Mateo 18
18
Wamrano kanantsipaq Jesús tantiyatsishqan
Marcos 9.33-37; Lucas 9.46-48
1Juk kutimi discïpulunkuna Jesústa tapurqan kayno nir: <<Tayta Dios mandaykashqancho ¿pitaq mas ali rikashqa kanqa, tayta?>>#Luc. 22.24.
2Tsaymi juk wamrata nawpanman Jesús qayaykur 3kayno nirqan: <<Rasunpami kayno nï: Wamrano mana karqa manami imaypis Tayta Dios mandaykashqanman yaykapäkunkipaqtsu.#Mar. 10.15; Luc. 18.17. 4Pipis kay wamrano humildi kaqmi Tayta Dios mandaykashqancho mas ali rikashqa kanqa. 5Tsaynölami kay wamrano kaqkunata noqapa jutïcho pipis chaskirqa noqatapis chaskiykäman.
Jutsaman mana tunitsinantsipaq Jesús tantiyatsishqan
Marcos 9.42-48; Lucas 17.1-2
6<<Pipis noqaman yärakamaq juk wamralatapis jutsata ruratsiptinqa mas alimi kanman mulinu rumita kunkanman wataparkur lamarman qarpuriptinpis. 7¡Wawalaw, imanöraq kanqa pitapis jutsata ruratsiqkuna! Tsayno runakunaqa kay patsacho imaypis kanqami. Paykunaqa fiyupa castigashqami kanqa.
8<<Tsayno kaptinqa makiki o chakiki jutsata ruratsishuptiki kutsuriykur jitariykuy. Imaypis mana upiq ninaman ishkay chakiyuq o ishkay makiyuq qaykushqa kanaykipa trukanqa mas alimi kanman juk chakiyuqla o juk makiyuqla Tayta Diospa nawpanman chayaptiki.#Mat. 5.30. 9Tsaynöla nawikipis jutsata ruratsishuptikiqa oqtirir jitariykuy. Infiernuman ishkay nawiyuq qaykushqa kanaykipa trukanqa mas alimi kanman juk nawilaykiwanpis Tayta Diospa nawpanman chayaptiki.#Mat. 5.29.
10<<Noqa kaynömi nï: Kay wamrakunapa angilninkunami jana patsacho Taytäpa nawpancho imaypis karkaykan. Tsayno kaykaptinqa kay wamrakunata manakaqman ama churapäkuytsu. 11[Runapa Tsurin shamushqa oqrakashkunata salvananpaqmi.]#Luc. 19.10.
Oqrakashqa uyshaman tinkutsiypa Jesús yachatsishqan
Lucas 15.3-7
12<<Pipis pachak (100) uyshanpita jukta oqraykurqa ¿manaku wakin kaqta ayluykur jukla ashiq aywan? 13Tariykurqa isqun chunka isqun (99) uyshankunapaq kushikushqanpitapis masraqmi kushikun. 14Tsaynölami jana patsacho kaykaq Taytäpis mana munantsu juk wamralapis oqrakänanta.
Yärakuq mayintsita tantiyatsinantsipaq Jesús tantiyatsishqan
Lucas 17.3
15<<Yärakuq mayiki rabyanätsishuptikiqa tantiyatsinaykipaq japalanta parlapanki. Chaskishuptikiqa perdonanki.#Luc. 17.3. 16Mana chaskishuptikiqa yapay tantiyatsinaykipaq juk ishkay yärakuq mayikita pushanki. Tsaynöpami ishkay o kimsa testïgu kaptin imata nipäkushqaykitapis mana ñëganqatsu.#Deut. 19.15. 17Paykuna tantiyatsiptinpis mana chaskikuptinqa yärakuq mayikikuna juntakashqancho wilapäkunki tantiyatsipäkunanpaq. Paykuna nishqantapis mana chaskikuptinqa amana tsay runawan juntakankinatsu. Tsaypa trukanqa rikapäkunki mana Israel runatano y impuestu cobraq runatano.
18<<Rasunpami kayno nï: Kay patsacho watashqaykiqa jana patsachöpis watashqami kanqa. Kay patsacho paskashqaykiqa jana patsachöpis paskashqami kanqa.#18.18 Apostolkuna watashqanpaq parlarqa mana cäsukuqkunata corriginanpaqmi Jesucristo parlarqan. Apostolkuna paskashqanpaq parlarqa tsay mana cäsukuq runa tantiyakuptin payta perdonananpaqmi parlarqan. Tsaymi Jesucristo nishqanqa kayno ninan: Mana cäsukuqkunata corriginaykipaq munayniyuqmi qamkuna karkaykanki.#Mat. 16.19; Juan 20.23. 19Yapaypis qamkunata kaynömi nï: Ishkaqlapis tsay yarpayla manakäriptikiqa jana patsacho kaykaq Taytä yanapashunkimi. 20Juk ishkaylapis jutïcho juntakäriptikiqa qamkunawanmi kaykäshaq>>.
Perdonanakur kawanantsipaq Jesús nishqan
21Tsayno yachatsiptinmi Jesúsman witiykur Pedro tapurqan kayno nir: <<Tayta, yärakuq mayï rabyanätsimaptinqa ¿ayka kutitaq perdonäman? ¿Qanchis kutitsuraq?>>
22Tsaymi Jesús kayno nirqan: <<Manami qanchis kutilatsu perdonankiman, sinöqa qanchis chunka (70) kuti qanchispis perdonanki>>.#Luc. 17.3-4.
23Tsaypitanami Jesús kayno nirqan: <<Tayta Dios mandaykashqan imano kashqantapis wilapäshayki. Juk reyshi ashmayninkunata nirqan jaqan kashqanpita cuentata qonanpaq. 24Jaqanta pägananpaqshi juk ashmayninta reyman pushapäkurqan. Tsay ashmayqa chunka waranqa (10,000) talentushi#18.24 Juk talentu karqan juk runa ishkay chunka (20) wata arur gänashqannömi. jaqan karqan. 25Jaqanta pägayta mana kamäpakuptinshi yanapaqninkunata tsay rey kayno nirqan: <Qellaynïta tawqanäpaq kay runata, warminta, tsurinkunata y imaykankunatapis rantikäriy>.
26<<Tsayno niptinshi ashmayninqa nawpanman qonqurpakuykur kayno ruwakurqan: <Ichiklata shuyaykalämay, tayta. Jaqaykita lapantachari pägaläshayki>.
27<<Tsayno ruwakuptinshi tsay rey kuyapashpan lapan jaqanta perdonar mana rantikurqannatsu.
28<<Perdonarkuptin aywaykashqanchöshi tinkurqan jaqan kaq ashmay mayinwan. Tsay ashmay mayinqa pachak (100) denariulashi#18.28 Juk denariuqa juk junaq aruypa chaninmi karqan. jaqan karqan. Tsayno kaykaptinpis kunkapita aptakurkurshi kayno nirqan: <¡Jaqäta pägamay!>
29<<Tsayno ruraptinshi qonqurpakuykur ruwakurqan kayno nir: <Ichiklata shuyaykalämay, tayta. Jaqaykita lapantachari pägaläshayki>. 30Tsayno ruwakuptinpis manashi perdonayta munarqantsu. Tsaypa trukanqa jaqanta pägananyaqshi carcilcho wichqarätsirqan.
31<<Tsayno rurashqanta rikaykurshi wakin ashmaykuna carcilcho kaq runata kuyapashpan reyman aywaykur wilapäkurqan ima pasashqantapis. 32Tsayshi tsay runata qayaykatsir rey kayno nirqan: <¡Mana kuyapäkuq runa! Mayjina jaqä kaykaptikipis ruwakamaptikimi lapanta perdonashqä. 33¿Imanirtaq qamta kuyapashqäno ashmay mayikita mana kuyapashqankitsu?> 34Tsawraqa fiyupa rabyakurshi kikintapis carcilman wichqatsirqan. Tsaychöshi wardiakuna castigarqan reypa lapan jaqanta pägashqanyaq>>.
35Tsayno wilaparkurmi Jesús kayno nirqan: <<Yärakuq mayikita lapan shonquykiwan mana perdonaptikiqa tsaynömi qamkunatapis jana patsacho kaykaq Taytä rurashunki>>.
Currently Selected:
Mateo 18: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Mateo 18
18
Wamrano kanantsipaq Jesús tantiyatsishqan
Marcos 9.33-37; Lucas 9.46-48
1Juk kutimi discïpulunkuna Jesústa tapurqan kayno nir: <<Tayta Dios mandaykashqancho ¿pitaq mas ali rikashqa kanqa, tayta?>>#Luc. 22.24.
2Tsaymi juk wamrata nawpanman Jesús qayaykur 3kayno nirqan: <<Rasunpami kayno nï: Wamrano mana karqa manami imaypis Tayta Dios mandaykashqanman yaykapäkunkipaqtsu.#Mar. 10.15; Luc. 18.17. 4Pipis kay wamrano humildi kaqmi Tayta Dios mandaykashqancho mas ali rikashqa kanqa. 5Tsaynölami kay wamrano kaqkunata noqapa jutïcho pipis chaskirqa noqatapis chaskiykäman.
Jutsaman mana tunitsinantsipaq Jesús tantiyatsishqan
Marcos 9.42-48; Lucas 17.1-2
6<<Pipis noqaman yärakamaq juk wamralatapis jutsata ruratsiptinqa mas alimi kanman mulinu rumita kunkanman wataparkur lamarman qarpuriptinpis. 7¡Wawalaw, imanöraq kanqa pitapis jutsata ruratsiqkuna! Tsayno runakunaqa kay patsacho imaypis kanqami. Paykunaqa fiyupa castigashqami kanqa.
8<<Tsayno kaptinqa makiki o chakiki jutsata ruratsishuptiki kutsuriykur jitariykuy. Imaypis mana upiq ninaman ishkay chakiyuq o ishkay makiyuq qaykushqa kanaykipa trukanqa mas alimi kanman juk chakiyuqla o juk makiyuqla Tayta Diospa nawpanman chayaptiki.#Mat. 5.30. 9Tsaynöla nawikipis jutsata ruratsishuptikiqa oqtirir jitariykuy. Infiernuman ishkay nawiyuq qaykushqa kanaykipa trukanqa mas alimi kanman juk nawilaykiwanpis Tayta Diospa nawpanman chayaptiki.#Mat. 5.29.
10<<Noqa kaynömi nï: Kay wamrakunapa angilninkunami jana patsacho Taytäpa nawpancho imaypis karkaykan. Tsayno kaykaptinqa kay wamrakunata manakaqman ama churapäkuytsu. 11[Runapa Tsurin shamushqa oqrakashkunata salvananpaqmi.]#Luc. 19.10.
Oqrakashqa uyshaman tinkutsiypa Jesús yachatsishqan
Lucas 15.3-7
12<<Pipis pachak (100) uyshanpita jukta oqraykurqa ¿manaku wakin kaqta ayluykur jukla ashiq aywan? 13Tariykurqa isqun chunka isqun (99) uyshankunapaq kushikushqanpitapis masraqmi kushikun. 14Tsaynölami jana patsacho kaykaq Taytäpis mana munantsu juk wamralapis oqrakänanta.
Yärakuq mayintsita tantiyatsinantsipaq Jesús tantiyatsishqan
Lucas 17.3
15<<Yärakuq mayiki rabyanätsishuptikiqa tantiyatsinaykipaq japalanta parlapanki. Chaskishuptikiqa perdonanki.#Luc. 17.3. 16Mana chaskishuptikiqa yapay tantiyatsinaykipaq juk ishkay yärakuq mayikita pushanki. Tsaynöpami ishkay o kimsa testïgu kaptin imata nipäkushqaykitapis mana ñëganqatsu.#Deut. 19.15. 17Paykuna tantiyatsiptinpis mana chaskikuptinqa yärakuq mayikikuna juntakashqancho wilapäkunki tantiyatsipäkunanpaq. Paykuna nishqantapis mana chaskikuptinqa amana tsay runawan juntakankinatsu. Tsaypa trukanqa rikapäkunki mana Israel runatano y impuestu cobraq runatano.
18<<Rasunpami kayno nï: Kay patsacho watashqaykiqa jana patsachöpis watashqami kanqa. Kay patsacho paskashqaykiqa jana patsachöpis paskashqami kanqa.#18.18 Apostolkuna watashqanpaq parlarqa mana cäsukuqkunata corriginanpaqmi Jesucristo parlarqan. Apostolkuna paskashqanpaq parlarqa tsay mana cäsukuq runa tantiyakuptin payta perdonananpaqmi parlarqan. Tsaymi Jesucristo nishqanqa kayno ninan: Mana cäsukuqkunata corriginaykipaq munayniyuqmi qamkuna karkaykanki.#Mat. 16.19; Juan 20.23. 19Yapaypis qamkunata kaynömi nï: Ishkaqlapis tsay yarpayla manakäriptikiqa jana patsacho kaykaq Taytä yanapashunkimi. 20Juk ishkaylapis jutïcho juntakäriptikiqa qamkunawanmi kaykäshaq>>.
Perdonanakur kawanantsipaq Jesús nishqan
21Tsayno yachatsiptinmi Jesúsman witiykur Pedro tapurqan kayno nir: <<Tayta, yärakuq mayï rabyanätsimaptinqa ¿ayka kutitaq perdonäman? ¿Qanchis kutitsuraq?>>
22Tsaymi Jesús kayno nirqan: <<Manami qanchis kutilatsu perdonankiman, sinöqa qanchis chunka (70) kuti qanchispis perdonanki>>.#Luc. 17.3-4.
23Tsaypitanami Jesús kayno nirqan: <<Tayta Dios mandaykashqan imano kashqantapis wilapäshayki. Juk reyshi ashmayninkunata nirqan jaqan kashqanpita cuentata qonanpaq. 24Jaqanta pägananpaqshi juk ashmayninta reyman pushapäkurqan. Tsay ashmayqa chunka waranqa (10,000) talentushi#18.24 Juk talentu karqan juk runa ishkay chunka (20) wata arur gänashqannömi. jaqan karqan. 25Jaqanta pägayta mana kamäpakuptinshi yanapaqninkunata tsay rey kayno nirqan: <Qellaynïta tawqanäpaq kay runata, warminta, tsurinkunata y imaykankunatapis rantikäriy>.
26<<Tsayno niptinshi ashmayninqa nawpanman qonqurpakuykur kayno ruwakurqan: <Ichiklata shuyaykalämay, tayta. Jaqaykita lapantachari pägaläshayki>.
27<<Tsayno ruwakuptinshi tsay rey kuyapashpan lapan jaqanta perdonar mana rantikurqannatsu.
28<<Perdonarkuptin aywaykashqanchöshi tinkurqan jaqan kaq ashmay mayinwan. Tsay ashmay mayinqa pachak (100) denariulashi#18.28 Juk denariuqa juk junaq aruypa chaninmi karqan. jaqan karqan. Tsayno kaykaptinpis kunkapita aptakurkurshi kayno nirqan: <¡Jaqäta pägamay!>
29<<Tsayno ruraptinshi qonqurpakuykur ruwakurqan kayno nir: <Ichiklata shuyaykalämay, tayta. Jaqaykita lapantachari pägaläshayki>. 30Tsayno ruwakuptinpis manashi perdonayta munarqantsu. Tsaypa trukanqa jaqanta pägananyaqshi carcilcho wichqarätsirqan.
31<<Tsayno rurashqanta rikaykurshi wakin ashmaykuna carcilcho kaq runata kuyapashpan reyman aywaykur wilapäkurqan ima pasashqantapis. 32Tsayshi tsay runata qayaykatsir rey kayno nirqan: <¡Mana kuyapäkuq runa! Mayjina jaqä kaykaptikipis ruwakamaptikimi lapanta perdonashqä. 33¿Imanirtaq qamta kuyapashqäno ashmay mayikita mana kuyapashqankitsu?> 34Tsawraqa fiyupa rabyakurshi kikintapis carcilman wichqatsirqan. Tsaychöshi wardiakuna castigarqan reypa lapan jaqanta pägashqanyaq>>.
35Tsayno wilaparkurmi Jesús kayno nirqan: <<Yärakuq mayikita lapan shonquykiwan mana perdonaptikiqa tsaynömi qamkunatapis jana patsacho kaykaq Taytä rurashunki>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.