Ngiroma 7
7
Ekitetemes a akuuta
1Ngikaitotoi kang, ayeni ayong atamar iyenete esi dir na asaki ayong alimun, kainyo iyenete esi daang ngakiro a etal. Iwapete ngitunga ngakiro a etal ngirwa daang lu eringa kesi eyareta. 2Erai tokona kilimuni ekitetemes anaberu ana iusitae, echamakinitae Alotal ngesi irukete ka ekile keng ngirwa daang lu eyarea ekile, nakaneni ani ketoana ekile keng, nyeringa nabo aberu ngina iwapit ngakiro a etal kangolo. 3Ani kechamu aberu ngina echekile eringa lokile keng eyari, eliwor ngesi akaloman. Nakaneni ani ketoana lokile keng, echamakinitae Alotal ekile eche iusi ngesi. Ani kuut ngesi ekile eche, meere ngesi akaloman. 4Ikote ngakiro neni anikus ngikaitotoi kang. Ikokis esi ngitunga lu itoaka alopit a ngakiro a etal kainyo iraakasi esi epewae a akwaan a Kiristo. Iliworosi tokona esi ngipei ka lokolong eteyarunio sodi tosubakinea Akuj etich loajokon. 5Kainyo nakolong kibooyo ngoni lopit lopalem sek, toroner etereku yok noi kisikokin anawat yok ani ayakar etal, sodi atoliworos ngoni kisubi ngakiro na erikito akitu. 6Nakaneni kilachak tokona ngoni Akuj anakiro a etal, kainyo kikok ngoni ngitunga lu kilachun anakiro ana kolong kienito. Nyejoikinit tokona ngoni nabo kisubi etich kiwapit ngakiro nakolong ngorok egiritae Lotal, nakaneni ejoikinit kisubi etich alopit a Etau a Akuj.
Etal ka akisech
7Kitamari tokona ngoni abe kori ikwaan etal ka akisech a? Mam jik! Erai etal kolong ketoodikini ayong atamar akisech ngesi nyo. Arai kolong nyigiritetei Lotal kona, “Wara nyikiraka etereku kotere ibore a itwaan aniche,” pekayeni ayong ngakiro a etereku kangolo. 8Kotere epit a akichikakinet kangina, aanyu akisech eger lo isiakinea ngiterekui lugelagelae anikang. Ani emam etal, ikoni akisech ibore ni etoanit. 9Ayakasi kolong ngirwa lu ayarea ayong dang peayeni etal. Nakaneni na ayenunea ayong akichikakinet a Akuj, abu akisech tatakanu, 10ekok ayong ibore ni atoana. Sodi akichikakinet na kolong asakitae yau akiyar, yau akitu alowae kang. 11#Apud 20:17; Etal 5:21 Taanyu akisech eger lo kengalaa ayong anakichikakinet kikok ibore ni kaar ayong. #Siak 3:13
12Nakaneni erai etal lo ebekoono nabo ebekoono akichikakinet dang, erai na etenoono na ejok. 13Tokona, idodiunit ibore ngini atamar ibore niajokon ngini kaari ayong a? Mam jik! Akisech ngesi kaari ayong. Etoruni akisech esubi nguna lotal loajokon yau akitu nikang, sodi toyeneta dir ngitunga atamar akisech ngesi nyo. Ani kanguna kotere akichikakinet, kitoodiunere akisech atamar erono noi lokojokon.
Ejie a akwaan a itwaan
14Kiyeni ngoni atamar erai etal eka a Etau a Akuj, nakaneni arai ayong itwaan nikarikit akisech. 15Nyayeni ayong ngakiro naasubi kainyo nyasubeene ayong na asaki akisub, erai na aremokino ngesi asubeene. 16Kona eraakar na nyasaki ayong akisub ngesi asubeene, itoodiunit ibore ngini atamar achamunit ayong atamar etenoono etal. 17Nakaneni meere ayong asubi ngakiro nguna, erai akisech na eyei tooma kang ngesi ketusubi ayong kongina. 18Ayeni ayong atamar emam ibore ajokon eyei tooma kang, ngesi atamar, tooma nakwaan kang, kainyo, tani ta kemuit ayong akisub naajokak, nyapedori ayong akisub. 19Nyasubi ayong naajokak na asaki akisub, nakaneni asubi naaronok na nyasaki ayong akisub. 20#Gal 5:17 Ani kasubi ayong na nyasaki akisub, itoodiunit ibore ngini atamar meere ayong asubi nguna, erai akisech na eyei nikang.
21Nakaneni aanyu ayong atamar eyei etal lo ikoni lo nikang, naasakea ayong akisub ibore niajokon, toliwor ibore niaronon bon ngesi asubakini ayong. 22Eminarit etau kang etal a Akuj lokojokon. 23Nakaneni, etee ayong ngakiro a etal a eche alo egealana anakwaan kang, etal lo ejiete ka etal lo kajoikinit ayong. Ketiliworito nguna ayong erikot a etal alo a akisech alo eyei nakwaan kang. 24Wae! Ekoe aluchan lu katingito ayong lu? Ngae kayuuni ayong anakwaan ana karikit nakitu kana? 25Abuakinit Akuj alakara noi kotere Ekapolon Yesu Kiristo lo kiyuunor ngoni!
Ikoni tokona eboyor kang ne, ayong elope anaosou kang, ewapit etal a Akuj, nakaneni ani aloger alo araakar itwaan, ewapit etal a akisech.
Currently Selected:
Ngiroma 7: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999
Ngiroma 7
7
Ekitetemes a akuuta
1Ngikaitotoi kang, ayeni ayong atamar iyenete esi dir na asaki ayong alimun, kainyo iyenete esi daang ngakiro a etal. Iwapete ngitunga ngakiro a etal ngirwa daang lu eringa kesi eyareta. 2Erai tokona kilimuni ekitetemes anaberu ana iusitae, echamakinitae Alotal ngesi irukete ka ekile keng ngirwa daang lu eyarea ekile, nakaneni ani ketoana ekile keng, nyeringa nabo aberu ngina iwapit ngakiro a etal kangolo. 3Ani kechamu aberu ngina echekile eringa lokile keng eyari, eliwor ngesi akaloman. Nakaneni ani ketoana lokile keng, echamakinitae Alotal ekile eche iusi ngesi. Ani kuut ngesi ekile eche, meere ngesi akaloman. 4Ikote ngakiro neni anikus ngikaitotoi kang. Ikokis esi ngitunga lu itoaka alopit a ngakiro a etal kainyo iraakasi esi epewae a akwaan a Kiristo. Iliworosi tokona esi ngipei ka lokolong eteyarunio sodi tosubakinea Akuj etich loajokon. 5Kainyo nakolong kibooyo ngoni lopit lopalem sek, toroner etereku yok noi kisikokin anawat yok ani ayakar etal, sodi atoliworos ngoni kisubi ngakiro na erikito akitu. 6Nakaneni kilachak tokona ngoni Akuj anakiro a etal, kainyo kikok ngoni ngitunga lu kilachun anakiro ana kolong kienito. Nyejoikinit tokona ngoni nabo kisubi etich kiwapit ngakiro nakolong ngorok egiritae Lotal, nakaneni ejoikinit kisubi etich alopit a Etau a Akuj.
Etal ka akisech
7Kitamari tokona ngoni abe kori ikwaan etal ka akisech a? Mam jik! Erai etal kolong ketoodikini ayong atamar akisech ngesi nyo. Arai kolong nyigiritetei Lotal kona, “Wara nyikiraka etereku kotere ibore a itwaan aniche,” pekayeni ayong ngakiro a etereku kangolo. 8Kotere epit a akichikakinet kangina, aanyu akisech eger lo isiakinea ngiterekui lugelagelae anikang. Ani emam etal, ikoni akisech ibore ni etoanit. 9Ayakasi kolong ngirwa lu ayarea ayong dang peayeni etal. Nakaneni na ayenunea ayong akichikakinet a Akuj, abu akisech tatakanu, 10ekok ayong ibore ni atoana. Sodi akichikakinet na kolong asakitae yau akiyar, yau akitu alowae kang. 11#Apud 20:17; Etal 5:21 Taanyu akisech eger lo kengalaa ayong anakichikakinet kikok ibore ni kaar ayong. #Siak 3:13
12Nakaneni erai etal lo ebekoono nabo ebekoono akichikakinet dang, erai na etenoono na ejok. 13Tokona, idodiunit ibore ngini atamar ibore niajokon ngini kaari ayong a? Mam jik! Akisech ngesi kaari ayong. Etoruni akisech esubi nguna lotal loajokon yau akitu nikang, sodi toyeneta dir ngitunga atamar akisech ngesi nyo. Ani kanguna kotere akichikakinet, kitoodiunere akisech atamar erono noi lokojokon.
Ejie a akwaan a itwaan
14Kiyeni ngoni atamar erai etal eka a Etau a Akuj, nakaneni arai ayong itwaan nikarikit akisech. 15Nyayeni ayong ngakiro naasubi kainyo nyasubeene ayong na asaki akisub, erai na aremokino ngesi asubeene. 16Kona eraakar na nyasaki ayong akisub ngesi asubeene, itoodiunit ibore ngini atamar achamunit ayong atamar etenoono etal. 17Nakaneni meere ayong asubi ngakiro nguna, erai akisech na eyei tooma kang ngesi ketusubi ayong kongina. 18Ayeni ayong atamar emam ibore ajokon eyei tooma kang, ngesi atamar, tooma nakwaan kang, kainyo, tani ta kemuit ayong akisub naajokak, nyapedori ayong akisub. 19Nyasubi ayong naajokak na asaki akisub, nakaneni asubi naaronok na nyasaki ayong akisub. 20#Gal 5:17 Ani kasubi ayong na nyasaki akisub, itoodiunit ibore ngini atamar meere ayong asubi nguna, erai akisech na eyei nikang.
21Nakaneni aanyu ayong atamar eyei etal lo ikoni lo nikang, naasakea ayong akisub ibore niajokon, toliwor ibore niaronon bon ngesi asubakini ayong. 22Eminarit etau kang etal a Akuj lokojokon. 23Nakaneni, etee ayong ngakiro a etal a eche alo egealana anakwaan kang, etal lo ejiete ka etal lo kajoikinit ayong. Ketiliworito nguna ayong erikot a etal alo a akisech alo eyei nakwaan kang. 24Wae! Ekoe aluchan lu katingito ayong lu? Ngae kayuuni ayong anakwaan ana karikit nakitu kana? 25Abuakinit Akuj alakara noi kotere Ekapolon Yesu Kiristo lo kiyuunor ngoni!
Ikoni tokona eboyor kang ne, ayong elope anaosou kang, ewapit etal a Akuj, nakaneni ani aloger alo araakar itwaan, ewapit etal a akisech.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999