Números 15
15
Sacrificiukunata imano rurananpaqpis tantiyatsishqan
1Tsaypitami Moisésta Tayta Dios kayno nirqan: 2<<Israel runakunata kayno niy: <Tayta Dios qoykushunaykipaq kaykaq nacionman chayapakushpayki 3sacrificiukunata paypaq rupatsipäkunki ali asyayninta#15.3 Wakin runakunaqa mushkuyninta nipäkun. mayar kushikunanpaq. Tsay sacrificiukunata rupatsipäkunki rupatsina sacrificiu kaptinpis o promitishqaykita cumplishpaykipis, voluntänikipita uywata apamushpaykipis o fiestapaq uywata apamushpaykipis. Tsay sacrificiukunapaq uywaykikunapita apapäkamunki turituta karpis, uyshata karpis o cabrata karpis.
4<< <Sacrificiupaq apamushqaykiwan juntu apapäkamunki ishkay kïlu alinnin harinata juk litru aceitiwan tsapurkur.
5<< <Tsaynöpis cada carnishta apamur jananman juk litru vïnuta yapapäkunki aytsaman winanaykipaq.
6<< <Cada carnita apamur jananman yapapäkunki chusku kïlu harinata juk litru aceitiwan tsapurkur. 7Tsaynöpis apapäkunki juk litru y mediu vïnuta aytsaman winanaykipaq. Tsaypa ali asyayninta mayarmi Tayta Dios kushikunqa.
8<< <Rupatsina sacrificiupaq karpis, promitishqaykita cumplinaykipaq karpis o jawka kawakuy sacrificiupaq karpis turituta Tayta Diospaq apamur 9jananman apapäkunki soqta kïlu harinata ishkay litru aceitiwan tsapurkur. 10Tsaynöpis apapäkunki ishkay litru vïnuta aytsaman winanaykipaq. Tsay sacrificiupa ali asyayninta mayarmi Tayta Dios kushikunqa.
11<< <Tsaynölami rurapäkunki töruta, carnita, carnishta o chiwa malwata apamurpis. 12Ayka uywata apamurpis cada ünunpaq tsaynöla apapäkamunki. 13Lapan Israel runakuna sacrificiuta tsaynöla imaypis rupatsipäkunqa. Tsaypa ali asyayninta mayarmi Tayta Dios kushikunqa.
14<< <Jäpa runakunapis sacrificiukunapaq apamurqa qamkunanöla rurapäkunqa. Tsayno apapäkamunqa qorpa karpis o jinancho tarpis. Tsay sacrificiukunata rupatsiptinmi ali asyayninta mayar Tayta Dios kushikunqa. 15Israel runa karpis jäpa runa karpis nishqäta tsaynöla cumplipäkunqa. Kay nishqäkunaqa imayyaqpis leymi kanqa qamkunapaq y qamkunapita miraqkunapaq. 16Tsaynölami kay nishqäkuna kaykan qamkunapaq y jäpa runakunapaqpis> >>.
17Mastapis Moisésta Tayta Dios kayno nirqan: 18<<Israel runakunata kayno niy: <Tayta Dios pushaykämashqantsi nacionman chayaykur 19chakracho wayushqankunata cosechar Tayta Diospaq rakipäkunki. 20Punta poquq trïguta cosechar primiciata rakishqaykinöla punta poquq trïguta aqarkur masararpis rakipäkunki. 21Tsay ofrendata imayyaqpis apapäkamunki.
22<< <Tayta Dios nishqan mandamientukunata mana musyaypa mana cumplirqa 23qamkuna y qamkunapita miraqkuna 24juk turituta rupatsina sacrificiupaq apapäkamunki. Rupatsina sacrificiuta rupatsiptinmi ali asyayninta mayar Tayta Dios kushikunqa. Tsaynöpis apapäkamunki tsaki mikuy ofrendata y vïnuta altarman winananpaq. Tsaykunawan juk chïvutapis apapäkamunki purificatsina sacrificiupaq. Tsay sacrificiukuna kanqa qamkunacho runakuna mana musyayninpa jutsata rurashqanpitami. 25Tsay apamushqaykikunata Tayta Diospa nawpancho cüra rupatsiptinmi mana musyaypa jutsata rurapäkushqaykipita perdonashunkipaq. 26Tsayno perdonashunkipaq Israel runakuna kaptikipis o Israel runakunacho taq jäpa runakuna kaptikipis. Tsayno kanqa qamkunacho lapan runakuna mana musyayninpa jutsata ruraptinmi.
27<< <Qamkunacho juk runala mana musyayninpa jutsata rurarqa purificatsina sacrificiupaq juk watayuq cabrata apamunqa. 28Tsayta cüra rupatsiptinmi apamuq runata Tayta Dios perdonanqa.#Lev. 4.27-31. 29Kay nishqäkunami ley kanqa qamkunapaq y qamkunacho taq jäpa runakunapaqpis.
30<< <Pipis musyaykar jutsata rurarqa Tayta Diostami rabyanätsin. Tsay runataqa Israel runa kaptinpis o jäpa runa kaptinpis qamkunapita qarqapäkunki. 31Tayta Dios nishqanta manakaqman churar mana cäsukushqanpita tsay runata qarqapäkunki> >>.
Jamay junaqcho aruq runata wanutsishqan
32Israel runakuna chunyaq jirkacho kaykarmi taripäkurqan Israel mayinta jamay junaqcho yantakuykaqta. 33Tsayno tariykurmi Moisés, Aarón y lapan runakuna juntakashqanman apapäkurqan. 34Yantakuykaqta tarishqanta wilaptinmi imano castigananpaqpis mana musyar prësu tsarararqan. 35Tsaypitami Moisésta Tayta Dios kayno nirqan: <<Tsay runata campamentupita juk läduman jorquykur lapan Israel runakuna saqmaypa wanutsipäkutsun>>.
36Tsaymi Tayta Dios nishqannöla Israel runakuna juk läduman jorquykur saqmaykälar wanutsipäkurqan.
Röpanpa kuchunman azul hïlukunata jirananpaq tantiyatsishqan
37Moisésta Tayta Dios kayno nirqan: 38<<Israel runakunata niy röpankunapa kuchunman azul hïlupita saqsata rurapäkunanpaq. Tsaynöla paykunapita miraqkunapis röpankuna kuchunman saqsata imaypis churapäkunqa. 39Tsay saqsakunata rikarmi yarpapäkunkipaq noqapa mandamientükunata cumplinaykipaq kashqanta. Tsaynöpami jutsa ruraykunaman umayki churakashqa karpis tantiyakushpayki kacharinkipaq. 40Tsay saqsakunami kanqa nishqäkunata cäsukur noqa munashqäno santu kawapäkunaykipaq. 41Noqami Egiptupita qamkunata jorqamushqä Tayta Diosniki kanäpaq. Noqaqa Tayta Diosnikimi kaykä>>.
Currently Selected:
Números 15: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 15
15
Sacrificiukunata imano rurananpaqpis tantiyatsishqan
1Tsaypitami Moisésta Tayta Dios kayno nirqan: 2<<Israel runakunata kayno niy: <Tayta Dios qoykushunaykipaq kaykaq nacionman chayapakushpayki 3sacrificiukunata paypaq rupatsipäkunki ali asyayninta#15.3 Wakin runakunaqa mushkuyninta nipäkun. mayar kushikunanpaq. Tsay sacrificiukunata rupatsipäkunki rupatsina sacrificiu kaptinpis o promitishqaykita cumplishpaykipis, voluntänikipita uywata apamushpaykipis o fiestapaq uywata apamushpaykipis. Tsay sacrificiukunapaq uywaykikunapita apapäkamunki turituta karpis, uyshata karpis o cabrata karpis.
4<< <Sacrificiupaq apamushqaykiwan juntu apapäkamunki ishkay kïlu alinnin harinata juk litru aceitiwan tsapurkur.
5<< <Tsaynöpis cada carnishta apamur jananman juk litru vïnuta yapapäkunki aytsaman winanaykipaq.
6<< <Cada carnita apamur jananman yapapäkunki chusku kïlu harinata juk litru aceitiwan tsapurkur. 7Tsaynöpis apapäkunki juk litru y mediu vïnuta aytsaman winanaykipaq. Tsaypa ali asyayninta mayarmi Tayta Dios kushikunqa.
8<< <Rupatsina sacrificiupaq karpis, promitishqaykita cumplinaykipaq karpis o jawka kawakuy sacrificiupaq karpis turituta Tayta Diospaq apamur 9jananman apapäkunki soqta kïlu harinata ishkay litru aceitiwan tsapurkur. 10Tsaynöpis apapäkunki ishkay litru vïnuta aytsaman winanaykipaq. Tsay sacrificiupa ali asyayninta mayarmi Tayta Dios kushikunqa.
11<< <Tsaynölami rurapäkunki töruta, carnita, carnishta o chiwa malwata apamurpis. 12Ayka uywata apamurpis cada ünunpaq tsaynöla apapäkamunki. 13Lapan Israel runakuna sacrificiuta tsaynöla imaypis rupatsipäkunqa. Tsaypa ali asyayninta mayarmi Tayta Dios kushikunqa.
14<< <Jäpa runakunapis sacrificiukunapaq apamurqa qamkunanöla rurapäkunqa. Tsayno apapäkamunqa qorpa karpis o jinancho tarpis. Tsay sacrificiukunata rupatsiptinmi ali asyayninta mayar Tayta Dios kushikunqa. 15Israel runa karpis jäpa runa karpis nishqäta tsaynöla cumplipäkunqa. Kay nishqäkunaqa imayyaqpis leymi kanqa qamkunapaq y qamkunapita miraqkunapaq. 16Tsaynölami kay nishqäkuna kaykan qamkunapaq y jäpa runakunapaqpis> >>.
17Mastapis Moisésta Tayta Dios kayno nirqan: 18<<Israel runakunata kayno niy: <Tayta Dios pushaykämashqantsi nacionman chayaykur 19chakracho wayushqankunata cosechar Tayta Diospaq rakipäkunki. 20Punta poquq trïguta cosechar primiciata rakishqaykinöla punta poquq trïguta aqarkur masararpis rakipäkunki. 21Tsay ofrendata imayyaqpis apapäkamunki.
22<< <Tayta Dios nishqan mandamientukunata mana musyaypa mana cumplirqa 23qamkuna y qamkunapita miraqkuna 24juk turituta rupatsina sacrificiupaq apapäkamunki. Rupatsina sacrificiuta rupatsiptinmi ali asyayninta mayar Tayta Dios kushikunqa. Tsaynöpis apapäkamunki tsaki mikuy ofrendata y vïnuta altarman winananpaq. Tsaykunawan juk chïvutapis apapäkamunki purificatsina sacrificiupaq. Tsay sacrificiukuna kanqa qamkunacho runakuna mana musyayninpa jutsata rurashqanpitami. 25Tsay apamushqaykikunata Tayta Diospa nawpancho cüra rupatsiptinmi mana musyaypa jutsata rurapäkushqaykipita perdonashunkipaq. 26Tsayno perdonashunkipaq Israel runakuna kaptikipis o Israel runakunacho taq jäpa runakuna kaptikipis. Tsayno kanqa qamkunacho lapan runakuna mana musyayninpa jutsata ruraptinmi.
27<< <Qamkunacho juk runala mana musyayninpa jutsata rurarqa purificatsina sacrificiupaq juk watayuq cabrata apamunqa. 28Tsayta cüra rupatsiptinmi apamuq runata Tayta Dios perdonanqa.#Lev. 4.27-31. 29Kay nishqäkunami ley kanqa qamkunapaq y qamkunacho taq jäpa runakunapaqpis.
30<< <Pipis musyaykar jutsata rurarqa Tayta Diostami rabyanätsin. Tsay runataqa Israel runa kaptinpis o jäpa runa kaptinpis qamkunapita qarqapäkunki. 31Tayta Dios nishqanta manakaqman churar mana cäsukushqanpita tsay runata qarqapäkunki> >>.
Jamay junaqcho aruq runata wanutsishqan
32Israel runakuna chunyaq jirkacho kaykarmi taripäkurqan Israel mayinta jamay junaqcho yantakuykaqta. 33Tsayno tariykurmi Moisés, Aarón y lapan runakuna juntakashqanman apapäkurqan. 34Yantakuykaqta tarishqanta wilaptinmi imano castigananpaqpis mana musyar prësu tsarararqan. 35Tsaypitami Moisésta Tayta Dios kayno nirqan: <<Tsay runata campamentupita juk läduman jorquykur lapan Israel runakuna saqmaypa wanutsipäkutsun>>.
36Tsaymi Tayta Dios nishqannöla Israel runakuna juk läduman jorquykur saqmaykälar wanutsipäkurqan.
Röpanpa kuchunman azul hïlukunata jirananpaq tantiyatsishqan
37Moisésta Tayta Dios kayno nirqan: 38<<Israel runakunata niy röpankunapa kuchunman azul hïlupita saqsata rurapäkunanpaq. Tsaynöla paykunapita miraqkunapis röpankuna kuchunman saqsata imaypis churapäkunqa. 39Tsay saqsakunata rikarmi yarpapäkunkipaq noqapa mandamientükunata cumplinaykipaq kashqanta. Tsaynöpami jutsa ruraykunaman umayki churakashqa karpis tantiyakushpayki kacharinkipaq. 40Tsay saqsakunami kanqa nishqäkunata cäsukur noqa munashqäno santu kawapäkunaykipaq. 41Noqami Egiptupita qamkunata jorqamushqä Tayta Diosniki kanäpaq. Noqaqa Tayta Diosnikimi kaykä>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.