OKHURULA 26
26
Liheema liokhubaho okhwa OMWAMI Nyasaye
(Okhur. 36:8-38)
1“Okhumeetakhwo, okaasie liheema litakatifu, okhurula khubitonye ekhumi bieingubo ishinga yeikitani, eyalushilwamwo obuusi bwobukondo bwa buluu, bweisambarao nende obwakhanyu. Ong'olekhwo obulayi bwene ebifwanani biebilonje bietsimbaha. 2Buli eshitonye shieingubo ishinga eyo okhuula shibe eshihelana. Shibe eshioburambi buhela tsimita ekhumi natsibili, nabwo obuchiikha tsimita tsibili. 3Onabe niungaasia ebitonye bieingubo ishinga birano ebio biikhole ingubo ndala, khandi onabe niungaasia ebindi birano ebio orio. 4Khwichemo khwa buli ingubo ishinga iliimaasiibwe eyo, onabilekhwo ebifuulwa bieingubo yobukondo bwa buluu. Khandi okhole orio khungubo ishinga yakhabili eyiliimaasiibwe halala eyo. 5Ore ebifuulwa amakhumi karano khushitonye shiambeli shieingubo ishinga iliimaasiibwe eyo, khandi ore ebifuulwa bindi amakhumi karano bileeng'aasibwe nende eshitonye shiokhumalilikha shieingubo ishinga yakhabili iliimaasiibwe eyo. 6Khandi okaasie ebitiili amakhumi karano, ebiakaasibwa okhurula khutsahabu, bibe ebiokhuliimaasia halala tsingubo tsishinga tsibili etsiliimaasiibwe etsio mbu, tsiikhole ingubo ndala kho mbu, liheema elo libe lilamba.
7“Obukule ebitonye bietsingubo tsishinga ekhumi nandala, etsiakaasibwa khubwoya bwetsimbusi mana okaasie ingubo yindi ishinga, yibe eyokhufuunikha khwiheema elo. 8Okaasie ebitonye bietsingubo tsishinga ekhumi nandala ebio bibe ebihelaana, bibe ebioburambi obuhela tsimita ekhumi natsitaru, nabwo obuchiikha tsimita tsibili. 9Onabe noliimaasia halala tsingubo tsishinga tsirano tsiikhole ingubo ndala, natsio etsindi tsisasaba otsiliimaasie tsibe ingubo ndala. Ingubo ishinga yoliimaasiiye okhurula khutsingubo tsisasaba eyo, ochifuumbemwo khabili, yibe khwikulu imbeli weliheema elo. 10Mana ore ebifuulwa amakhumi karano khuluhanda lweingubo ishinga yokhumalilikha eyo, khandi ore ebifuulwa amakhumi karano khuluhanda lweingubo ishinga yindi eyo. 11Khandi okaasie ebitiili biomukasa amakhumi karano, ebiokhuliimaasia halala tsingubo tsishinga etsiliimaasiibwe etsio mbu, tsiikhole ingubo ndala eyokhufuunikha khwiheema elo. 12Mana inusu yeingubo ishinga yindi eyiba niyitoonyile eyo, ochibambule namukongo weliheema elo. 13Ingubo ishinga oburambi bwetsisendimita amakhumi karano tsitoong'a khubuli olubeka lweliheema elo, ochifumbemwo yeleele khutsimbeka tsiosi khulwa okhufuunikha liheema elo mutsimbeka etsio.
14“Okaasie ebifuunikho bindi bibili okhurula khumaseelo kamakondi nende aketsimbusi. Eyikaasibwe okhurula khwiseelo lielikondi olibashilekhwo irangi inzakhanyu nalio eliindi elo libe elieliselo linyushe, libe eliokhufuunikha mukari mweliheema.
15“Okaasie emikuulo chieliheema emikololofu okhurula khumusaala kwomupeli. 16Buli omukuulo kube kwoburambi obuhela tsimita tsine, nabwo obubambalifu bwakwo bube tsisendimita amakhumi kasasaba natsisasaba. 17Buli omukuulo kube namasaka kabili, akokhuliimaasia emikuulo echio chiosi halala. 18Okaasie emikuulo amakhumi kabili emulambo weliheema elo. 19Khandi okaasie ebitiisi amakhumi kane ebieifetsa mana buli omukuulo mulala kwikhaleje khubitiisi bibili, khulwokhutiila amasaka kachio kabili ako. 20Okaasie emikuulo amakhumi kabili emasaba waliheema elo, 21nende ebitiisi ebieifetsa amakhumi kane, mama ebitiisi bibili bibe hasi wabuli omukuulo mulala. 22Okaasie emikuulo chisasaba khulwa enamukuru weliheema elo, khulubeka lwemumbo, 23khandi okaasie echindi chibili nachio chibe echiomutsikoona. 24Emikuulo chiomutsikoona echio chikhoyile okhulekhana hasi wachio, nebutswa chiliimaasibwe hekulu wachio. Emikuulo chindi chibili echio chiosi chikholwe chirio. 25Chibeho emikuulo munane nebitiisi biachio bieifetsa ekhumi nabisasaba. Ebitiisi bibili birebwe hasi wa buli omukuulo mulala.
26“Okaasie tsisheti ekhumi natsirano okhurula khumusaala kwomupeli, tsirano tsibe khulwa emikuulo chiolubeka lulala lwaliheema elo, 27tsirano tsibe khulubeka lundi lweliheema, natsio etsindi tsirano tsibe khulubeka lwa Mumbo weliheema, enamukuru walio. 28Olusheti lwa hakari nalwo lubire hakari wemikuulo echio, lubire okhurulila khulubeka lulala lweliheema elo okhuula khulubeka lundi lwalio. 29Obashe khumikuulo echio itsahabu mana ochikaasilie ebitiili bieitsahabu khulwa okhutiila tsisheti etsio, ne khandi tsisheti etsio tsiosi otsibashekhwo itsahabu. 30Okaasie liheema elo shinga olwa ekhumanyiye khushikulu khuno. 31Okaasie ingubo ishinga okhurula khubuusi obunyushe bweikitani obwalushilwamwo obuusi bwobukondo bwa buluu, bweisambarao nende obwakhanyu. Ong'olekhwo ebifwanani biebilonje bietsimbaha. 32Mana wachishe ingubo eyo khusiilo tsine tsiomusaala kwomupeli, tsiafuunikhwa nende itsahabu eyilikhwo ebitiili biarenjekhwa khubitiisi bine biemikasa. 33#Abaheb. 6:19; 9:3-5Wachishe ingubo ishinga eyo hasi webitiili bili hashisuli weliheema, ne inyuma weingubo ishinga eyo, oreyo lisanduku liamalako, elilimwo amachina kabili kalikhwo amalako. Ingubo ishinga eyo yilakabulamwo habundu hatakatifu nende habundu hatakatifu muno. 34Ore eshifuunikho khwisanduku liamalako elo. 35Orenjeshe imesa elwanyi weingubo ishinga eyo, emasaba wa habundu hatakatifu muno, nashio eshichibi shieitaha oshirenjeshe emulambo weliheema elia OMWAMI Nyasaye, shihengane nende imesa eyo.
36“Okaasie ingubo ishinga yeikitani eyalushilwamwo obuusi bwobukondo bwa buluu, bweisambarao nende obwakhanyu khulwa omuliango kweliheema elia OMWAMI Nyasaye, khandi eyang'oonwa nobuusi obulayi. 37Okaasie tsisiilo tsirano okhurula khumusaala kwomupeli, mana otsibashekhwo itsahabu khandi orekhwo ebitiili biakaasibwa okhurula khutsahabu. Okaasie ebichibi ebiakaasibwa okhurula khumukasa khulwa tsisiilo etsio.
Currently Selected:
OKHURULA 26: OLUPR
Highlight
Copy
Compare
Share
Want to have your highlights saved across all your devices? Sign up or sign in
OKHURULA 26
26
Liheema liokhubaho okhwa OMWAMI Nyasaye
(Okhur. 36:8-38)
1“Okhumeetakhwo, okaasie liheema litakatifu, okhurula khubitonye ekhumi bieingubo ishinga yeikitani, eyalushilwamwo obuusi bwobukondo bwa buluu, bweisambarao nende obwakhanyu. Ong'olekhwo obulayi bwene ebifwanani biebilonje bietsimbaha. 2Buli eshitonye shieingubo ishinga eyo okhuula shibe eshihelana. Shibe eshioburambi buhela tsimita ekhumi natsibili, nabwo obuchiikha tsimita tsibili. 3Onabe niungaasia ebitonye bieingubo ishinga birano ebio biikhole ingubo ndala, khandi onabe niungaasia ebindi birano ebio orio. 4Khwichemo khwa buli ingubo ishinga iliimaasiibwe eyo, onabilekhwo ebifuulwa bieingubo yobukondo bwa buluu. Khandi okhole orio khungubo ishinga yakhabili eyiliimaasiibwe halala eyo. 5Ore ebifuulwa amakhumi karano khushitonye shiambeli shieingubo ishinga iliimaasiibwe eyo, khandi ore ebifuulwa bindi amakhumi karano bileeng'aasibwe nende eshitonye shiokhumalilikha shieingubo ishinga yakhabili iliimaasiibwe eyo. 6Khandi okaasie ebitiili amakhumi karano, ebiakaasibwa okhurula khutsahabu, bibe ebiokhuliimaasia halala tsingubo tsishinga tsibili etsiliimaasiibwe etsio mbu, tsiikhole ingubo ndala kho mbu, liheema elo libe lilamba.
7“Obukule ebitonye bietsingubo tsishinga ekhumi nandala, etsiakaasibwa khubwoya bwetsimbusi mana okaasie ingubo yindi ishinga, yibe eyokhufuunikha khwiheema elo. 8Okaasie ebitonye bietsingubo tsishinga ekhumi nandala ebio bibe ebihelaana, bibe ebioburambi obuhela tsimita ekhumi natsitaru, nabwo obuchiikha tsimita tsibili. 9Onabe noliimaasia halala tsingubo tsishinga tsirano tsiikhole ingubo ndala, natsio etsindi tsisasaba otsiliimaasie tsibe ingubo ndala. Ingubo ishinga yoliimaasiiye okhurula khutsingubo tsisasaba eyo, ochifuumbemwo khabili, yibe khwikulu imbeli weliheema elo. 10Mana ore ebifuulwa amakhumi karano khuluhanda lweingubo ishinga yokhumalilikha eyo, khandi ore ebifuulwa amakhumi karano khuluhanda lweingubo ishinga yindi eyo. 11Khandi okaasie ebitiili biomukasa amakhumi karano, ebiokhuliimaasia halala tsingubo tsishinga etsiliimaasiibwe etsio mbu, tsiikhole ingubo ndala eyokhufuunikha khwiheema elo. 12Mana inusu yeingubo ishinga yindi eyiba niyitoonyile eyo, ochibambule namukongo weliheema elo. 13Ingubo ishinga oburambi bwetsisendimita amakhumi karano tsitoong'a khubuli olubeka lweliheema elo, ochifumbemwo yeleele khutsimbeka tsiosi khulwa okhufuunikha liheema elo mutsimbeka etsio.
14“Okaasie ebifuunikho bindi bibili okhurula khumaseelo kamakondi nende aketsimbusi. Eyikaasibwe okhurula khwiseelo lielikondi olibashilekhwo irangi inzakhanyu nalio eliindi elo libe elieliselo linyushe, libe eliokhufuunikha mukari mweliheema.
15“Okaasie emikuulo chieliheema emikololofu okhurula khumusaala kwomupeli. 16Buli omukuulo kube kwoburambi obuhela tsimita tsine, nabwo obubambalifu bwakwo bube tsisendimita amakhumi kasasaba natsisasaba. 17Buli omukuulo kube namasaka kabili, akokhuliimaasia emikuulo echio chiosi halala. 18Okaasie emikuulo amakhumi kabili emulambo weliheema elo. 19Khandi okaasie ebitiisi amakhumi kane ebieifetsa mana buli omukuulo mulala kwikhaleje khubitiisi bibili, khulwokhutiila amasaka kachio kabili ako. 20Okaasie emikuulo amakhumi kabili emasaba waliheema elo, 21nende ebitiisi ebieifetsa amakhumi kane, mama ebitiisi bibili bibe hasi wabuli omukuulo mulala. 22Okaasie emikuulo chisasaba khulwa enamukuru weliheema elo, khulubeka lwemumbo, 23khandi okaasie echindi chibili nachio chibe echiomutsikoona. 24Emikuulo chiomutsikoona echio chikhoyile okhulekhana hasi wachio, nebutswa chiliimaasibwe hekulu wachio. Emikuulo chindi chibili echio chiosi chikholwe chirio. 25Chibeho emikuulo munane nebitiisi biachio bieifetsa ekhumi nabisasaba. Ebitiisi bibili birebwe hasi wa buli omukuulo mulala.
26“Okaasie tsisheti ekhumi natsirano okhurula khumusaala kwomupeli, tsirano tsibe khulwa emikuulo chiolubeka lulala lwaliheema elo, 27tsirano tsibe khulubeka lundi lweliheema, natsio etsindi tsirano tsibe khulubeka lwa Mumbo weliheema, enamukuru walio. 28Olusheti lwa hakari nalwo lubire hakari wemikuulo echio, lubire okhurulila khulubeka lulala lweliheema elo okhuula khulubeka lundi lwalio. 29Obashe khumikuulo echio itsahabu mana ochikaasilie ebitiili bieitsahabu khulwa okhutiila tsisheti etsio, ne khandi tsisheti etsio tsiosi otsibashekhwo itsahabu. 30Okaasie liheema elo shinga olwa ekhumanyiye khushikulu khuno. 31Okaasie ingubo ishinga okhurula khubuusi obunyushe bweikitani obwalushilwamwo obuusi bwobukondo bwa buluu, bweisambarao nende obwakhanyu. Ong'olekhwo ebifwanani biebilonje bietsimbaha. 32Mana wachishe ingubo eyo khusiilo tsine tsiomusaala kwomupeli, tsiafuunikhwa nende itsahabu eyilikhwo ebitiili biarenjekhwa khubitiisi bine biemikasa. 33#Abaheb. 6:19; 9:3-5Wachishe ingubo ishinga eyo hasi webitiili bili hashisuli weliheema, ne inyuma weingubo ishinga eyo, oreyo lisanduku liamalako, elilimwo amachina kabili kalikhwo amalako. Ingubo ishinga eyo yilakabulamwo habundu hatakatifu nende habundu hatakatifu muno. 34Ore eshifuunikho khwisanduku liamalako elo. 35Orenjeshe imesa elwanyi weingubo ishinga eyo, emasaba wa habundu hatakatifu muno, nashio eshichibi shieitaha oshirenjeshe emulambo weliheema elia OMWAMI Nyasaye, shihengane nende imesa eyo.
36“Okaasie ingubo ishinga yeikitani eyalushilwamwo obuusi bwobukondo bwa buluu, bweisambarao nende obwakhanyu khulwa omuliango kweliheema elia OMWAMI Nyasaye, khandi eyang'oonwa nobuusi obulayi. 37Okaasie tsisiilo tsirano okhurula khumusaala kwomupeli, mana otsibashekhwo itsahabu khandi orekhwo ebitiili biakaasibwa okhurula khutsahabu. Okaasie ebichibi ebiakaasibwa okhurula khumukasa khulwa tsisiilo etsio.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in