OBUBALI 16
16
Induli ya Kora, Datsani nende Abiramu bakhola
1 #
Sira 45:18-20
#
Yuda 1:11
Olunyumakhwo Kora omusiani wa Izahari, womunzu ya Kohatsi, okhurula muluyia lwa Lawi, yabukula abandu nibalimwo Datsani, Abiramu abasiani ba Eliabu, nende Oni omusiani wa Peletsi abomuluyia lwa Rubeni. 2Abasaatsa abo bakhoonyana nende abemilisi ebikhumi bibili namakhumi karano (250), abahulwa nomukanda kwosi kwabandu ba Isiraeli okhufukula Musa. 3Mana nibakhung'ana halala imbeli wa Musa nende Haroni, nibababoolela bari, “Mwichinjimisinjia muno! Abandu ba Isiraeli boosi nabandu aba OMWAMI Nyasaye, naye ali ninefwe fwesi. Kho shiina eshichila iwe Musa niwikhola okhuba omukhongo okhushila abomukanda okwa OMWAMI Nyasaye kwosi?”
4Olwa Musa yahulilakhwo amakhuwa ako, yasikama hasi niyenamia obwenibwe hasi mana nasaaya. 5Naboolela Kora nende abalondibe ari, “Mukamba mumabwibwi OMWAMI Nyasaye alakhumanyia hakari wanje ninawe, ouli ouwe khandi alakhola oyo owa yaahula okhusita ahambi nende eshimalilo shiemisango. 6Kho mukamba mumabwibwi iwe nende abalondibo mubukule ebikaye, 7murekhwo amanda komulilo nende obubani mana mubireere khushimalilo shiemisango imbeli ewa OMWAMI Nyasaye. Ne khulamanya mbu niwiina owa OMWAMI Nyasaye yaahule. Inywe Abalawi ninywe abechinjimisiye muno!”
8Musa natsiililila okhuboolela Kora ari, “Inywe Abalawi recheresie. 9Mupaaranga mbu, nilikhuwa lituutu OMWAMI Nyasaye wa Isiraeli, okhumwahula inywe okhumukhalabanila mwiheemalie litakatifu nende okhukhalabanila abomukanda? 10Yamukholile inywe nende Abalawi bandi boosi okhunyoola oluyali luno, khandi mukhabanga okhuba abesaaliisi! 11Khulwa okhiwiyiniakana khu Haroni, iwe nende abomukandakwo mwiyiniakananga nimuloba OMWAMI Nyasaye.”
12Mana Musa narumana okhulanga Datsani nende Abiramu abasiani ba Eliabu, nabo nibakalusia nibaboola bari, “Shikhwitsa tawe! 13Opaaranga mbu nelikhuwa litutu iwe okhukhurusia mushialo eshiyinda khandi eshinulu eshia Misiri okhukhwirira hano mushitsiimi? Khandi wikholanga okhuba omuruchi khwifwe! 14Kata kario shiokhwinjiisiye mushialo eshiyinda khandi eshinulu noho kata okhukhuhelesia obwayilo nende emikunda chiemitsabibu ta. Ne bulano oteemanga okhukhukaatia, shikhwitsa tawe.”
15Mana Musa nasinyikha muno, ne naboolela OMWAMI Nyasaye ari, “Shiolafuchililakhwo ebihaanwa biabandu bano bakhureerera tawe. Shindayonoonelekhwo omundu yesi yesi khubo kata okhubukulakhwo ndala khutsisishili tsiabwe tawe.” 16Mana Musa naboolela Kora ari, “Iwe nende abomukandakwo boosi abandu ebikhumi bibili nakakhumi karano (250) mwitse khwiheema elia OMWAMI Nyasaye mukamba, mwitse nende Haroni. 17Buli shiamulala khwinywe abukule eshikayeshie, arekhwo obubani, mana ashireere imbeli ewa OMWAMI Nyasaye.” 18Kho buli mundu nabukula eshikayeshie nibaramwo omulilo nende obubani, mana nibasinjila habwinjililo bweliheema litakatifu halala nende Musa nende Haroni. 19Mana Kora nakhung'asia abomukandakwe boosi nibasinjila habwinjililo bweliheema elo. Ne obulafu obwa OMWAMI Nyasaye nibubaloleshela abomukanda boosi. 20Mana OMWAMI Nyasaye naboolela Musa nende Haroni ari, 21“Mwiyahukhasie okhurula mubomukanda kuno, okhuba ndalabasishia boosi mushise shilala.”
22Mana Musa nende Haroni nibasikama hasi, nibenamia obweni bwabwe okhuula hasi ne nibaboola bari, “Iwe, Nyasaye obulamu bwabandu boosi burulanga khwiwe, kho omundu mulala niyonoona, notiilwa noburuma khubomukanda boosi?” 23Naye OMWAMI Nyasaye nakalusia Musa ari, 24“Boolela abomukanda boosi, basite ehale okhurula aha Koratsi, Detsani nende Abiramu bamenya.”
25Mana Musa nasumukha natsia khu Datsani nende Abiramu, nabo abakhulundu ba Abaisiraeli nibamuloondakhwo. 26Ne naboolela abomukanda abo ari, “Site ehale okhurula khumaheema kabandu abamayanu abo, ne mulatiilekhwo khushindu shiabwe shiosi shiosi tawe, nimukhola murio mulasikha halala ninabo nobwonooni bwabwe bwosi.” 27Kho abandu nibasita ehale okhurula khumaheema ka Koratsi, Datsani nende Abiramu bamenyangamwo.
Mana Detsani nende Abiramu nibarula elwanyi, ne nibasinjila hamuliango wa maheema kabwe halala nende abakhasi babwe na baana babwe abasiani nende abaana abatutu. 28Naye Musa naboolela abandu ari, “Munjila yino nolwa mulamanya mbu, OMWAMI Nyasaye yaruma okhukhola emilimo chino, ne shichikholanga khulwa okhwenya khwanje omwene tawe. 29Abasaatsa abo nibaba nibafwa shinga abandu boosi bafwitsanga noho kata olumbe lutiilanga abandu boosi nilubatiila, kho OMWAMI Nyasaye shiaba niyaruma tawe. 30Nebutswa OMWAMI Nyasaye nakholakhwo eshindu shindi eshicheni, mana liloba liasame omunwa nende okhubamila boosi halala nende emiandu chiabwe, ne nibekha emakombe nibalimwoyo, kho mulamanya mbu, abandu bano balechelesiiye OMWAMI Nyasaye.”
31Ne olwa yamala butswa okhuboola amakhuwa ako, liloba liabandu abo bali nibasinjilekhwo liasiabukhamwo hakari, 32nilibamila boosi halala nende abomutsinzu tsiabwe nende abandu bali aba Kora boosi halala nende emiandu chiabwe chiosi. 33Kho abandu abo nende emiandu chiabwe chiosi nibekha emakombe nibali mwoyo, ne liloba elo niliyikala ikulu wabwe, kho nibasikha okhurula mubomukanda bario. 34Ne Abaisiraeli boosi abali nibababotokhaane belukha olwabahulila okhwayula khwabandu abo. Abaisiraeli nibaboola bari, “Khwilushe liloba liakhakhumila fwesi khandi!”
35Mana OMWAMI Nyasaye naruma omulilo, nikusamba nende okhusishia abandu ebikhumi bibili namakhumi karano (250) abali nibahaanile obubani abo.
Ebikaye biomulilo
36Mana OMWAMI Nyasaye naboolela Musa ari, 37“Boolela Eliazari omusiani wa Haroni omwisaaliisi abukule ebikaye biomukasa biobubani okhurula mumulilo, ne asalaasie omulilo okwo ehale, shichila ebikaye ebio nibitakatifu. 38Ebikaye ebio biakholwa ebitakatifu olwa biahaanwa imbeli weshimalilo shiemisango shianje. Khulweshio mubukule ebikaye biabandu bayerirwe khulwa obwonooni bwabwe abo, mubiiranyekhwo ebikaye ebipapale mana bibe ebifunikho biokhushimalilo shiemisango. Kho bilaba eshilolelo shiokhuchetsiyia abandu ba Isiraeli.” 39Kho omwisaaliisi Eliazari nabukula ebikaye biomukasa biabandu abali nibasambilwe bali nibahanile, ne nibiiranya nibiba shinga eshifunikho shiokhushimalilo shiemisango. 40Eshio nishiba eshilolelo shiokhuchetsiyia khubandu ba Isiraeli mbu, omundu yesi yesi oulali omwisaaliisi noho owolwibulo lwa Haroni, shialasitakhwo ahambi neshimalilo shiemisango nasamba bubani imbeli ewa OMWAMI Nyasaye tawe. Nakhola ario aba alaba shinga Kora nende abomukandakwe. Koosi nikekholekha shinga olwa OMWAMI Nyasaye yali naboolele Eliazari okhubirila mu Musa.
Haroni ahonia abandu
41Ne olwa bwashia inyanga yalondakhwo, abandu bomukanda kwa Abaisiraeli boosi beyiniakana khu Musa nende Haroni nibaboola bari, “Mwirire abandu aba OMWAMI Nyasaye.” 42Ne olwa abomukanda bali nibakhung'anile okhuyingasia Musa nende Haroni, bakhupa amashemo ewa liheema litakatifu liali, ne nibalola lileesi nililifuniishe, ne obulafu bwokhubaho okhwa OMWAMI Nyasaye nibulolekha. 43Ne Musa nende Haroni nibetsa hambeli weliheema litakatifu. 44#Obuch. 18:20-25Ne OMWAMI Nyasaye naboolela Musa ari, 45“Sinjila ehale okhurula mumukanda kuno, ndalabasishia khushise shilala.” Nabo boosi nibasikama nibenamia obweni bwabwe hasi. 46Mana Musa naboolela Haroni ari, “Bukula eshikayeshio, orekhwo omulilo okhurula khushimalilo shiemisango mana oreekhwo obubani, ne oshiyile bwangu mubomukanda mana obatise, okhuba OMWAMI Nyasaye asinyiishe, neshinyasio shiolumbe shimalile okhuchaaka.” 47Kho Haroni nakhola shinga olwa Musa yali namuboolele, niyelukha tsimbilo natsia mubomukanda, ne eshinyasio shiolumbe shiali nishichachile mubandu, kho nara obubani khushikayeshie, ne natisa abandu. 48Kano kasinjisia eshinyasio eshio, ne nasikala nasinjiile hakari wabandu abalamu nende abali nibafwile. 49Abandu abafwa khulwa eshinyasio shiolumbe eshio, bali ebikhumila ekhumi nabine nende ebikhumi musafu (14,700), noshili okhubalilakhwo abafwa khulwa obuyiri bwa Kora. 50Ne olwa eshinyasio shiolumbe eshio shiasinjisibwa, Haroni nakalukha khu Musa habwinjililo bweliheema.
Currently Selected:
OBUBALI 16: OLUPR
Highlight
Copy
Compare
Share
Want to have your highlights saved across all your devices? Sign up or sign in
OBUBALI 16
16
Induli ya Kora, Datsani nende Abiramu bakhola
1 #
Sira 45:18-20
#
Yuda 1:11
Olunyumakhwo Kora omusiani wa Izahari, womunzu ya Kohatsi, okhurula muluyia lwa Lawi, yabukula abandu nibalimwo Datsani, Abiramu abasiani ba Eliabu, nende Oni omusiani wa Peletsi abomuluyia lwa Rubeni. 2Abasaatsa abo bakhoonyana nende abemilisi ebikhumi bibili namakhumi karano (250), abahulwa nomukanda kwosi kwabandu ba Isiraeli okhufukula Musa. 3Mana nibakhung'ana halala imbeli wa Musa nende Haroni, nibababoolela bari, “Mwichinjimisinjia muno! Abandu ba Isiraeli boosi nabandu aba OMWAMI Nyasaye, naye ali ninefwe fwesi. Kho shiina eshichila iwe Musa niwikhola okhuba omukhongo okhushila abomukanda okwa OMWAMI Nyasaye kwosi?”
4Olwa Musa yahulilakhwo amakhuwa ako, yasikama hasi niyenamia obwenibwe hasi mana nasaaya. 5Naboolela Kora nende abalondibe ari, “Mukamba mumabwibwi OMWAMI Nyasaye alakhumanyia hakari wanje ninawe, ouli ouwe khandi alakhola oyo owa yaahula okhusita ahambi nende eshimalilo shiemisango. 6Kho mukamba mumabwibwi iwe nende abalondibo mubukule ebikaye, 7murekhwo amanda komulilo nende obubani mana mubireere khushimalilo shiemisango imbeli ewa OMWAMI Nyasaye. Ne khulamanya mbu niwiina owa OMWAMI Nyasaye yaahule. Inywe Abalawi ninywe abechinjimisiye muno!”
8Musa natsiililila okhuboolela Kora ari, “Inywe Abalawi recheresie. 9Mupaaranga mbu, nilikhuwa lituutu OMWAMI Nyasaye wa Isiraeli, okhumwahula inywe okhumukhalabanila mwiheemalie litakatifu nende okhukhalabanila abomukanda? 10Yamukholile inywe nende Abalawi bandi boosi okhunyoola oluyali luno, khandi mukhabanga okhuba abesaaliisi! 11Khulwa okhiwiyiniakana khu Haroni, iwe nende abomukandakwo mwiyiniakananga nimuloba OMWAMI Nyasaye.”
12Mana Musa narumana okhulanga Datsani nende Abiramu abasiani ba Eliabu, nabo nibakalusia nibaboola bari, “Shikhwitsa tawe! 13Opaaranga mbu nelikhuwa litutu iwe okhukhurusia mushialo eshiyinda khandi eshinulu eshia Misiri okhukhwirira hano mushitsiimi? Khandi wikholanga okhuba omuruchi khwifwe! 14Kata kario shiokhwinjiisiye mushialo eshiyinda khandi eshinulu noho kata okhukhuhelesia obwayilo nende emikunda chiemitsabibu ta. Ne bulano oteemanga okhukhukaatia, shikhwitsa tawe.”
15Mana Musa nasinyikha muno, ne naboolela OMWAMI Nyasaye ari, “Shiolafuchililakhwo ebihaanwa biabandu bano bakhureerera tawe. Shindayonoonelekhwo omundu yesi yesi khubo kata okhubukulakhwo ndala khutsisishili tsiabwe tawe.” 16Mana Musa naboolela Kora ari, “Iwe nende abomukandakwo boosi abandu ebikhumi bibili nakakhumi karano (250) mwitse khwiheema elia OMWAMI Nyasaye mukamba, mwitse nende Haroni. 17Buli shiamulala khwinywe abukule eshikayeshie, arekhwo obubani, mana ashireere imbeli ewa OMWAMI Nyasaye.” 18Kho buli mundu nabukula eshikayeshie nibaramwo omulilo nende obubani, mana nibasinjila habwinjililo bweliheema litakatifu halala nende Musa nende Haroni. 19Mana Kora nakhung'asia abomukandakwe boosi nibasinjila habwinjililo bweliheema elo. Ne obulafu obwa OMWAMI Nyasaye nibubaloleshela abomukanda boosi. 20Mana OMWAMI Nyasaye naboolela Musa nende Haroni ari, 21“Mwiyahukhasie okhurula mubomukanda kuno, okhuba ndalabasishia boosi mushise shilala.”
22Mana Musa nende Haroni nibasikama hasi, nibenamia obweni bwabwe okhuula hasi ne nibaboola bari, “Iwe, Nyasaye obulamu bwabandu boosi burulanga khwiwe, kho omundu mulala niyonoona, notiilwa noburuma khubomukanda boosi?” 23Naye OMWAMI Nyasaye nakalusia Musa ari, 24“Boolela abomukanda boosi, basite ehale okhurula aha Koratsi, Detsani nende Abiramu bamenya.”
25Mana Musa nasumukha natsia khu Datsani nende Abiramu, nabo abakhulundu ba Abaisiraeli nibamuloondakhwo. 26Ne naboolela abomukanda abo ari, “Site ehale okhurula khumaheema kabandu abamayanu abo, ne mulatiilekhwo khushindu shiabwe shiosi shiosi tawe, nimukhola murio mulasikha halala ninabo nobwonooni bwabwe bwosi.” 27Kho abandu nibasita ehale okhurula khumaheema ka Koratsi, Datsani nende Abiramu bamenyangamwo.
Mana Detsani nende Abiramu nibarula elwanyi, ne nibasinjila hamuliango wa maheema kabwe halala nende abakhasi babwe na baana babwe abasiani nende abaana abatutu. 28Naye Musa naboolela abandu ari, “Munjila yino nolwa mulamanya mbu, OMWAMI Nyasaye yaruma okhukhola emilimo chino, ne shichikholanga khulwa okhwenya khwanje omwene tawe. 29Abasaatsa abo nibaba nibafwa shinga abandu boosi bafwitsanga noho kata olumbe lutiilanga abandu boosi nilubatiila, kho OMWAMI Nyasaye shiaba niyaruma tawe. 30Nebutswa OMWAMI Nyasaye nakholakhwo eshindu shindi eshicheni, mana liloba liasame omunwa nende okhubamila boosi halala nende emiandu chiabwe, ne nibekha emakombe nibalimwoyo, kho mulamanya mbu, abandu bano balechelesiiye OMWAMI Nyasaye.”
31Ne olwa yamala butswa okhuboola amakhuwa ako, liloba liabandu abo bali nibasinjilekhwo liasiabukhamwo hakari, 32nilibamila boosi halala nende abomutsinzu tsiabwe nende abandu bali aba Kora boosi halala nende emiandu chiabwe chiosi. 33Kho abandu abo nende emiandu chiabwe chiosi nibekha emakombe nibali mwoyo, ne liloba elo niliyikala ikulu wabwe, kho nibasikha okhurula mubomukanda bario. 34Ne Abaisiraeli boosi abali nibababotokhaane belukha olwabahulila okhwayula khwabandu abo. Abaisiraeli nibaboola bari, “Khwilushe liloba liakhakhumila fwesi khandi!”
35Mana OMWAMI Nyasaye naruma omulilo, nikusamba nende okhusishia abandu ebikhumi bibili namakhumi karano (250) abali nibahaanile obubani abo.
Ebikaye biomulilo
36Mana OMWAMI Nyasaye naboolela Musa ari, 37“Boolela Eliazari omusiani wa Haroni omwisaaliisi abukule ebikaye biomukasa biobubani okhurula mumulilo, ne asalaasie omulilo okwo ehale, shichila ebikaye ebio nibitakatifu. 38Ebikaye ebio biakholwa ebitakatifu olwa biahaanwa imbeli weshimalilo shiemisango shianje. Khulweshio mubukule ebikaye biabandu bayerirwe khulwa obwonooni bwabwe abo, mubiiranyekhwo ebikaye ebipapale mana bibe ebifunikho biokhushimalilo shiemisango. Kho bilaba eshilolelo shiokhuchetsiyia abandu ba Isiraeli.” 39Kho omwisaaliisi Eliazari nabukula ebikaye biomukasa biabandu abali nibasambilwe bali nibahanile, ne nibiiranya nibiba shinga eshifunikho shiokhushimalilo shiemisango. 40Eshio nishiba eshilolelo shiokhuchetsiyia khubandu ba Isiraeli mbu, omundu yesi yesi oulali omwisaaliisi noho owolwibulo lwa Haroni, shialasitakhwo ahambi neshimalilo shiemisango nasamba bubani imbeli ewa OMWAMI Nyasaye tawe. Nakhola ario aba alaba shinga Kora nende abomukandakwe. Koosi nikekholekha shinga olwa OMWAMI Nyasaye yali naboolele Eliazari okhubirila mu Musa.
Haroni ahonia abandu
41Ne olwa bwashia inyanga yalondakhwo, abandu bomukanda kwa Abaisiraeli boosi beyiniakana khu Musa nende Haroni nibaboola bari, “Mwirire abandu aba OMWAMI Nyasaye.” 42Ne olwa abomukanda bali nibakhung'anile okhuyingasia Musa nende Haroni, bakhupa amashemo ewa liheema litakatifu liali, ne nibalola lileesi nililifuniishe, ne obulafu bwokhubaho okhwa OMWAMI Nyasaye nibulolekha. 43Ne Musa nende Haroni nibetsa hambeli weliheema litakatifu. 44#Obuch. 18:20-25Ne OMWAMI Nyasaye naboolela Musa ari, 45“Sinjila ehale okhurula mumukanda kuno, ndalabasishia khushise shilala.” Nabo boosi nibasikama nibenamia obweni bwabwe hasi. 46Mana Musa naboolela Haroni ari, “Bukula eshikayeshio, orekhwo omulilo okhurula khushimalilo shiemisango mana oreekhwo obubani, ne oshiyile bwangu mubomukanda mana obatise, okhuba OMWAMI Nyasaye asinyiishe, neshinyasio shiolumbe shimalile okhuchaaka.” 47Kho Haroni nakhola shinga olwa Musa yali namuboolele, niyelukha tsimbilo natsia mubomukanda, ne eshinyasio shiolumbe shiali nishichachile mubandu, kho nara obubani khushikayeshie, ne natisa abandu. 48Kano kasinjisia eshinyasio eshio, ne nasikala nasinjiile hakari wabandu abalamu nende abali nibafwile. 49Abandu abafwa khulwa eshinyasio shiolumbe eshio, bali ebikhumila ekhumi nabine nende ebikhumi musafu (14,700), noshili okhubalilakhwo abafwa khulwa obuyiri bwa Kora. 50Ne olwa eshinyasio shiolumbe eshio shiasinjisibwa, Haroni nakalukha khu Musa habwinjililo bweliheema.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in