OBUBALI 8
8
Haroni arenjekha Tsitaha khubichibi
1 #
Okhur. 25:31-40; 37:17-24 Mana OMWAMI Nyasaye nalachilisia Musa ari, 2“Boolela Haroni mbu olwa aba narenjekha, tsitaha musafu khushichibi, atsirenjeshe tsiashie imbeli washio.” 3Mana Haroni nakhola ario; narenjekha tsitaha etsio okhwakha imbeli webichibi ebio shinga olwa OMWAMI Nyasaye yali nalachile Musa. 4Ne eshichibi eshio shiakasibwa shirinanwa mbu, okhurula ikulu washio okhuula hasi washio shiali nishieranywa khutsahabu shinga OMWAMI Nyasaye yali namanyiye Musa.
Okhusiiywa nende okhwahulwa okhwa Abalawi
5OMWAMI Nyasaye naboolela Musa ari, 6“Yaahula Abalawi okhurula mubandu aba Isiraeli mana obasiiye 7munjila yino; obahanyekhwo amaatsi kokhusiiywa mana obaboolele babeche emibili chiabwe chiosi khandi bafuye tsingubo tsiabwe. Mana balaba abasiiye. 8Mana babukule ihunwa nende obusie obunyushe bwomusango kweimele obutsokasiibwemwo amafura. Nawe obukule ihunwa yindi khulwa omusango kwobwonooni. 9Mana okhung'asie halala omukanda kwosi okwa Abaisiraeli, ne osinjisie Abalawi imbeli weliheema lianje litakatifu. 10Mana Abaisiraeli batiile emikhono chiabwe khumirwe chia Abalawi. 11Mana Haroni ahaane Abalawi khwisie OMWAMI Nyasaye, babe omusango kwokhuchelwa okhurula mu Abaisiraeli, kho mbu bakhalabane emilimo chianje. 12Mana Abalawi batiile emikhono chiabwe khumirwe chietsihunwa tsibili etsio, ndala yilahaanwa khulwa omusango kwokhurusiaho obwonooni, nayo eyindi eyo shinga omusango omusambe khulwa okhusiiya Abalawi.
13“Mana wahule Abalawi okhuba omusango okwokhuchela khwisie, mana okhole Haroni nabasianibe okhuba abasinjilili babwe. 14Waahule Abalawi orio okhurula mu Abaisiraeli, kho mbu babe abanje. 15Olunyuma lwokhubasiiya nende okhubahula nilwo olwa balaba abakwanile okhukhalabanila mwiheema litakatifu. 16Ebahuule okhuba abanje inziayo mushilenje shiabekulanda abasiani ba Abaisiraeli. 17#Okhur. 13:2Olwa ndeera abekulanda boosi Misiri, ndaahula abasiani abekulanda boosi aba Abaisiraeli nende buli eshikulanda shiemiruko chiabwe okhuba ebianje. 18Ne bulano embukule Abalawi mushilenje shiabaana abekulanda bomubandu ba Isiraeli, 19Khandi ndahanile Abalawi khu Haroni nabasianibe okhuba eshihaanwa okhurula mubandu ba Isiraeli, khulwa okhukhalabanila Abaisiraeli mwiheema litakatifu nende okhubaterera okhurula mumanyakhano akanyala okhubanyoola nibakhasita ahambi khwiheema litakatifu.”
20Kho Musa, nende Haroni nende abomukanda kwa aba Isiraeli boosi nibahula Abalawi, shinga olwa OMWAMI Nyasaye yali nalachilisiye Musa. 21Kho Abalawi nibesiiya abeene, nibafuya ebifwalo biabwe mana Haroni nabahaana okhuba omusango kwokhuchelwa imbeli ewa OMWAMI Nyasaye. Khandi Haroni nabakholela omulukha okwokhusiiywa. 22Mana abandu nibakhola koosi aka OMWAMI Nyasaye yali nalachilisiye Musa okhulondokhana nende Abalawi. Kho Abalawi nibakhalabana mwiheema litakatifu hasi wa Haroni nabasianibe.
23Mana OMWAMI Nyasaye naboolela Musa ari, 24“Abalawi okhurula khubemiyika amakhumi kabili nachirano okhuula bakhalabane mwiheema litakatifu. 25Nibakhoola emiyika amakhumi karano okhuula baleshe okhukhalabana mwiheema elo. 26Abokhurula khumiyika amakhumi karano abo banyala okhukhonyelela Abalawi bashiabwe mwiheema, nebutswa bo abeene shibalakholakhwo omulimo kwosi tawe. Munjila yino nolwa alakabila Abalawi emilimo chiabwe.”
Currently Selected:
OBUBALI 8: OLUPR
Highlight
Copy
Compare
Share
Want to have your highlights saved across all your devices? Sign up or sign in
OBUBALI 8
8
Haroni arenjekha Tsitaha khubichibi
1 #
Okhur. 25:31-40; 37:17-24 Mana OMWAMI Nyasaye nalachilisia Musa ari, 2“Boolela Haroni mbu olwa aba narenjekha, tsitaha musafu khushichibi, atsirenjeshe tsiashie imbeli washio.” 3Mana Haroni nakhola ario; narenjekha tsitaha etsio okhwakha imbeli webichibi ebio shinga olwa OMWAMI Nyasaye yali nalachile Musa. 4Ne eshichibi eshio shiakasibwa shirinanwa mbu, okhurula ikulu washio okhuula hasi washio shiali nishieranywa khutsahabu shinga OMWAMI Nyasaye yali namanyiye Musa.
Okhusiiywa nende okhwahulwa okhwa Abalawi
5OMWAMI Nyasaye naboolela Musa ari, 6“Yaahula Abalawi okhurula mubandu aba Isiraeli mana obasiiye 7munjila yino; obahanyekhwo amaatsi kokhusiiywa mana obaboolele babeche emibili chiabwe chiosi khandi bafuye tsingubo tsiabwe. Mana balaba abasiiye. 8Mana babukule ihunwa nende obusie obunyushe bwomusango kweimele obutsokasiibwemwo amafura. Nawe obukule ihunwa yindi khulwa omusango kwobwonooni. 9Mana okhung'asie halala omukanda kwosi okwa Abaisiraeli, ne osinjisie Abalawi imbeli weliheema lianje litakatifu. 10Mana Abaisiraeli batiile emikhono chiabwe khumirwe chia Abalawi. 11Mana Haroni ahaane Abalawi khwisie OMWAMI Nyasaye, babe omusango kwokhuchelwa okhurula mu Abaisiraeli, kho mbu bakhalabane emilimo chianje. 12Mana Abalawi batiile emikhono chiabwe khumirwe chietsihunwa tsibili etsio, ndala yilahaanwa khulwa omusango kwokhurusiaho obwonooni, nayo eyindi eyo shinga omusango omusambe khulwa okhusiiya Abalawi.
13“Mana wahule Abalawi okhuba omusango okwokhuchela khwisie, mana okhole Haroni nabasianibe okhuba abasinjilili babwe. 14Waahule Abalawi orio okhurula mu Abaisiraeli, kho mbu babe abanje. 15Olunyuma lwokhubasiiya nende okhubahula nilwo olwa balaba abakwanile okhukhalabanila mwiheema litakatifu. 16Ebahuule okhuba abanje inziayo mushilenje shiabekulanda abasiani ba Abaisiraeli. 17#Okhur. 13:2Olwa ndeera abekulanda boosi Misiri, ndaahula abasiani abekulanda boosi aba Abaisiraeli nende buli eshikulanda shiemiruko chiabwe okhuba ebianje. 18Ne bulano embukule Abalawi mushilenje shiabaana abekulanda bomubandu ba Isiraeli, 19Khandi ndahanile Abalawi khu Haroni nabasianibe okhuba eshihaanwa okhurula mubandu ba Isiraeli, khulwa okhukhalabanila Abaisiraeli mwiheema litakatifu nende okhubaterera okhurula mumanyakhano akanyala okhubanyoola nibakhasita ahambi khwiheema litakatifu.”
20Kho Musa, nende Haroni nende abomukanda kwa aba Isiraeli boosi nibahula Abalawi, shinga olwa OMWAMI Nyasaye yali nalachilisiye Musa. 21Kho Abalawi nibesiiya abeene, nibafuya ebifwalo biabwe mana Haroni nabahaana okhuba omusango kwokhuchelwa imbeli ewa OMWAMI Nyasaye. Khandi Haroni nabakholela omulukha okwokhusiiywa. 22Mana abandu nibakhola koosi aka OMWAMI Nyasaye yali nalachilisiye Musa okhulondokhana nende Abalawi. Kho Abalawi nibakhalabana mwiheema litakatifu hasi wa Haroni nabasianibe.
23Mana OMWAMI Nyasaye naboolela Musa ari, 24“Abalawi okhurula khubemiyika amakhumi kabili nachirano okhuula bakhalabane mwiheema litakatifu. 25Nibakhoola emiyika amakhumi karano okhuula baleshe okhukhalabana mwiheema elo. 26Abokhurula khumiyika amakhumi karano abo banyala okhukhonyelela Abalawi bashiabwe mwiheema, nebutswa bo abeene shibalakholakhwo omulimo kwosi tawe. Munjila yino nolwa alakabila Abalawi emilimo chiabwe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in