NONGBISHAR 2
2
U angel ha Bokhim
1Te u angel U Trai u la wan kiew na Gilgal sha Bokhim. Bad u la ong, “Nga la pynmih noh ïa phi na ka ri Ijipt, bad nga la wallam ïa phi sha ka ri kaba nga la smai ha ki kpa jong phi; bad nga la ong, ‘Ngan ym pynkheiñ ïa ka jutang jong nga bad phi lano lano: 2#Eks. 34:12,13; Deu. 7:2-5.bad phin ym ïateh jutang bad ki briew jong kane ka ri; phin pynkyllon ïa ki duwan jong ki:’ hynrei, phim shym la shahshkor ïa ka ktien jong nga: balei phi la leh ïa kane? 3Namar kata, nga ruh nga la ong, ‘Ngan ym beh noh ïa kine na khmat jong phi; hynrei, kin long kum ki shiah ha ki krung jong phi, bad ki blei jong ki kin long jingriam ïa phi.’ ” 4Te haba uta u angel U Trai u la kren ïa kine ki ktien ha ki khun Israel baroh, u paidbah u la kyang jam, bad u la ïam. 5Bad ki la kyrteng ïa kata ka jaka “ka Bokhim” bad ki la kñia hangta ha U Trai.
Ka jingïap u Joshua
(Jos. 24:29-31)
6 #
Jos. 24:28-31. Te haba u Joshua u la phah noh ïa u paidbah, ki khun Israel ki la ïaleit uwei uwei baroh sha la ka jong ka ri kynti ban ïoh ïa kata ka ri. 7Te u paidbah u la shakri ïa U Trai baroh ki sngi jong u Joshua, bad baroh ki sngi jong ki tymmen basan kiba la im palat ïa u Joshua, kiba la ïohi ïa ka kam bakhraw jong U Trai, kaba u la lah leh na ka bynta ki Israel. 8Te u Joshua u khun u Nun, u shakri U Trai, u la ïap noh, haba u la long shispah shiphew snem ka rta. 9#Jos. 19:49,50.Bad ki la tep ïa u ha ka rud ka ri kynti jong u ha Timnath-heres, ha ka ri lum Ephraim, shaphang shatei jong u lum Gaash. 10Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.
Ka jingbymman ki khun Israel bad ka jingshakri ki nongbishar
11Bad ki khun Israel ki la leh ïa kata ka basniew ha khmat U Trai, bad ki la leit shakri ïa ki Baal: 12bad ki la lyndet ïa U Trai, uba U Blei ki kpa jong ki, uba la wallam noh ïa ki na ka ri Ijipt, bad ki la ïabud ïa kiwei pat ki blei, na ki blei jong ki bynriew kiba don baroh sawdong ïa ki, bad ki la dem ngon ha ki: bad ki la pynkhih bitar ïa U Trai. 13Ki la lyndet te ïa U Trai, bad ki la leit shakri ïa u Baal bad ïa ka Ashtaroth. 14Hangta, ka jingbitar U Trai ka la meh pyrshah ïa ki Israel, bad u la ai noh ïa ki ha ki kti ki nonglute kiba la lute ïa ki, bad u la die noh ïa ki ha ki kti ki nongshun jong ki baroh sawdong, ba kumta kim lah shuh ban ïeng ha khmat ki nongshun jong ki. 15Kat shaba ki la mih, ka kti U Trai ka la long pyrshah ïa ki, ïa ka ban sniew, kumba U Trai u la lah kren, bad kumba u la lah smai ha ki: te la pynjynjar sat ïa ki.
16Te U Trai u la pynmih ki nongbishar, kiba la pyllait ïa ki na ka kti jong kita kiba la lute ïa ki. 17Te pynban, kim shym la shahshkor ïa ki nongbishar jong ki, naba ki la ïaleit ïaklim bad kiwei pat ki blei, bad ki la dem ngon ha ki: ki la phai sharud kloi kloi na kata ka lynti ha kaba ki kpa jong ki, ki la ïaid, haba ki da kohnguh ïa ki hukum jong U Trai: hynrei, ki kim shym la leh kumta. 18Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki. 19Hynrei, haba uta u nongbishar u la ïap, ki la phai dien, bad ki la nang kham leh sniew ban ïa ki kpa jong ki, ha kaba bud ïa kiwei pat ki blei ban leit shakri ïa ki, bad ban dem ngon ha ki; kim shym la phai noh na la ki jingleh, lymne na ka lynti bamutlop jong ki. 20Te ka jingbitar U Trai ka la meh pyrshah ïa ki khun Israel; bad u la ong, “Namar ba kane ka jaid bynriew ka la ryngkang ïa ka jutang jong nga kaba nga la hukum ïa ki kpa jong ki, bad kim shym la shahshkor ïa ka ktien jong nga; 21nga ruh ngan ym beh noh shuh ïano ïano na khmat jong ki na kita ki jaid bynriew ïa kiba u Joshua u la pynsah mynba u la ïap:” 22ba da kita nga lah ban tynjuh ïa ki Israel, la kin sumar ne em ïa ka lynti U Trai ban ïaid ha ka, kumba ki kpa jong ki, ki la sumar ïa ka. 23Kumta, U Trai u la pynsah ïa kita ki jaid bynriew, um da pynkloi ban beh noh ïa ki; lymne um shym la ai noh ïa ki ha ka kti u Joshua.
Currently Selected:
NONGBISHAR 2: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
NONGBISHAR 2
2
U angel ha Bokhim
1Te u angel U Trai u la wan kiew na Gilgal sha Bokhim. Bad u la ong, “Nga la pynmih noh ïa phi na ka ri Ijipt, bad nga la wallam ïa phi sha ka ri kaba nga la smai ha ki kpa jong phi; bad nga la ong, ‘Ngan ym pynkheiñ ïa ka jutang jong nga bad phi lano lano: 2#Eks. 34:12,13; Deu. 7:2-5.bad phin ym ïateh jutang bad ki briew jong kane ka ri; phin pynkyllon ïa ki duwan jong ki:’ hynrei, phim shym la shahshkor ïa ka ktien jong nga: balei phi la leh ïa kane? 3Namar kata, nga ruh nga la ong, ‘Ngan ym beh noh ïa kine na khmat jong phi; hynrei, kin long kum ki shiah ha ki krung jong phi, bad ki blei jong ki kin long jingriam ïa phi.’ ” 4Te haba uta u angel U Trai u la kren ïa kine ki ktien ha ki khun Israel baroh, u paidbah u la kyang jam, bad u la ïam. 5Bad ki la kyrteng ïa kata ka jaka “ka Bokhim” bad ki la kñia hangta ha U Trai.
Ka jingïap u Joshua
(Jos. 24:29-31)
6 #
Jos. 24:28-31. Te haba u Joshua u la phah noh ïa u paidbah, ki khun Israel ki la ïaleit uwei uwei baroh sha la ka jong ka ri kynti ban ïoh ïa kata ka ri. 7Te u paidbah u la shakri ïa U Trai baroh ki sngi jong u Joshua, bad baroh ki sngi jong ki tymmen basan kiba la im palat ïa u Joshua, kiba la ïohi ïa ka kam bakhraw jong U Trai, kaba u la lah leh na ka bynta ki Israel. 8Te u Joshua u khun u Nun, u shakri U Trai, u la ïap noh, haba u la long shispah shiphew snem ka rta. 9#Jos. 19:49,50.Bad ki la tep ïa u ha ka rud ka ri kynti jong u ha Timnath-heres, ha ka ri lum Ephraim, shaphang shatei jong u lum Gaash. 10Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.
Ka jingbymman ki khun Israel bad ka jingshakri ki nongbishar
11Bad ki khun Israel ki la leh ïa kata ka basniew ha khmat U Trai, bad ki la leit shakri ïa ki Baal: 12bad ki la lyndet ïa U Trai, uba U Blei ki kpa jong ki, uba la wallam noh ïa ki na ka ri Ijipt, bad ki la ïabud ïa kiwei pat ki blei, na ki blei jong ki bynriew kiba don baroh sawdong ïa ki, bad ki la dem ngon ha ki: bad ki la pynkhih bitar ïa U Trai. 13Ki la lyndet te ïa U Trai, bad ki la leit shakri ïa u Baal bad ïa ka Ashtaroth. 14Hangta, ka jingbitar U Trai ka la meh pyrshah ïa ki Israel, bad u la ai noh ïa ki ha ki kti ki nonglute kiba la lute ïa ki, bad u la die noh ïa ki ha ki kti ki nongshun jong ki baroh sawdong, ba kumta kim lah shuh ban ïeng ha khmat ki nongshun jong ki. 15Kat shaba ki la mih, ka kti U Trai ka la long pyrshah ïa ki, ïa ka ban sniew, kumba U Trai u la lah kren, bad kumba u la lah smai ha ki: te la pynjynjar sat ïa ki.
16Te U Trai u la pynmih ki nongbishar, kiba la pyllait ïa ki na ka kti jong kita kiba la lute ïa ki. 17Te pynban, kim shym la shahshkor ïa ki nongbishar jong ki, naba ki la ïaleit ïaklim bad kiwei pat ki blei, bad ki la dem ngon ha ki: ki la phai sharud kloi kloi na kata ka lynti ha kaba ki kpa jong ki, ki la ïaid, haba ki da kohnguh ïa ki hukum jong U Trai: hynrei, ki kim shym la leh kumta. 18Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki. 19Hynrei, haba uta u nongbishar u la ïap, ki la phai dien, bad ki la nang kham leh sniew ban ïa ki kpa jong ki, ha kaba bud ïa kiwei pat ki blei ban leit shakri ïa ki, bad ban dem ngon ha ki; kim shym la phai noh na la ki jingleh, lymne na ka lynti bamutlop jong ki. 20Te ka jingbitar U Trai ka la meh pyrshah ïa ki khun Israel; bad u la ong, “Namar ba kane ka jaid bynriew ka la ryngkang ïa ka jutang jong nga kaba nga la hukum ïa ki kpa jong ki, bad kim shym la shahshkor ïa ka ktien jong nga; 21nga ruh ngan ym beh noh shuh ïano ïano na khmat jong ki na kita ki jaid bynriew ïa kiba u Joshua u la pynsah mynba u la ïap:” 22ba da kita nga lah ban tynjuh ïa ki Israel, la kin sumar ne em ïa ka lynti U Trai ban ïaid ha ka, kumba ki kpa jong ki, ki la sumar ïa ka. 23Kumta, U Trai u la pynsah ïa kita ki jaid bynriew, um da pynkloi ban beh noh ïa ki; lymne um shym la ai noh ïa ki ha ka kti u Joshua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India