Marcos 8
8
Chusku waranqa runakuna mikunanpaq milagruta Jesús rurashqan
Mateo 15.32-39
1Tsay junaqkunami atska runakuna Jesús kaqman yapay juntakarqan. Imapis mikunanpaq mana kaptinmi discïpulunkunata qayaykur Jesús kayno nirqan: 2<<Kay runakunata pasaypami kuyapä. Kimsa junaqnami mikuytapis mana yawaypa noqantsiwan karkaykan. 3Wakinqa karu markapitami shamushqa. Mikünilata aywakärinanpaq niptïqa wayinkunamanpis manaraq chayaptinchari nänikunacho bëta tsarinqa>>.
4Tsayno niptinmi discïpulunkuna kayno nipäkurqan: <<Kay chunyaq jirkachöqa ¿maychöraq mikuyta tariykushun kaytsika runakunapaq?>>
5Niptinmi Jesús kayno tapurqan: <<¿Aykalataq tantayki kaykan?>>
<<Qanchislami, tayta>> nipäkurqan.
6Tsawraqa runakuna jamakärinanpaq Jesús nirqan. Jamakäriptinnami qanchis tantata aptarkur Tayta Diosta manakur yusulpalä nirqan. Nirkurnami pakirir discïpulunkunata makyarqan aypukärinanpaq. 7Tsaynölami juk ishkay akapala pescädutapis Jesúsman apaparqan. Tsaykunatapis aptarkurmi Tayta Diosta agradëcikur discïpulunkunata makyarqan runakunata aypupäkunanpaq. 8Tsaymi lapan mikupäkurqan saksashqanyaq. Putsushqankunatanami discïpulunkuna shuntapäkurqan qanchis canasta juntata. 9Tsaycho mikuqkuna karqan chusku waranqanömi (4,000).
Mikuyta usharkuptinnami runakunata Jesús despacharqan. 10Tsaypitanami büquiman witsarkur discïpulunkunawan aywakurqan Dalmanuta nishqanman.
Milagrutaraq rikayta munashqan
Mateo 16.1-4
11Chayaykuptinmi fariseukuna manakaqman churayta munar Jesústa kayno nipäkurqan: <<Tayta Dios rasunpa kachamushushqaykita musyapäkunäpaq ima milagrutapis ruray, tayta>>.#Mat. 12.38; Luc. 11.16.
12Tsayno niptinmi Jesús lakikushpan kayno nirqan: <<¿Imanirtaq kanan witsan runakuna munarkaykan milagrutaraq ruranäta?#Mat. 12.39; Luc. 11.29. Rasunpami kayno nï: Qamkuna munashqaykinöqa manami ima milagrutapis rurashaqtsu>>.
13Tsayno nirkurmi runakunata tsaycho kachariykur büquiman witsarkushpan discïpulunkunawan wak tsimpaman aywakurqan.
Fariseukuna mana criyishqanta levadüraman Jesús tinkutsishqan
Mateo 16.5-12
14Jesúspa discïpulunkuna mirkapankunata apayta qonqashqa karmi büquicho juk tantalata tsararpaykarqan. 15Tsimparkaykaptinmi Jesús kayno nirqan: <<Fariseukunapa y Herodespa levadüranta cuidädu chaskipäkunkiman>>.#Luc. 12.1.
16Tsayno niptinmi discïpulunkuna kikinpura kayno ninakurqan: <<Tantata mana mirkapakamushqantsipitami tsayno niykämantsi>>.
17Tsayno parlaykashqanta tantiyarmi Jesús kayno nirqan: <<¿Imanirtaq parlarkaykanki tantata mana apamushqaykipita? ¿Manaku tantiyapäkunki imapita parlaykashqätapis? ¿Juiciuykikuna oqrashqaku karkaykanki? 18Nawiyuq kaykarpis ¿manaku rikapäkunki? Rinriyuq kaykarpis ¿manaku mayapäkunki?#Jer. 5.21; Eze. 12.2; Mar. 4.12. ¿Manaku yarpapäkunki? 19Pitsqa tantalapita pitsqa waranqa (5,000) runakuna mikunanpaq milagruta rurashqäpita putsuqta ¿ayka canastatataq shuntapäkurqayki?>>
<<Chunka ishkaytami, tayta>> nipäkurqan.
20<<Tsaynöpis qanchis tantalapita chusku waranqa (4,000) runakuna mikunanpaq milagruta ruraptï putsuqta ¿ayka canastatataq shuntapäkurqayki?>>
<<Qanchistami, tayta>> nipäkurqan.
21Tsaymi Jesús nirqan: <<Tsayta rikaykarpis ¿manaku tantiyapäkunki?>>
Betsaidacho qapra runata Jesús aliyätsishqan
22Tsaypitanami chayarqan Betsaida markaman. Tsaycho kaykaptinmi qapra runata pushaykur Jesústa ruwakärirqan aliyätsinanpaq. 23Tsaymi makipita janchakurkur markapita juk läduman Jesús jorqurqan. Tsaychömi qaprapa nawinman toqapaykur yataykushpan tapurqan kayno nir: <<¿Rikankinaku?>>
24Tsaymi rikachakurir kayno nirqan: <<Yörakunatanömi runakunata rikaykä. Itsanqa purirkaykanmi>>.
25Tsaymi nawinta yapay yataykuptin lapanta shumaq rikarqan. 26Tsayno aliyarkatsirmi Jesús kayno nirqan: <<Markaman mana chayaylapa [ni pitapis mana wilapaylapa] wayikiman kutikuy>>.
Jesúsqa Cristo kashqanta Pedro nishqan
Mateo 16.13-20; Lucas 9.18-21
27Tsaypitanami discïpulunkunawan Jesús aywarqan Cesarea de Filipupa caseriunkunaman. Aywarkaykashqanchömi discïpulunkunata tapurqan kayno nir: <<¿Pï kashqätataq runakuna nirkaykan?>>
28Tsawraqa discïpulunkuna nipäkurqan: <<Wakin nipäkun Bautizaq Juan kashqaykita. Wakinnami nipäkun profëta Elías kashqaykita. Y wakinnami nipäkun mayqan profëtapis kashqaykita>>.#Mar. 6.14-15; Luc. 9.7-8.
29Nipäkuptinmi yapay tapurqan: <<Qamkunaqa ¿pï kashqätataq yarpapäkunki?>>
Tsawraqa Pedro kayno nirqan: <<Qamqa Tayta Dios kachamushqan Cristumi kaykanki>>.#Juan 6.68-69.
30Tsayno niptinmi discïpulunkunata Jesús nirqan pitapis mana wilapänanpaq.#8.30 Tsay witsan Israel runakuna yarparqan Cristuta Tayta Dios kachamuptin Roma runakunata guërracho vincinanpaq kashqantami. Tsayno yarpaptinpis Jesucristo manami guërrata rurananpaqtsu shamurqan, sinöqa noqantsi rayku cruzcho wanunanpaqmi. Tsaymi discïpulunkunata Jesús nirqan pay Cristo kashqanta pitapis mana wilapänanpaq. Wanushqanpita kawarirkamurmi itsanqa nirqan pïmaytapis wilapänanpaq (Mat. 17.9; 28.19).
Wanunanpaq kashqanta Jesús wilakushqan
Mateo 16.21-28; Lucas 9.22-27
31Tsaypitanami discïpulunkunata Jesús wilaparqan kayno nir: <<Runapa Tsurintami pasaypa nakatsipäkunqa. Mayor runakuna, mandaq cürakuna y ley yachatsiqkunami contran sharkur wanutsipäkunqa. Tsaypita kimsa junaqtaqa kawarimunqami>>.
32Tsaytaqa Jesús mana tumatsipaylapami nirqan. Tsayno niptinmi juk läduman qayaykur Pedro olqüparqan. 33Tsaymi discïpulunkunaman Jesús tikraykur Pedruta kayno nirqan: <<¡Nawpäpita witikuy, Satanás! Qam manami munankitsu Tayta Dios munashqanta ruranäta, sinöqa runa munashqanta ruranätami munaykanki>>.
34Nirkurmi discïpulunkunata y runakunata qayaykur Jesús kayno nirqan: <<Pipis discïpulü kayta munarqa kikin munashqanno ama kawatsuntsu, sinöqa cruzninta apaqno noqata qatirämätsun.#8.34 Jesucristo kawashqan witsanqa pipis cruzninta aparqan wanutsishqa kananpaqmi. Tsaymi cruzninta apaqno noqata qatirämätsun nirqa jutsa ruraypaq wanushqano kar Jesucristuta qatiränanpaq kashqanta niykan.#Mat. 10.38; 16.24; Luc. 9.23; 14.27; Juan 12.25. 35Kawayninta salvayta munaqkunaqa kawayninta oqranqami. Kawayninta noqa rayku y ali wilakuynï rayku oqraqkunami itsanqa kawayninta salvanqa.#8.35 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 10.39; Luc. 17.33; Juan 12.25.
36<<Infiernuman qaykushqa kananpaq kaptinqa ¿imapaqtaq välin intëru munduta munaynincho tsararashqanpis? 37Mayjina rïcu karpis manami rïcu kashqanwanqa salvacionta rantinqatsu. 38Jutsasapa runakunapa nawpancho pipis noqapita y wilakuynïpita penqakuptinqa Runapa Tsurinpis Tayta Diospa munayninwan y santu angilninkunawan shamurmi paypita penqakunqa>>.
Currently Selected:
Marcos 8: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Marcos 8
8
Chusku waranqa runakuna mikunanpaq milagruta Jesús rurashqan
Mateo 15.32-39
1Tsay junaqkunami atska runakuna Jesús kaqman yapay juntakarqan. Imapis mikunanpaq mana kaptinmi discïpulunkunata qayaykur Jesús kayno nirqan: 2<<Kay runakunata pasaypami kuyapä. Kimsa junaqnami mikuytapis mana yawaypa noqantsiwan karkaykan. 3Wakinqa karu markapitami shamushqa. Mikünilata aywakärinanpaq niptïqa wayinkunamanpis manaraq chayaptinchari nänikunacho bëta tsarinqa>>.
4Tsayno niptinmi discïpulunkuna kayno nipäkurqan: <<Kay chunyaq jirkachöqa ¿maychöraq mikuyta tariykushun kaytsika runakunapaq?>>
5Niptinmi Jesús kayno tapurqan: <<¿Aykalataq tantayki kaykan?>>
<<Qanchislami, tayta>> nipäkurqan.
6Tsawraqa runakuna jamakärinanpaq Jesús nirqan. Jamakäriptinnami qanchis tantata aptarkur Tayta Diosta manakur yusulpalä nirqan. Nirkurnami pakirir discïpulunkunata makyarqan aypukärinanpaq. 7Tsaynölami juk ishkay akapala pescädutapis Jesúsman apaparqan. Tsaykunatapis aptarkurmi Tayta Diosta agradëcikur discïpulunkunata makyarqan runakunata aypupäkunanpaq. 8Tsaymi lapan mikupäkurqan saksashqanyaq. Putsushqankunatanami discïpulunkuna shuntapäkurqan qanchis canasta juntata. 9Tsaycho mikuqkuna karqan chusku waranqanömi (4,000).
Mikuyta usharkuptinnami runakunata Jesús despacharqan. 10Tsaypitanami büquiman witsarkur discïpulunkunawan aywakurqan Dalmanuta nishqanman.
Milagrutaraq rikayta munashqan
Mateo 16.1-4
11Chayaykuptinmi fariseukuna manakaqman churayta munar Jesústa kayno nipäkurqan: <<Tayta Dios rasunpa kachamushushqaykita musyapäkunäpaq ima milagrutapis ruray, tayta>>.#Mat. 12.38; Luc. 11.16.
12Tsayno niptinmi Jesús lakikushpan kayno nirqan: <<¿Imanirtaq kanan witsan runakuna munarkaykan milagrutaraq ruranäta?#Mat. 12.39; Luc. 11.29. Rasunpami kayno nï: Qamkuna munashqaykinöqa manami ima milagrutapis rurashaqtsu>>.
13Tsayno nirkurmi runakunata tsaycho kachariykur büquiman witsarkushpan discïpulunkunawan wak tsimpaman aywakurqan.
Fariseukuna mana criyishqanta levadüraman Jesús tinkutsishqan
Mateo 16.5-12
14Jesúspa discïpulunkuna mirkapankunata apayta qonqashqa karmi büquicho juk tantalata tsararpaykarqan. 15Tsimparkaykaptinmi Jesús kayno nirqan: <<Fariseukunapa y Herodespa levadüranta cuidädu chaskipäkunkiman>>.#Luc. 12.1.
16Tsayno niptinmi discïpulunkuna kikinpura kayno ninakurqan: <<Tantata mana mirkapakamushqantsipitami tsayno niykämantsi>>.
17Tsayno parlaykashqanta tantiyarmi Jesús kayno nirqan: <<¿Imanirtaq parlarkaykanki tantata mana apamushqaykipita? ¿Manaku tantiyapäkunki imapita parlaykashqätapis? ¿Juiciuykikuna oqrashqaku karkaykanki? 18Nawiyuq kaykarpis ¿manaku rikapäkunki? Rinriyuq kaykarpis ¿manaku mayapäkunki?#Jer. 5.21; Eze. 12.2; Mar. 4.12. ¿Manaku yarpapäkunki? 19Pitsqa tantalapita pitsqa waranqa (5,000) runakuna mikunanpaq milagruta rurashqäpita putsuqta ¿ayka canastatataq shuntapäkurqayki?>>
<<Chunka ishkaytami, tayta>> nipäkurqan.
20<<Tsaynöpis qanchis tantalapita chusku waranqa (4,000) runakuna mikunanpaq milagruta ruraptï putsuqta ¿ayka canastatataq shuntapäkurqayki?>>
<<Qanchistami, tayta>> nipäkurqan.
21Tsaymi Jesús nirqan: <<Tsayta rikaykarpis ¿manaku tantiyapäkunki?>>
Betsaidacho qapra runata Jesús aliyätsishqan
22Tsaypitanami chayarqan Betsaida markaman. Tsaycho kaykaptinmi qapra runata pushaykur Jesústa ruwakärirqan aliyätsinanpaq. 23Tsaymi makipita janchakurkur markapita juk läduman Jesús jorqurqan. Tsaychömi qaprapa nawinman toqapaykur yataykushpan tapurqan kayno nir: <<¿Rikankinaku?>>
24Tsaymi rikachakurir kayno nirqan: <<Yörakunatanömi runakunata rikaykä. Itsanqa purirkaykanmi>>.
25Tsaymi nawinta yapay yataykuptin lapanta shumaq rikarqan. 26Tsayno aliyarkatsirmi Jesús kayno nirqan: <<Markaman mana chayaylapa [ni pitapis mana wilapaylapa] wayikiman kutikuy>>.
Jesúsqa Cristo kashqanta Pedro nishqan
Mateo 16.13-20; Lucas 9.18-21
27Tsaypitanami discïpulunkunawan Jesús aywarqan Cesarea de Filipupa caseriunkunaman. Aywarkaykashqanchömi discïpulunkunata tapurqan kayno nir: <<¿Pï kashqätataq runakuna nirkaykan?>>
28Tsawraqa discïpulunkuna nipäkurqan: <<Wakin nipäkun Bautizaq Juan kashqaykita. Wakinnami nipäkun profëta Elías kashqaykita. Y wakinnami nipäkun mayqan profëtapis kashqaykita>>.#Mar. 6.14-15; Luc. 9.7-8.
29Nipäkuptinmi yapay tapurqan: <<Qamkunaqa ¿pï kashqätataq yarpapäkunki?>>
Tsawraqa Pedro kayno nirqan: <<Qamqa Tayta Dios kachamushqan Cristumi kaykanki>>.#Juan 6.68-69.
30Tsayno niptinmi discïpulunkunata Jesús nirqan pitapis mana wilapänanpaq.#8.30 Tsay witsan Israel runakuna yarparqan Cristuta Tayta Dios kachamuptin Roma runakunata guërracho vincinanpaq kashqantami. Tsayno yarpaptinpis Jesucristo manami guërrata rurananpaqtsu shamurqan, sinöqa noqantsi rayku cruzcho wanunanpaqmi. Tsaymi discïpulunkunata Jesús nirqan pay Cristo kashqanta pitapis mana wilapänanpaq. Wanushqanpita kawarirkamurmi itsanqa nirqan pïmaytapis wilapänanpaq (Mat. 17.9; 28.19).
Wanunanpaq kashqanta Jesús wilakushqan
Mateo 16.21-28; Lucas 9.22-27
31Tsaypitanami discïpulunkunata Jesús wilaparqan kayno nir: <<Runapa Tsurintami pasaypa nakatsipäkunqa. Mayor runakuna, mandaq cürakuna y ley yachatsiqkunami contran sharkur wanutsipäkunqa. Tsaypita kimsa junaqtaqa kawarimunqami>>.
32Tsaytaqa Jesús mana tumatsipaylapami nirqan. Tsayno niptinmi juk läduman qayaykur Pedro olqüparqan. 33Tsaymi discïpulunkunaman Jesús tikraykur Pedruta kayno nirqan: <<¡Nawpäpita witikuy, Satanás! Qam manami munankitsu Tayta Dios munashqanta ruranäta, sinöqa runa munashqanta ruranätami munaykanki>>.
34Nirkurmi discïpulunkunata y runakunata qayaykur Jesús kayno nirqan: <<Pipis discïpulü kayta munarqa kikin munashqanno ama kawatsuntsu, sinöqa cruzninta apaqno noqata qatirämätsun.#8.34 Jesucristo kawashqan witsanqa pipis cruzninta aparqan wanutsishqa kananpaqmi. Tsaymi cruzninta apaqno noqata qatirämätsun nirqa jutsa ruraypaq wanushqano kar Jesucristuta qatiränanpaq kashqanta niykan.#Mat. 10.38; 16.24; Luc. 9.23; 14.27; Juan 12.25. 35Kawayninta salvayta munaqkunaqa kawayninta oqranqami. Kawayninta noqa rayku y ali wilakuynï rayku oqraqkunami itsanqa kawayninta salvanqa.#8.35 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 10.39; Luc. 17.33; Juan 12.25.
36<<Infiernuman qaykushqa kananpaq kaptinqa ¿imapaqtaq välin intëru munduta munaynincho tsararashqanpis? 37Mayjina rïcu karpis manami rïcu kashqanwanqa salvacionta rantinqatsu. 38Jutsasapa runakunapa nawpancho pipis noqapita y wilakuynïpita penqakuptinqa Runapa Tsurinpis Tayta Diospa munayninwan y santu angilninkunawan shamurmi paypita penqakunqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.