OBUBALI 10
10
Tsitarumbeta etsia kaasibwa okhurula khufetsa
1OMWAMI Nyasaye naboolela Musa ari, 2“Yiranya tsitarumbeta tsibili okhurula khufetsa, mana oshikhoonyelenje okhulanga omukanda halala nende khulwa okhubasumula nibatsia. 3Ne olwa tsiosi tsibili tsikhupwa abomukanda boosi bekhung'asie ewa oli mubwinjililo bweliheema litakatifu. 4Nebutswa nibakhupa itarumbeta ndala, betsimbia tsia Abaisiraeli bekhung'asia ewa oli. 5Olwa tsikhupwa, ne abomukanda kuli elubeka lwebukwe basumukha. 6Ne olwa tsikhupwa olwakhabili, abomukanda bali elubeka lwemulambo basumukha. Itarumbeta ikhupungwe buli olwa baba nibasumukha.
7“Ne niwenya okhukhung'asia omukanda kwosi halala, okhupe itarumbeta nebutswa olakhupa oluhungu tawe. 8Abasiani ba Haroni, nibo abalakhupa tsitarumbeta. Tsitarumbeta etsio tsilabetsanga lilako lia buli lwosi mutsinzibulo tsienywe tsiosi. 9Ne olwa mutsia mwihe mushialo shienywe okhuseera abasuku abamusandia, okhuula mukhupe oluhungu nende tsitarumbeta, kho isie OMWAMI Nyasaye wenywe emukhoonye nende okhumuhonia khubasuku bwenywe abo. 10Khandi khunyanga yokhwikhoya khwenywe, nende mutsinyanga tsiamasabo kenywe, nende tsiokhulolekha khwomwesi, mulakhupanga tsitarumbeta, nende olwa muhaana emisango chienywe emisambe nende echiokhureera omulembe. Nasi ndalamukhoonya. Nisie OMWAMI Nyasaye wenywe.”
Abaisiraeli barula Sinai
11Mumuyika kwakhabili, omwesi kwakhabili khunyanga ya amakhumi kabili olunyuma olwa Abaisiraeli okhurula Misiri, lileesi liachingukha ikulu okhurula khwiheema litakatifu. 12Kho Abaisiraeli nibasumukha okhurula mushitsiimi shia Sinai. Lileesi elo niliyeela khandi mushitsiimi shia Parani. 13Basumukha khuluchendo lwabwe khu lilako elia OMWAMI Nyasaye okhubirira khu Musa. 14Abomukanda kwoluyhia lwa Yuda nibo abaranjilila okhusumukha nibemililwe nende Nashoni omusiani wa Aminadabu. 15Naye owemilila abomukanda kwoluyia lwa Isakari yali Netsanieli omusiani wa Zuari. 16Naye owemilila abomukanda kwoluyia lwa Zebuluni yali Eliabu omusiani wa Heloni.
17Mana liheema elo nilisambulwa ne abeshilibwa shia Gerishoni nende eshia Merari abali abokhuluchinga nibasumukha.
18Mana abomukanda kwoluyia lwa Rubeni nibalondakhwo, ne omwimilisi womukanda kwabwe yali Elizuri omusiani wa Shedeuri. 19Ne abomukanda kwoluyia lwa Simeoni bemililwa nende Shelumieli omusiani wa Zurishadai. 20Nabo abomukanda kwoluyia lwa Gadi nibemililwa nende Elisafu omusani wa Deweli.
21Mana aboluyia lwa Kohatsi nibaloondakhwo nibachinjile ebibdu ebitakatifu. Liheema liasinjisibwa nibashili okhuulayo.
22Abalondakhwo bali abomukanda kwoluyia lwa Efuraimu nibemililwe nende Elishama omusiani wa Amihudi. 23Naye Gamalieli omusiani wa Pedahazuri yemilila abomukanda kwoluyia lwa Manase. 24Naye Abidani omusiani wa Gideoni niyemilila abomukanda kwoluyia lwa Benjamini.
25Mana abomukanda kwoluyia lwa Dani, bamalilikha okhusumukha mumikanda chiabwe, nibali abelihe beinyuma betsikambi tsiosi; ne omwimiliisi womukanda kwabwe yali Ahiezeri omusiani wa Amishadayi. 26Ne Pagieli omusiani wa Okurani yemilila abomukanda kwoluyia lwa Asheri. 27Naye Ahira omusiani wa Enani yemilila abomukanda kwoluyia lwa Nafutali.
28Abandu ba Isiraeli bachenda bario mumikanda chiabwe buli olwa basiulanga liheema nibatsia. 29Mana Musa naboolela Hobabu omusiani wa Yetsiro Omumidiani owali nyakhufialanyene ari, “Khusumukhanga okhutsia habundu aha OMWAMI Nyasaye yaboola mbu, yakhakhuhelesie; OMWAMI Nyasaye yamala okhusuubisia mbu yakhakholele Abaisiraeli amalayi kho witse khutsie ninawe khukabane amalayi ako ninawe.”
30Nebutswa Hobabu yamukalusia ari, “Shindalatsia ninenywe ta, isie ndalatsia khumukunda kwanje nende khubandu banje.” 31Nebutswa Musa yamusaaya nabola ari, “Nochama shiolakhulekha ta, shichila niwe oumanyile ewa khunyala okhukhoma tsikambi tsiefwe mushitsiimi; kho niwe oulakhuchelelanga. 32Ne noba notsia ninefwe amalayi koosi koosi aka OMWAMI Nyasaye alakhukholela efwe, niko aka fwesi khandi khulakhukholela iwe.”
Abandu basumukha
33Kho Abaisiraeli nibasumukha okhurula khushikulu shia Sinai, nibachenda oluchendo lwetsinyanga tsitaru. Lisanduku lieindakano eya OMWAMI Nyasaye liaranjilila okhutsia oluchendo lwetsinyanga tsitaru, okhubakhabila habundu ahokhuhulushila. 34Ne buli olwa basumukhanga nibarula mukambi, lileesi elia OMWAMI Nyasaye lialinji hekulu wabwe mushiteere.
35 #
Tsits. 68:1
Ne buli olwa lisanduku lieindakano elo liasumukhanga, Musa yasaayanga naboola ari, “Iwe OMWAMI Nyasaye, buukha osalasie abasukubo, nabo abakhusila iwe belushe okhurula imbeliwo.” 36Ne buli olwa liheema elo liasinjisibungwa, Musa yaboolanga ari, “Iwe OMWAMI Nyasaye, kalushila ebikhumila nebikhumila bia Abaisiraeli.”
Currently Selected:
OBUBALI 10: OLUPR
Highlight
Copy
Compare
Share
Want to have your highlights saved across all your devices? Sign up or sign in
OBUBALI 10
10
Tsitarumbeta etsia kaasibwa okhurula khufetsa
1OMWAMI Nyasaye naboolela Musa ari, 2“Yiranya tsitarumbeta tsibili okhurula khufetsa, mana oshikhoonyelenje okhulanga omukanda halala nende khulwa okhubasumula nibatsia. 3Ne olwa tsiosi tsibili tsikhupwa abomukanda boosi bekhung'asie ewa oli mubwinjililo bweliheema litakatifu. 4Nebutswa nibakhupa itarumbeta ndala, betsimbia tsia Abaisiraeli bekhung'asia ewa oli. 5Olwa tsikhupwa, ne abomukanda kuli elubeka lwebukwe basumukha. 6Ne olwa tsikhupwa olwakhabili, abomukanda bali elubeka lwemulambo basumukha. Itarumbeta ikhupungwe buli olwa baba nibasumukha.
7“Ne niwenya okhukhung'asia omukanda kwosi halala, okhupe itarumbeta nebutswa olakhupa oluhungu tawe. 8Abasiani ba Haroni, nibo abalakhupa tsitarumbeta. Tsitarumbeta etsio tsilabetsanga lilako lia buli lwosi mutsinzibulo tsienywe tsiosi. 9Ne olwa mutsia mwihe mushialo shienywe okhuseera abasuku abamusandia, okhuula mukhupe oluhungu nende tsitarumbeta, kho isie OMWAMI Nyasaye wenywe emukhoonye nende okhumuhonia khubasuku bwenywe abo. 10Khandi khunyanga yokhwikhoya khwenywe, nende mutsinyanga tsiamasabo kenywe, nende tsiokhulolekha khwomwesi, mulakhupanga tsitarumbeta, nende olwa muhaana emisango chienywe emisambe nende echiokhureera omulembe. Nasi ndalamukhoonya. Nisie OMWAMI Nyasaye wenywe.”
Abaisiraeli barula Sinai
11Mumuyika kwakhabili, omwesi kwakhabili khunyanga ya amakhumi kabili olunyuma olwa Abaisiraeli okhurula Misiri, lileesi liachingukha ikulu okhurula khwiheema litakatifu. 12Kho Abaisiraeli nibasumukha okhurula mushitsiimi shia Sinai. Lileesi elo niliyeela khandi mushitsiimi shia Parani. 13Basumukha khuluchendo lwabwe khu lilako elia OMWAMI Nyasaye okhubirira khu Musa. 14Abomukanda kwoluyhia lwa Yuda nibo abaranjilila okhusumukha nibemililwe nende Nashoni omusiani wa Aminadabu. 15Naye owemilila abomukanda kwoluyia lwa Isakari yali Netsanieli omusiani wa Zuari. 16Naye owemilila abomukanda kwoluyia lwa Zebuluni yali Eliabu omusiani wa Heloni.
17Mana liheema elo nilisambulwa ne abeshilibwa shia Gerishoni nende eshia Merari abali abokhuluchinga nibasumukha.
18Mana abomukanda kwoluyia lwa Rubeni nibalondakhwo, ne omwimilisi womukanda kwabwe yali Elizuri omusiani wa Shedeuri. 19Ne abomukanda kwoluyia lwa Simeoni bemililwa nende Shelumieli omusiani wa Zurishadai. 20Nabo abomukanda kwoluyia lwa Gadi nibemililwa nende Elisafu omusani wa Deweli.
21Mana aboluyia lwa Kohatsi nibaloondakhwo nibachinjile ebibdu ebitakatifu. Liheema liasinjisibwa nibashili okhuulayo.
22Abalondakhwo bali abomukanda kwoluyia lwa Efuraimu nibemililwe nende Elishama omusiani wa Amihudi. 23Naye Gamalieli omusiani wa Pedahazuri yemilila abomukanda kwoluyia lwa Manase. 24Naye Abidani omusiani wa Gideoni niyemilila abomukanda kwoluyia lwa Benjamini.
25Mana abomukanda kwoluyia lwa Dani, bamalilikha okhusumukha mumikanda chiabwe, nibali abelihe beinyuma betsikambi tsiosi; ne omwimiliisi womukanda kwabwe yali Ahiezeri omusiani wa Amishadayi. 26Ne Pagieli omusiani wa Okurani yemilila abomukanda kwoluyia lwa Asheri. 27Naye Ahira omusiani wa Enani yemilila abomukanda kwoluyia lwa Nafutali.
28Abandu ba Isiraeli bachenda bario mumikanda chiabwe buli olwa basiulanga liheema nibatsia. 29Mana Musa naboolela Hobabu omusiani wa Yetsiro Omumidiani owali nyakhufialanyene ari, “Khusumukhanga okhutsia habundu aha OMWAMI Nyasaye yaboola mbu, yakhakhuhelesie; OMWAMI Nyasaye yamala okhusuubisia mbu yakhakholele Abaisiraeli amalayi kho witse khutsie ninawe khukabane amalayi ako ninawe.”
30Nebutswa Hobabu yamukalusia ari, “Shindalatsia ninenywe ta, isie ndalatsia khumukunda kwanje nende khubandu banje.” 31Nebutswa Musa yamusaaya nabola ari, “Nochama shiolakhulekha ta, shichila niwe oumanyile ewa khunyala okhukhoma tsikambi tsiefwe mushitsiimi; kho niwe oulakhuchelelanga. 32Ne noba notsia ninefwe amalayi koosi koosi aka OMWAMI Nyasaye alakhukholela efwe, niko aka fwesi khandi khulakhukholela iwe.”
Abandu basumukha
33Kho Abaisiraeli nibasumukha okhurula khushikulu shia Sinai, nibachenda oluchendo lwetsinyanga tsitaru. Lisanduku lieindakano eya OMWAMI Nyasaye liaranjilila okhutsia oluchendo lwetsinyanga tsitaru, okhubakhabila habundu ahokhuhulushila. 34Ne buli olwa basumukhanga nibarula mukambi, lileesi elia OMWAMI Nyasaye lialinji hekulu wabwe mushiteere.
35 #
Tsits. 68:1
Ne buli olwa lisanduku lieindakano elo liasumukhanga, Musa yasaayanga naboola ari, “Iwe OMWAMI Nyasaye, buukha osalasie abasukubo, nabo abakhusila iwe belushe okhurula imbeliwo.” 36Ne buli olwa liheema elo liasinjisibungwa, Musa yaboolanga ari, “Iwe OMWAMI Nyasaye, kalushila ebikhumila nebikhumila bia Abaisiraeli.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in