LEBITIKOS 14
14
1U Trai u la kren pat ha u Moses, u da ong, 2#Mat. 8:4; Mrk. 1:44; Luk. 5:14; 17:14.“Kane ka long ka hukum shaphang u bapang 'ñiangthohlieh ha ka sngi ban pynkhuid ïa u: To wallam ïa u ha u lyngdoh: 3bad uta u lyngdoh un mih shabar ka jaka shong dara: bad u lyngdoh un khmih-ïit, te ha khmih, lada u shem ba kata ka jingpang 'ñiangthohlieh ka la khiah ha uta u bapang 'ñiangthohlieh; 4ynda kumta, u lyngdoh un hukum ïa uta ïa uba yn pynkhuid ban shim ar tylli ki sim ïing kiba im bad ki bakhuid, bad ïa u dieng Kedar, bad ïa u 'ñiuh langbrot basaw bthuh, bad ïa u Hyssop: 5bad u lyngdoh un hukum ban pynïap ïa iwei na kita ki sim ha u khiew khyndew halor ka um batuid. 6Te un shim ïa ita i sim ba-im, bad ïa u dieng Kedar, bad ïa u 'ñiuh langbrot basaw bthuh, bad ïa u Hyssop ruh de, ynda kumta, un wieh ïa kita lem bad ita i sim ba-im ha ka snam ita i sim ba la pynïap halor ka um batuid: 7Bad un synreit hynñiew sien halor uta ïa uba yn pynkhuid na ka jingpang 'ñiangthohlieh, bad un rai ïa u, u bakhuid; hadien kata, un pyllaitluid ïa ita i sim ba-im sha lum. 8Bad uta ïa uba yn pynkhuid un sait ïa la ki jaiñ, bad un khi ïa la u shñiuh baroh, bad un sum ïa lade ha ka um, ba un long khuid: hadien kata, un wan sha ka jaka shong dara, bad un shong shabar la ka ïingtrep, hynñiew sngi. 9Te ha ka bahynñiew sngi un khi ïa la u shñiuh baroh phar, ïa ka khlieh bad ïa u 'ñiuh tmoh, bad ïa ki reng 'mat, un khi ïa la u shñiuh baroh phar keiñ: bad un sait ïa la ki jaiñ, bad ïa la ka met ruh un pynkhuid ha um; kumta, un long uba la khuid.
10“Ha ka baphra sngi un shim ar tylli ki khun langbrot shynrang ba-tlem bha, bad ïa iwei i khun langbrot kynthei ba shi snem ba-tlem bha, bad lai bynta na kaba shiphew bynta u 'purew bani: ïa ka ban long ka jingainguh bam, ba la khleh da ka umphniang bad shi log ka umphniang ruh de. 11Bad uta u lyngdoh uba pynlong ka jingpynkhuid un buh ïa uta u briew ïa uba yn sa pynkhuid, bad ïa kita kiei kiei ruh, ha khmat U Trai, hajan ka jingkhang Ka Tabernakl ka jingïaseng. 12Hadien kata, u lyngdoh un shim ïa uwei u khun langbrot, bad un kñia ïa u, ïa ka ban long ka jingkñia namar ka jingpalat, lem bad kata ka shi log ka umphniang, bad un kaweh ïa ki ïa ka ban long ka jingainguh kaweh ha khmat U Trai; 13ynda kumta, un pynïap ïa uta u khun langbrot ha ka jaka ba ju pynïap ïa ka jingkñia namar ka pop bad ïa ka jingkñia ainguh thang, ha ka jaka kyntang: naba ka jingkñia namar ka jingpalat ka long ka jong u lyngdoh, kumjuh kumba ka jingkñia namar ka pop: ka long ka bakyntang tam. 14Bad uta u lyngdoh un shim na ka snam jong ka jingkñia namar ka jingpalat, bad uta u lyngdoh un tah ïa ka ha ka sohlah shkor kamon jong uta ïa uba yn sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u: 15bad uta u lyngdoh un shim na kata ka shi log ka umphniang, bad un theh ïa ka ha ka sla'ti kadiang jong u hi: 16hadien kata, u lyngdoh un wieh ïa la ka shynriah'ti kamon ha kata ka umphniang ba don ha ka sla'ti kadiang jong u, bad un synreit na kata ka umphniang da la ka shynriah'ti, hynñiew sien, ha khmat U Trai: 17te na kaba sah na kata ka umphniang ha ka sla'ti jong u, u lyngdoh un buh ha ka sohlah shkor kamon jong uta ïa uba yn pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u, halor ka snam ka jingkñia namar ka jingpalat; 18bad ïa kaba dang sah shuh na kata ka umphniang ha ka sla'ti uta u lyngdoh un buh halor ka khlieh jong uta ïa uba yn pynkhuid: kumta, uta u lyngdoh un pynlong ka jingpynïasuk na ka bynta jong u ha khmat U Trai. 19Bad u lyngdoh un kñia ïa ka jingkñia namar ka pop, bad un pynlong ka jingpynïasuk na ka bynta uta ïa uba yn pynkhuid na ka jingtngit jong u; ynda kumta, un pynïap ïa kata ka jingkñia ainguh thang; 20bad hadien kata, uta u lyngdoh un kñia ïa ka jingkñia ainguh thang bad ïa ka jingkñia ainguh bam halor ka duwan: bad u lyngdoh un pynlong ka jingpynïasuk na ka bynta jong u, te un long u bakhuid.
21“Hynrei, lada u long u baduk, bad um lah kot lah ïoh haduh katta, kumta un shim uwei u khun langbrot ïa ka ban long ka jingkñia namar ka jingpalat ban kaweh, ïa ka ban pynlong ka jingpynïasuk na ka bynta jong u, bad ïa kaba shiphew bynta u 'purew bani ba la pynkhleh da ka umphniang ïa ka ban long ka jingainguh bam, lem bad shi log ka umphniang; 22bad ar tylli ki lyngdkhur, lane ar tylli ki khun paro, katba u lah hi ban kot; kawei ban long ka jingkñia namar ka pop, bad kawei pat ka jingkñia ainguh thang. 23Bad ha ka baphra sngi un wallam ïa ki, ïa ka jingpynkhuid jong u ha u lyngdoh, hajan ka jingkhang Ka Tabernakl ka jingïaseng, ha khmat U Trai. 24Ynda kumta, u lyngdoh un shim ïa u khun langbrot ka jingkñia namar ka jingpalat, lem bad ka shi log ka umphniang, bad u lyngdoh un kaweh ïa ki, ïa ka ban long ka jingkñia ainguh kaweh, ha khmat U Trai: 25bad un pynïap ïa uta u khun langbrot ka jingkñia namar ka jingpalat, bad u lyngdoh un shim na ka snam ka jingkñia namar ka jingpalat, bad un buh ïa ka ha ka sohlah shkor kamon jong uta ïa uba yn sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u de. 26Hadien kata, u lyngdoh un theh na kata ka umphniang ha ka sla'ti kadiang jong u hi; 27bad da ka shynriah'ti kamon jong u, u lyngdoh un synreit hynñiew sien na kata ka umphniang kaba ha ka sla'ti kadiang jong u ha khmat U Trai: 28bad u lyngdoh un buh na kata ka umphniang kaba ha ka sla'ti jong u ha ka sohlah shkor kamon jong uta ïa u ban sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u de, halor ka jaka ha kaba ka don ka snam ka jingkñia namar ka jingpalat: 29hadien kata, un buh ïa kaba dang sah shuh na kata ka umphniang kaba ha ka sla'ti u lyngdoh halor ka khlieh jong uta ïa u ban sa pynkhuid, ïa ka ban pynlong ka jingpynïasuk na ka bynta jong u ha khmat U Trai. 30Ynda kumta, un kñia ïa kawei na kita ki lyngdkhur, lane na kita ki khun paro, katba u lah ban kot hi; 31kat kaba u lah ban ïoh, kawei ban long ka jingkñia namar ka pop, bad kawei pat ban long ka jingkñia ainguh thang, lem bad ka jingainguh bam: bad u lyngdoh un pynlong ka jingpynïasuk na ka bynta uta ïa uba yn sa pynkhuid ha khmat U Trai. 32Kane ka long ka hukum kaba dei ïa uta uba don ka jingpang 'ñiangthohlieh, bad u bym lah kot lah ïoh haduh kaba dei ïa ka jingpynkhuid jong u.”
33Bad U Trai u la kren ha u Moses bad u Aaron, u da ong, 34“Haba phin sa poi ha ka ri Kanaan, ïa kaba nga ai ha phi ïa ka ban long ka jong phi, lada nga shoh ïa kano kano ka ïing da ka jingpang 'ñiangthohlieh ha kata ka ri ïa kaba phin sa ïoh; 35bad lada wan u trai kata ka ïing ban pyni ïa ka ha u lyngdoh, u da ong, ‘Nga ïohi ba don kaei kaei kaba kum ka jingpang 'ñiangthohlieh ha ka ïing jong nga.’ 36Ynda kumta, u lyngdoh un hukum ïa ki ban pynsuda ïa ka ïing, shuwa ba um pat wan u lyngdoh hi ban khmih ïa ka jingpang sniew, ba ïoh pyntngit ïa kiei kiei baroh ba don ha kata ka ïing: hadien kata, uta u lyngdoh un wan khmih-ïit ïa kata ka ïing. 37Bad un khmih-ïit ïa kata ka jingpang sniew, bad ha khmih, lada kata ka jingpang sniew ka don ha ki kynroh ka ïing, kum ka jingpdang ba lam jyrngam, lane ba lam saw, kiba imat ba la ngam hapoh ka kynroh hi; 38ynda kumta, u lyngdoh un mih noh na kata ka ïing ha ka jingkhang kata ka ïing, bad un khang ïa ka ïing, hynñiew sngi. 39Te ha ka bahynñiew sngi un wan pat u lyngdoh, bad un khmih-ïit, bad lada kata ka jingpang sniew ka la nang saphriang ha ki kynroh ka ïing; 40ynda kumta, u lyngdoh un hukum ïa ki ban khlaw noh ïa ki maw ha kiba imat ba la kem u 'ñiangthohlieh, bad kin ïabred noh ïa ki sha ka jaka bymkhuid shabar shnong; 41bad un phah khrud ruh ïa ka ïing na shapoh baroh phar, bad kin ïabred noh ïa ka khyndew ïa kaba kin khrud sha ka jaka bymkhuid shabar shnong; 42ynda kumta, kin shim da kiwei pat ki maw, bad kin buh ïa ki ha ka jaka jong kita ki maw; un shim ruh da kawei pat ka sorki, bad un ñiad astor biang ïa kata ka ïing.
43“Te lada ka jingpang sniew ka wan paw pat, bad lada ka mih noh hapoh ka ïing, ynda la lah khlaw noh ïa kita ki maw, bad ynda ki la lah khrud noh ïa ka ïing, bad ba la ñiad astor biang ïa ka; 44ynda kumta, u lyngdoh un wan hangta bad un khmih thuh, te, lada u ïohi ba kata ka jingpang sniew ka nang saphriang ha ka ïing, kata ka long ka jingpang 'ñiangthohlieh babam pong ha kata ka ïing: ka long bymkhuid ruh. 45Hadien kata, un phah pynpra ïa kata ka ïing, bad ïa kita ki maw, bad ïa ki dieng, bad ïa ka sorki jong kata ka ïing baroh phar; bad un phah bred noh ïa kita baroh shabar shnong ha ka jaka bymkhuid. 46Bad jar uba leit sha kata ka ïing ha kita ki sngi baroh katba u dang phah khang ïa ka, un long u bymkhuid haduh la janmiet. 47Bad jar uba thiah ha kata ka ïing un sait ïa la ki jaiñ; kumjuh ruh uta uba bam ha kata ka ïing un sait la la ki jaiñ.
48“Hynrei, lada uta u lyngdoh u la wan bsut, bad u la khmih-ïit, bad lada u ïohi ba ka jingpang sniew kam shym la saphriang hapoh kata ka ïing, ynda la lah ñiad astor biang ïa kata ka ïing; ynda kumta u lyngdoh un rai ïa kata ka ïing, ka bakhuid, naba la pynkhiah ïa kata ka jingpang sniew. 49Hadien kata, un shim ar tylli ki sim ïa ka ban pynkhuid ïa ka ïing, bad ki dieng Kedar, bad ïa u 'ñiuh langbrot basaw bthuh, bad ïa u Hyssop: 50bad un pynïap ïa iwei na kita ki sim ha u khiew khyndew halor ka um batuid: 51bad un shim ïa u dieng Kedar, bad ïa u Hyssop, bad ïa u 'ñiuh langbrot basaw bthuh, bad ïa ita i sim ba-im ruh de, bad un wieh ïa ki ha ka snam ita i sim ba la pynïap, bad ha kata ka um batuid de; ynda kumta, un synreit ïa ka ïing, hynñiew sien. 52Kumta, un pynkhuid ïa kata ka ïing da ka snam ita i sim, bad da kata ka um batuid, bad da ita i sim ba-im, bad da uta u dieng Kedar, bad da uta u Hyssop, bad da uta u 'ñiuh langbrot basaw bthuh ruh de; 53hadien kata, un pyllaitluid noh shabar ka shnong sha lum ïa ita i sim ba-im: bad un pynlong ka jingpynïasuk na ka bynta kata ka ïing: te kan long ka bakhuid.”
54Kane ka long ka hukum shaphang ka jaid jingpang 'ñiangthohlieh baroh, bad u 'ñianglyngkut: 55bad shaphang u 'ñiangthohlieh uba ha ka jaiñ, bad ha ka ïing, 56bad shaphang kaba at bakyrsong, bad u pyrshen, bad ka jingthoh kaba phyrnai: 57ïa ka ban hikai ban tip ha kano ka por kan long bymkhuid, bad ha kano ka por kan long bakhuid: kane ka long ka hukum shaphang ka jingpang 'ñiangthohlieh.
Currently Selected:
LEBITIKOS 14: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
LEBITIKOS 14
14
1U Trai u la kren pat ha u Moses, u da ong, 2#Mat. 8:4; Mrk. 1:44; Luk. 5:14; 17:14.“Kane ka long ka hukum shaphang u bapang 'ñiangthohlieh ha ka sngi ban pynkhuid ïa u: To wallam ïa u ha u lyngdoh: 3bad uta u lyngdoh un mih shabar ka jaka shong dara: bad u lyngdoh un khmih-ïit, te ha khmih, lada u shem ba kata ka jingpang 'ñiangthohlieh ka la khiah ha uta u bapang 'ñiangthohlieh; 4ynda kumta, u lyngdoh un hukum ïa uta ïa uba yn pynkhuid ban shim ar tylli ki sim ïing kiba im bad ki bakhuid, bad ïa u dieng Kedar, bad ïa u 'ñiuh langbrot basaw bthuh, bad ïa u Hyssop: 5bad u lyngdoh un hukum ban pynïap ïa iwei na kita ki sim ha u khiew khyndew halor ka um batuid. 6Te un shim ïa ita i sim ba-im, bad ïa u dieng Kedar, bad ïa u 'ñiuh langbrot basaw bthuh, bad ïa u Hyssop ruh de, ynda kumta, un wieh ïa kita lem bad ita i sim ba-im ha ka snam ita i sim ba la pynïap halor ka um batuid: 7Bad un synreit hynñiew sien halor uta ïa uba yn pynkhuid na ka jingpang 'ñiangthohlieh, bad un rai ïa u, u bakhuid; hadien kata, un pyllaitluid ïa ita i sim ba-im sha lum. 8Bad uta ïa uba yn pynkhuid un sait ïa la ki jaiñ, bad un khi ïa la u shñiuh baroh, bad un sum ïa lade ha ka um, ba un long khuid: hadien kata, un wan sha ka jaka shong dara, bad un shong shabar la ka ïingtrep, hynñiew sngi. 9Te ha ka bahynñiew sngi un khi ïa la u shñiuh baroh phar, ïa ka khlieh bad ïa u 'ñiuh tmoh, bad ïa ki reng 'mat, un khi ïa la u shñiuh baroh phar keiñ: bad un sait ïa la ki jaiñ, bad ïa la ka met ruh un pynkhuid ha um; kumta, un long uba la khuid.
10“Ha ka baphra sngi un shim ar tylli ki khun langbrot shynrang ba-tlem bha, bad ïa iwei i khun langbrot kynthei ba shi snem ba-tlem bha, bad lai bynta na kaba shiphew bynta u 'purew bani: ïa ka ban long ka jingainguh bam, ba la khleh da ka umphniang bad shi log ka umphniang ruh de. 11Bad uta u lyngdoh uba pynlong ka jingpynkhuid un buh ïa uta u briew ïa uba yn sa pynkhuid, bad ïa kita kiei kiei ruh, ha khmat U Trai, hajan ka jingkhang Ka Tabernakl ka jingïaseng. 12Hadien kata, u lyngdoh un shim ïa uwei u khun langbrot, bad un kñia ïa u, ïa ka ban long ka jingkñia namar ka jingpalat, lem bad kata ka shi log ka umphniang, bad un kaweh ïa ki ïa ka ban long ka jingainguh kaweh ha khmat U Trai; 13ynda kumta, un pynïap ïa uta u khun langbrot ha ka jaka ba ju pynïap ïa ka jingkñia namar ka pop bad ïa ka jingkñia ainguh thang, ha ka jaka kyntang: naba ka jingkñia namar ka jingpalat ka long ka jong u lyngdoh, kumjuh kumba ka jingkñia namar ka pop: ka long ka bakyntang tam. 14Bad uta u lyngdoh un shim na ka snam jong ka jingkñia namar ka jingpalat, bad uta u lyngdoh un tah ïa ka ha ka sohlah shkor kamon jong uta ïa uba yn sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u: 15bad uta u lyngdoh un shim na kata ka shi log ka umphniang, bad un theh ïa ka ha ka sla'ti kadiang jong u hi: 16hadien kata, u lyngdoh un wieh ïa la ka shynriah'ti kamon ha kata ka umphniang ba don ha ka sla'ti kadiang jong u, bad un synreit na kata ka umphniang da la ka shynriah'ti, hynñiew sien, ha khmat U Trai: 17te na kaba sah na kata ka umphniang ha ka sla'ti jong u, u lyngdoh un buh ha ka sohlah shkor kamon jong uta ïa uba yn pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u, halor ka snam ka jingkñia namar ka jingpalat; 18bad ïa kaba dang sah shuh na kata ka umphniang ha ka sla'ti uta u lyngdoh un buh halor ka khlieh jong uta ïa uba yn pynkhuid: kumta, uta u lyngdoh un pynlong ka jingpynïasuk na ka bynta jong u ha khmat U Trai. 19Bad u lyngdoh un kñia ïa ka jingkñia namar ka pop, bad un pynlong ka jingpynïasuk na ka bynta uta ïa uba yn pynkhuid na ka jingtngit jong u; ynda kumta, un pynïap ïa kata ka jingkñia ainguh thang; 20bad hadien kata, uta u lyngdoh un kñia ïa ka jingkñia ainguh thang bad ïa ka jingkñia ainguh bam halor ka duwan: bad u lyngdoh un pynlong ka jingpynïasuk na ka bynta jong u, te un long u bakhuid.
21“Hynrei, lada u long u baduk, bad um lah kot lah ïoh haduh katta, kumta un shim uwei u khun langbrot ïa ka ban long ka jingkñia namar ka jingpalat ban kaweh, ïa ka ban pynlong ka jingpynïasuk na ka bynta jong u, bad ïa kaba shiphew bynta u 'purew bani ba la pynkhleh da ka umphniang ïa ka ban long ka jingainguh bam, lem bad shi log ka umphniang; 22bad ar tylli ki lyngdkhur, lane ar tylli ki khun paro, katba u lah hi ban kot; kawei ban long ka jingkñia namar ka pop, bad kawei pat ka jingkñia ainguh thang. 23Bad ha ka baphra sngi un wallam ïa ki, ïa ka jingpynkhuid jong u ha u lyngdoh, hajan ka jingkhang Ka Tabernakl ka jingïaseng, ha khmat U Trai. 24Ynda kumta, u lyngdoh un shim ïa u khun langbrot ka jingkñia namar ka jingpalat, lem bad ka shi log ka umphniang, bad u lyngdoh un kaweh ïa ki, ïa ka ban long ka jingkñia ainguh kaweh, ha khmat U Trai: 25bad un pynïap ïa uta u khun langbrot ka jingkñia namar ka jingpalat, bad u lyngdoh un shim na ka snam ka jingkñia namar ka jingpalat, bad un buh ïa ka ha ka sohlah shkor kamon jong uta ïa uba yn sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u de. 26Hadien kata, u lyngdoh un theh na kata ka umphniang ha ka sla'ti kadiang jong u hi; 27bad da ka shynriah'ti kamon jong u, u lyngdoh un synreit hynñiew sien na kata ka umphniang kaba ha ka sla'ti kadiang jong u ha khmat U Trai: 28bad u lyngdoh un buh na kata ka umphniang kaba ha ka sla'ti jong u ha ka sohlah shkor kamon jong uta ïa u ban sa pynkhuid, bad ha ka 'ti kmie ka kti kamon jong u, bad ha ka 'jat kmie ka kjat kamon jong u de, halor ka jaka ha kaba ka don ka snam ka jingkñia namar ka jingpalat: 29hadien kata, un buh ïa kaba dang sah shuh na kata ka umphniang kaba ha ka sla'ti u lyngdoh halor ka khlieh jong uta ïa u ban sa pynkhuid, ïa ka ban pynlong ka jingpynïasuk na ka bynta jong u ha khmat U Trai. 30Ynda kumta, un kñia ïa kawei na kita ki lyngdkhur, lane na kita ki khun paro, katba u lah ban kot hi; 31kat kaba u lah ban ïoh, kawei ban long ka jingkñia namar ka pop, bad kawei pat ban long ka jingkñia ainguh thang, lem bad ka jingainguh bam: bad u lyngdoh un pynlong ka jingpynïasuk na ka bynta uta ïa uba yn sa pynkhuid ha khmat U Trai. 32Kane ka long ka hukum kaba dei ïa uta uba don ka jingpang 'ñiangthohlieh, bad u bym lah kot lah ïoh haduh kaba dei ïa ka jingpynkhuid jong u.”
33Bad U Trai u la kren ha u Moses bad u Aaron, u da ong, 34“Haba phin sa poi ha ka ri Kanaan, ïa kaba nga ai ha phi ïa ka ban long ka jong phi, lada nga shoh ïa kano kano ka ïing da ka jingpang 'ñiangthohlieh ha kata ka ri ïa kaba phin sa ïoh; 35bad lada wan u trai kata ka ïing ban pyni ïa ka ha u lyngdoh, u da ong, ‘Nga ïohi ba don kaei kaei kaba kum ka jingpang 'ñiangthohlieh ha ka ïing jong nga.’ 36Ynda kumta, u lyngdoh un hukum ïa ki ban pynsuda ïa ka ïing, shuwa ba um pat wan u lyngdoh hi ban khmih ïa ka jingpang sniew, ba ïoh pyntngit ïa kiei kiei baroh ba don ha kata ka ïing: hadien kata, uta u lyngdoh un wan khmih-ïit ïa kata ka ïing. 37Bad un khmih-ïit ïa kata ka jingpang sniew, bad ha khmih, lada kata ka jingpang sniew ka don ha ki kynroh ka ïing, kum ka jingpdang ba lam jyrngam, lane ba lam saw, kiba imat ba la ngam hapoh ka kynroh hi; 38ynda kumta, u lyngdoh un mih noh na kata ka ïing ha ka jingkhang kata ka ïing, bad un khang ïa ka ïing, hynñiew sngi. 39Te ha ka bahynñiew sngi un wan pat u lyngdoh, bad un khmih-ïit, bad lada kata ka jingpang sniew ka la nang saphriang ha ki kynroh ka ïing; 40ynda kumta, u lyngdoh un hukum ïa ki ban khlaw noh ïa ki maw ha kiba imat ba la kem u 'ñiangthohlieh, bad kin ïabred noh ïa ki sha ka jaka bymkhuid shabar shnong; 41bad un phah khrud ruh ïa ka ïing na shapoh baroh phar, bad kin ïabred noh ïa ka khyndew ïa kaba kin khrud sha ka jaka bymkhuid shabar shnong; 42ynda kumta, kin shim da kiwei pat ki maw, bad kin buh ïa ki ha ka jaka jong kita ki maw; un shim ruh da kawei pat ka sorki, bad un ñiad astor biang ïa kata ka ïing.
43“Te lada ka jingpang sniew ka wan paw pat, bad lada ka mih noh hapoh ka ïing, ynda la lah khlaw noh ïa kita ki maw, bad ynda ki la lah khrud noh ïa ka ïing, bad ba la ñiad astor biang ïa ka; 44ynda kumta, u lyngdoh un wan hangta bad un khmih thuh, te, lada u ïohi ba kata ka jingpang sniew ka nang saphriang ha ka ïing, kata ka long ka jingpang 'ñiangthohlieh babam pong ha kata ka ïing: ka long bymkhuid ruh. 45Hadien kata, un phah pynpra ïa kata ka ïing, bad ïa kita ki maw, bad ïa ki dieng, bad ïa ka sorki jong kata ka ïing baroh phar; bad un phah bred noh ïa kita baroh shabar shnong ha ka jaka bymkhuid. 46Bad jar uba leit sha kata ka ïing ha kita ki sngi baroh katba u dang phah khang ïa ka, un long u bymkhuid haduh la janmiet. 47Bad jar uba thiah ha kata ka ïing un sait ïa la ki jaiñ; kumjuh ruh uta uba bam ha kata ka ïing un sait la la ki jaiñ.
48“Hynrei, lada uta u lyngdoh u la wan bsut, bad u la khmih-ïit, bad lada u ïohi ba ka jingpang sniew kam shym la saphriang hapoh kata ka ïing, ynda la lah ñiad astor biang ïa kata ka ïing; ynda kumta u lyngdoh un rai ïa kata ka ïing, ka bakhuid, naba la pynkhiah ïa kata ka jingpang sniew. 49Hadien kata, un shim ar tylli ki sim ïa ka ban pynkhuid ïa ka ïing, bad ki dieng Kedar, bad ïa u 'ñiuh langbrot basaw bthuh, bad ïa u Hyssop: 50bad un pynïap ïa iwei na kita ki sim ha u khiew khyndew halor ka um batuid: 51bad un shim ïa u dieng Kedar, bad ïa u Hyssop, bad ïa u 'ñiuh langbrot basaw bthuh, bad ïa ita i sim ba-im ruh de, bad un wieh ïa ki ha ka snam ita i sim ba la pynïap, bad ha kata ka um batuid de; ynda kumta, un synreit ïa ka ïing, hynñiew sien. 52Kumta, un pynkhuid ïa kata ka ïing da ka snam ita i sim, bad da kata ka um batuid, bad da ita i sim ba-im, bad da uta u dieng Kedar, bad da uta u Hyssop, bad da uta u 'ñiuh langbrot basaw bthuh ruh de; 53hadien kata, un pyllaitluid noh shabar ka shnong sha lum ïa ita i sim ba-im: bad un pynlong ka jingpynïasuk na ka bynta kata ka ïing: te kan long ka bakhuid.”
54Kane ka long ka hukum shaphang ka jaid jingpang 'ñiangthohlieh baroh, bad u 'ñianglyngkut: 55bad shaphang u 'ñiangthohlieh uba ha ka jaiñ, bad ha ka ïing, 56bad shaphang kaba at bakyrsong, bad u pyrshen, bad ka jingthoh kaba phyrnai: 57ïa ka ban hikai ban tip ha kano ka por kan long bymkhuid, bad ha kano ka por kan long bakhuid: kane ka long ka hukum shaphang ka jingpang 'ñiangthohlieh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India