Isa. 1
1
1 #
2 Bab. 15.1-7; 15.32—16.20; 18.1—20.21; 2 Ke Ch. 26.1-23; 27.1-9; 28.1-27; 29.1-32,33 Obuno buli buloli nibwo Isaya okhwa Amozi, abona khu Yuda ne Yerusalemu mu ndaalo che bubwami bwa Usia, Yotamu, Ahasi ne Hesekia nga baloondekhana mukhwamiia Yuda.
Wele arafwira babaandu bewe
2Ulila, Ee likulu, ne rekeeresia Ee sibala,
sikila Wele Omunyali Owa Bioosi alomile ali,
“Babaana nabalela ne khubakhusia,
ne kakhali bangalukhaanekho.
3Eeyi emanyile owakibaya,
ne epunda emanyile lulweelo nilwo omwami wayo akilisiliakho.
Ne kakhali Baisiraeli se bamanyile tawe,
babaandu base se baulila tawe.”
4Aah, ekholo emayaanu,
babaandu babasuta kamamayaanu,
lisaaye lie bamayaanu,
babaana babakoyaana!
Banjuukhe Wele Omunyali Owa Bioosi,
bafwoochoole Omutakatifu owa Isiraeli,
mala bamulekeele elala.
5Siina sikila muchiililile khukhupwa?
Ne musichiililila khukhunjekaana?
Isiraeli kumurwe kwowo kwoosi kulwala,
ne kumwoyo kwoosi kwabeleele.
6Khukhwama mu siikhandakilo khukhwola khu lubotoosi,
mbao bulamu tawe,
ne kakhali khung'ukhaka ne kamabiimba,
ne kamakoonjo kakebeena,
se kasiingiilwe namwe se kaboebwe tawe,
namwe se kaakhibwe kamafura tawe.
7Sibala sienywe sianjuukhwe,
chingoba chenywe chayiile
baakwa bayaaya kamaloba kenywe mumoni chenywe,
sibala sianjuukhwe sikila bakeni basibuniisie.
8Yerusalemu lwaramire,
nga khasali mu liruuti lie kumusabibu
nga enju mu siluundu sie kamaoondo,
nga lukoba nilwo banamae babotookheleesie.
9 #
Lir. 19.24; Bar. 9.29 Abaanga Wele Omunyali Owa Bioosi owe banamae se akhulekhakho baona batiiti bari tawe,
khwakhabunile nga Sodomu ne Komora.
10Yerusalemu, babaami bowo ne babaandu bowo bali nga abo ba Sodomu ne Komora.
Ulila niko Wele Omunyali Owa Bioosi alikho akhuboolela.
Rekeeresia niko Wele wefwe alikho akhwekesia.
11 #
Amo. 5.21-22
Wele Omunyali Owa Bioosi aboola ali, “Mwibaasia muli nenya chimbosio chino choosi
nicho muchiililila khu khumbaanila?
Nanyalikhe ne biianwa bienywe bie kamakheese,
nibio mwosia nga chimbosio,
nende bie kiminaawa kie bibiaayo bienywe bilayi,
naluiiliile ne kamalasile ke chiuunwa,
ne kamakheese ne chimbusi.
12Naanu omuboolele munderere bibiindu bino bioosi ne mwiicha khukhusaaya?
Naanu omuboolele khukeendakeenda khuno mu Lukaangu mwase?
13Mbao bukhala khukhunderera biianwa bienywe tawe.
Nasinyiikhe ne kumuuya kwe bupaani nibwo mwosia,
se nyala nekhaliilikha naikara chenywe che kumwesi kumuya, chisabato chenywe,
nende libuusiana lienywe lie dini,
bioosi biabiyile khubeela bumayaanu bwenywe.
14Nabiila chinaikara chenywe che kumwesi kumuya,
ne chindaalo chindakatifu chabeele chisiro khwise:
Naluiiliile khukhwekhaliilikha.
15“Ne musuta kamakhono kenywe ne muli mu lisaba se khamubone tawe,
mwakhaba ne musaba kamasaba kamakali,
se ndirekeeresia tawe.
Sikila kamakhono kenywe kechula sifuki.
16Yesiinga mumiliie.
Lekha bikholwa bimayaanu bino bioosi!
Nibio ndikho mbona ne mukhola.
Lekha khukhola bumayaanu.
17Yeyika khukhola kamalayi,
yiima bung'ali,
rusiao bumiinikhi,
kholela bafuubi bung'ali bwabwe,
lundi babila banamulekhwa.”
18Wele Omunyali Owa Bioosi aloma ali,
“Yiicha nono khakhung'oone kakeefwe,
bubwoni bwenywe bwakhaba bubesemu lukali,
bulaba bawaanga chwe nga kamaarara;
bwakhaba bubesemu nga kamafuki,
bulaba buwaanga chererere nga efwamba.
19Ne mwaba ne mufukiilila mala mwandia,
mulalia bibiaamo bilayi khukhwama mu liloba.
20Ne mwaba ne mundekha,
mulaela muwe.
Ese Wele Omunyali Owa Bioosi, nalomile.”
Lukoba lwe bunyaalu
21Lukoba lulwaba lulweyikinwa
lwabeele nga omutaamba!
Lulwaba ne lwechula babaandu baluungi khale,
nekhali luno lulimo babeeri bong'ene.
22Yerusalemu khale waba nga efwesa,
ne khali luno soli ne bukhala tawe,
waba nga endali endayi, luno oli busa nga kameechi.
23Babemeelesi bowo bali bareengu,
lundi bali basaale be babeefwi,
Buli ndaalo bafukiilila biianwa,
nende chi asoya.
Se bababila bafuubi mu koti tawe,
namwe se barekeeresia kamalilo ke banamulekhwa tawe.
24Nono luno rekeeresia niko
Wele Omunyali Owa Bioosi,
Wele we kamaani owa Isiraeli, aloma:
“Nja khumweacha enywe basiku base,
mala se mulanania lundi tawe.
25Ndamuukuuma. Ndamumiliia
nga sichuuma siing'oonangwa,
ne khurusiao bumayaanu bwenywe bwoosi.
26Ndakhuelesia babemeelesi ne bakambisi nga bakhale abo.
Enyuma wako Yerusalemu lulilaangwa lukoba luluungi lundi lusuubilwa.”
27Sikila Wele Omunyali Owa Bioosi ali Omuluungi,
akhaonie Yerusalemu na buli mundu olimo owekanila.
28Ne kakhali alibunia buli mundu okhola bumayaanu
ne khumuchaama, aliira buli mundu omulekha.
29Mukhaambisibwe chisoni khulwe kimikhoonge nikio mwasangalilanga,
ne mukhabe ne chisoni khulwe biluundu nibio muroboore.
30Okhoome nga kumukhoonge,
lundi nga siluundu nisio bakhachukhangamo kameechi tawe.
31Nga efuungo neambisibwa ne chinjaso,
kaliba kario babaandu be kamaani balibunisibwa,
ne bikholwa biabwe biibi, mala salibao na mulala,
onyala wakamia libuna lino tawe.
Currently Selected:
Isa. 1: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Isa. 1
1
1 #
2 Bab. 15.1-7; 15.32—16.20; 18.1—20.21; 2 Ke Ch. 26.1-23; 27.1-9; 28.1-27; 29.1-32,33 Obuno buli buloli nibwo Isaya okhwa Amozi, abona khu Yuda ne Yerusalemu mu ndaalo che bubwami bwa Usia, Yotamu, Ahasi ne Hesekia nga baloondekhana mukhwamiia Yuda.
Wele arafwira babaandu bewe
2Ulila, Ee likulu, ne rekeeresia Ee sibala,
sikila Wele Omunyali Owa Bioosi alomile ali,
“Babaana nabalela ne khubakhusia,
ne kakhali bangalukhaanekho.
3Eeyi emanyile owakibaya,
ne epunda emanyile lulweelo nilwo omwami wayo akilisiliakho.
Ne kakhali Baisiraeli se bamanyile tawe,
babaandu base se baulila tawe.”
4Aah, ekholo emayaanu,
babaandu babasuta kamamayaanu,
lisaaye lie bamayaanu,
babaana babakoyaana!
Banjuukhe Wele Omunyali Owa Bioosi,
bafwoochoole Omutakatifu owa Isiraeli,
mala bamulekeele elala.
5Siina sikila muchiililile khukhupwa?
Ne musichiililila khukhunjekaana?
Isiraeli kumurwe kwowo kwoosi kulwala,
ne kumwoyo kwoosi kwabeleele.
6Khukhwama mu siikhandakilo khukhwola khu lubotoosi,
mbao bulamu tawe,
ne kakhali khung'ukhaka ne kamabiimba,
ne kamakoonjo kakebeena,
se kasiingiilwe namwe se kaboebwe tawe,
namwe se kaakhibwe kamafura tawe.
7Sibala sienywe sianjuukhwe,
chingoba chenywe chayiile
baakwa bayaaya kamaloba kenywe mumoni chenywe,
sibala sianjuukhwe sikila bakeni basibuniisie.
8Yerusalemu lwaramire,
nga khasali mu liruuti lie kumusabibu
nga enju mu siluundu sie kamaoondo,
nga lukoba nilwo banamae babotookheleesie.
9 #
Lir. 19.24; Bar. 9.29 Abaanga Wele Omunyali Owa Bioosi owe banamae se akhulekhakho baona batiiti bari tawe,
khwakhabunile nga Sodomu ne Komora.
10Yerusalemu, babaami bowo ne babaandu bowo bali nga abo ba Sodomu ne Komora.
Ulila niko Wele Omunyali Owa Bioosi alikho akhuboolela.
Rekeeresia niko Wele wefwe alikho akhwekesia.
11 #
Amo. 5.21-22
Wele Omunyali Owa Bioosi aboola ali, “Mwibaasia muli nenya chimbosio chino choosi
nicho muchiililila khu khumbaanila?
Nanyalikhe ne biianwa bienywe bie kamakheese,
nibio mwosia nga chimbosio,
nende bie kiminaawa kie bibiaayo bienywe bilayi,
naluiiliile ne kamalasile ke chiuunwa,
ne kamakheese ne chimbusi.
12Naanu omuboolele munderere bibiindu bino bioosi ne mwiicha khukhusaaya?
Naanu omuboolele khukeendakeenda khuno mu Lukaangu mwase?
13Mbao bukhala khukhunderera biianwa bienywe tawe.
Nasinyiikhe ne kumuuya kwe bupaani nibwo mwosia,
se nyala nekhaliilikha naikara chenywe che kumwesi kumuya, chisabato chenywe,
nende libuusiana lienywe lie dini,
bioosi biabiyile khubeela bumayaanu bwenywe.
14Nabiila chinaikara chenywe che kumwesi kumuya,
ne chindaalo chindakatifu chabeele chisiro khwise:
Naluiiliile khukhwekhaliilikha.
15“Ne musuta kamakhono kenywe ne muli mu lisaba se khamubone tawe,
mwakhaba ne musaba kamasaba kamakali,
se ndirekeeresia tawe.
Sikila kamakhono kenywe kechula sifuki.
16Yesiinga mumiliie.
Lekha bikholwa bimayaanu bino bioosi!
Nibio ndikho mbona ne mukhola.
Lekha khukhola bumayaanu.
17Yeyika khukhola kamalayi,
yiima bung'ali,
rusiao bumiinikhi,
kholela bafuubi bung'ali bwabwe,
lundi babila banamulekhwa.”
18Wele Omunyali Owa Bioosi aloma ali,
“Yiicha nono khakhung'oone kakeefwe,
bubwoni bwenywe bwakhaba bubesemu lukali,
bulaba bawaanga chwe nga kamaarara;
bwakhaba bubesemu nga kamafuki,
bulaba buwaanga chererere nga efwamba.
19Ne mwaba ne mufukiilila mala mwandia,
mulalia bibiaamo bilayi khukhwama mu liloba.
20Ne mwaba ne mundekha,
mulaela muwe.
Ese Wele Omunyali Owa Bioosi, nalomile.”
Lukoba lwe bunyaalu
21Lukoba lulwaba lulweyikinwa
lwabeele nga omutaamba!
Lulwaba ne lwechula babaandu baluungi khale,
nekhali luno lulimo babeeri bong'ene.
22Yerusalemu khale waba nga efwesa,
ne khali luno soli ne bukhala tawe,
waba nga endali endayi, luno oli busa nga kameechi.
23Babemeelesi bowo bali bareengu,
lundi bali basaale be babeefwi,
Buli ndaalo bafukiilila biianwa,
nende chi asoya.
Se bababila bafuubi mu koti tawe,
namwe se barekeeresia kamalilo ke banamulekhwa tawe.
24Nono luno rekeeresia niko
Wele Omunyali Owa Bioosi,
Wele we kamaani owa Isiraeli, aloma:
“Nja khumweacha enywe basiku base,
mala se mulanania lundi tawe.
25Ndamuukuuma. Ndamumiliia
nga sichuuma siing'oonangwa,
ne khurusiao bumayaanu bwenywe bwoosi.
26Ndakhuelesia babemeelesi ne bakambisi nga bakhale abo.
Enyuma wako Yerusalemu lulilaangwa lukoba luluungi lundi lusuubilwa.”
27Sikila Wele Omunyali Owa Bioosi ali Omuluungi,
akhaonie Yerusalemu na buli mundu olimo owekanila.
28Ne kakhali alibunia buli mundu okhola bumayaanu
ne khumuchaama, aliira buli mundu omulekha.
29Mukhaambisibwe chisoni khulwe kimikhoonge nikio mwasangalilanga,
ne mukhabe ne chisoni khulwe biluundu nibio muroboore.
30Okhoome nga kumukhoonge,
lundi nga siluundu nisio bakhachukhangamo kameechi tawe.
31Nga efuungo neambisibwa ne chinjaso,
kaliba kario babaandu be kamaani balibunisibwa,
ne bikholwa biabwe biibi, mala salibao na mulala,
onyala wakamia libuna lino tawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019