JINGKHEIÑ 16
16
Ka jingïaleh pyrshah u Korah, u Dathan bad u Abiram
1Te u Korah, u khun u Ishar, uba u khun u Kohath, u khun u Lebi, bad u Dathan, bad u Abiram, ki khun shynrang u Eliab, bad u On u khun u Peleth, ki khun shynrang u Reuben, ki la ïashet buit: 2bad ryngkat bad arspah sanphew ngut kiwei pat ki khun Israel, ki rangbah jong u paidlang, kiba donnam ha ka dorbar, ki briew kiba donburom, ki la ïeng ha khmat u Moses: 3Te ki la ïalum lang pyrshah ïa u Moses, bad pyrshah ïa u Aaron, ki la ong ruh ha ki, “Phi shimti ha lade kham bun, haba phi ïohi ba u paidlang baroh u long u bakhuid uwei pa uwei, bad ba U Trai ruh u don hapdeng jong ki: balei te phi pynkyntiew ïa lade halor u paidlang jong U Trai?” 4Te haba u Moses u la ïohsngew ïa kata, u la hap dem la ka khmat: 5#2 Tim. 2:19.U la kren ruh ha u Korah, bad ha u paidlang jong u, u da ong, “Lashai un pyni U Trai ïa uei uba dei u jong u, bad ïa uei u bakhuid, bad ïa uei de uba dei ban wan hajan jong u; naba ïa uta uba u la jied, un pynwan hajan jong u. 6Phin leh kumne; ‘To shim ha phi ïa ki khiew thang iwbih, u Korah keiñ, bad u paidlang jong u baroh; 7te phin buh ding hapoh jong ki, to buh ruh ïa ka jingiwbih thang hapoh jong ki lashai ha khmat U Trai:’ te kan long, ba uta u briew ïa uba U Trai un jied, un long u bakhuid: phi shimti kham bun ha lade, phi ki khun shynrang u Lebi.” 8Bad u Moses u la ong ruh ha u Korah, “To sngap, nga kyrpad ïa phi, ki khun shynrang u Lebi: 9phi ñiew sting, ba U Blei jong u Israel u la pynkyrpang ïa phi na u paidlang ki Israel, ban pynwan hajan ha lade ïa phi; ban trei ïa ka kam jong Ka Tabernakl U Trai, bad ban ïeng ha khmat u paidlang ïa ka ban shakri ïa ki? 10Naba u la pynwan hajan ïa me, bad ïa ki para jong me de, ki khun shynrang u Lebi baroh lem bad me; te phi wad ïa ka jinglong lyngdoh ruh de? 11Naba ïa kane khnang, ma me bad u paidlang jong me baroh, phi la ïalum lang pyrshah ïa U Trai: hynrei, u Aaron u long aïu ba phi ïakhñium ïa u?”
12U Moses ruh u la phah khot ïa u Dathan, bad ïa u Abiram, ki khun u Eliab: kiba la ong, “Ngin ym wan kiew satia: 13Hato me ñiew sting ba me la pynwan ïa ngi na ka ri kaba tuid da ka dud, bad ka ngap, ïa ka ban pynïap ïa ngi ha kane ka ri khlaw, lymda men ïoh pynlong syiem phar ïa lade halor jong ngi? 14Pynban, mem shym la pynpoi ïa ngi satia ha kata ka ri kaba tuid da ka dud, bad ka ngap, bad mem shym la ai bynta ruh ha ngi, lymne da ki lyngkha, lymne da ki brisoh Waiñ: te men khlaw noh ïa ki khmat jong kine ki briew? Ngin ym wan kiew keiñ.”
15U Moses te u la bitar lep shikatdei, bad u la ong ha U Trai, “To wat khmih ha ka jingainguh jong ki: ngam shym la shim ïa uwei u kadda na ki, bad ngam shym la pynsniew ruh ïa uwei na ki.” 16Bad u Moses u la ong ha u Korah, “Lashai, to long ma me, bad u paidlang jong me baroh, ha khmat U Trai, ma me, bad ma ki ruh, bad u Aaron: 17bad uwei uwei baroh, un shim ïa la ka pliang, bad un buh ruh ïa ka jingiwbih thang ha ki; bad un wallam ha khmat U Trai uwei uwei baroh ïa la ka pliang, arspah sanphew ki pliang; ma me ruh, bad u Aaron, uwei uwei ïa la ka pliang keiñ.” 18Te uwei uwei baroh, u la shim ïa la ka pliang, bad ki la thep ding hapoh jong ki, bad ki la buh ruh ïa ka jingiwbih thang halor jong ki, bad ki la ïeng ha ka jingkhang Ka Tabernakl ka jingïaseng, lem bad u Moses, bad u Aaron. 19Bad u Korah u la lum lang ïa u paidlang baroh, pyrshah ïa ki ha kata ka jingkhang Ka Tabernakl ka jingïaseng: te ka burom U Trai ka la paw ha uta u paidlang baroh.
20U Trai ruh u la kren ha u Moses bad ha u Aaron, U da ong, 21“To pynkyrpang ïa lade napdeng une u paidlang, ba ngan pynjot noh thiaw ïa ki shisyndon.” 22Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?” 23Te U Trai u la kren ha u Moses, U da ong, 24“To kren ha uta u paidlang, da kaba ong, ‘To kynriah noh na ki ïingjaiñ jong u Korah, u Dathan, bad u Abiram.’ ”
25Bad u Moses u la ïeng, u la leit ruh ha u Dathan, bad ha u Abiram; bad ki tymmen ki san ki Israel ruh ki la ïabud ïa u. 26Te u la kren ha uta u paidlang, u da ong, “To kynriah noh, nga ong, na ki ïingjaiñ jong kine ki briew bymman, to wat ktah ruh ei ei ruh em ka jong ki, ïoh yn pynjot noh ïa phi ha ki pop jong ki baroh.” 27Kumta te, ki la kynriah noh na kita ki ïingjaiñ u Korah, u Dathan, bad u Abiram, baroh sawdong; te u Dathan, bad u Abiram, lem bad ki tnga jong ki, bad ki khun shynrang jong ki, bad ki khynnah jong ki, ki la ïamih shabar, bad ki la ïeng ha phyllaw ki ïingjaiñ jong ki. 28U Moses te u la ong, “Da kane phin ïoh tip ba u la phah U Trai ïa nga ïa ka ban leh ïa kine ki kam baroh; bad ba ngam shym la leh ïa ki, na la ka jong ka jingmut. 29Lada kine ki briew kin ïap kumba ki ju ïap ki briew baroh, lane lada kan jia ïa ki kumba ju jia ïa ki briew baroh; te kumta U Trai um shym la phah ïa nga. 30Hynrei, lada U Trai un thaw ïa ka bathymmai, katba ka khyndew kan ang ïa la ka shyntur, bad kan nguid noh tylli ïa ki, bad baroh kat kiba long ki jong ki, ba kumta kin hap im ha dujok; te phin sngewthuh ba kine ki briew ki la pynbitar ïa U Trai.”
31Bad ka la jia, katba u shu dang wai noh ïa kaba kren ïa kine ki ktien baroh, ba kata ka khyndew kaba hapoh jong ki, ka la kad ar liang: 32Te kata ka khyndew, ka la ang ïa la ka shyntur, bad ka la nguid noh tylli ïa ki, bad ïa ki ïing jong ki, bad ïa ki briew baroh kiba ïadei lang ha u Korah, bad ïa ki mar jong ki baroh. 33Te ma ki, bad baroh kat kiba ïadei lang ki jong ki, ki la leit hiar im ha dujok: bad kata ka khyndew ka la dam halor jong ki, bad ki la ïap duh noh napdeng uta u paidlang. 34Te ki Israel baroh kiba la don baroh sawdong ïa ki, ki la ïaphet ïap noh na ka jinglynñiar jong ki: naba ki la ïa-ong, “Ba ïoh nguid noh tylli ka khyndew ïa ngi ruh.” 35Bad ka la mih noh ka ding na U Trai, bad ka la thang duh ruh ïa kita ki arspah sanphew kiba la ainguh ïa kata ka jingiwbih thang.
36Te U Trai u la kren ha u Moses, U da ong, 37“To kren ha u Eleasar u khun u Aaron lyngdoh, ba un rah noh ïa kita ki pliang kita kiba la ing; bad men pynsaphred shabar ïa ka ding na ki: naba ki long kiba la kyntang: 38na kita ki pliang jong kine kiba la leh pop ïa la ki mynsiem jong ki hi, to thaw sla ki baïar ïa ki, ban long ka jingtap ïa ka duwan: naba ki la ainguh ïa ki ha khmat U Trai, namar kata, ki long kiba la kyntang: bad kin long ka dak ha ki khun Israel.” 39Te u Eleasar lyngdoh u la shim ïa kita ki pliang rnong, da kiba ki la ainguh kita ïa kiba la thang; bad ki la shoh pynstang ïa ki, ban long ka jingtap ïa kata ka duwan: 40ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.
41Hynrei, ha kaba lashai, uta u paidlang baroh ki khun Israel u la kren khñium ïa u Moses, bad ïa u Aaron, ki da ong, “Phi la pynïap noh ïa ki briew ki jong U Trai.” 42Ka la jia ruh, haba uta u paidlang u la ïalum lang ban ïaleh pyrshah ïa u Moses, bad pyrshah ïa u Aaron, ba ki la khmih sha Ka Tabernakl ka jingïaseng: te ha khmih, uta u lyoh u la tap ïa ka, bad ka burom U Trai ka la paw. 43Te u Moses, bad u Aaron, ki la ïawan ha khmat Ka Tabernakl ka jingïaseng. 44Te U Trai u la kren ha u Moses, U da ong, 45“To khie leit noh napdeng une u paidlang, ba ngan ïoh pynjot noh ïa ki shisyndon.” Ki te ki la hap dem la ki khmat. 46Bad u Moses u la ong ha u Aaron, “To shim ïa ka pliang, to thep ruh ïa ka ding na ka duwan hapoh jong ka, to buh ruh ïa ka jingiwbih thang halor jong ka, bad to leit kloi kloi hapdeng u paidlang, bad to pynlong ïa ka jingpynïasuk na ka bynta jong ki: namar ka jingbitar ka la mih noh na U Trai; ka khlam ruh ka la sdang keiñ.” 47Bad u Aaron u la shim kumba u la hukum u Moses, bad u la phet hapdeng uta u paidlang; te, ha khmih, ka khlam ka la lah sdang hapdeng kita ki briew: bad u la ai ka jingiwbih thang, bad u la pynlong ïa ka jingpynïasuk na ka bynta uta u paidlang. 48Te u la ïeng hapdeng ki baïap bad ki ba-im: bad ïa kata ka khlam la pynsangeh. 49Te kita kiba la ïap noh na kata ka jingïapthem, ki la long khatsaw hajar bad hynñiewspah, nalor kita kiba la ïap noh ha ka jingïaleh jong u Korah. 50Bad u Aaron u la leit phai pat sha u Moses ha ka jingkhang Ka Tabernakl ka jingïaseng: te ïa kata ka khlam la pynsangeh.
Currently Selected:
JINGKHEIÑ 16: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
JINGKHEIÑ 16
16
Ka jingïaleh pyrshah u Korah, u Dathan bad u Abiram
1Te u Korah, u khun u Ishar, uba u khun u Kohath, u khun u Lebi, bad u Dathan, bad u Abiram, ki khun shynrang u Eliab, bad u On u khun u Peleth, ki khun shynrang u Reuben, ki la ïashet buit: 2bad ryngkat bad arspah sanphew ngut kiwei pat ki khun Israel, ki rangbah jong u paidlang, kiba donnam ha ka dorbar, ki briew kiba donburom, ki la ïeng ha khmat u Moses: 3Te ki la ïalum lang pyrshah ïa u Moses, bad pyrshah ïa u Aaron, ki la ong ruh ha ki, “Phi shimti ha lade kham bun, haba phi ïohi ba u paidlang baroh u long u bakhuid uwei pa uwei, bad ba U Trai ruh u don hapdeng jong ki: balei te phi pynkyntiew ïa lade halor u paidlang jong U Trai?” 4Te haba u Moses u la ïohsngew ïa kata, u la hap dem la ka khmat: 5#2 Tim. 2:19.U la kren ruh ha u Korah, bad ha u paidlang jong u, u da ong, “Lashai un pyni U Trai ïa uei uba dei u jong u, bad ïa uei u bakhuid, bad ïa uei de uba dei ban wan hajan jong u; naba ïa uta uba u la jied, un pynwan hajan jong u. 6Phin leh kumne; ‘To shim ha phi ïa ki khiew thang iwbih, u Korah keiñ, bad u paidlang jong u baroh; 7te phin buh ding hapoh jong ki, to buh ruh ïa ka jingiwbih thang hapoh jong ki lashai ha khmat U Trai:’ te kan long, ba uta u briew ïa uba U Trai un jied, un long u bakhuid: phi shimti kham bun ha lade, phi ki khun shynrang u Lebi.” 8Bad u Moses u la ong ruh ha u Korah, “To sngap, nga kyrpad ïa phi, ki khun shynrang u Lebi: 9phi ñiew sting, ba U Blei jong u Israel u la pynkyrpang ïa phi na u paidlang ki Israel, ban pynwan hajan ha lade ïa phi; ban trei ïa ka kam jong Ka Tabernakl U Trai, bad ban ïeng ha khmat u paidlang ïa ka ban shakri ïa ki? 10Naba u la pynwan hajan ïa me, bad ïa ki para jong me de, ki khun shynrang u Lebi baroh lem bad me; te phi wad ïa ka jinglong lyngdoh ruh de? 11Naba ïa kane khnang, ma me bad u paidlang jong me baroh, phi la ïalum lang pyrshah ïa U Trai: hynrei, u Aaron u long aïu ba phi ïakhñium ïa u?”
12U Moses ruh u la phah khot ïa u Dathan, bad ïa u Abiram, ki khun u Eliab: kiba la ong, “Ngin ym wan kiew satia: 13Hato me ñiew sting ba me la pynwan ïa ngi na ka ri kaba tuid da ka dud, bad ka ngap, ïa ka ban pynïap ïa ngi ha kane ka ri khlaw, lymda men ïoh pynlong syiem phar ïa lade halor jong ngi? 14Pynban, mem shym la pynpoi ïa ngi satia ha kata ka ri kaba tuid da ka dud, bad ka ngap, bad mem shym la ai bynta ruh ha ngi, lymne da ki lyngkha, lymne da ki brisoh Waiñ: te men khlaw noh ïa ki khmat jong kine ki briew? Ngin ym wan kiew keiñ.”
15U Moses te u la bitar lep shikatdei, bad u la ong ha U Trai, “To wat khmih ha ka jingainguh jong ki: ngam shym la shim ïa uwei u kadda na ki, bad ngam shym la pynsniew ruh ïa uwei na ki.” 16Bad u Moses u la ong ha u Korah, “Lashai, to long ma me, bad u paidlang jong me baroh, ha khmat U Trai, ma me, bad ma ki ruh, bad u Aaron: 17bad uwei uwei baroh, un shim ïa la ka pliang, bad un buh ruh ïa ka jingiwbih thang ha ki; bad un wallam ha khmat U Trai uwei uwei baroh ïa la ka pliang, arspah sanphew ki pliang; ma me ruh, bad u Aaron, uwei uwei ïa la ka pliang keiñ.” 18Te uwei uwei baroh, u la shim ïa la ka pliang, bad ki la thep ding hapoh jong ki, bad ki la buh ruh ïa ka jingiwbih thang halor jong ki, bad ki la ïeng ha ka jingkhang Ka Tabernakl ka jingïaseng, lem bad u Moses, bad u Aaron. 19Bad u Korah u la lum lang ïa u paidlang baroh, pyrshah ïa ki ha kata ka jingkhang Ka Tabernakl ka jingïaseng: te ka burom U Trai ka la paw ha uta u paidlang baroh.
20U Trai ruh u la kren ha u Moses bad ha u Aaron, U da ong, 21“To pynkyrpang ïa lade napdeng une u paidlang, ba ngan pynjot noh thiaw ïa ki shisyndon.” 22Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?” 23Te U Trai u la kren ha u Moses, U da ong, 24“To kren ha uta u paidlang, da kaba ong, ‘To kynriah noh na ki ïingjaiñ jong u Korah, u Dathan, bad u Abiram.’ ”
25Bad u Moses u la ïeng, u la leit ruh ha u Dathan, bad ha u Abiram; bad ki tymmen ki san ki Israel ruh ki la ïabud ïa u. 26Te u la kren ha uta u paidlang, u da ong, “To kynriah noh, nga ong, na ki ïingjaiñ jong kine ki briew bymman, to wat ktah ruh ei ei ruh em ka jong ki, ïoh yn pynjot noh ïa phi ha ki pop jong ki baroh.” 27Kumta te, ki la kynriah noh na kita ki ïingjaiñ u Korah, u Dathan, bad u Abiram, baroh sawdong; te u Dathan, bad u Abiram, lem bad ki tnga jong ki, bad ki khun shynrang jong ki, bad ki khynnah jong ki, ki la ïamih shabar, bad ki la ïeng ha phyllaw ki ïingjaiñ jong ki. 28U Moses te u la ong, “Da kane phin ïoh tip ba u la phah U Trai ïa nga ïa ka ban leh ïa kine ki kam baroh; bad ba ngam shym la leh ïa ki, na la ka jong ka jingmut. 29Lada kine ki briew kin ïap kumba ki ju ïap ki briew baroh, lane lada kan jia ïa ki kumba ju jia ïa ki briew baroh; te kumta U Trai um shym la phah ïa nga. 30Hynrei, lada U Trai un thaw ïa ka bathymmai, katba ka khyndew kan ang ïa la ka shyntur, bad kan nguid noh tylli ïa ki, bad baroh kat kiba long ki jong ki, ba kumta kin hap im ha dujok; te phin sngewthuh ba kine ki briew ki la pynbitar ïa U Trai.”
31Bad ka la jia, katba u shu dang wai noh ïa kaba kren ïa kine ki ktien baroh, ba kata ka khyndew kaba hapoh jong ki, ka la kad ar liang: 32Te kata ka khyndew, ka la ang ïa la ka shyntur, bad ka la nguid noh tylli ïa ki, bad ïa ki ïing jong ki, bad ïa ki briew baroh kiba ïadei lang ha u Korah, bad ïa ki mar jong ki baroh. 33Te ma ki, bad baroh kat kiba ïadei lang ki jong ki, ki la leit hiar im ha dujok: bad kata ka khyndew ka la dam halor jong ki, bad ki la ïap duh noh napdeng uta u paidlang. 34Te ki Israel baroh kiba la don baroh sawdong ïa ki, ki la ïaphet ïap noh na ka jinglynñiar jong ki: naba ki la ïa-ong, “Ba ïoh nguid noh tylli ka khyndew ïa ngi ruh.” 35Bad ka la mih noh ka ding na U Trai, bad ka la thang duh ruh ïa kita ki arspah sanphew kiba la ainguh ïa kata ka jingiwbih thang.
36Te U Trai u la kren ha u Moses, U da ong, 37“To kren ha u Eleasar u khun u Aaron lyngdoh, ba un rah noh ïa kita ki pliang kita kiba la ing; bad men pynsaphred shabar ïa ka ding na ki: naba ki long kiba la kyntang: 38na kita ki pliang jong kine kiba la leh pop ïa la ki mynsiem jong ki hi, to thaw sla ki baïar ïa ki, ban long ka jingtap ïa ka duwan: naba ki la ainguh ïa ki ha khmat U Trai, namar kata, ki long kiba la kyntang: bad kin long ka dak ha ki khun Israel.” 39Te u Eleasar lyngdoh u la shim ïa kita ki pliang rnong, da kiba ki la ainguh kita ïa kiba la thang; bad ki la shoh pynstang ïa ki, ban long ka jingtap ïa kata ka duwan: 40ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.
41Hynrei, ha kaba lashai, uta u paidlang baroh ki khun Israel u la kren khñium ïa u Moses, bad ïa u Aaron, ki da ong, “Phi la pynïap noh ïa ki briew ki jong U Trai.” 42Ka la jia ruh, haba uta u paidlang u la ïalum lang ban ïaleh pyrshah ïa u Moses, bad pyrshah ïa u Aaron, ba ki la khmih sha Ka Tabernakl ka jingïaseng: te ha khmih, uta u lyoh u la tap ïa ka, bad ka burom U Trai ka la paw. 43Te u Moses, bad u Aaron, ki la ïawan ha khmat Ka Tabernakl ka jingïaseng. 44Te U Trai u la kren ha u Moses, U da ong, 45“To khie leit noh napdeng une u paidlang, ba ngan ïoh pynjot noh ïa ki shisyndon.” Ki te ki la hap dem la ki khmat. 46Bad u Moses u la ong ha u Aaron, “To shim ïa ka pliang, to thep ruh ïa ka ding na ka duwan hapoh jong ka, to buh ruh ïa ka jingiwbih thang halor jong ka, bad to leit kloi kloi hapdeng u paidlang, bad to pynlong ïa ka jingpynïasuk na ka bynta jong ki: namar ka jingbitar ka la mih noh na U Trai; ka khlam ruh ka la sdang keiñ.” 47Bad u Aaron u la shim kumba u la hukum u Moses, bad u la phet hapdeng uta u paidlang; te, ha khmih, ka khlam ka la lah sdang hapdeng kita ki briew: bad u la ai ka jingiwbih thang, bad u la pynlong ïa ka jingpynïasuk na ka bynta uta u paidlang. 48Te u la ïeng hapdeng ki baïap bad ki ba-im: bad ïa kata ka khlam la pynsangeh. 49Te kita kiba la ïap noh na kata ka jingïapthem, ki la long khatsaw hajar bad hynñiewspah, nalor kita kiba la ïap noh ha ka jingïaleh jong u Korah. 50Bad u Aaron u la leit phai pat sha u Moses ha ka jingkhang Ka Tabernakl ka jingïaseng: te ïa kata ka khlam la pynsangeh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India