LEBITIKOS 7
7
1“ ‘Kane ruh ka hukum ka jingkñia namar ka jingpalat: ka long ka bakyntang tam eh. 2Ha ka jaka ba ki ju pynïap ïa ka jingkñia bathang#7:2 ka jingkñia bathang: Kane ka dei ka jingkñia ainguh thang., hangta hi kin pynïap ïa ki jingkñia namar ka jingpalat: bad ïa ka snam jong ka un synreit halor ka duwan baroh sawdong. 3Bad un ainguh na ka, ïa ka khleiñ jong ka baroh; bad ïa ka dongnai, bad ïa ka khleiñ basop ïa ki snier, 4bad ïa ki khyllai baroh ar, bad ïa ka khleiñ kaba halor jong ki, kaba haduh ki krung, bad ïa ka sbiar kaba halor u dohnud, lem bad ki khyllai, un law noh: 5te uta u lyngdoh un thang ïa ki halor ka duwan ïa ka ban long ka jingkñia ainguh thang ha U Trai: Ka long ka jingkñia namar ka jingpalat. 6Ki shynrang baroh hapdeng ki lyngdoh kin bam na ka: bad ka dei ban bam ïa ka ha ka jaka kyntang: ka long ka bakhuid tam eh. 7Kumba long ka jingkñia sait pop, kumta long kata ka jingkñia namar ka jingpalat: don tang kawei ka hukum ïa ki: kan dei ka jong uta u lyngdoh uba pynlong ïa ka jingpynïasuk da kata. 8Bad uta u lyngdoh uba kñia ïa ka jingkñia bathang na ka bynta uno uno u briew, uta u lyngdoh keiñ un ïoh ïa ka snieh jong kata ka jingkñia ïa kaba u la kñia ma u. 9Bad ïa ka jingkñia ainguh bam baroh ba la shet ha ka lawar, bad baroh ïa kaba la sdieh ha ka karai, bad ha ka pliang, kan long ka jong uta u lyngdoh uba kñia ïa ka. 10Bad ka jingkñia ainguh bam baroh, ba la pynkhleh da ka umphniang, lane barkhiang, kan long ka jong ki khun shynrang u Aaron baroh, ïa uwei uwei baroh kumjuh.
Ki jingkñia bapynïasuk
11“ ‘Kane ruh ka hukum ka jong ki jingkñia bapynïasuk, ïa kiba un kñia ainguh ha U Trai. 12Lada un kñia ainguh ïa kine na ka bynta ka jingainguh, un ainguh lem bad ka jingkñia ainguh da ki kpu bakhlem thiat ba la khleh da ka umphniang, bad ki 'pu stang bakhlem thiat, ba la suit umphniang ïa ki, bad ki kpu na u 'purew bani, ba la sdieh ynda la pynkhleh umphniang ïa ki. 13Nalor kine ki kpu un ainguh da ki kpu bakhleh thiat ha ka jingkñia ainguh jong u, lem bad ka jingkñia ainguh na ka bynta ka jingpynïasuk jong u. 14Bad na kane un ainguh ïa uwei u kpu na ka jingainguh baroh, ïa ka ban long ka jingainguh kyntiew ha U Trai; ka dei ba kata ruh kan long ka jong uta u lyngdoh uba synreit ïa ka snam jong ka jingkñia ka jingpynïasuk. 15Te ïa ka doh jong ka jingkñia bapynïasuk ba ainguh jong u, yn bam ha kata ka sngi hi ba la kñia ïa ka; wat ai kan sah ei ei na ka haduh mynstep. 16Hynrei, lada ka jingkñia ka jingainguh jong u ka long ka kular, lane ka jingainguh sngewbha, ka dei ban bam ïa ka ha kata ka sngi ba u ainguh ïa la ka jingkñia: bad ha kaba lashai ruh yn bam ïa kaba sah tam na ka, 17hynrei, ïa kaba sah tam na ka doh kata ka jingkñia ha kaba lashisngi, to thang ha ka ding. 18Bad lada bam tang khyndiat ruh na ka doh ka jingainguh jong ka jingkñia bapynïasuk jong u ha ka sngi ka balai, yn ym pdiang ïa ka, lymne yn ym kheiñ ïa ka ha uta uba la kñia ïa ka: kan long kaba isih, bad uta u briew uba bam na ka un kit ïa la ka pop.
19“ ‘Bad ka doh kaba ktah ïa kaei kaei ruh ka basang yn ym bam ïa ka da lei lei; yn thang ïa ka ha ka ding. Hynrei, ïa kawei pat ka doh, jar uba long khuid un bam na ka, 20naba ka mynsiem kaba bam ïa ka doh ka jingkñia bapynïasuk kaba dei ïa U Trai, mynba u dang sah tngit sang, ïa kata ka mynsiem yn ot noh na u paidlang jong u. 21Bad nalor kata, u briew uba ktah ïa kaei kaei ruh ka basang, kum ïa ka jingtngit u briew, lane ïa ka mrad ba la tngit, lane ïa kaei kaei ka jingijli bymkhuid, bad ba u bam pynban na ka doh jong kata ka jingkñia bapynïasuk kaba dei jong U Trai, ïa uta u briew yn ot noh na u paidlang jong u.’ ”
22Bad U Trai u la kren ha u Moses, u da ong, 23“To kren ha ki khun Israel, da ong, ‘Phin ym bam na ka khleiñ kaba kumno kumno ruh, lymne na ka jong u masi dab, lymne na ka jong ka langbrot, lymne na ka jong ka blang. 24Te ïa ka khleiñ ka metïap, bad ïa ka khleiñ ka jong kata ba la tar ki mrad, ïa kata te lah ban pynleit sha kawei pat ka kam: hynrei, phin ym lah ban bam ïa ka da lei lei ruh. 25Naba uno uno ruh uba bam ïa ka khleiñ jong u mrad, uba dei ban kñia ainguh da ka ding ha U Trai, kata ka mynsiem kaba bam, yn ot noh ïa ka na u paidlang jong u. 26#Jen. 9:4; Leb. 17:10-14; 19:26; Deu. 12:16,23; 15:23.Nalor kane pat, phin ym bam na ka snam kaba kumno kumno ruh, lymne ka jong ka kynja sim, lymne u mrad, ha-ei ha-ei ruh em hapoh ki ïing jong phi. 27U briew baroh uba bam ïa ka snam, ïa uta u briew yn ot noh na u paidlang jong u.’ ”
28Bad U Trai u la kren ha u Moses, u da ong, 29“To kren ha ki khun Israel, da ong, ‘Uta uba kñia ainguh ïa la ka jingkñia bapynïasuk ha U Trai, un wallam ïa la ka jingainguh jong ka jingkñia bapynïasuk jong u ha U Trai: 30Ki kti jong u hi kin ïawallam ïa ki jingkñia ainguh ki jong U Trai ba la thaw da ka ding; ïa ka khleiñ lem bad ka shadem un wallam, ïa ka shadem ïa ka ban kaweh ïa ka, kum ka jingainguh kaweh ha khmat U Trai. 31Bad u lyngdoh un thang ïa ka khleiñ halor ka duwan: hynrei, ka shadem kan long ka jong u Aaron bad ki khun shynrang jong u. 32Te ïa ka kti kamon phin ïa-ai ha uta u lyngdoh, kum ka jingainguh bakyntiew ka jong ka jingkñia ka jingainguh bapynïasuk jong phi. 33Na ki khun shynrang u Aaron, uta uba ainguh ïa ka snam jong ka jingkñia bapynïasuk, bad ïa ka khleiñ, un ïoh ïa ka kti kamon kum ka bynta jong u. 34Naba ka shadem ka jingkaweh, bad ka kti ka jingkyntiew, nga la shim ma nga na ki khun Israel na ki jingkñia bapynïasuk jong ki, bad nga la ai ïa ki ha u Aaron lyngdoh bad ha ki khun shynrang jong u, da ka hukum bajunom pateng la pateng napdeng ki khun Israel. 35Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai; 36ïa kaba U Trai u la hukum ban ai ha ki, na ki khun Israel, naduh kata ka sngi ha kaba u la pynsleh ïa ki, da ka hukum bajunom pateng la pateng jong ki.’ ”
37Kane ka long ka hukum ka jong ka jingkñia ainguh thang, bad ka jong ka jingainguh bam, bad ka jong ka jingkñia namar ka pop, bad ka jong ka jingkñia namar ka jingpalat, bad ka jong ki jingpynkyntang, bad ka jong ka jingkñia bapynïasuk ruh de; 38ïa kaba U Trai u la hukum ïa u Moses ha u lum Sinai, ha kata ka sngi ba u la hukum ïa ki khun Israel ban ai ïa la ki jingkñia ainguh ha U Trai, ha ka ri khlaw Sinai.
Currently Selected:
LEBITIKOS 7: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
LEBITIKOS 7
7
1“ ‘Kane ruh ka hukum ka jingkñia namar ka jingpalat: ka long ka bakyntang tam eh. 2Ha ka jaka ba ki ju pynïap ïa ka jingkñia bathang#7:2 ka jingkñia bathang: Kane ka dei ka jingkñia ainguh thang., hangta hi kin pynïap ïa ki jingkñia namar ka jingpalat: bad ïa ka snam jong ka un synreit halor ka duwan baroh sawdong. 3Bad un ainguh na ka, ïa ka khleiñ jong ka baroh; bad ïa ka dongnai, bad ïa ka khleiñ basop ïa ki snier, 4bad ïa ki khyllai baroh ar, bad ïa ka khleiñ kaba halor jong ki, kaba haduh ki krung, bad ïa ka sbiar kaba halor u dohnud, lem bad ki khyllai, un law noh: 5te uta u lyngdoh un thang ïa ki halor ka duwan ïa ka ban long ka jingkñia ainguh thang ha U Trai: Ka long ka jingkñia namar ka jingpalat. 6Ki shynrang baroh hapdeng ki lyngdoh kin bam na ka: bad ka dei ban bam ïa ka ha ka jaka kyntang: ka long ka bakhuid tam eh. 7Kumba long ka jingkñia sait pop, kumta long kata ka jingkñia namar ka jingpalat: don tang kawei ka hukum ïa ki: kan dei ka jong uta u lyngdoh uba pynlong ïa ka jingpynïasuk da kata. 8Bad uta u lyngdoh uba kñia ïa ka jingkñia bathang na ka bynta uno uno u briew, uta u lyngdoh keiñ un ïoh ïa ka snieh jong kata ka jingkñia ïa kaba u la kñia ma u. 9Bad ïa ka jingkñia ainguh bam baroh ba la shet ha ka lawar, bad baroh ïa kaba la sdieh ha ka karai, bad ha ka pliang, kan long ka jong uta u lyngdoh uba kñia ïa ka. 10Bad ka jingkñia ainguh bam baroh, ba la pynkhleh da ka umphniang, lane barkhiang, kan long ka jong ki khun shynrang u Aaron baroh, ïa uwei uwei baroh kumjuh.
Ki jingkñia bapynïasuk
11“ ‘Kane ruh ka hukum ka jong ki jingkñia bapynïasuk, ïa kiba un kñia ainguh ha U Trai. 12Lada un kñia ainguh ïa kine na ka bynta ka jingainguh, un ainguh lem bad ka jingkñia ainguh da ki kpu bakhlem thiat ba la khleh da ka umphniang, bad ki 'pu stang bakhlem thiat, ba la suit umphniang ïa ki, bad ki kpu na u 'purew bani, ba la sdieh ynda la pynkhleh umphniang ïa ki. 13Nalor kine ki kpu un ainguh da ki kpu bakhleh thiat ha ka jingkñia ainguh jong u, lem bad ka jingkñia ainguh na ka bynta ka jingpynïasuk jong u. 14Bad na kane un ainguh ïa uwei u kpu na ka jingainguh baroh, ïa ka ban long ka jingainguh kyntiew ha U Trai; ka dei ba kata ruh kan long ka jong uta u lyngdoh uba synreit ïa ka snam jong ka jingkñia ka jingpynïasuk. 15Te ïa ka doh jong ka jingkñia bapynïasuk ba ainguh jong u, yn bam ha kata ka sngi hi ba la kñia ïa ka; wat ai kan sah ei ei na ka haduh mynstep. 16Hynrei, lada ka jingkñia ka jingainguh jong u ka long ka kular, lane ka jingainguh sngewbha, ka dei ban bam ïa ka ha kata ka sngi ba u ainguh ïa la ka jingkñia: bad ha kaba lashai ruh yn bam ïa kaba sah tam na ka, 17hynrei, ïa kaba sah tam na ka doh kata ka jingkñia ha kaba lashisngi, to thang ha ka ding. 18Bad lada bam tang khyndiat ruh na ka doh ka jingainguh jong ka jingkñia bapynïasuk jong u ha ka sngi ka balai, yn ym pdiang ïa ka, lymne yn ym kheiñ ïa ka ha uta uba la kñia ïa ka: kan long kaba isih, bad uta u briew uba bam na ka un kit ïa la ka pop.
19“ ‘Bad ka doh kaba ktah ïa kaei kaei ruh ka basang yn ym bam ïa ka da lei lei; yn thang ïa ka ha ka ding. Hynrei, ïa kawei pat ka doh, jar uba long khuid un bam na ka, 20naba ka mynsiem kaba bam ïa ka doh ka jingkñia bapynïasuk kaba dei ïa U Trai, mynba u dang sah tngit sang, ïa kata ka mynsiem yn ot noh na u paidlang jong u. 21Bad nalor kata, u briew uba ktah ïa kaei kaei ruh ka basang, kum ïa ka jingtngit u briew, lane ïa ka mrad ba la tngit, lane ïa kaei kaei ka jingijli bymkhuid, bad ba u bam pynban na ka doh jong kata ka jingkñia bapynïasuk kaba dei jong U Trai, ïa uta u briew yn ot noh na u paidlang jong u.’ ”
22Bad U Trai u la kren ha u Moses, u da ong, 23“To kren ha ki khun Israel, da ong, ‘Phin ym bam na ka khleiñ kaba kumno kumno ruh, lymne na ka jong u masi dab, lymne na ka jong ka langbrot, lymne na ka jong ka blang. 24Te ïa ka khleiñ ka metïap, bad ïa ka khleiñ ka jong kata ba la tar ki mrad, ïa kata te lah ban pynleit sha kawei pat ka kam: hynrei, phin ym lah ban bam ïa ka da lei lei ruh. 25Naba uno uno ruh uba bam ïa ka khleiñ jong u mrad, uba dei ban kñia ainguh da ka ding ha U Trai, kata ka mynsiem kaba bam, yn ot noh ïa ka na u paidlang jong u. 26#Jen. 9:4; Leb. 17:10-14; 19:26; Deu. 12:16,23; 15:23.Nalor kane pat, phin ym bam na ka snam kaba kumno kumno ruh, lymne ka jong ka kynja sim, lymne u mrad, ha-ei ha-ei ruh em hapoh ki ïing jong phi. 27U briew baroh uba bam ïa ka snam, ïa uta u briew yn ot noh na u paidlang jong u.’ ”
28Bad U Trai u la kren ha u Moses, u da ong, 29“To kren ha ki khun Israel, da ong, ‘Uta uba kñia ainguh ïa la ka jingkñia bapynïasuk ha U Trai, un wallam ïa la ka jingainguh jong ka jingkñia bapynïasuk jong u ha U Trai: 30Ki kti jong u hi kin ïawallam ïa ki jingkñia ainguh ki jong U Trai ba la thaw da ka ding; ïa ka khleiñ lem bad ka shadem un wallam, ïa ka shadem ïa ka ban kaweh ïa ka, kum ka jingainguh kaweh ha khmat U Trai. 31Bad u lyngdoh un thang ïa ka khleiñ halor ka duwan: hynrei, ka shadem kan long ka jong u Aaron bad ki khun shynrang jong u. 32Te ïa ka kti kamon phin ïa-ai ha uta u lyngdoh, kum ka jingainguh bakyntiew ka jong ka jingkñia ka jingainguh bapynïasuk jong phi. 33Na ki khun shynrang u Aaron, uta uba ainguh ïa ka snam jong ka jingkñia bapynïasuk, bad ïa ka khleiñ, un ïoh ïa ka kti kamon kum ka bynta jong u. 34Naba ka shadem ka jingkaweh, bad ka kti ka jingkyntiew, nga la shim ma nga na ki khun Israel na ki jingkñia bapynïasuk jong ki, bad nga la ai ïa ki ha u Aaron lyngdoh bad ha ki khun shynrang jong u, da ka hukum bajunom pateng la pateng napdeng ki khun Israel. 35Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai; 36ïa kaba U Trai u la hukum ban ai ha ki, na ki khun Israel, naduh kata ka sngi ha kaba u la pynsleh ïa ki, da ka hukum bajunom pateng la pateng jong ki.’ ”
37Kane ka long ka hukum ka jong ka jingkñia ainguh thang, bad ka jong ka jingainguh bam, bad ka jong ka jingkñia namar ka pop, bad ka jong ka jingkñia namar ka jingpalat, bad ka jong ki jingpynkyntang, bad ka jong ka jingkñia bapynïasuk ruh de; 38ïa kaba U Trai u la hukum ïa u Moses ha u lum Sinai, ha kata ka sngi ba u la hukum ïa ki khun Israel ban ai ïa la ki jingkñia ainguh ha U Trai, ha ka ri khlaw Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India