Bar. 4
4
1Nono, khuboole khuli siina, khu kuuka wefwe Aburahamu? Kaba karie khu niye? 2Wele amukhola khuba omuluungi khulwe bibiindu nibio akhola, andi aba ne sisiindu sie khukhwebonesiliakho, ne se muli mumoni cha Wele tawe. 3#Lir. 15.6; Bakal. 3.6 Liiandiko liboola lili, “Aburahamu asuubila Wele, ne khulwe lisuubila liewe Wele amufukiilila nga omuluungi.” 4Omundu okholanga kimilimo aruungangwa kumuruungo kwewe, ne se kubalwa nga siianwa tawe, sili sisiindu nisio akhoyeele anyoole. 5Ne omundu omenyela khu lisuubila ookheyikina bikholwa biewe omwene tawe, lundi osuubilanga mu Wele, oboolanga ali owe kumusaango se ali ne bubwoni bwosi bwosi tawe, lili lisuubila lino nilio Wele abalanga nio amukhola aba omuluungi ne naye. 6Lino nilio Daudi abakho nga ne alomaloma khu ke busangaafu bwo mundu niye Wele afukiililanga nga omuluungi, mu khulekha khubalilila sisiindu siosi siosi nisio akholanga.
7 #
Chiny. 32.1-2
“Bali ne busangaafu abo nibo kamakhiikha kabwe kabeeleelwe,
nibo bubwoni bwabwe bubeeleelwe!
8Ali ne busangaafu omundu niye Omwami alilekha khubala bubwoni bwewe!”
9Busangaafu nibwo Daudi alomalomakho buno bwaba khwaabo babakhebwa bong'ene ku? Se kali kario tawe! Bwaba akhaba khu basiinde boosi. Sikila khwabukuule mu liiandiko, “Aburahamu asuubila Wele, ne sikila lisuubila liewe Wele amufukiilila nga Omuluungi.” 10Kano kakholekha liina? Kaba enyuma namwe ebweeni we khukhebwa khwa Aburahamu? Karangila ebweeni we khukhebwa khwewe seli enyuma tawe. 11#Lir. 17.10 Akhebwa enyuma wako, ne likhebwa liewe liaba simanyisio sisiekesia sili, sikila lisuubila liewe Wele aba amufukiilile nga omuluungi nakhakhebwa tawe. Nono khwako Aburahamu ali raraawe owa boosi mu Roho, abo basuubila mu Wele mala bafukiililwa nga baluungi ne naye, akhaba ne bali basiinde. 12Ali lundi Paapa owe babaandu, nibo, mukhutasakho khu likhebwa, bamenyanga limenya lie liliene ne liliene nga nilio Paapa wefwe Aburahamu amenya nakhakhebwa tawe.
Khunyoola lisuubisia lia Wele khubirira mu lisuubila
13 #
Lir. 17.4-6; 22.17-18; Bakal. 3.29 Wele asuubisia Aburahamu ne lisaaye liewe ali sibala sikhabe sisiewe. Sakhola ario sikila Aburahamu aria Lilaka tawe, ne kakhali sikila asuubila mala afukiililwa nga omuluungi ne Wele. 14#Bakal. 3.18 Ne kaba bali niko Wele asuubisia kaanwa khwaabo baria Lilaka, nono aba lisuubila se lili ne sifuno tawe, ne lisuubisia lia Wele selili ne bukhala tawe. 15Lilaka lireeranga lirima lia Wele, ne niio lilaka likhali tawe, lifunaka lie Lilaka se liliio tawe.
16 #
Bakal. 3.7
Khwako, lisuubisia liaba mu lisuubila, nio lisuubisia chana liole khuba silakilisibwa, nga siianwa sia Wele sia busa khu lisaaye lia Aburahamu, se kali busa khwaabo baria lilaka tawe, ne khali akhaba khwaabo boosi basuubila nga Aburahamu nakhola. Sikila Aburahamu ali paapa wefwe fweesi mu Roho, 17#Lir. 17.5 nga liiandiko liboolanga lili, “Nakhukholile raraawe owe Chikholo chingali.” Nono lisuubisia lili lilayi mumoni cha Wele niye Aburahamu asuubilamo, Wele olamusianga bafu, ne khukhila bibiindu bikhabechangao tawe, bibao khu Lilaka liewe.
18 #
Lir. 15.5
Aburahamu asuubila mala eyikina, akhaba sifuno sie khukhwiyikina ne sikhabao tawe, nio khwako ekela, “Raraawe we Chikholo chingali.” Kali busa nga liiandiko liboolanga lili, “Lisaaye liowo liliba likali nga ching'enieesi.” 19#Lir. 17.17 Abwenao Aburahamu aba ne bukhulu bwe kimiiko embi emia ndala, ne akhaba kario lisuubila liewe se liatekhelana nga ebaasia kumubili kwewe tawe, kukwaba ne kwafwa khaale, namwe nga Sara aba nakhanyala asaala babaana tawe. 20Lisuubila liewe se liamuwamo tawe, ne se aayaaya khu lisuubisia lia Wele tawe, lisuubila liewe liamwichusiamo bunyali, mala waana efuma khu Wele. 21Aba ne bung'ali elala ali Wele anyala khukhola niko asuubisia. 22Lino nilio liliakila Aburahamu, khubirira mu lisuubila, “Afukiililwa nga omuluungi ne Wele.” 23Kamakhuwa, “Afukiililwa nga omuluungi” se kaandikwa khulwa niye yeng'ene tawe. 24Kaandikwa akhaba khulwe babaandu nga efwe, khulafukiililwa nga baluungi, basuubila mu niye owalamusia Yesu Omwami wefwe khukhwama mu lifwa. 25#Isa. 53.4-5 Sikila bubwoni bwefwe, aanwa afwe, mala alamusibwe nio akhukhole efwe khube baluungi ne Wele.
Liluungisia ne Wele
Currently Selected:
Bar. 4: LUBUKUSU
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
Bar. 4
4
1Nono, khuboole khuli siina, khu kuuka wefwe Aburahamu? Kaba karie khu niye? 2Wele amukhola khuba omuluungi khulwe bibiindu nibio akhola, andi aba ne sisiindu sie khukhwebonesiliakho, ne se muli mumoni cha Wele tawe. 3#Lir. 15.6; Bakal. 3.6 Liiandiko liboola lili, “Aburahamu asuubila Wele, ne khulwe lisuubila liewe Wele amufukiilila nga omuluungi.” 4Omundu okholanga kimilimo aruungangwa kumuruungo kwewe, ne se kubalwa nga siianwa tawe, sili sisiindu nisio akhoyeele anyoole. 5Ne omundu omenyela khu lisuubila ookheyikina bikholwa biewe omwene tawe, lundi osuubilanga mu Wele, oboolanga ali owe kumusaango se ali ne bubwoni bwosi bwosi tawe, lili lisuubila lino nilio Wele abalanga nio amukhola aba omuluungi ne naye. 6Lino nilio Daudi abakho nga ne alomaloma khu ke busangaafu bwo mundu niye Wele afukiililanga nga omuluungi, mu khulekha khubalilila sisiindu siosi siosi nisio akholanga.
7 #
Chiny. 32.1-2
“Bali ne busangaafu abo nibo kamakhiikha kabwe kabeeleelwe,
nibo bubwoni bwabwe bubeeleelwe!
8Ali ne busangaafu omundu niye Omwami alilekha khubala bubwoni bwewe!”
9Busangaafu nibwo Daudi alomalomakho buno bwaba khwaabo babakhebwa bong'ene ku? Se kali kario tawe! Bwaba akhaba khu basiinde boosi. Sikila khwabukuule mu liiandiko, “Aburahamu asuubila Wele, ne sikila lisuubila liewe Wele amufukiilila nga Omuluungi.” 10Kano kakholekha liina? Kaba enyuma namwe ebweeni we khukhebwa khwa Aburahamu? Karangila ebweeni we khukhebwa khwewe seli enyuma tawe. 11#Lir. 17.10 Akhebwa enyuma wako, ne likhebwa liewe liaba simanyisio sisiekesia sili, sikila lisuubila liewe Wele aba amufukiilile nga omuluungi nakhakhebwa tawe. Nono khwako Aburahamu ali raraawe owa boosi mu Roho, abo basuubila mu Wele mala bafukiililwa nga baluungi ne naye, akhaba ne bali basiinde. 12Ali lundi Paapa owe babaandu, nibo, mukhutasakho khu likhebwa, bamenyanga limenya lie liliene ne liliene nga nilio Paapa wefwe Aburahamu amenya nakhakhebwa tawe.
Khunyoola lisuubisia lia Wele khubirira mu lisuubila
13 #
Lir. 17.4-6; 22.17-18; Bakal. 3.29 Wele asuubisia Aburahamu ne lisaaye liewe ali sibala sikhabe sisiewe. Sakhola ario sikila Aburahamu aria Lilaka tawe, ne kakhali sikila asuubila mala afukiililwa nga omuluungi ne Wele. 14#Bakal. 3.18 Ne kaba bali niko Wele asuubisia kaanwa khwaabo baria Lilaka, nono aba lisuubila se lili ne sifuno tawe, ne lisuubisia lia Wele selili ne bukhala tawe. 15Lilaka lireeranga lirima lia Wele, ne niio lilaka likhali tawe, lifunaka lie Lilaka se liliio tawe.
16 #
Bakal. 3.7
Khwako, lisuubisia liaba mu lisuubila, nio lisuubisia chana liole khuba silakilisibwa, nga siianwa sia Wele sia busa khu lisaaye lia Aburahamu, se kali busa khwaabo baria lilaka tawe, ne khali akhaba khwaabo boosi basuubila nga Aburahamu nakhola. Sikila Aburahamu ali paapa wefwe fweesi mu Roho, 17#Lir. 17.5 nga liiandiko liboolanga lili, “Nakhukholile raraawe owe Chikholo chingali.” Nono lisuubisia lili lilayi mumoni cha Wele niye Aburahamu asuubilamo, Wele olamusianga bafu, ne khukhila bibiindu bikhabechangao tawe, bibao khu Lilaka liewe.
18 #
Lir. 15.5
Aburahamu asuubila mala eyikina, akhaba sifuno sie khukhwiyikina ne sikhabao tawe, nio khwako ekela, “Raraawe we Chikholo chingali.” Kali busa nga liiandiko liboolanga lili, “Lisaaye liowo liliba likali nga ching'enieesi.” 19#Lir. 17.17 Abwenao Aburahamu aba ne bukhulu bwe kimiiko embi emia ndala, ne akhaba kario lisuubila liewe se liatekhelana nga ebaasia kumubili kwewe tawe, kukwaba ne kwafwa khaale, namwe nga Sara aba nakhanyala asaala babaana tawe. 20Lisuubila liewe se liamuwamo tawe, ne se aayaaya khu lisuubisia lia Wele tawe, lisuubila liewe liamwichusiamo bunyali, mala waana efuma khu Wele. 21Aba ne bung'ali elala ali Wele anyala khukhola niko asuubisia. 22Lino nilio liliakila Aburahamu, khubirira mu lisuubila, “Afukiililwa nga omuluungi ne Wele.” 23Kamakhuwa, “Afukiililwa nga omuluungi” se kaandikwa khulwa niye yeng'ene tawe. 24Kaandikwa akhaba khulwe babaandu nga efwe, khulafukiililwa nga baluungi, basuubila mu niye owalamusia Yesu Omwami wefwe khukhwama mu lifwa. 25#Isa. 53.4-5 Sikila bubwoni bwefwe, aanwa afwe, mala alamusibwe nio akhukhole efwe khube baluungi ne Wele.
Liluungisia ne Wele
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019