MATAYO 6
6
Amechesio khu akokhukhola aketsimbabasi
1 #
Mat. 23:5
“Mwichendelesie, mwitsukhana mwakhola ebikhole bienywe biobulunjishi imbeli wabandu kho mbu bamulole, nimukhola murio, mulachweya okhunyoola omurungo okhurula khu Senywe ouli mwikulu.
2“Khulweshio, lwokhola aketsimbabasi, shioleyitsiala nende okhwiyitsoomia shinga olwa abekaati bakholanga mutsisinagogi nende khumihanda kho mbu, abandu babetsoomie tawe. Emuboolela toto mbu, bamala okhunyoola omurungo kwabwe. 3Nawe lwokhola aketsimbabasi, shiolafuchililakhwo omukhonokwo mukhasi okhumanya eshiomukhonokwo musaatsa kukhola tawe. 4Haana obukhoonyibwo mabiswi, naye Papawo oulolanga akomumabiswi alakhurunga. .
Amechesio khu Amasaayo
(Luka 12:2-4)
5 #
Luka 18:10-14
“Ne olwa musaaya, mulakholekhwo shinga olwa abekaati abo bakholanga tawe! Bo baheela okhusaaya nibasinjiile mutsisinagogi nende khumasanganjila, kho mbu abandu babalole. Emuboolela toto mwene mbu, bamala okhunyoola omurungo kwabwe. 6Nawe lwosaaya, winjile mushisikashio eshiomukari, wikaleho omuliango, mana osaaye khu Papawo oulalolekhanga ta, naye Papawo oulolanga akamabiswi, alakhuhelesia omurungo.
7 #
Sira 7:14
“Khandi, olwa musaaya, mulelakalakaniekhwo butswa shinga olwa Abamahanga bakholanga ta, shichila bo bapaaranga mbu, Nyasaye alabahulila khulwa amakhuwa kabwe amanji. 8Nebutswa inywe shimulabeekhwo shinga bo ta, okhuba Senywe amanyile aka mutakha kata nimushili okhumusaba. 9Khulweshio, olwa musaaya, muboolenje muri,
‘Seefwe ouli mwikulu, eliiralio liriibwe.
10Obwamibwo bwitse;
aka wenya kekhole mushialo shinga olwa kekholanga mwikulu.
11Okhuhelesie ebiokhulia biefwe bia leelo.
12Okhuleshele obwonooni bwefwe, shinga olwa ifwe khubaleshelanga abakhwonoonela.
13Shiolakhuyila mukhuteemwa ta, nebutswa okhuhonie okhurula khu Omumayanu oyo.’#6:13 Amahandiko kandi kakhale kamalilisia mbu; okhuba obwami nende obunyali, nende oluyali, nebibio, ebisoni nebisoni. Amina.
14 #
Mrk. 11:25,26 #
Sira 28:1-5
“Okhuba nimuba nimubeela abandu obwonooni bwabwe, Senywe womwikulu alamubeela mwesi khandi. 15Ne nimuba nimulabeela abandu ta, kata Senywe shialamubeelakhwo obwonooni bwenywe tawe.
Amechesio khu akokhwiyima eshiokhulia khulwokhusaaya.
16“Khandi olwa mwiyima eshiokhulia khulwokhusaaya, mulakhuunia mumoni shinga olwa abekaati bakholanga ta, okhuba babiyinjia mumoni kho mbu, abandu balole mbu beyimile eshiokhulia khulwokhusaaya. Emuboolela toto mbu, bamala okhunyoola omurungo kwabwe. 17#Yudt. 10:3Nebutswa iwe olwa wiyima eshiokhulia khulwokhusaaya, obashe liswilio amafura, niwiyosia mumoni, 18kho mbu, abandu baleshe okhumanya mbu oli neinzala tawe. Habula kamanyishe butswa khu Papawo oulalolekhaga ta, naye oulolanga akakholwa mumabiswi alakhurunga.
Akobuyinda bwomwikulu
(Luka 12:33-34)
19 #
Yak. 5:2,3 “Shimulebunjishila abeene amabishilo khushialo khuno, okhwa amatsilili nende tsindebelende bisasinjia, khandi okhwa abefi bafunakanga nibeba tawe. 20#Sira 29:11Nebutswa mwibishile amabishilo mwikulu, omwa amatsilili kata tsindebelende bilanyala okhusasia, kata abefi okhufunaka nibeba tawe. 21Okhuba aha libishilolio lili, niho ahomwoyokwo kwakhabe.
Amechesio khu akobulafu bwomubili
(Luka 11:34-36)
22“Imoni yili shinga itaha yomubili. Kho imoniyo niyiba niyili yinamu, omubilikwo kwosi kuletsulamwo obulafu. 23Nebutswa imoniyo niyiba niyilali yinamu ta, omubilikwo kwosi kuletsulamwo eshilima. Ne obulafu obuli mwiwe nibuba nibuli eshilima, kho eshilima eshio neshikhongo muno!
Amechesio khu akokhukhalabanila Nyasaye nende Emiandu
(Luka 16:13; 12:22-31)
24“Abulaho ounyala okhukhalabanila abaami babili, okhuba alasila mulala khubo, ne naheela oundi, noho alafuchilila mulala, ne nachaaya oundi. Shimunyala okhukhalabanila Nyasaye khandi mukhalabanile emiandu tawe.
25“Khulweshio emuboolela mbu, mulahendela akobulamu bwenywe, mbu namulie shi? Khandi mbu namunywe shi? Kata akemibili chienywe mbu, namufwale shi? Tawe. Obulamu shibushila ebiokhulia? Nakwo omubili shikushila ebifwalo? 26Lolele khumanyonyi akokhwikulu, shikarakanga kata okhuchesa kata okhubiikha mubiachi ta, nebutswa Senywe ouli mwikulu akalisinjia. Nenyu shimushila muno amanyonyi ako? 27Niwiina khwinywe, khulwa okhuhenda omwoyo muno, ounyala okhumeeta kata inyanga ndala khutsinyanga tsiobulamubwe?
28“Kho mbushiina nimuhendela ebifwalo? Lolele khu amatanye#6:28 Amatanye: Ebimuli biomubulimo. akomubulimo shinga olwa kakhulanga. Shikakholanga emilimo, kata okhwifwala ebifwalo ta, 29#1 Abar. 10:4-7; 2 Akak. 9:3-6nebutswa emuboolela toto mbu, kata omuruchi Solomoni neing'oonoye yosi shiyafwalakhwo obulayi shinga elala khuko tawe. 30Kho Nyasaye niyakhafwala obunyasi bwomubulimo ebifwalo ebilayi ario, obuliho bulano, ne mukamba busukunwa mumulilo, shialamufwala inywe okhushila? Inywe muli nobusuubili butiiti!
31“Khulweshio mulahenda omwoyo nimwireeba mbu; ‘Nakhulie shiina?’ Khandi mbu ‘Nakhunywe shiina?’ Kata mbu ‘Nakhwifwale shiina?’ Tawe. 32Okhuba ebio nibio ebihendinjia abamahanga, abalamumanyile Nyasaye ta, nebutswa Senywe ouli mwikulu amanyile shinga olwa mukhoyile okhuba nebindu ebio biosi. 33Nebutswa ranjilile mukhaabe Obwami obwa Nyasaye nende akobulunjishibwe; naye alamuhelesia ebindi ebio biosi. 34Kho mulahendela aka mukamba tawe; okhuba inyanga ya mukamba yilahendela akayo eyeene. Amatinyu keinyanga ndala kamuhelile khulwa inyanga eyo.”
Currently Selected:
MATAYO 6: OLUDC
Highlight
Share
Copy
Want to have your highlights saved across all your devices? Sign up or sign in
MATAYO 6
6
Amechesio khu akokhukhola aketsimbabasi
1 #
Mat. 23:5
“Mwichendelesie, mwitsukhana mwakhola ebikhole bienywe biobulunjishi imbeli wabandu kho mbu bamulole, nimukhola murio, mulachweya okhunyoola omurungo okhurula khu Senywe ouli mwikulu.
2“Khulweshio, lwokhola aketsimbabasi, shioleyitsiala nende okhwiyitsoomia shinga olwa abekaati bakholanga mutsisinagogi nende khumihanda kho mbu, abandu babetsoomie tawe. Emuboolela toto mbu, bamala okhunyoola omurungo kwabwe. 3Nawe lwokhola aketsimbabasi, shiolafuchililakhwo omukhonokwo mukhasi okhumanya eshiomukhonokwo musaatsa kukhola tawe. 4Haana obukhoonyibwo mabiswi, naye Papawo oulolanga akomumabiswi alakhurunga. .
Amechesio khu Amasaayo
(Luka 12:2-4)
5 #
Luka 18:10-14
“Ne olwa musaaya, mulakholekhwo shinga olwa abekaati abo bakholanga tawe! Bo baheela okhusaaya nibasinjiile mutsisinagogi nende khumasanganjila, kho mbu abandu babalole. Emuboolela toto mwene mbu, bamala okhunyoola omurungo kwabwe. 6Nawe lwosaaya, winjile mushisikashio eshiomukari, wikaleho omuliango, mana osaaye khu Papawo oulalolekhanga ta, naye Papawo oulolanga akamabiswi, alakhuhelesia omurungo.
7 #
Sira 7:14
“Khandi, olwa musaaya, mulelakalakaniekhwo butswa shinga olwa Abamahanga bakholanga ta, shichila bo bapaaranga mbu, Nyasaye alabahulila khulwa amakhuwa kabwe amanji. 8Nebutswa inywe shimulabeekhwo shinga bo ta, okhuba Senywe amanyile aka mutakha kata nimushili okhumusaba. 9Khulweshio, olwa musaaya, muboolenje muri,
‘Seefwe ouli mwikulu, eliiralio liriibwe.
10Obwamibwo bwitse;
aka wenya kekhole mushialo shinga olwa kekholanga mwikulu.
11Okhuhelesie ebiokhulia biefwe bia leelo.
12Okhuleshele obwonooni bwefwe, shinga olwa ifwe khubaleshelanga abakhwonoonela.
13Shiolakhuyila mukhuteemwa ta, nebutswa okhuhonie okhurula khu Omumayanu oyo.’#6:13 Amahandiko kandi kakhale kamalilisia mbu; okhuba obwami nende obunyali, nende oluyali, nebibio, ebisoni nebisoni. Amina.
14 #
Mrk. 11:25,26 #
Sira 28:1-5
“Okhuba nimuba nimubeela abandu obwonooni bwabwe, Senywe womwikulu alamubeela mwesi khandi. 15Ne nimuba nimulabeela abandu ta, kata Senywe shialamubeelakhwo obwonooni bwenywe tawe.
Amechesio khu akokhwiyima eshiokhulia khulwokhusaaya.
16“Khandi olwa mwiyima eshiokhulia khulwokhusaaya, mulakhuunia mumoni shinga olwa abekaati bakholanga ta, okhuba babiyinjia mumoni kho mbu, abandu balole mbu beyimile eshiokhulia khulwokhusaaya. Emuboolela toto mbu, bamala okhunyoola omurungo kwabwe. 17#Yudt. 10:3Nebutswa iwe olwa wiyima eshiokhulia khulwokhusaaya, obashe liswilio amafura, niwiyosia mumoni, 18kho mbu, abandu baleshe okhumanya mbu oli neinzala tawe. Habula kamanyishe butswa khu Papawo oulalolekhaga ta, naye oulolanga akakholwa mumabiswi alakhurunga.
Akobuyinda bwomwikulu
(Luka 12:33-34)
19 #
Yak. 5:2,3 “Shimulebunjishila abeene amabishilo khushialo khuno, okhwa amatsilili nende tsindebelende bisasinjia, khandi okhwa abefi bafunakanga nibeba tawe. 20#Sira 29:11Nebutswa mwibishile amabishilo mwikulu, omwa amatsilili kata tsindebelende bilanyala okhusasia, kata abefi okhufunaka nibeba tawe. 21Okhuba aha libishilolio lili, niho ahomwoyokwo kwakhabe.
Amechesio khu akobulafu bwomubili
(Luka 11:34-36)
22“Imoni yili shinga itaha yomubili. Kho imoniyo niyiba niyili yinamu, omubilikwo kwosi kuletsulamwo obulafu. 23Nebutswa imoniyo niyiba niyilali yinamu ta, omubilikwo kwosi kuletsulamwo eshilima. Ne obulafu obuli mwiwe nibuba nibuli eshilima, kho eshilima eshio neshikhongo muno!
Amechesio khu akokhukhalabanila Nyasaye nende Emiandu
(Luka 16:13; 12:22-31)
24“Abulaho ounyala okhukhalabanila abaami babili, okhuba alasila mulala khubo, ne naheela oundi, noho alafuchilila mulala, ne nachaaya oundi. Shimunyala okhukhalabanila Nyasaye khandi mukhalabanile emiandu tawe.
25“Khulweshio emuboolela mbu, mulahendela akobulamu bwenywe, mbu namulie shi? Khandi mbu namunywe shi? Kata akemibili chienywe mbu, namufwale shi? Tawe. Obulamu shibushila ebiokhulia? Nakwo omubili shikushila ebifwalo? 26Lolele khumanyonyi akokhwikulu, shikarakanga kata okhuchesa kata okhubiikha mubiachi ta, nebutswa Senywe ouli mwikulu akalisinjia. Nenyu shimushila muno amanyonyi ako? 27Niwiina khwinywe, khulwa okhuhenda omwoyo muno, ounyala okhumeeta kata inyanga ndala khutsinyanga tsiobulamubwe?
28“Kho mbushiina nimuhendela ebifwalo? Lolele khu amatanye#6:28 Amatanye: Ebimuli biomubulimo. akomubulimo shinga olwa kakhulanga. Shikakholanga emilimo, kata okhwifwala ebifwalo ta, 29#1 Abar. 10:4-7; 2 Akak. 9:3-6nebutswa emuboolela toto mbu, kata omuruchi Solomoni neing'oonoye yosi shiyafwalakhwo obulayi shinga elala khuko tawe. 30Kho Nyasaye niyakhafwala obunyasi bwomubulimo ebifwalo ebilayi ario, obuliho bulano, ne mukamba busukunwa mumulilo, shialamufwala inywe okhushila? Inywe muli nobusuubili butiiti!
31“Khulweshio mulahenda omwoyo nimwireeba mbu; ‘Nakhulie shiina?’ Khandi mbu ‘Nakhunywe shiina?’ Kata mbu ‘Nakhwifwale shiina?’ Tawe. 32Okhuba ebio nibio ebihendinjia abamahanga, abalamumanyile Nyasaye ta, nebutswa Senywe ouli mwikulu amanyile shinga olwa mukhoyile okhuba nebindu ebio biosi. 33Nebutswa ranjilile mukhaabe Obwami obwa Nyasaye nende akobulunjishibwe; naye alamuhelesia ebindi ebio biosi. 34Kho mulahendela aka mukamba tawe; okhuba inyanga ya mukamba yilahendela akayo eyeene. Amatinyu keinyanga ndala kamuhelile khulwa inyanga eyo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in