i mörö ko Ŋutu ti Amalek; ko ’bure nan de gwo ’dan i mere loki ko ture lo ŋun köyö i könin.
10Nyena a Yosua koŋdi gwoso na kulyari Mose ko lepeŋ nu, a möröni ko Ŋutu ti Amalek; a Mose ko Arona se ko Kur kije tojo i kwe na mere. 11A gwe sona adi na riöddi Mose könin lonyit ki nu, a Ŋutu ti Yisaraele te ’yi te ’ya; ama na nyökuŋdye nye könin lonyit kak nu, a Ŋutu ti Amalek lo te ’yi. 12Ama a könisi ti Mose darani dara; nyena a se ’dumuŋdye ŋurupit a tiŋdi kak, a nye si ’dakine kanyit loki; a Arona se ko Kur tökökiŋdye könisi kanyit ki geleŋ i lo swöt ko geleŋ i lu swöt; a könisi kanyit yeŋe gwogwo i pirit tojo ko ’doro na kolor. 13A Yosua te ’yi Ŋutu ti Amalek totoggu se kak ko baŋdu.
14 #
Nyö 25.17-19; 1 Sam 15.2-9 A MATAT kulyani ko Mose adi, Wuröki kine kulya i buk a toyeyeet, nyönyököki Yosua adi nan mo seseyara yeyeŋ na Ŋutu ti Amalek kaŋo i na kak. 15A Mose dibbe pirit ’yuret na rubaŋgajin a luŋgi karin kanyit a Yekowa-nisi, #17.15Yekowa-nisi Karin ti Yekowa-nisi nyönyökö adi MATAT a beret nio 16kulya adi, Nan ’doggu könin ki i milyeju adi MATAT mo mömörö ko Ŋutu ti Amalek i nyakwariat liŋ.
Currently Selected:
Yuörö 17: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 17
17
Mere a gwutö a pioŋ wuu kaŋo
(Köti Kenet 20.1-13)
1 #
Ken 20.2-13
A momoret liŋ na Ŋutu ti Yisaraele jölöjine suluja i yöbu na Siyin gwoso i jöjölöji nase, gwoso na sarakiŋdye MATAT na, a se ’bikikiŋdye kemialan Repidim yu; ama a pioŋ gwe ’bayin nagon Ŋutu mamat. 2Nyena a Ŋutu kulo woŋe ko Mose adi, Tiŋdi yi pioŋ anyen yi mamat. A Mose pipije se adi, Nyö ta woŋon ko nan? Nyö ta möŋu MATAT? 3Ama a Ŋutu iŋge moka kure lo pioŋ nyu, a se woŋe ko Mose adi, Nyö do joŋdya yi kaŋo Ejipeto yu i tatuja na yi ko ŋwajik kaŋ, se ko toro ’bo kaŋ ko kure? 4A Mose gwine ko MATAT adi, Nan koŋdya nyo ko kulo Ŋutu? Se gwe nyona ko gugumba na nan ko ŋurupö. 5A MATAT waddi Mose adi, lwöŋöddi ko kulu Ŋutu ŋerot, baraddi kulye temejik ti Ŋutu ti Yisaraele, ko ’dumuŋdye ture logon do a gwuddye Supiri lu ko iti.
6Mete, nan mo gwo ’dan konut i komor i mere Orebe yu; a do gwuddye mere, a pioŋ mo wuu kaŋo anyen Ŋutu mamat. A Mose koŋdi sona a temejik ti Yisaraele memeddya. 7A nye gwije nu pirit a Masa, #17.7MasaKarin ti Masa nyönyökö adi Möŋu Köti a Meriba, #17.7MeribaKarin ti Meriba nyönyökö adi Woŋon kogwon kulya ti woŋon na Ŋutu ti Yisaraele, Köti kogwon se a möŋu MATAT pija adi, MATAT gwon kayaŋ kiden le kode ’bayin?
Ŋutu ti Yisaraele a mörö ko Ŋutu ti Amalek
8A Ŋutu ti Amalek poŋdi i mörö ko Ŋutu ti Yisaraele Repidim ni. 9A Mose kulyani ko Yosua adi, Wulökiŋdye yi Ŋutu, ko iti ta i mörö ko Ŋutu ti Amalek; ko ’bure nan de gwo ’dan i mere loki ko ture lo ŋun köyö i könin.
10Nyena a Yosua koŋdi gwoso na kulyari Mose ko lepeŋ nu, a möröni ko Ŋutu ti Amalek; a Mose ko Arona se ko Kur kije tojo i kwe na mere. 11A gwe sona adi na riöddi Mose könin lonyit ki nu, a Ŋutu ti Yisaraele te ’yi te ’ya; ama na nyökuŋdye nye könin lonyit kak nu, a Ŋutu ti Amalek lo te ’yi. 12Ama a könisi ti Mose darani dara; nyena a se ’dumuŋdye ŋurupit a tiŋdi kak, a nye si ’dakine kanyit loki; a Arona se ko Kur tökökiŋdye könisi kanyit ki geleŋ i lo swöt ko geleŋ i lu swöt; a könisi kanyit yeŋe gwogwo i pirit tojo ko ’doro na kolor. 13A Yosua te ’yi Ŋutu ti Amalek totoggu se kak ko baŋdu.
14 #
Nyö 25.17-19; 1 Sam 15.2-9 A MATAT kulyani ko Mose adi, Wuröki kine kulya i buk a toyeyeet, nyönyököki Yosua adi nan mo seseyara yeyeŋ na Ŋutu ti Amalek kaŋo i na kak. 15A Mose dibbe pirit ’yuret na rubaŋgajin a luŋgi karin kanyit a Yekowa-nisi, #17.15Yekowa-nisi Karin ti Yekowa-nisi nyönyökö adi MATAT a beret nio 16kulya adi, Nan ’doggu könin ki i milyeju adi MATAT mo mömörö ko Ŋutu ti Amalek i nyakwariat liŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.