KI KAM 12
12
La pynïap noh ïa u Jakob bad la set byndi ïa u Petros
1Te hamar kata ka por, u Herod syiem u la sei ïa la ki kti ban pynjynjar ïa kiba na ka balang. 2Bad u la pynïap ïa u Jakob u para u Ïoannis da ka waitlam. 3Bad haba u la ïohi ba ka la pynsngewbha ïa ki Jiw, u la thew ban kem sa ïa u Petros ruh. (Te ki la dei ki sngi U Kpu Bakhlem Thiat.) 4#Eks. 12:1-27.Bad haba u la lah kem ïa u, u la set ïa u ha ka ïing byndi, bad u la aiti ïa u ha ki khathynriew ngut ki shipai ban ap phira ïa u, ba u da mut, ynda lah Ka Niam Ka Jinglait ban pynmih ïa u ha u paidbah. 5Namar kata, la pynsah ïa u Petros ha kata ka ïing byndi, hynrei, la pynlong ka jingduwai bashitrhem da ka balang ha U Blei na ka bynta jong u.
La pyllait ïa u Petros na ka ïing byndi
6Te haba u Herod un sa pynmih noh ïa u; ha kata hi ka miet, u Petros u dang ïohthiah hapdeng ar ngut ki shipai, ba la khum da ki ar tylli ki kynjri, bad ki nongap ha khmat ka jingkhang ki la ap phira ïa kata ka ïing byndi. 7Te ha khmih, u angel U Trai u la ïeng hajan jong u, bad ka jingshai ka la tyngshaiñ ha kata ka kamra; te u la kyntuit na ka krung jong u Petros, bad u la kyrsiew ïa u, u da ong, “To ïeng kloi kloi!” Te ki kynjri jong u ki la hap noh na ki kti jong u. 8Uta u angel u la ong ruh ha u, “To panpoh ïa lade, to pyndait ruh ïa la ki juti.” Bad u la leh kumta. Ynda kumta, u la ong ha u, “To tabah ïa la ka jingkup, to bud ruh ïa nga.” 9Kumta u la mih noh, bad u la bud, te um tip ba ka la long kaba shisha kaba la leh da uta u angel, hynrei, u la mut ba u la ïohi ka jingithuhpaw. 10Te haba ki la ïaid lyngba ïa ka jingap phira ka banyngkong, bad ka ba-ar, ki la poi ha ka khyrdop nar kaba lam shapoh kata ka shnong, kata ka la plie hi ïa ki; bad haba ki la ïamih noh, ki la ïa-ïaid lyngba ïa kawei ka lynti shnong, te kumta hi uta u angel u la leit noh na u. 11Te u Petros haba u la kyndit bynriew, u la ong, “Mynta nga tip da shisha, ba U Trai u la phah ïa u angel jong u, bad u la pyllait noh ïa nga na ka kti u Herod, bad na baroh ka jingkhmih lynti jong uta u paidbah Jiw.”
12Te ynda u la lah pyrkhat, u la poi sha ka ïing ka Mari ka kmie u Ïoannis, ïa uba la sin “Markos”; hangta, shibun ki la wan ïaseng lang, bad ki dang ïaduwai. 13Te haba u la tied ïa ka jingkhang ka khyrdop, kawei ka shakri ka la leit ïa ka ban sngap, kaba kyrteng “ka Rhoda.” 14Te haba ka la sngewthuh ïa ka ktien u Petros, namar ka jingkmen kam shym la plie ïa kata ka khyrdop, hynrei, ka la phet shapoh, bad ka la ïathuh ba u Petros u ïeng ha khmat ka khyrdop. 15Te ki la ïa-ong ha ka, “Pha lamwir.” Hynrei, ka la ïathuh skhem ba ka long kumta. Te ki la ïa-ong, “Kata dei u angel jong u.” 16Hynrei, u Petros u la nang tied, te ynda ki la lah plie, ki la ïohi ïa u, bad ki la ïasngewkyndit. 17Hynrei, haba u la kaweh da la ka kti ha ki ban sngap jar, u la ïathuh ha ki, kumno ba U Trai u la ïalam noh ïa u na kata ka ïing byndi. Bad u la ong, “To ïathuh ïa kine kiei kiei ha u Jakob, bad ha ki parabangeit.” Ynda kumta, u la mih bad u la leit noh sha kawei pat ka jaka.
18Te tang shu shai ka sngi, la long ka jingkhihwin ym khyndiat hapdeng kita ki shipai, aïu ba la jia ïa u Petros. 19Te haba u Herod u la lah wad ïa u, bad ba um shem, u la tohkit ïa kita ki nongap phira, bad u la hukum ban pynïap noh ïa ki. Ynda kumta, u la leit hiar noh na Judia sha Kaisaria, bad u la shong sah hangta.
Ka jingïap u Herod
20Te u Herod u dang buhnud eh ïa kiba na Tyros bad na Sidon; te ki la ïawan ha u da kawei ka jingmut, bad haba ki la ïaïoh lok bad u Blastos, u rangbah halor ka kamra thiah u syiem, ki la ïapan ïasuk, namar ka ri jong ki ka ïoh la ka bsa na ka ri jong uta u syiem. 21Te ha kawei ka sngi ba la ïabuh, u Herod u la kup ïa ka jaiñkup syiem, bad haba u la shong halor ka khet bishar, u la saidthma ha ki. 22Te uta u paidbah u la risa, u da ong, “Ka jingkren u blei, ym ka jong u briew.” 23Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.
24Hynrei, ka ktien jong U Blei ka la nang roi, bad ka la man bun.
25Te u Barnabas bad u Saul, ynda ki la lah ïa-pyndep ïa la ka kam, ki la ïawan phai noh na Jerusalem, ki da wan ïalam lem bad ki, ïa u Ïoannis, uba la sin “Markos”.
Currently Selected:
KI KAM 12: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
KI KAM 12
12
La pynïap noh ïa u Jakob bad la set byndi ïa u Petros
1Te hamar kata ka por, u Herod syiem u la sei ïa la ki kti ban pynjynjar ïa kiba na ka balang. 2Bad u la pynïap ïa u Jakob u para u Ïoannis da ka waitlam. 3Bad haba u la ïohi ba ka la pynsngewbha ïa ki Jiw, u la thew ban kem sa ïa u Petros ruh. (Te ki la dei ki sngi U Kpu Bakhlem Thiat.) 4#Eks. 12:1-27.Bad haba u la lah kem ïa u, u la set ïa u ha ka ïing byndi, bad u la aiti ïa u ha ki khathynriew ngut ki shipai ban ap phira ïa u, ba u da mut, ynda lah Ka Niam Ka Jinglait ban pynmih ïa u ha u paidbah. 5Namar kata, la pynsah ïa u Petros ha kata ka ïing byndi, hynrei, la pynlong ka jingduwai bashitrhem da ka balang ha U Blei na ka bynta jong u.
La pyllait ïa u Petros na ka ïing byndi
6Te haba u Herod un sa pynmih noh ïa u; ha kata hi ka miet, u Petros u dang ïohthiah hapdeng ar ngut ki shipai, ba la khum da ki ar tylli ki kynjri, bad ki nongap ha khmat ka jingkhang ki la ap phira ïa kata ka ïing byndi. 7Te ha khmih, u angel U Trai u la ïeng hajan jong u, bad ka jingshai ka la tyngshaiñ ha kata ka kamra; te u la kyntuit na ka krung jong u Petros, bad u la kyrsiew ïa u, u da ong, “To ïeng kloi kloi!” Te ki kynjri jong u ki la hap noh na ki kti jong u. 8Uta u angel u la ong ruh ha u, “To panpoh ïa lade, to pyndait ruh ïa la ki juti.” Bad u la leh kumta. Ynda kumta, u la ong ha u, “To tabah ïa la ka jingkup, to bud ruh ïa nga.” 9Kumta u la mih noh, bad u la bud, te um tip ba ka la long kaba shisha kaba la leh da uta u angel, hynrei, u la mut ba u la ïohi ka jingithuhpaw. 10Te haba ki la ïaid lyngba ïa ka jingap phira ka banyngkong, bad ka ba-ar, ki la poi ha ka khyrdop nar kaba lam shapoh kata ka shnong, kata ka la plie hi ïa ki; bad haba ki la ïamih noh, ki la ïa-ïaid lyngba ïa kawei ka lynti shnong, te kumta hi uta u angel u la leit noh na u. 11Te u Petros haba u la kyndit bynriew, u la ong, “Mynta nga tip da shisha, ba U Trai u la phah ïa u angel jong u, bad u la pyllait noh ïa nga na ka kti u Herod, bad na baroh ka jingkhmih lynti jong uta u paidbah Jiw.”
12Te ynda u la lah pyrkhat, u la poi sha ka ïing ka Mari ka kmie u Ïoannis, ïa uba la sin “Markos”; hangta, shibun ki la wan ïaseng lang, bad ki dang ïaduwai. 13Te haba u la tied ïa ka jingkhang ka khyrdop, kawei ka shakri ka la leit ïa ka ban sngap, kaba kyrteng “ka Rhoda.” 14Te haba ka la sngewthuh ïa ka ktien u Petros, namar ka jingkmen kam shym la plie ïa kata ka khyrdop, hynrei, ka la phet shapoh, bad ka la ïathuh ba u Petros u ïeng ha khmat ka khyrdop. 15Te ki la ïa-ong ha ka, “Pha lamwir.” Hynrei, ka la ïathuh skhem ba ka long kumta. Te ki la ïa-ong, “Kata dei u angel jong u.” 16Hynrei, u Petros u la nang tied, te ynda ki la lah plie, ki la ïohi ïa u, bad ki la ïasngewkyndit. 17Hynrei, haba u la kaweh da la ka kti ha ki ban sngap jar, u la ïathuh ha ki, kumno ba U Trai u la ïalam noh ïa u na kata ka ïing byndi. Bad u la ong, “To ïathuh ïa kine kiei kiei ha u Jakob, bad ha ki parabangeit.” Ynda kumta, u la mih bad u la leit noh sha kawei pat ka jaka.
18Te tang shu shai ka sngi, la long ka jingkhihwin ym khyndiat hapdeng kita ki shipai, aïu ba la jia ïa u Petros. 19Te haba u Herod u la lah wad ïa u, bad ba um shem, u la tohkit ïa kita ki nongap phira, bad u la hukum ban pynïap noh ïa ki. Ynda kumta, u la leit hiar noh na Judia sha Kaisaria, bad u la shong sah hangta.
Ka jingïap u Herod
20Te u Herod u dang buhnud eh ïa kiba na Tyros bad na Sidon; te ki la ïawan ha u da kawei ka jingmut, bad haba ki la ïaïoh lok bad u Blastos, u rangbah halor ka kamra thiah u syiem, ki la ïapan ïasuk, namar ka ri jong ki ka ïoh la ka bsa na ka ri jong uta u syiem. 21Te ha kawei ka sngi ba la ïabuh, u Herod u la kup ïa ka jaiñkup syiem, bad haba u la shong halor ka khet bishar, u la saidthma ha ki. 22Te uta u paidbah u la risa, u da ong, “Ka jingkren u blei, ym ka jong u briew.” 23Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.
24Hynrei, ka ktien jong U Blei ka la nang roi, bad ka la man bun.
25Te u Barnabas bad u Saul, ynda ki la lah ïa-pyndep ïa la ka kam, ki la ïawan phai noh na Jerusalem, ki da wan ïalam lem bad ki, ïa u Ïoannis, uba la sin “Markos”.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India