EKSODOS 2
2
Ka jingkha ïa u Moses
1Te u la leit uwei u briew na ka ïing u Lebi, bad u la shongkurim ïa ka khun u Lebi. 2#Ki Kam. 7:20; Heb. 11:23.Bad kata ka kynthei ka la punkhun, bad ka la kha khun shynrang de; te haba ka la ïohi ba u long uba bhabriew, ka la buhrieh ïa u, lai bnai. 3Te haba kam lah buhrieh shuh ïa u, ka la thaw ka shang ïa u da ki thungshut, bad ka la lape ïa ka da ka 'dewbyrtha bad da ka bsiang ruh; bad ka la buh ïa ita i khunlung hapoh ruh, bad ka la buh ïa ka hapdeng ki kor harud kata ka wah. 4Te ka hynmen jong u ka la ïeng na sha jngai, ban ïoh tip aïu kan sa jia ïa u. 5#Ki Kam. 7:21.Te ka khun u Pharaoh ka la wan hiar ban sum ha kata ka wah; bad ki shakri kynthei jong ka ki la ïaid kai harud ka wah; te haba ka la ïohi ïa kata ka shang hapdeng ki kor, ka la phah shim ïa ka ha ka shakri jong ka. 6Te ynda ka la plie ïa ka, ka la ïohi ïa ita i khunlung; te ha khmih, ita i khunlung i ïam. Bad ka la sngewsynei ïa u, ka la ong ruh, “Une u long uwei na ki khun Hebru.” 7Ka hynmen jong u te ka la ong ha ka khun u Pharaoh, “Ngan leit khot ka nongbat khun ïa pha na ki kynthei Hebru, ba kan ïoh ri ïa ita i khunlung ïa pha?” 8Bad ka khun u Pharaoh ka la ong ha ka, “Khie leit.” Te kata ka khynnah ka la leit, bad ka la khot ïa ka kmie jong ita i khunlung. 9Ka khun u Pharaoh te ka la ong ha ka, “To shim noh ïa ine i khunlung, bad to ri ruh ïa i na ka bynta jong nga, bad ngan ai ïa ka bainong jong pha.” Kata ka briew te ka la shim ïa ita i khunlung, bad ka la ri ïa i. 10#Ki Kam. 7:21.Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”
U Moses u phet ïap sha ka ri Midian
11 #
Ki Kam. 7:23; Heb. 11:24. Ka la jia ruh ha kita ki sngi, mynba u Moses u la rangbah, ba u la mih shabar sha ki para jong u, bad u la khmih ïa ki jingkit jong ki: bad u la ïohi ïa uwei u Ijipt ba u da shoh ïa u Hebru uba na ki para jong u. 12#Ki Kam. 7:24.Bad u la khmih shane bad shawei, te haba u la ïohi bymdon mano mano, u la pynïap ïa uta u Ijipt, bad u la buhrieh ïa u ha u shyiap. 13Te mynba u la leit pat ha ka sngi ka ba-ar, ha khmih, ar ngut kiba na ki Hebru ki la ïashoh: te u la ong ha uta uba la leh bymdei, “Na ka balei ba me shoh ïa la u para?” 14#Ki Kam. 7:27-28.U te u la ong, “Uei ba la pynlong syiem bad nongbishar ïa me halor jong ngi? Me mut ma me ban pynïap ïa nga, kumba me la pynïap ïa uta u Ijipt?” Te u Moses u la sheptieng, bad u la ong ruh, “Shisha ïa kane la bna.” 15#Ki Kam. 7:29; Heb. 11:27.Te mynba u Pharaoh u la ïohsngew ïa kane, u la thew ban pynïap noh ïa u Moses.
Hynrei, u Moses u la phet ïap noh na khmat u Pharaoh, bad u la shong sah ruh ha ka ri Midian: bad u la shong lyngngeit harud ka pukri. 16Te u lyngdoh ka ri Midian u la don hynñiew ngut ki khun kynthei: bad kita ki la wan tong um, bad ki la pyndap ïa ki shyngoid ïa ka ban ai um ïa ki kynhun langbrot u kpa jong ki. 17Hynrei, ki nongaplangbrot ki la wan bad ki la beh noh ïa ki: hynrei, u Moses u la ïeng joit bad u la ïarap ïa ki, u la ai um ruh ïa ki kynhun langbrot jong ki. 18Te haba ki la ïawan ha u Reuel u kpa jong ki, u la kylli, “Kumno ba phi la ïawan shen katta katta mynta?” 19Ki la ïathuh te, “U kynja Ijipt u la pyllait noh ïa ngi na ka kti kita ki nongaplangbrot, bad u la tong um ruh biang ïa ngi, bad u la ai um ïa ka kynhun langbrot.” 20Te u la kylli ïa la ki khun kynthei, “Shano te u don? balei phi la iehnoh ïa uta u rangbah? to khot ïa u ban bam jingbam.” 21Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u. 22Ka te ka la kha khun shynrang, bad u la khot ka kyrteng jong u, “u Gershom”: naba u la ong, “nga la long u nongwei ha ka ri nongwei.”
23Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw. 24#Jen. 15:13-14; Ki Kam. 7:34.Bad U Blei u la sngew ïa ka jingud jong ki, bad U Blei u la kynmaw ruh ïa ka jutang jong u bad u Abraham, bad u Isaak, bad u Jakob ruh. 25Te U Blei u la khmih isynei ruh ha ki khun Israel, bad U Blei u la ïit ithuh ïa ki.
Currently Selected:
EKSODOS 2: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
EKSODOS 2
2
Ka jingkha ïa u Moses
1Te u la leit uwei u briew na ka ïing u Lebi, bad u la shongkurim ïa ka khun u Lebi. 2#Ki Kam. 7:20; Heb. 11:23.Bad kata ka kynthei ka la punkhun, bad ka la kha khun shynrang de; te haba ka la ïohi ba u long uba bhabriew, ka la buhrieh ïa u, lai bnai. 3Te haba kam lah buhrieh shuh ïa u, ka la thaw ka shang ïa u da ki thungshut, bad ka la lape ïa ka da ka 'dewbyrtha bad da ka bsiang ruh; bad ka la buh ïa ita i khunlung hapoh ruh, bad ka la buh ïa ka hapdeng ki kor harud kata ka wah. 4Te ka hynmen jong u ka la ïeng na sha jngai, ban ïoh tip aïu kan sa jia ïa u. 5#Ki Kam. 7:21.Te ka khun u Pharaoh ka la wan hiar ban sum ha kata ka wah; bad ki shakri kynthei jong ka ki la ïaid kai harud ka wah; te haba ka la ïohi ïa kata ka shang hapdeng ki kor, ka la phah shim ïa ka ha ka shakri jong ka. 6Te ynda ka la plie ïa ka, ka la ïohi ïa ita i khunlung; te ha khmih, ita i khunlung i ïam. Bad ka la sngewsynei ïa u, ka la ong ruh, “Une u long uwei na ki khun Hebru.” 7Ka hynmen jong u te ka la ong ha ka khun u Pharaoh, “Ngan leit khot ka nongbat khun ïa pha na ki kynthei Hebru, ba kan ïoh ri ïa ita i khunlung ïa pha?” 8Bad ka khun u Pharaoh ka la ong ha ka, “Khie leit.” Te kata ka khynnah ka la leit, bad ka la khot ïa ka kmie jong ita i khunlung. 9Ka khun u Pharaoh te ka la ong ha ka, “To shim noh ïa ine i khunlung, bad to ri ruh ïa i na ka bynta jong nga, bad ngan ai ïa ka bainong jong pha.” Kata ka briew te ka la shim ïa ita i khunlung, bad ka la ri ïa i. 10#Ki Kam. 7:21.Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”
U Moses u phet ïap sha ka ri Midian
11 #
Ki Kam. 7:23; Heb. 11:24. Ka la jia ruh ha kita ki sngi, mynba u Moses u la rangbah, ba u la mih shabar sha ki para jong u, bad u la khmih ïa ki jingkit jong ki: bad u la ïohi ïa uwei u Ijipt ba u da shoh ïa u Hebru uba na ki para jong u. 12#Ki Kam. 7:24.Bad u la khmih shane bad shawei, te haba u la ïohi bymdon mano mano, u la pynïap ïa uta u Ijipt, bad u la buhrieh ïa u ha u shyiap. 13Te mynba u la leit pat ha ka sngi ka ba-ar, ha khmih, ar ngut kiba na ki Hebru ki la ïashoh: te u la ong ha uta uba la leh bymdei, “Na ka balei ba me shoh ïa la u para?” 14#Ki Kam. 7:27-28.U te u la ong, “Uei ba la pynlong syiem bad nongbishar ïa me halor jong ngi? Me mut ma me ban pynïap ïa nga, kumba me la pynïap ïa uta u Ijipt?” Te u Moses u la sheptieng, bad u la ong ruh, “Shisha ïa kane la bna.” 15#Ki Kam. 7:29; Heb. 11:27.Te mynba u Pharaoh u la ïohsngew ïa kane, u la thew ban pynïap noh ïa u Moses.
Hynrei, u Moses u la phet ïap noh na khmat u Pharaoh, bad u la shong sah ruh ha ka ri Midian: bad u la shong lyngngeit harud ka pukri. 16Te u lyngdoh ka ri Midian u la don hynñiew ngut ki khun kynthei: bad kita ki la wan tong um, bad ki la pyndap ïa ki shyngoid ïa ka ban ai um ïa ki kynhun langbrot u kpa jong ki. 17Hynrei, ki nongaplangbrot ki la wan bad ki la beh noh ïa ki: hynrei, u Moses u la ïeng joit bad u la ïarap ïa ki, u la ai um ruh ïa ki kynhun langbrot jong ki. 18Te haba ki la ïawan ha u Reuel u kpa jong ki, u la kylli, “Kumno ba phi la ïawan shen katta katta mynta?” 19Ki la ïathuh te, “U kynja Ijipt u la pyllait noh ïa ngi na ka kti kita ki nongaplangbrot, bad u la tong um ruh biang ïa ngi, bad u la ai um ïa ka kynhun langbrot.” 20Te u la kylli ïa la ki khun kynthei, “Shano te u don? balei phi la iehnoh ïa uta u rangbah? to khot ïa u ban bam jingbam.” 21Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u. 22Ka te ka la kha khun shynrang, bad u la khot ka kyrteng jong u, “u Gershom”: naba u la ong, “nga la long u nongwei ha ka ri nongwei.”
23Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw. 24#Jen. 15:13-14; Ki Kam. 7:34.Bad U Blei u la sngew ïa ka jingud jong ki, bad U Blei u la kynmaw ruh ïa ka jutang jong u bad u Abraham, bad u Isaak, bad u Jakob ruh. 25Te U Blei u la khmih isynei ruh ha ki khun Israel, bad U Blei u la ïit ithuh ïa ki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India