LEBITIKOS 17
17
Ka jaka ban kñia ainguh
1Bad U Trai u la kren ha u Moses u da ong, 2“To kren ha u Aaron, bad ha ki khun shynrang jong u, bad ha ki khun Israel baroh, bad to ïathuh ha ki; ‘Kane ka long kaba U Trai u la hukum, u da ong, 3Uno uno ruh na ka ïing Israel u ban pynïap ïa u masi, lane ïa u khun langbrot, lane ïa u blang, ha ka jaka shong dara, lane pynïap shabar ka jaka shong dara, 4khlem da wallam ïa u sha ka jingkhang Ka Tabernakl ka jingïaseng, ïa ka ban kñia ka jingkñia ainguh ha U Trai ha khmat Ka Tabernakl U Trai: yn sa kheiñ ïa kata ka snam halor uta u briew; u la pynmih snam; bad yn ot noh ïa uta u briew napdeng u paidlang jong u: 5khnang ba ki khun Israel kin ïawallam ïa la ki jingkñia, ïa kiba ki la ju kñia ha lum, ba kin ïawallam ïa ki ha U Trai keiñ, sha ka jingkhang Ka Tabernakl ka jingïaseng, ha u lyngdoh keiñ, bad kin kñia ïa ki kum ki jingkñia ka jingïasuk ha U Trai. 6Bad u lyngdoh un synreit ïa ka snam halor ka duwan U Trai kaba ha ka jingkhang Ka Tabernakl ka jingïaseng, bad un thang ïa ka khleiñ ïa ka ban long ka jingiw baiwbih ha U Trai. 7Bad wat ai kin kñia shuh ïa ki jingkñia ïa ki ksuid, bad kiba ki la ju leit ïaklim mynno mynno. Kane kan long ka hukum bajunom ïa ki pateng la pateng.’
8“Bad to ong ha ki, Uno uno ruh uba na ka ïing Israel, lane na ki nongwei ba wanhap hapdeng jong phi, ba kñia ïa ka jingkñia ainguh thang, lane ïa ka jingkñia kaba kumno kumno ruh, 9khlem da wallam ïa ka ha ka jingkhang Ka Tabernakl ka jingïaseng, ïa ka ban kñia ainguh ïa ka ha U Trai; yn ot noh ïa uta u briew na u paidlang jong u.
Kaba adong ban bam ïa ka snam
10 #
Jen. 9:4; Leb. 3:17; 7:26,27; 19:26; Deu. 12:16,23-25; 15:23. “Bad lada uno uno ruh na ka ïing Israel, lane na ki nongwei kiba wanhap hapdeng jong phi, un bam ïa ka snam kaba kumno kumno ruh; ngan buh ïa ka khmat jong nga keiñ pyrshah ïa kata ka mynsiem babam snam, bad ngan ot noh ïa u napdeng u paidlang jong u. 11#Heb. 9:22.Naba ka jingim jong ka doh ka don ha kata ka snam: te nga la ai ïa ka ha phi halor ka duwan ban pynlong ka jingpynïasuk na ka bynta ki mynsiem jong phi: naba kane ka snam kaba pynlong ka jingpynïasuk na ka bynta ka mynsiem. 12Namar kata, nga la ong ha ki khun Israel, ‘Wat ai ba uno uno ruh na phi un bam snam da lei lei, bad u nongwei uba wanhap hapdeng jong phi ruh wat ai ba un bam snam.’ 13Bad uno uno ruh na ki khun Israel, lane na ki nongwei kiba wanhap hapdeng jong phi, uba leit beh bad uba kem ïa u mrad lane ïa u sim ïa uba ki ju bam; un pynmih noh ïa ka snam jong u, bad un tap ïa ka da ka khyndew.
14“Naba ka jingim ka doh baroh ka long ka snam jong ka: ka snam ka shong na ka bynta ka mynsiem jong ka: namar kata, nga la ong ha ki khun Israel, ‘Wat bam ïa ka snam jong kano kano ka doh: naba ka jingim jong ka doh baroh ka long ka snam jong ka: jar uba bam ïa ka ïa uta yn ot noh.’ 15Bad u briew baroh uba bam ïa kaei kaei ruh ba la ïap hi, lane ïa kaba la tar, la u long u parakher paramer jong phi hi lane u nongwei, un sait ïa la ki jaiñ, bad un sum ha ka um, bad un long bymkhuid haduh la janmiet: hadien kata, un long u bakhuid. 16Hynrei, lada un ym sait ïa ki, lymne sum ïa lade, un kit la ka pop.”
Currently Selected:
LEBITIKOS 17: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
LEBITIKOS 17
17
Ka jaka ban kñia ainguh
1Bad U Trai u la kren ha u Moses u da ong, 2“To kren ha u Aaron, bad ha ki khun shynrang jong u, bad ha ki khun Israel baroh, bad to ïathuh ha ki; ‘Kane ka long kaba U Trai u la hukum, u da ong, 3Uno uno ruh na ka ïing Israel u ban pynïap ïa u masi, lane ïa u khun langbrot, lane ïa u blang, ha ka jaka shong dara, lane pynïap shabar ka jaka shong dara, 4khlem da wallam ïa u sha ka jingkhang Ka Tabernakl ka jingïaseng, ïa ka ban kñia ka jingkñia ainguh ha U Trai ha khmat Ka Tabernakl U Trai: yn sa kheiñ ïa kata ka snam halor uta u briew; u la pynmih snam; bad yn ot noh ïa uta u briew napdeng u paidlang jong u: 5khnang ba ki khun Israel kin ïawallam ïa la ki jingkñia, ïa kiba ki la ju kñia ha lum, ba kin ïawallam ïa ki ha U Trai keiñ, sha ka jingkhang Ka Tabernakl ka jingïaseng, ha u lyngdoh keiñ, bad kin kñia ïa ki kum ki jingkñia ka jingïasuk ha U Trai. 6Bad u lyngdoh un synreit ïa ka snam halor ka duwan U Trai kaba ha ka jingkhang Ka Tabernakl ka jingïaseng, bad un thang ïa ka khleiñ ïa ka ban long ka jingiw baiwbih ha U Trai. 7Bad wat ai kin kñia shuh ïa ki jingkñia ïa ki ksuid, bad kiba ki la ju leit ïaklim mynno mynno. Kane kan long ka hukum bajunom ïa ki pateng la pateng.’
8“Bad to ong ha ki, Uno uno ruh uba na ka ïing Israel, lane na ki nongwei ba wanhap hapdeng jong phi, ba kñia ïa ka jingkñia ainguh thang, lane ïa ka jingkñia kaba kumno kumno ruh, 9khlem da wallam ïa ka ha ka jingkhang Ka Tabernakl ka jingïaseng, ïa ka ban kñia ainguh ïa ka ha U Trai; yn ot noh ïa uta u briew na u paidlang jong u.
Kaba adong ban bam ïa ka snam
10 #
Jen. 9:4; Leb. 3:17; 7:26,27; 19:26; Deu. 12:16,23-25; 15:23. “Bad lada uno uno ruh na ka ïing Israel, lane na ki nongwei kiba wanhap hapdeng jong phi, un bam ïa ka snam kaba kumno kumno ruh; ngan buh ïa ka khmat jong nga keiñ pyrshah ïa kata ka mynsiem babam snam, bad ngan ot noh ïa u napdeng u paidlang jong u. 11#Heb. 9:22.Naba ka jingim jong ka doh ka don ha kata ka snam: te nga la ai ïa ka ha phi halor ka duwan ban pynlong ka jingpynïasuk na ka bynta ki mynsiem jong phi: naba kane ka snam kaba pynlong ka jingpynïasuk na ka bynta ka mynsiem. 12Namar kata, nga la ong ha ki khun Israel, ‘Wat ai ba uno uno ruh na phi un bam snam da lei lei, bad u nongwei uba wanhap hapdeng jong phi ruh wat ai ba un bam snam.’ 13Bad uno uno ruh na ki khun Israel, lane na ki nongwei kiba wanhap hapdeng jong phi, uba leit beh bad uba kem ïa u mrad lane ïa u sim ïa uba ki ju bam; un pynmih noh ïa ka snam jong u, bad un tap ïa ka da ka khyndew.
14“Naba ka jingim ka doh baroh ka long ka snam jong ka: ka snam ka shong na ka bynta ka mynsiem jong ka: namar kata, nga la ong ha ki khun Israel, ‘Wat bam ïa ka snam jong kano kano ka doh: naba ka jingim jong ka doh baroh ka long ka snam jong ka: jar uba bam ïa ka ïa uta yn ot noh.’ 15Bad u briew baroh uba bam ïa kaei kaei ruh ba la ïap hi, lane ïa kaba la tar, la u long u parakher paramer jong phi hi lane u nongwei, un sait ïa la ki jaiñ, bad un sum ha ka um, bad un long bymkhuid haduh la janmiet: hadien kata, un long u bakhuid. 16Hynrei, lada un ym sait ïa ki, lymne sum ïa lade, un kit la ka pop.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India