ABALAWI 11
11
Tsisolo tsikhoyile okhulibwa
(Okhuk. 14:3-21)
1Mana OMWAMI Nyasaye naboolela Musa nende Haroni mbu 2aboolele Abaisiraeli ari, “Mutsisolo tsiosi tsiokhushialo, munyala okhuliakhwo etsiloondakhwo tsino. 3Isolo yosi yosi yetsindekeyi khandi eyetsindekeyi tsiayo tsiakabukhanamwo hakari, khandi eyinyanyanga ikamuula. 4Ne kata isolo niyiba niyinyanyanga ikamuula, ne tsindekeyi tsiayo nitsialakabukhanamwo ta, mulachuliekhwo tawe. Ingamia kata niyinyanyanga ikamuula, tsindekeyi tsiayo shitsiakabukhanamwo tawe, nomusilo khwinywe okhuchilia. 5Lichieneli kata nilinyanyanga ikamuula nebutswa shiliakabukhanamwo tsindekeyi tawe, nomusilo khwinywe okhulilia. 6Eshituyu kata nishinyanyanga ikamuula, nebutswa shichila shishiakabukhanamwo tsindekeyi ta, nomusilo khwinywe okhushilia. 7Nomusilo khwinywe okhulia imbiitsi, shichila kata niyakabukhanamwo tsindekeyi, nebutswa shiyinyanyanga ikamuula tawe. 8Mulaliekhwo kata okhutiilakhwo khunyama yatsio nitsifwile tawe, shichila netsiomusilo.
9“Munyala okhuliakhwo tsinyeni noho shiosi shiosi eshimenyanga munyanza noho mumuchela eshili namakhambaya nende eshibehe. 10Nebutswa eshindu shiosi eshimenyanga munyanza noho mumwalo, eshilali neshibehe nende amakhambaya ta, mulaliekhwo tawe. 11Ebio nomusilo khwinywe okhubilia. Mulaliekhwo inyama yabio kata okhutiilakhwo khumibili chabio nibifwile tawe, shichilla nebiomusilo khwinywe. 12Eshindu shiosi eshimenyanga mumaatsi eshibula eshibehe noho amakhambaya mulaliekhwo ta, shichila neshiomusilo.
13“Khandi amanyonyi kaloondakhwo kano nakomusilo, kalalibwakhwo tawe; indutsu, eshikhokorelo, lihuutsilo, 14eshikhupi, olukakha nende tsimbia tsialwo shinga olwa tsili, 15likhokho netsimbia tsialio shinga olwa tsili, 16lihuto, imbukambuka, inyanje, lihungu netsimbia tsialio shinga olwa tsili, 17likhuule, namulobi, liyichichi, 18ifitibili, imware, ingosia, 19likuyi, linakha netsimbia tsialio shinga olwa tsili, lihutihuti nende linyinya.
20“Ebikukule biatsimbaha ebimoolanga nebilenje bine nomusilo khwinywe okhulia. 21Nebutswa mubikukule ebio munyala okhulia ebiruka rukanga. 22Khubio mulitsenje ebilondakhwo bino; tsisiche netsimbia tsiatsio shinga olwa tsili, obwonya netsimbia tsiabwo shinga olwa tsili, mahalang'ang'a netsimbia tsiabio shinga olwa tsili, amatete netsimbia tsiako shinga olwa tsili. 23Nebutswa ebikukule bindi biosi ebiebilenje bine nomusilo khwinye okhulia.
24“Omundu yesi yesi outiila khunyama yetsisolo tsifwile butswa alaba owomusilo okhuula khungoloobe. 25Naye ouchinga inyama yatsio, okhuula yosie ebifwalobie, khandi alaba owomusilo okhuula khungoloobe. 26Buli isolo eyetsindekeyi tsiayo tsilakabukhanilamwo elala ta, noho eyilanyanyanga ikamuula ta, neyomusilo khwinywe okhulia. Omundu yesi ouchitilakhwo aba owomusilo. 27Khandi tsisolo tsiosi etsichendelanga ebikhumbu, mutsisolo etsichendanga khubilenje bine, tsiosi netsiomusilo khwinywe. Omundu yesi outiila khunyama yatsio aba owomusilo okhuula khungoloobe. 28Naye ouchingakhwo khunyama yatsio, okhuula yosie ebifwalobie, khandi alaba owomusilo okhuula khungoloobe. Etsio tsiosi netsiomusilo khwinywe.
29“Ne mutsisolo tsimoolanga khushialo, tsino netsiomusilo khwinywe; ifukho, akhabuuto, lihumbachila netsimbia tsialio, 30libiakala, ikwena, libiakala eliomulwanda, lisiakali nende likhaniafu. 31Etsio tsiosi khutsimoolanga khwiloba netsiomusilo khwinywe. Omundu yesi outsiliakhwo nitsifwile aba owomusilo okhuula khungoloobe. 32Ne ndala khutsisolo tsino niyikwa khushindu shiosi niyifwile, eshindu eshio shilaba eshiomusilo. Shibe nishiakasibwa okhurula khulubao, noho khushifwalo, noho liseelo noho likunia, noho shiosi shiosi eshikhonyelungwa munjila yosi yosi, okhuula shirebwe mumaatsi. Ne shiba eshiomusilo okhuula khungoloobe, ne shiba eshisiiye. 33Ne isolo yosi yosi khutsio niyikwa munyungu niyifwile, eshindu shiosi eshilimwo shikwa eshiomusiolo, khandi okhuula inyungu eyo yaarwe. 34Eshiokhulia shiosi shiosi eshili munyungu eyo, kata amaatsi kalimwo biosi nebiomusilo. 35Khandi eshindu shiosi eshieshitonye shieinyama yetsisolo tsifwile etsio shikwakhwo, shilaba eshiomusilo; libe lichiiko noho amayika, okhuula shiarwe shitubulwe mubitonye. Ebindu ebio bilaba ebiomusilo kata khwinywe. 36Nebutswa isebele noho liyabo elilimwo amaatsi lilaba lisiiye; Halali eshindu shindi shiosi eshitila khunyama yetsisolo etsio shilaba eshiomusilo. 37Ne inyama yatsio yosi yosi niyiba niyikwa khu imwo eyitsitsanga okhurakwa, imwo eyo neyindayi. 38Nebutswa imwo eyo niyinikhwa mumaatsi mana eshitonye shieinyama yeyisolo yifwile eyo nishikwakhwo, imwo eyo yiba eyomusilo.
39“Ne isolo yosi yosi eyokhulibwa niyifwa, omundu yesi outiila khunyama yayio aba womusilo okhuula khungoloobe. 40Naye oulia inyama eyo, okhuula yosie ebifwalobie, nebutswa alaba owomusilo okhuula khungoloobe. Omundu yesi ouchinga eshitonye shieyinyama eyo okhuula yosie ebifwalobie, khandi alaba owomusilo okhuula khungoloobe.
41“Mulaliekhwo eshindu shiosi eshiselaselanga khushialo tawe, neshiomusilo khwinywe. 42Eshindu shiosi eshichendanga khulwa okhwikhwesa neinda, noho nebilenje bine, noho eshili nebilenje ebinji, nende ebiselaselanga khwiloba, nebiomusilo mulabiliekhwo tawe. 43Mulekholakhwo abeene okhuba abomusilo khulwa okhulia eshindu shiosi shiosi eshiselaselanga khushialo tawe. Khandi muleyonoonia abeene khulwa okhulia ebindu ebio tawe. Nimukhola murio mulaba abomusilo. 44#Abal. 19:2; 1 Pet. 1:16Isie OMWAMI Nyasaye, nisie Nyasaye wenywe, khulweshio mwisiiye abeene mana mube abatakatifu shichila isie omwene endi omutakatifu. Muleyonoonia abeene khulwa okhulia isolo yosi eyimoolanga khwiloba tawe. 45Nisie OMWAMI Nyasaye owamurusia mushialo shia Misiri, mbu embe Nyasaye wenywe. Khulweshio okhuula mube abatakatifu shichila isie endi omutakatifu.”
46Lino nilio lilako elilondana netsisolo, amanyonyi nende eshilonje shiosi shiosi eshilamu eshichendelanga mumaatsi nende buli eshilonje eshiselaselanga khushialo, 47okhuula mulikhonyele okhwahukhasia ebindu ebiomusilo nende ebilali ebiomusilo ta, khandi ebilonje ebili nobulamu ebia munyala okhulia nende abilamu ebia mulanyala okhulia tawe.
Currently Selected:
ABALAWI 11: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 11
11
Tsisolo tsikhoyile okhulibwa
(Okhuk. 14:3-21)
1Mana OMWAMI Nyasaye naboolela Musa nende Haroni mbu 2aboolele Abaisiraeli ari, “Mutsisolo tsiosi tsiokhushialo, munyala okhuliakhwo etsiloondakhwo tsino. 3Isolo yosi yosi yetsindekeyi khandi eyetsindekeyi tsiayo tsiakabukhanamwo hakari, khandi eyinyanyanga ikamuula. 4Ne kata isolo niyiba niyinyanyanga ikamuula, ne tsindekeyi tsiayo nitsialakabukhanamwo ta, mulachuliekhwo tawe. Ingamia kata niyinyanyanga ikamuula, tsindekeyi tsiayo shitsiakabukhanamwo tawe, nomusilo khwinywe okhuchilia. 5Lichieneli kata nilinyanyanga ikamuula nebutswa shiliakabukhanamwo tsindekeyi tawe, nomusilo khwinywe okhulilia. 6Eshituyu kata nishinyanyanga ikamuula, nebutswa shichila shishiakabukhanamwo tsindekeyi ta, nomusilo khwinywe okhushilia. 7Nomusilo khwinywe okhulia imbiitsi, shichila kata niyakabukhanamwo tsindekeyi, nebutswa shiyinyanyanga ikamuula tawe. 8Mulaliekhwo kata okhutiilakhwo khunyama yatsio nitsifwile tawe, shichila netsiomusilo.
9“Munyala okhuliakhwo tsinyeni noho shiosi shiosi eshimenyanga munyanza noho mumuchela eshili namakhambaya nende eshibehe. 10Nebutswa eshindu shiosi eshimenyanga munyanza noho mumwalo, eshilali neshibehe nende amakhambaya ta, mulaliekhwo tawe. 11Ebio nomusilo khwinywe okhubilia. Mulaliekhwo inyama yabio kata okhutiilakhwo khumibili chabio nibifwile tawe, shichilla nebiomusilo khwinywe. 12Eshindu shiosi eshimenyanga mumaatsi eshibula eshibehe noho amakhambaya mulaliekhwo ta, shichila neshiomusilo.
13“Khandi amanyonyi kaloondakhwo kano nakomusilo, kalalibwakhwo tawe; indutsu, eshikhokorelo, lihuutsilo, 14eshikhupi, olukakha nende tsimbia tsialwo shinga olwa tsili, 15likhokho netsimbia tsialio shinga olwa tsili, 16lihuto, imbukambuka, inyanje, lihungu netsimbia tsialio shinga olwa tsili, 17likhuule, namulobi, liyichichi, 18ifitibili, imware, ingosia, 19likuyi, linakha netsimbia tsialio shinga olwa tsili, lihutihuti nende linyinya.
20“Ebikukule biatsimbaha ebimoolanga nebilenje bine nomusilo khwinywe okhulia. 21Nebutswa mubikukule ebio munyala okhulia ebiruka rukanga. 22Khubio mulitsenje ebilondakhwo bino; tsisiche netsimbia tsiatsio shinga olwa tsili, obwonya netsimbia tsiabwo shinga olwa tsili, mahalang'ang'a netsimbia tsiabio shinga olwa tsili, amatete netsimbia tsiako shinga olwa tsili. 23Nebutswa ebikukule bindi biosi ebiebilenje bine nomusilo khwinye okhulia.
24“Omundu yesi yesi outiila khunyama yetsisolo tsifwile butswa alaba owomusilo okhuula khungoloobe. 25Naye ouchinga inyama yatsio, okhuula yosie ebifwalobie, khandi alaba owomusilo okhuula khungoloobe. 26Buli isolo eyetsindekeyi tsiayo tsilakabukhanilamwo elala ta, noho eyilanyanyanga ikamuula ta, neyomusilo khwinywe okhulia. Omundu yesi ouchitilakhwo aba owomusilo. 27Khandi tsisolo tsiosi etsichendelanga ebikhumbu, mutsisolo etsichendanga khubilenje bine, tsiosi netsiomusilo khwinywe. Omundu yesi outiila khunyama yatsio aba owomusilo okhuula khungoloobe. 28Naye ouchingakhwo khunyama yatsio, okhuula yosie ebifwalobie, khandi alaba owomusilo okhuula khungoloobe. Etsio tsiosi netsiomusilo khwinywe.
29“Ne mutsisolo tsimoolanga khushialo, tsino netsiomusilo khwinywe; ifukho, akhabuuto, lihumbachila netsimbia tsialio, 30libiakala, ikwena, libiakala eliomulwanda, lisiakali nende likhaniafu. 31Etsio tsiosi khutsimoolanga khwiloba netsiomusilo khwinywe. Omundu yesi outsiliakhwo nitsifwile aba owomusilo okhuula khungoloobe. 32Ne ndala khutsisolo tsino niyikwa khushindu shiosi niyifwile, eshindu eshio shilaba eshiomusilo. Shibe nishiakasibwa okhurula khulubao, noho khushifwalo, noho liseelo noho likunia, noho shiosi shiosi eshikhonyelungwa munjila yosi yosi, okhuula shirebwe mumaatsi. Ne shiba eshiomusilo okhuula khungoloobe, ne shiba eshisiiye. 33Ne isolo yosi yosi khutsio niyikwa munyungu niyifwile, eshindu shiosi eshilimwo shikwa eshiomusiolo, khandi okhuula inyungu eyo yaarwe. 34Eshiokhulia shiosi shiosi eshili munyungu eyo, kata amaatsi kalimwo biosi nebiomusilo. 35Khandi eshindu shiosi eshieshitonye shieinyama yetsisolo tsifwile etsio shikwakhwo, shilaba eshiomusilo; libe lichiiko noho amayika, okhuula shiarwe shitubulwe mubitonye. Ebindu ebio bilaba ebiomusilo kata khwinywe. 36Nebutswa isebele noho liyabo elilimwo amaatsi lilaba lisiiye; Halali eshindu shindi shiosi eshitila khunyama yetsisolo etsio shilaba eshiomusilo. 37Ne inyama yatsio yosi yosi niyiba niyikwa khu imwo eyitsitsanga okhurakwa, imwo eyo neyindayi. 38Nebutswa imwo eyo niyinikhwa mumaatsi mana eshitonye shieinyama yeyisolo yifwile eyo nishikwakhwo, imwo eyo yiba eyomusilo.
39“Ne isolo yosi yosi eyokhulibwa niyifwa, omundu yesi outiila khunyama yayio aba womusilo okhuula khungoloobe. 40Naye oulia inyama eyo, okhuula yosie ebifwalobie, nebutswa alaba owomusilo okhuula khungoloobe. Omundu yesi ouchinga eshitonye shieyinyama eyo okhuula yosie ebifwalobie, khandi alaba owomusilo okhuula khungoloobe.
41“Mulaliekhwo eshindu shiosi eshiselaselanga khushialo tawe, neshiomusilo khwinywe. 42Eshindu shiosi eshichendanga khulwa okhwikhwesa neinda, noho nebilenje bine, noho eshili nebilenje ebinji, nende ebiselaselanga khwiloba, nebiomusilo mulabiliekhwo tawe. 43Mulekholakhwo abeene okhuba abomusilo khulwa okhulia eshindu shiosi shiosi eshiselaselanga khushialo tawe. Khandi muleyonoonia abeene khulwa okhulia ebindu ebio tawe. Nimukhola murio mulaba abomusilo. 44#Abal. 19:2; 1 Pet. 1:16Isie OMWAMI Nyasaye, nisie Nyasaye wenywe, khulweshio mwisiiye abeene mana mube abatakatifu shichila isie omwene endi omutakatifu. Muleyonoonia abeene khulwa okhulia isolo yosi eyimoolanga khwiloba tawe. 45Nisie OMWAMI Nyasaye owamurusia mushialo shia Misiri, mbu embe Nyasaye wenywe. Khulweshio okhuula mube abatakatifu shichila isie endi omutakatifu.”
46Lino nilio lilako elilondana netsisolo, amanyonyi nende eshilonje shiosi shiosi eshilamu eshichendelanga mumaatsi nende buli eshilonje eshiselaselanga khushialo, 47okhuula mulikhonyele okhwahukhasia ebindu ebiomusilo nende ebilali ebiomusilo ta, khandi ebilonje ebili nobulamu ebia munyala okhulia nende abilamu ebia mulanyala okhulia tawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in