Mathayo Weche Motelo

Weche Motelo

Kitabuni nondik gi Mathayo mane en jasol osuru. En e achiel kuom ji mane Yesu oluongo mokwongo e kinde mane ochako tichne kendo en janeno wangʼ gi wangʼ kuom tije mangʼeny mane Yesu otimo.

Kitabuni ochak ndike kinyisogo kuom nywol Yesu gi Bikra Maria, batisone gi temne e thim. Yesu nobiro koyalo kuom pinyruodh polo gi, donjo e ngima mochwere. Polo idonje mana kuom lokruok weyo richo kod yie. Mathayo otweyo puonj mag Yesu e migepe abich magin tim, lando Injili, ngeche, lalruok kod pinyruodh polo. Tho kod chier mar Yesu ema Injilini orumogo kopuonjo mondo wadhi e piny duto waland Injili mar Yesu Kristo.

Thoro

Gima duongʼ mane omiyo Mathayo ondiko kitabuni en ni nopuonjo ni Yesu ema ochopo singruok manie Muma Machon. Mae emomiyo kitabuni nyiso ni Yesu oa e koth Ruoth Daudi kaachiel gi Ibrahim (1:1), kendo Mathayo otiyo gi weche mangʼeny mokor manie Muma Machon konyiso godo adimba kuom ngima mar Yesu. Yesu nobiro kaka Jawar mar jo-Yahudi (1:21), dhout ogendini (4:13-16), to mogik to en Jawar mar piny (28:19). Tim kod kido mar oganda mar pinyruodh polo iyudo kondikie e puonj mar Yesu ewi Got (sula 5–7) kama timbe mag piny ok nyal to pinyruodh polo gi wachne makare kende ema ni kod teko (6:33).

Jandiko

Mathayo

Kar Ndiko

Antiokia

Kinde Mag Ndiko

Higa mar 60–70 bangʼ nywol Kristo

Weche Manie Kitabuni

Nywol Yesu kod tichne (1:1–4:25)

Injili e got (5:1–7:29)

Puonj mopogore opogore gi weche mamoko (8:1–18:35)

Wuoth madhi Jerusalem kod siem mogik (19:1–23:29)

Weche mokor kuom ndalo mag giko (24:1–25:46)

Tho kod chier mar Ruoth Yesu (26:1–28:20)

Currently Selected:

Mathayo Weche Motelo: MLM

Highlight

Copy

Want to have your highlights saved across all your devices? Sign up or sign in

Muma Maler Mar Nyasaye, Motingʼo Loko Manyien™

MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.

Holy Bible, New Luo Translation™

Learn More About Motingʼo Loko Manyien