MATHAÏOS 5
5
Kaba sdang ka jingïathuhkhana halor u Lum
1 #
Luk. 6:17,20-23; Mrk. 3:13; Ïoan. 6:3. Te haba u ïohi ïa ki paidbah, u la kiew sha u lum: haba u la shong ruh, ki la ïawan ha u ki synran jong u: 2bad haba u la ang ïa la ka shyntur u la hikai ruh ïa ki, u da ong:
Ka jingsuk kaba shisha
(Luk. 6:20-23)
3 #
Mrk. 10:14; Luk. 22:29. “Suk ki baduk ha ka mynsiem: naba jong ki, long ka hima ki bneng.
4 #
Isa. 61:2; Ïoan. 16:20; Jpw. 7:17. “Suk ki basngewsih: naba yn pyntngen ïa ki.
5 #
Salm. 37:11. “Suk ki bajemnud: naba kin ïaïoh ïa ka khyndew.
6 #
Isa. 55:1,2; Ïoan. 4:14; 6:48-51. “Suk ki bathngan bad ki basliang ïa ka hok: naba yn pyndap ïa ki.
7 “Suk ki ba-isynei: naba yn isynei ïa ki.
8 #
Salm. 24:4,5; Heb. 12:14; 1 Ïoan. 3:2; Jpw. 22:4. “Suk ki bakhuid ha ka dohnud: naba kin ïohi ïa U Blei.
9 “Suk ki bapynïasuk: naba yn khot ïa ki, ‘ki khun U Blei.’
10 #
1 Pet. 3:14; 4:14. “Suk kiba ïoh pynshitom na ka bynta ka hok: naba jong ki, long ka hima ki bneng.
11 #
1 Pet. 4:14. “Suk ma phi haba kin ïakrenbeiñ, bad pynshitom ïa phi, bad ba kin ong ki ktien bymman baroh ruh ïa phi na ka bynta jong nga, haba ki shu lamler. 12#2 Khrn. 36:16; Mat. 23:37; Ki Kam. 7:52; 1 Thes. 2:15; Jak. 5:10.To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”
Ka mluh bad ka jingshai
(Mrk. 9:50; Luk. 14:34-35)
13 #
Mrk. 9:50; Luk. 14:34,35. “Phi, phi long ka mluh ka pyrthei: te lada kata ka mluh ka la kylla blad, da ei yn pynbha pat ïa ka? Naduh kata, ym donkam shuh ïa ka, hynrei, tang ban bred noh shabar bad ban ïuh ïa ka hapoh ki kjat ki briew.
14 #
Ïoan. 8:12; 9:5; Eph. 5:8; Php. 2:15. “Phi, phi long ka jingshai ka pyrthei. Ym lah ban buhrieh ïa ka shnong ïa kaba la buh halor u lum. 15#Mrk. 4:21; Luk. 8:16; 11:33; 1 Pet. 2:12.Lymne kim ju thang ïa ka sharak, bad buh ïa ka hapoh ka shang, hynrei, ha ka dieng pynïeng sharak; te ka pynshai ïa baroh kiba ha ka ïing. 16#1 Pet. 2:12.To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”
Ka jinghikai shaphang ka hukum
17 “Wat mut ba nga la wan ïa ka ban pyndam noh ïa Ka Hukum lane ïa Ki Nongïathuhlypa: ngam shym la wan ïa ka ban pyndam noh, hynrei, ïa ka ban pynskhem. 18#Luk. 16:17; Mrk. 13:31.Naba shisha nga ong ha phi: Ha ban da leit noh ka bneng bad ka khyndew, kat iwei i dak rit lane iwei iba khun khyndiat eh#5:18 i dak rit lane iwei iba khun khyndiat eh: Kine ki kyntien ki mut ïa iwei i dak thoh ha ka Ktien Greek, iba kit jingmut shibun haba i don ha kano kano ka kyntien. na Ka Hukum in ym leit noh, tad ynda yn pyndep baroh. 19#Jak. 2:10.Namar kata, uno uno ruh u ban pynkheiñ ïa iwei, wat iba kham rit tam na kine ki hukum, bad u ban hikai kumta ïa ki briew, yn khot ïa u ‘uba kham rit tam ha ka hima ki bneng:’ hynrei, uno uno ruh u ban leh bad u ban hikai ïa ki, ïa uta te yn khot ‘u bakhraw ha ka hima ki bneng.’ 20Naba nga ong ha phi, ba lada ka hok jong phi kam da long kaba kham palat shikatdei ïa ka jong ki nongthoh bad ki Pharisi, phin ym ïoh rung satia ha ka hima ki bneng.”
Ka jinghikai shaphang ka jingbitar
(Luk. 12:57-59)
21 #
Eks. 20:13; Deu. 5:17; 16:18. “Phi la ïohsngew ba la ong ha kiba mynbarim, ‘Men ym pynïap: uno uno ruh uba pynïap, te kan dei ïa u ban hap ha ka jingbishar:’ 22hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding. 23Namar kata, lada me ainguh ïa la ka jingainguh ha ka duwan, bad hangta me da kynmaw ba u paralok jong me u don ei ei ruh ban mudui ïa me, 24to iehnoh hangta ïa ka jingai jong me ha khmat ka duwan, to khie leit noh ruh, ba men ïasuk shuwa bad uta u paralok jong me, ynda kumta te, men sa wan ainguh ïa ka jingai jong me. 25#Luk. 12:57-59.To ïasuk noh kloi kloi ruh bad uba ïaleh bad me, katba me dang leit ha ka lynti bad u; ba ïoh kumno kumno uta uba ïaleh u ai noh ïa me ha u nongbishar, bad uta u nongbishar ruh u ai noh ïa me ha u shakri, ba yn bred ïa me ha ka byndi ruh. 26Shisha nga ong ha me, men ym mih noh nangta, tad ynda me la siew ïa ka peisa ka bakhatduh.”
Ka jinghikai shaphang kaba klim
27 #
Eks. 20:14; Deu. 5:18. “Phi la ïohsngew ba la ong ha kiba mynbarim, ‘Men ym klim’: 28hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud. 29#Mat. 18:9; Mrk. 9:47.Lada ka khmat jong me ruh kaba sha kamon ka pynjynthut ïa me, to khlaw noh ïa ka, bad to bred noh na me: naba ka myntoi ïa me ba kan duh noh kawei na ki dkhot jong me, bad ban ym bred ruh ïa ka met jong me shitylli sha dujok. 30#Mat. 18:8; Mrk. 9:43.Lada ka kti kamon jong me ruh ka pynjynthut ïa me, to ot noh ïa ka, bad to bred noh na me: naba ka myntoi ïa me ba kan duh kawei na ki dkhot jong me, bad ban ym bred ruh ïa ka met jong me shitylli sha dujok.”
Ka jinghikai shaphang ka jingïapyllait tnga
(Mat. 19:9; Mrk. 10:11-12; Luk. 16:18)
31 #
Deu. 24:1-4; Mat. 19:7; Mrk. 10:4; Luk. 16:18; 1 Kor. 7:10-11. “La ong ruh, ‘Uno uno ruh u ban pyllait noh ïa ka tnga jong u, un ai ha ka, ïa ka kot iehnoh:’ 32#Mat. 19:9; Mrk. 10:11,12; Luk. 16:18; 1 Kor. 7:10,11.hynrei, nga ong ha phi, ba uno uno ruh u ban pyllait noh ïa ka tnga jong u, lymda tang na ka bynta kaba klim, u pynklim ïa ka: uno uno ruh u ban shongkurim bad kaba la iehnoh, u ruh u klim.”
Ka jinghikai shaphang kaba smai
33 #
Leb. 19:12; Jkñ. 30:2; Deu. 23:21; Mat. 23:16-22; Jak. 5:12. “Phi la ïohsngew pat ba la ong ha kiba mynbarim, ‘Men ym smai lamler, hynrei, men ai ha U Trai ïa ki jingsmai jong me.’ 34#Jak. 5:12; Isa. 66:1; Mat. 23:22.Hynrei, nga ong ha phi: Wat smai satia, lymne ha ka bneng, naba ka long ka khet U Blei; 35#Salm. 48:2; Isa. 66:1; Ki Kam. 7:49.lymne ha ka khyndew, naba ka long ka jingïuh kjat jong U; lymne ha ka Jerusalem, naba ka long ka nongbah U Syiem Bakhraw. 36Lymne men ym smai ha ka khlieh jong me, naba mem lah ban pynlieh lymne pynïong ïa iwei i shñiuh. 37Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”
Ka jinghikai shaphang kaba ïaleh markylliang
(Luk. 6:29-30)
38 #
Eks. 21:24; Leb. 24:20; Deu. 19:21. “Phi la ïohsngew ba la ong, ‘Ka khmat namar ka khmat, ka bniat ruh namar ka bniat’: 39#Luk. 6:29-30; 1 Kor. 6:7; Rom. 12:17; 1 Pet. 2:19; 3:9; Pro. 24:29.hynrei, nga ong ha phi, wat ïeng ïaleh markylliang ïa u basniew: hynrei, mano mano ruh uba thab ïa me ha ka ngab kamon jong me, to pynphai sha u ïa kawei pat ruh. 40Uba imon ruh ban tian bishar ïa me, bad ban shim noh ïa ka sopti jong me, to iehnoh ha u ïa ka jaiñkup jong me ruh. 41Mano mano ruh u ban pynïaid ïa me shilynter, to khie leit lem bad u ar lynter. 42To ai ha uta uba pan na me, bad na uta uba mon ban pan kylliang na me, to wat phai noh.”
Kaba ieit ïa ki nongshun
(Luk. 6:27-28,32-36)
43 #
Luk. 6:27-28,32-36; Leb. 19:18; Pro. 25:21-22. “Phi la ïohsngew ba la ong, ‘Men ieit ïa la u paramarjan, men shun ruh ïa uba shun ïa me.’ 44Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi; 45ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok. 46Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh? 47Lada phi nguh ruh tang ïa ki kur jong phi, phi leh kaba kham kor aïu? hato ki nongkhrong kim leh kumjuh? 48#Leb. 19:2; Deu. 18:13.Namar kata, phin ïalong kiba janai, kumba U Kpa jong phi uba ha bneng u long uba janai.”
Currently Selected:
MATHAÏOS 5: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India