Romanos 3
3
1Tsayno kaptinqa Israel runa kashqanpis y señalakushqa kashqanpis ¿alitsuraq kaykan? 2Aw, alimi kaykan. Tsayno ali kaykan Israel runakunata Tayta Dios wilakuyninta puntata musyatsishqa kaptinmi.#Sal. 147.19.
3Musyaykarpis manami lapantsu Tayta Dios nishqanta cumplipäkurqan. ¿Paykuna mana cumpliptintsuraq Tayta Diospis promitishqankunata cumplinqatsu? 4Ama tsayno yarpäshuntsu. Runakuna lulakuptinpis Tayta Diosqa lapan promitishqankunatami cumplin. Tayta Diospa palabranchöpis kaynömi qelqaraykan: <<Nishqaykita cumplirmi rasun kaqlata juzgaykämanki. Juzgamaptiki imano tsapakuytapis manami kamäpakütsu>>.#3.4 Kay textucho niykan juzgarpis promitishqankunata Tayta Dios cumplishqanta.#Sal. 51.4.
5Tsayno kaptinpis wakin runakuna mana tantiyarmi kayno nipäkun: <<Jutsata rurashqäpita Tayta Dios perdonamar alitami ruraykan. Castigamarmi itsanqa mana alita ruraykan>>.
6Runakuna tsayno niptinpis manami tsaynötsu kaykan. Runakunata juzgananpaq kashqanta musyaykarqa ¿imanirtaq mana tantiyapäkunkitsu castigarpis alita rurashqanta?
7Tsaynölami wakin runakunapis lutanta yarpar kayno nipäkun: <<Tayta Diosta promitishqäta mana cumpliptïpis perdonamaptinmi runakuna tantiyapäkun kuyapäkuq kashqanta. Tsayno kaykaptinqa ¿imanirtaq jutsata rurashqäpita Tayta Dios juzgamanqa?>>
8Tsay runakuna yarpashqanno rasunpa kaptinqa jutsata rurashun Tayta Dios kuyapäkuq kashqanta tantiyapäkunanpaq. Tsayno yarpashqanqa manami alitsu kaykan. Tsayno yachatsir purishqäta wakin runakuna niptinpis manami tsaynötsu yachaykätsï. Tsayno niq runakunataqa Tayta Dios juzgar mana kuyapaypami castiganqa.
Lapan runakuna jutsayuq kashqan
9¿Wakin runakunapita mas jutsaynaqtsuraq Israel runakuna karkaykan? Manami. Kay cartacho nishqänöpis Israel runapis mana Israel runapis jutsayuqmi karkaykan. 10Tayta Diospa palabranchöpis kaynömi qelqaraykan:
<<Manami juklaylapis jutsaynaqqa kantsu.
11Pipis manami tantiyakuntsu.
Pipis manami Tayta Diosta ashintsu.
12Lapan runakunapis jutsatami rurarkaykan.
Lapanpis lutankunatami rurarkaykan.
Pipis manami kantsu alita ruraqqa.
Ni juklaylapis manami kantsu.#Sal. 14.1-3; 53.1-3.
13Shiminpis kicharaykaq sepultüranömi kaykan.
Lulakunanpaqqa mamalan wachashqami karkaykan.#Sal. 5.9.
Rimashqanpis culebrapa venënunnömi kaykan.#Sal. 140.3.
14Runa mayintapis maldicionarmi ashlirkaykan.#Sal. 10.7.
15Runa mayinta wanutsinanpaqpis warakaylami aywapäkun.
16Maypa aywarpis lutankunata rurarmi runa mayinkunata lakikatsin.
17Ali kaway imano kashqantapis manami musyapäkuntsu.#Isa. 59.7-8.
18Tayta Diosta mantsakunanpaq manami yarpaylapis yarpapäkuntsu>>.#Sal. 36.1.
19Tayta Diospa palabrancho tsayno niptinmi musyantsi leyninkunata musyaq runakunapis jutsayuq kashqanta. Tsaymi runakunata Tayta Dios juzgaptin pipis tsapakuyta kamäpakunqatsu. 20Tayta Diospa leyninkunata cumplishqanwanqa manami pipis jutsankunapita perdonashqatsu kanqa. Tayta Diospa leyninkunaqa manami salvamänantsipaqtsu kaykan, sinöqa jutsayuq kashqantsita tantiyatsimänantsipaqmi.#Gál. 2.16.
Jesucristuman yärakuptintsi Tayta Dios salvamashqantsi
21Kananmi itsanqa Tayta Dios musyatsimashqantsi leyninkunata cumpliyta mana kamäpakuptintsipis imanöpa salvamänantsipaq kashqanta. Tsaytami Moisés y profëtakuna qelqashqankunachöpis musyatsimantsi. 22Jesucristuman yärakuptintsimi Tayta Dios perdonamashpantsi salvamantsi pï kaptintsipis.#Gál. 2.16.
23Lapan runakuna jutsayuq karmi Tayta Diospa nawpanman chayayta kamäpakärintsu. 24Tsayno kaykashqapis Jesucristo rantimaptintsimi Tayta Dios kuyapäkuq kashpan perdonamantsi. 25Tsayno perdonamantsi Jesucristuman yärakuptintsimi. Paymi noqantsi rayku sacrificiu kar yawarninta jicharqan. Tsaynöpami Tayta Dios musyatsimantsi ali juzgaq juez kashqanta#3.25 Ali juzgaq juez karqa jutsayuq runata karpis o paypa trukanta karpis castiganmi. Tsaymi jutsata rurashqantsipita Jesucristuta trukantsi castigarqa ali juzgaq juez Tayta Dios kaykan. Mana ali juzgaq juez karqa runatapis ni trukantapis manami castiganmantsu.. Unaypitana runakuna jutsayuq kaptinpis Tayta Dios manami castigarqantsu. 26Tsayno mana castigarqantsu runakunapa trukan Jesucristuta cruzcho castigananpaq karmi. Tsaynöpami tantiyatsimantsi ali juzgaq juez kashqanta y Jesucristuman yärakuq runakunata perdonashqanta.
27Tsayno kaptinqa ama alabakushuntsu kayno nir: <<Alikunata ruraptïmi Tayta Dios salvamashqa>>.
Manami alikunata rurashqantsipitatsu Tayta Dios salvamashqantsi, sinöqa Jesucristuman yärakushqantsipitami. 28Tsaymi kayno nï: Manami leyninkunata cumplishqantsipitatsu Tayta Dios salvamashqantsi, sinöqa Jesucristuman yärakushqantsipitami.
29¿Tayta Diosqa Israel runakunalapatsuraq Diosnin? ¿Manatsuraq mana Israel runakunapapis Diosnin? Payqa mana Israel runapapis Diosninmi. 30Tayta Diosqa juklaylami.#Deut. 6.4. Tsaymi Israel runatapis y mana Israel runatapis Jesucristuman yärakuptinqa salvaykan.
31Jesucristuman yärakuylapa salvacionta tariykarqa ¿Diospa leyninkunata manakaqmantsuraq churaykantsi? Manami manakaqmantsu churaykantsi, sinöqa Jesucristuman yärakuptintsimi tsay leykunata cumpliqtano Tayta Dios chaskimantsi.
Currently Selected:
Romanos 3: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Romanos 3
3
1Tsayno kaptinqa Israel runa kashqanpis y señalakushqa kashqanpis ¿alitsuraq kaykan? 2Aw, alimi kaykan. Tsayno ali kaykan Israel runakunata Tayta Dios wilakuyninta puntata musyatsishqa kaptinmi.#Sal. 147.19.
3Musyaykarpis manami lapantsu Tayta Dios nishqanta cumplipäkurqan. ¿Paykuna mana cumpliptintsuraq Tayta Diospis promitishqankunata cumplinqatsu? 4Ama tsayno yarpäshuntsu. Runakuna lulakuptinpis Tayta Diosqa lapan promitishqankunatami cumplin. Tayta Diospa palabranchöpis kaynömi qelqaraykan: <<Nishqaykita cumplirmi rasun kaqlata juzgaykämanki. Juzgamaptiki imano tsapakuytapis manami kamäpakütsu>>.#3.4 Kay textucho niykan juzgarpis promitishqankunata Tayta Dios cumplishqanta.#Sal. 51.4.
5Tsayno kaptinpis wakin runakuna mana tantiyarmi kayno nipäkun: <<Jutsata rurashqäpita Tayta Dios perdonamar alitami ruraykan. Castigamarmi itsanqa mana alita ruraykan>>.
6Runakuna tsayno niptinpis manami tsaynötsu kaykan. Runakunata juzgananpaq kashqanta musyaykarqa ¿imanirtaq mana tantiyapäkunkitsu castigarpis alita rurashqanta?
7Tsaynölami wakin runakunapis lutanta yarpar kayno nipäkun: <<Tayta Diosta promitishqäta mana cumpliptïpis perdonamaptinmi runakuna tantiyapäkun kuyapäkuq kashqanta. Tsayno kaykaptinqa ¿imanirtaq jutsata rurashqäpita Tayta Dios juzgamanqa?>>
8Tsay runakuna yarpashqanno rasunpa kaptinqa jutsata rurashun Tayta Dios kuyapäkuq kashqanta tantiyapäkunanpaq. Tsayno yarpashqanqa manami alitsu kaykan. Tsayno yachatsir purishqäta wakin runakuna niptinpis manami tsaynötsu yachaykätsï. Tsayno niq runakunataqa Tayta Dios juzgar mana kuyapaypami castiganqa.
Lapan runakuna jutsayuq kashqan
9¿Wakin runakunapita mas jutsaynaqtsuraq Israel runakuna karkaykan? Manami. Kay cartacho nishqänöpis Israel runapis mana Israel runapis jutsayuqmi karkaykan. 10Tayta Diospa palabranchöpis kaynömi qelqaraykan:
<<Manami juklaylapis jutsaynaqqa kantsu.
11Pipis manami tantiyakuntsu.
Pipis manami Tayta Diosta ashintsu.
12Lapan runakunapis jutsatami rurarkaykan.
Lapanpis lutankunatami rurarkaykan.
Pipis manami kantsu alita ruraqqa.
Ni juklaylapis manami kantsu.#Sal. 14.1-3; 53.1-3.
13Shiminpis kicharaykaq sepultüranömi kaykan.
Lulakunanpaqqa mamalan wachashqami karkaykan.#Sal. 5.9.
Rimashqanpis culebrapa venënunnömi kaykan.#Sal. 140.3.
14Runa mayintapis maldicionarmi ashlirkaykan.#Sal. 10.7.
15Runa mayinta wanutsinanpaqpis warakaylami aywapäkun.
16Maypa aywarpis lutankunata rurarmi runa mayinkunata lakikatsin.
17Ali kaway imano kashqantapis manami musyapäkuntsu.#Isa. 59.7-8.
18Tayta Diosta mantsakunanpaq manami yarpaylapis yarpapäkuntsu>>.#Sal. 36.1.
19Tayta Diospa palabrancho tsayno niptinmi musyantsi leyninkunata musyaq runakunapis jutsayuq kashqanta. Tsaymi runakunata Tayta Dios juzgaptin pipis tsapakuyta kamäpakunqatsu. 20Tayta Diospa leyninkunata cumplishqanwanqa manami pipis jutsankunapita perdonashqatsu kanqa. Tayta Diospa leyninkunaqa manami salvamänantsipaqtsu kaykan, sinöqa jutsayuq kashqantsita tantiyatsimänantsipaqmi.#Gál. 2.16.
Jesucristuman yärakuptintsi Tayta Dios salvamashqantsi
21Kananmi itsanqa Tayta Dios musyatsimashqantsi leyninkunata cumpliyta mana kamäpakuptintsipis imanöpa salvamänantsipaq kashqanta. Tsaytami Moisés y profëtakuna qelqashqankunachöpis musyatsimantsi. 22Jesucristuman yärakuptintsimi Tayta Dios perdonamashpantsi salvamantsi pï kaptintsipis.#Gál. 2.16.
23Lapan runakuna jutsayuq karmi Tayta Diospa nawpanman chayayta kamäpakärintsu. 24Tsayno kaykashqapis Jesucristo rantimaptintsimi Tayta Dios kuyapäkuq kashpan perdonamantsi. 25Tsayno perdonamantsi Jesucristuman yärakuptintsimi. Paymi noqantsi rayku sacrificiu kar yawarninta jicharqan. Tsaynöpami Tayta Dios musyatsimantsi ali juzgaq juez kashqanta#3.25 Ali juzgaq juez karqa jutsayuq runata karpis o paypa trukanta karpis castiganmi. Tsaymi jutsata rurashqantsipita Jesucristuta trukantsi castigarqa ali juzgaq juez Tayta Dios kaykan. Mana ali juzgaq juez karqa runatapis ni trukantapis manami castiganmantsu.. Unaypitana runakuna jutsayuq kaptinpis Tayta Dios manami castigarqantsu. 26Tsayno mana castigarqantsu runakunapa trukan Jesucristuta cruzcho castigananpaq karmi. Tsaynöpami tantiyatsimantsi ali juzgaq juez kashqanta y Jesucristuman yärakuq runakunata perdonashqanta.
27Tsayno kaptinqa ama alabakushuntsu kayno nir: <<Alikunata ruraptïmi Tayta Dios salvamashqa>>.
Manami alikunata rurashqantsipitatsu Tayta Dios salvamashqantsi, sinöqa Jesucristuman yärakushqantsipitami. 28Tsaymi kayno nï: Manami leyninkunata cumplishqantsipitatsu Tayta Dios salvamashqantsi, sinöqa Jesucristuman yärakushqantsipitami.
29¿Tayta Diosqa Israel runakunalapatsuraq Diosnin? ¿Manatsuraq mana Israel runakunapapis Diosnin? Payqa mana Israel runapapis Diosninmi. 30Tayta Diosqa juklaylami.#Deut. 6.4. Tsaymi Israel runatapis y mana Israel runatapis Jesucristuman yärakuptinqa salvaykan.
31Jesucristuman yärakuylapa salvacionta tariykarqa ¿Diospa leyninkunata manakaqmantsuraq churaykantsi? Manami manakaqmantsu churaykantsi, sinöqa Jesucristuman yärakuptintsimi tsay leykunata cumpliqtano Tayta Dios chaskimantsi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.