Sepania 2
2
Enyarit ekadwaran ngitunga tolunga ngasechesea
1Etige, ebukut lo nyikitimete ngileech!
Tochunakinos wapei toriangakinos,
2eringa esi nyekutara loger a ngatunyeny
ana ekutari ekuwam,
eringa angoit nakamoitanan a Ekapolon Akuj
nyedoluno nikus,
eringa akolongit a anyunyura a Ekapolon Akuj,
nyedoluno nikus.
3Tasaka Ekapolon Akuj,
esi daang lu itiditeuna anakwap,
lu iwapito ngakiro na edunguni ngesi.
Tosuba ngakiro na eteniyete,
kitiditeunos alongaren Ekapolon Akuj.
Tokona ngon ipuunosi aloriras,
akolongit na anyunyura a Ekapolon Akuj.
Amunyar ngikidunyet a Isirael
4 #
Isa 14:29-31; Yer 47:1-7; Ese 25:15-17; Yoel 3:4-8; Amos 1:6-8; Sek 9:5-7 Emam itwaan idongi lore a Gasa,
eliwor Achikelon alaireng.
Iritario ngitunga a Achidod lotingilan,
kiritarae lua Ekiron alore kech.
5Oitiakoi! Abe etioko nginyas
ianyunete esi Ngipilisti,
esi ngitunga lu ilomito lokwaas a anam.
Atubu Ekapolon Akuj akiroit anikus.
Kimunyari ngesi esi nyiidong tani ipei.
6Ee ekwaas a anam,
iliwor iyong achokor,
todukoe ngakais a ngikeyokok
ka nganokin a ngamesekin.
7Ngitunga a Yuda lupiyayek
kesi elomete lokwaas a anam,
kiyoko ngibaren kech neni,
sodi topero nakais na eyakasi Achikelon.
Kainyo Ekapolon Akuj na erai Akuj kech,
itamuni kesi tobuak najako kech.
8 #
Isa 15:1–16:14; 25:10-12; Yer 48:1-47; 49:1-6; Ese 21:28-32; 25:1-11; Amos 1:13-15 Ebala Akuj Namerikanyer kona,
“Eira ayong eger lo erasitotor
Ngimoab ngitunga kang,
ka ekiyeny a Ngiamon,
erasito kesi ngitunga kang,
kiwojos atamar kidemari akwap kech. #Siak 19:24
9Tokona bocha, loger araakar ayong
Akuj Namerikanyer na ayari,
na arai Akuj a Isirael,
ikwaanikin Moab ka Sodom,
kikwaanikin Amon ka Gomora.
Eliwor akwap ngapanya a edoot
kinyasun torup edoan awadaang.
Ngitunga kang lupiyayek,
engatarete ngiboro kech.”
10Nguna kesi eliworosi ebachit kech
kotere ekinis kech,
kainyo akianatar kesi kiwoganakis
ngitunga a Akuj Namerikanyer.
11Emoitanikini Ekapolon Akuj kesi,
kitiliwo ngakujo daang a akwap pas.
Eriedikokinete ngibukui daang ngesi
kilipa anakwapea kech.
12 #
Isa 18:1-7 Ee ngitunga a Kuch,*g**
kimunyario esi daang a akwara kang.
13 #
Isa 10:5-34; 14:24-27; Naum 1:1–3:19 Emunyari Ekapolon Akuj Asiria
Itiliwori Ninewi alaireng,
akwap nakoonon na erai ariet.
14Neni eurienikinosi ngisipaan a ngibaren
ka ngitieng a moding.
Elomete ngataruk ka tanapupu naitae a ngapirio.
Erukinete tatula alopidinga,
torukis ngikuruka alodorin,
kainyo achaoror ngakais kech
na ngakito a ngichekereng.
15Ere loti kolong ajakaanit logo,
loti kolong ebooyi akaalimon ebala,
“Ayong bon, emam eche.”
Nyelo aliwor alaireng,
aurienet a ngitieng!
Itwaan cha daang ni inutuni,
toriangakin kimungumungak akou.
Currently Selected:
Sepania 2: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999
Sepania 2
2
Enyarit ekadwaran ngitunga tolunga ngasechesea
1Etige, ebukut lo nyikitimete ngileech!
Tochunakinos wapei toriangakinos,
2eringa esi nyekutara loger a ngatunyeny
ana ekutari ekuwam,
eringa angoit nakamoitanan a Ekapolon Akuj
nyedoluno nikus,
eringa akolongit a anyunyura a Ekapolon Akuj,
nyedoluno nikus.
3Tasaka Ekapolon Akuj,
esi daang lu itiditeuna anakwap,
lu iwapito ngakiro na edunguni ngesi.
Tosuba ngakiro na eteniyete,
kitiditeunos alongaren Ekapolon Akuj.
Tokona ngon ipuunosi aloriras,
akolongit na anyunyura a Ekapolon Akuj.
Amunyar ngikidunyet a Isirael
4 #
Isa 14:29-31; Yer 47:1-7; Ese 25:15-17; Yoel 3:4-8; Amos 1:6-8; Sek 9:5-7 Emam itwaan idongi lore a Gasa,
eliwor Achikelon alaireng.
Iritario ngitunga a Achidod lotingilan,
kiritarae lua Ekiron alore kech.
5Oitiakoi! Abe etioko nginyas
ianyunete esi Ngipilisti,
esi ngitunga lu ilomito lokwaas a anam.
Atubu Ekapolon Akuj akiroit anikus.
Kimunyari ngesi esi nyiidong tani ipei.
6Ee ekwaas a anam,
iliwor iyong achokor,
todukoe ngakais a ngikeyokok
ka nganokin a ngamesekin.
7Ngitunga a Yuda lupiyayek
kesi elomete lokwaas a anam,
kiyoko ngibaren kech neni,
sodi topero nakais na eyakasi Achikelon.
Kainyo Ekapolon Akuj na erai Akuj kech,
itamuni kesi tobuak najako kech.
8 #
Isa 15:1–16:14; 25:10-12; Yer 48:1-47; 49:1-6; Ese 21:28-32; 25:1-11; Amos 1:13-15 Ebala Akuj Namerikanyer kona,
“Eira ayong eger lo erasitotor
Ngimoab ngitunga kang,
ka ekiyeny a Ngiamon,
erasito kesi ngitunga kang,
kiwojos atamar kidemari akwap kech. #Siak 19:24
9Tokona bocha, loger araakar ayong
Akuj Namerikanyer na ayari,
na arai Akuj a Isirael,
ikwaanikin Moab ka Sodom,
kikwaanikin Amon ka Gomora.
Eliwor akwap ngapanya a edoot
kinyasun torup edoan awadaang.
Ngitunga kang lupiyayek,
engatarete ngiboro kech.”
10Nguna kesi eliworosi ebachit kech
kotere ekinis kech,
kainyo akianatar kesi kiwoganakis
ngitunga a Akuj Namerikanyer.
11Emoitanikini Ekapolon Akuj kesi,
kitiliwo ngakujo daang a akwap pas.
Eriedikokinete ngibukui daang ngesi
kilipa anakwapea kech.
12 #
Isa 18:1-7 Ee ngitunga a Kuch,*g**
kimunyario esi daang a akwara kang.
13 #
Isa 10:5-34; 14:24-27; Naum 1:1–3:19 Emunyari Ekapolon Akuj Asiria
Itiliwori Ninewi alaireng,
akwap nakoonon na erai ariet.
14Neni eurienikinosi ngisipaan a ngibaren
ka ngitieng a moding.
Elomete ngataruk ka tanapupu naitae a ngapirio.
Erukinete tatula alopidinga,
torukis ngikuruka alodorin,
kainyo achaoror ngakais kech
na ngakito a ngichekereng.
15Ere loti kolong ajakaanit logo,
loti kolong ebooyi akaalimon ebala,
“Ayong bon, emam eche.”
Nyelo aliwor alaireng,
aurienet a ngitieng!
Itwaan cha daang ni inutuni,
toriangakin kimungumungak akou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999