Miqueas 1
1
1Moreset markacho taq Miqueastami Tayta Dios revelacioncho rikatsirqan Samaria markata y Jerusalén markata ima pasananpaq kashqantapis. Tsayno rikatsirqan Judá nacioncho Jotam#2Rey. 15.32-38; 2Crón. 27.1-7. rey kaykänan witsan, Acaz#2Rey. 16.1-20; 2Crón. 28.1-27. rey kaykänan witsan y Ezequías#2Rey. 18.1—20.21; 2Crón. 29.1—32.33. rey kaykänan witsanmi.
Samaria runakunata Tayta Dios castigananpaq kashqan
2Maytsay markacho taqkuna, Tayta Dios nishqanta lapayki mayapäkuy.
Munayniyuq Tayta Diosmi sagrädu templunpita patsa jutsa rurashqaykikunata careashunkipaq.
3Täkunanpita shamurmi jirka puntakunapa purinqa.
4Jaruptinmi ninacho cëra tsulukäkuqno tsay puntakuna tsulukäkunqa.#Sal. 97.5.
Pampakunapis loqla aywar raqrayashqannömi raqrayashqa quëdanqa.
5Lapan tsaykuna kanqa Jacobpita miraq runakuna jutsata rurashqanpitami.
Israel runakunaqa jinan Samaria markachömi jutsata rurarkaykan.
Judá runakunapis jinan Jerusalénchömi ïdulukunata adorarkaykan.
6 Tayta Diosmi kayno nin:
<<Samaria markata lapanta juchutsiptïmi üvata plantanalanpaqna kanqa.
Ruminkunata raqrapa qarpatsiptïmi cimientulanna rikakanqa.
7Contrapartinkuna shamurmi Samaria runakuna adorashqan ïdulunkunatapis pasaypa pakir ushapäkunqa.
Qerupita rurashqa sagrädu kaqkunatapis lapantami rupatsipäkunqa.
Wayrapakuq warmikuna gänapakushqan qellaywanmi tsay ïdulukunata ruratsipäkurqan.
Contrankuna shamurmi tsay ïdulukunata tsulutsir qellayta ruranqa wayrapakuq warmikunawan kakunanpaq>>.
Miqueas lakikushqan
8Tayta Dios tsayno castigananpaq kashqanta musyarmi lakikur iktsuypa iktsur waqaykä.
Qara chakila y qarapächulami lakishqa puriykä.
Tsaynöpis chacal aulashqannömi pasaypa waqaykä.
Avestruz qaparashqannömi qaparaykä.
9Samaria markapa qerinqa ima jampiwanpis manami aliyantsu.#1.9 Samaria markapa qerinqa Asiria runakuna ushakätsishqanmi kaykan.
Tsay qeriqa Judátapis joqushqami.
Judá mayïkuna tashqan Jerusalénmanpis chayashqami.
10Tsaytaqa Gat markacho#1.10 Gat markachöqa filisteo runakunami tarqan. runakunata ama wilapäkuytsu.
Desgracia pasamashqantsita mana musyananpaq ama waqapäkuytsu.
Bet-le-afracho taq runakuna, fiyupa lakikur alpacho qochpapäkuy.
11Safircho taqkuna, nacionnikipita juk lädumanmi qarapächulata prësu apapäkushunkipaq.
Zaanáncho taqkuna, yanapashunaykipaq manami pipis yarqamunqapaqtsu.
Beteselcho taqkuna, waqapäkuptikipis manami pipis kuyapäshunkipaqtsu.
12Marotcho taqkunami pasaypa lakikärinqa pipis salvananta munashpan.
Paykunamanqa desgracialatami Tayta Dios kachamunqa.
Tsay desgraciaqa Jerusalén marka punkuyaqmi chayanqa.
13Laquischo taq runakuna, qamkunami Israel nación runakunano mas puntata Judá nacioncho jutsata rurapäkurqayki.
Jutsata rurananpaq Sión runakunatapis qamkunami yachatsipäkurqayki.
Kananqa qamkunamanmi castïgu chayamunqa.
Tsay castïgupita qeshpikärinaykipaq cawalluykikunaman carrëtaykikunata watapäkuy.
14Imaypis mana kutimunaykipaq Moreset-gat markapita despidikur aywakäriy.
Israel nacionpa mandaqnin reykunaqa Aczib marka runakunamanmi yärakurkaykan.
Tsayno yärakuptinpis Aczib runakunaman castïgu chayaptin tsay reykunata manami imanöpapis yanapanqatsu.
15Maresacho taqkuna, qamkunamanmi contraykikunata kachamushaq ushakätsishunaykipaq.
Tsaymi Israel nacioncho mas rïcukunapis mantsakur qeshpishpan Adulam machayman pakakärinqapaq.
16Jerusaléncho taq runakuna, kuyashqayki tsurikikunata karu nacionmanmi apakärinqapaq.
Tsayno kaykaptinqa lakikärishpayki qara putuypa aqtsaykita rutukäriy.
Wiskulno sepla kanaykipaq qara putuypa rutukäriy.
Currently Selected:
Miqueas 1: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
