Mateo 10
10
Apostolninkunata Jesús akrashqan
Marcos 3.13-19; Lucas 6.12-16
1Tsaypitanami chunka ishkay discïpulunkunata qayaykur munayninta Jesús qorqan runakunapita supaykunata qarqunanpaq y tukuy niraq qeshyakunawan qeshyaqkunata y ima nanaywan kaqkunatapis aliyätsinanpaq.
2Tsay chunka ishkay apostolkunami karqan Simón (paypa jukaq jutinmi karqan Pedro), Simónpa wawqin Andrés, Zebedeupa tsurinkuna Santiago y Juan, 3Felipe, Bartolomé, Tomás, Romapaq impuestuta cobraq Mateo, Alfeupa tsurin Santiago, Tadeo, 4Zelote nishqan Simón y Jesústa rantikuq Judas Iscariote.
Apostolninkunata wilakärinanpaq Jesús kachashqan
Marcos 6.7-13; Lucas 9.1-6
5Tsay chunka ishkay apostolninkuna wilakuq aywananpaq kacharmi Jesús kayno nirqan: <<Ama aywapäkunkitsu mana Israel runakunapa markankunamanqa, ni Samariacho kaykaq markakunamanpis ama yaykapäkunkitsu. 6Tsaypa trukanqa aywapäkunki Israel runakunalaman. Paykunami oqrakashqa uyshano karkaykan. 7Paykunata kayno nipäkunki: <¡Tayta Dios mandaykashqan chayamushqanami!> 8Qeshyaqkunata aliyätsipäkunki. Wanushkunatapis kawaritsipäkunki. Leprawan qeshyaykaqkunata aliyätsipäkunki. Supaykunatapis runakunapita qarqupäkunki. Munaynïta dembaldila chaskishqaykino pitapis dembaldila aliyätsipäkunki.
9<<Qellayta, qorita ni cobritapis ama apapäkunkitsu. 10Tsaynöpis ama apapäkunkitsu mirkapaykita, trukakärinaykipaq röpaykikunata ni garrutikikunatapis. Jatirashqayki lanqilaykiwan aywapäkunki. Arupakuq runa päguta chaskinanpaq derëchun kashqannömi qamkunapapis qarashushqayki derëchuyki kaykan.#1Cor. 9.14; 1Tim. 5.18.
11<<May markaman chayarpis tapukärinki mayqan ali runa kashqantapis. Tsay runapa wayilancho patsakärinki juk markaman pasanaykiyaq. 12Wayinman chayar kayno nipäkunki: <Ali kaway qamkunacho kaykulätsun>. 13Ali chaskishuptikiqa nishqaykinömi paypaq ali kaway kanqa. Mana chaskishuptikimi itsanqa ali kaway kanqatsu. 14Wilakushqaykita tsay wayicho o tsay markacho mana chaskishuptikiqa chakikicho kaykaq polvuta tapshiriykur aywakärinki.#Hech. 13.51. 15Rasunpami kayno nï: Sodoma y Gomorra runakunata castigashqanpitapis#Gén. 19.24-28; Mat. 11.24. mas peormi juiciu final junaqcho tsay runakunata Tayta Dios castiganqapaq.#Luc. 10.4-12.
Discïpulunkuna chikishqa kananpaq Jesús nishqan
Marcos 13.9-13; Lucas 21.12-17
16<<Löbukunaman uyshakunata qaykuqnömi#Luc. 10.3. qamkunata kachaykä. Culebrano alcäbula puripäkunki y ashmay palumano humildi kapäkunki. 17Runakunapita alcäbula puripäkunki. Chikishushpaykimi prësu tsarirkur autoridäkunaman apapäkushunkipaq. Sinagögakunachöpis astapäkushunkipaqmi. 18Noqaman yärakamashqaykipitami gobernadorkunamanpis y reykunamanpis prësu apapäkushunkipaq. Tsaynöpami wilakuynïta paykunata y wakin mana Israel runakunatapis wilapanki. 19Autoridäkunaman apapäkushuptikipis ama lakikärinkitsu: <¿Imataraq nishaq? ¿Imanöraq parlashaq?> nishpayki. Tayta Diosmi tantiyatsishunkipaq imata parlanaykipaqpis. 20Manami kikikikuna yarpashqaykitatsu parlapäkunkipaq, sinöqa Taytaykipa Espïritun tantiyatsishuptikimi nipäkunkipaq.#Mar. 13.9-11; Luc. 12.11-12; 21.12-15.
21<<Noqaman yärakamashqanpitami wawqintapis, tsurintapis y taytantapis wanutsinanpaq autoridäkunaman apapäkunqa.#Mar. 13.12; Luc. 21.16. 22Noqaman yärakamashqaykipitami pïmaypis chikishunkipaq.#Mat. 24.9; Mar. 13.13; Luc. 21.17. Tsayno chikishuptikipis wanunaykiyaq yärakamashpaykiqa salvashqami kankipaq.#Mat. 24.13. 23Juk markacho chikishuptikiqa juk markaman qeshpikärinki. Rasunpami kayno nï: Israel nacioncho kaykaq lapan markakunapa purir manaraq ushaptikimi Runapa Tsurin kutimunqa.
24<<Mayqan yachakuqpis manami yachatsiqninpita mastaqa yachantsu.#Luc. 6.40. Tsaynölami ashmaypis patronninpita mas munayniyuqtsu kaykan.#Juan 13.16; 15.20. 25Yachakuqkunapis yachatsiqninno karmi kushikärin y ashmaykunapis patronninno karmi kushikärin. Noqatapis Beelzebú#10.25 Beelzebúqa Satanáspa jukaq jutinmi kaykan. niykämarqa#Mat. 9.34; 12.24; Mar. 3.22; Luc. 11.15. qamkunatapis wamräkuna kaptiki masraqmi ashlipäkushunkipaq.
Mana mantsakärinanpaq Jesús nishqan
Lucas 12.2-7
26<<Runakuna chikishuptikipis ama mantsakärinkitsu. Paykuna pakaylapa jutsata rurashqanpis juiciu finalchömi musyakanqa.#Mar. 4.22. 27Tsayno kaykaptinqa pakaylapa nishqäkunata pïmaypis mayananpaq wilakäriy. Rinrilaykicho nishqäkunatapis wayi jananman witsarkur qayakuypa wilakäriy. 28Ama mantsakärinkitsu pipis wanutsishunaykipaq jurapäshuptiki. Wanutsishushpaykipis almaykitaqa manami wanutsinqatsu. Tsaypa trukanqa Tayta Dioslata mantsakäriy. Paymi itsanqa munayniyuq kaykan pitapis almantinta infiernucho ushakätsinanpaq.
29<<¿Manaku ishkay pishqukunata juk centimulacho rantikärin? Tsayno kaptinpis manami ni juklaylapis wanuntsu Taytayki mana munaptinqa. 30Aqtsaykipis paypaqqa yupashqalami kaykan. 31Qamkunaqa tsaytsika pishqupitapis masmi välipäkunki. Tsayno kaykaptinqa ama mantsakäriytsu>>.
Favornin parlaqkunapita Jesús nishqan
Lucas 12.8-9
32<<Pipis runakunapa nawpancho favornï parlaptinqa noqapis jana patsacho kaykaq Taytäpa nawpancho paykunapa favorninmi parlashaq. 33Pipis runakunapa nawpancho ñëgamaptinqa noqapis jana patsacho kaykaq Taytäpa nawpancho ñëgashaqmi.#2Tim. 2.12.
Jesúsman yärakuqkuna chikishqa kananpaq nishqan
Lucas 12.51-53; 14.26-27
34<<Ama yarpapäkuytsu shamushqäpita kay patsacho runakuna jawkala kawananpaq kashqanta. Tsaypa trukanqa kikinpurami chikinakärinqa. 35Tsaymi taytanwan tsurin chikinakunqa, mamanwan wawan chikinakunqa y suedranwan lumtsuynin chikinakunqa. 36Chikiqninkunaqa kikinpa wayinchömi kanqa.#Miq. 7.6.
37<<Pipis discïpulü kayta munarqa taytanta y mamanta kuyashqanpita noqata mas kuyamätsun. Tsayno mana kuyamarqa manami discïpulü kanmantsu. Tsaynöpis wamrankunata kuyashqanpita noqata mas kuyamätsun. Tsayno mana kuyamarqa manami discïpulü kanmantsu. 38Cruzninta apaqno mana qatirämarqa#10.38 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami niykan. manami discïpulü kanmantsu.#Mat. 16.24; Mar. 8.34; Luc. 9.23; Juan 12.24. 39Kawayninta salvayta munaqkunaqa kawayninta oqranqami. Kawayninta noqa rayku oqraqkunami itsanqa kawayninta salvanqa.#10.39 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 16.25; Mar. 8.35; Luc. 9.24; 17.33; Juan 12.25.
Premiuta chaskinantsipaq Jesús nishqan
Marcos 9.41
40<<Qamkunata chaskishuqnikikunaqa noqatami chaskiykäman.#Luc. 10.16; Juan 13.20. Noqata chaskikamaqkunaqa kachamaqnïtapis chaskikurkaykanmi.#Mar. 9.37; Luc. 9.48. 41Profëtakunata chaskikurqa profëtanömi premiuta chaskinqapaq. Tsaynöpis jutsaynaq runata chaskikurqa tsay runanömi premiuta chaskinqapaq. 42Mayqan discïpulüta juk pucillu yakulatapis makyaq kaqtaqa Tayta Diosmi premiuta qonqapaq>>.
Currently Selected:
Mateo 10: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Mateo 10
10
Apostolninkunata Jesús akrashqan
Marcos 3.13-19; Lucas 6.12-16
1Tsaypitanami chunka ishkay discïpulunkunata qayaykur munayninta Jesús qorqan runakunapita supaykunata qarqunanpaq y tukuy niraq qeshyakunawan qeshyaqkunata y ima nanaywan kaqkunatapis aliyätsinanpaq.
2Tsay chunka ishkay apostolkunami karqan Simón (paypa jukaq jutinmi karqan Pedro), Simónpa wawqin Andrés, Zebedeupa tsurinkuna Santiago y Juan, 3Felipe, Bartolomé, Tomás, Romapaq impuestuta cobraq Mateo, Alfeupa tsurin Santiago, Tadeo, 4Zelote nishqan Simón y Jesústa rantikuq Judas Iscariote.
Apostolninkunata wilakärinanpaq Jesús kachashqan
Marcos 6.7-13; Lucas 9.1-6
5Tsay chunka ishkay apostolninkuna wilakuq aywananpaq kacharmi Jesús kayno nirqan: <<Ama aywapäkunkitsu mana Israel runakunapa markankunamanqa, ni Samariacho kaykaq markakunamanpis ama yaykapäkunkitsu. 6Tsaypa trukanqa aywapäkunki Israel runakunalaman. Paykunami oqrakashqa uyshano karkaykan. 7Paykunata kayno nipäkunki: <¡Tayta Dios mandaykashqan chayamushqanami!> 8Qeshyaqkunata aliyätsipäkunki. Wanushkunatapis kawaritsipäkunki. Leprawan qeshyaykaqkunata aliyätsipäkunki. Supaykunatapis runakunapita qarqupäkunki. Munaynïta dembaldila chaskishqaykino pitapis dembaldila aliyätsipäkunki.
9<<Qellayta, qorita ni cobritapis ama apapäkunkitsu. 10Tsaynöpis ama apapäkunkitsu mirkapaykita, trukakärinaykipaq röpaykikunata ni garrutikikunatapis. Jatirashqayki lanqilaykiwan aywapäkunki. Arupakuq runa päguta chaskinanpaq derëchun kashqannömi qamkunapapis qarashushqayki derëchuyki kaykan.#1Cor. 9.14; 1Tim. 5.18.
11<<May markaman chayarpis tapukärinki mayqan ali runa kashqantapis. Tsay runapa wayilancho patsakärinki juk markaman pasanaykiyaq. 12Wayinman chayar kayno nipäkunki: <Ali kaway qamkunacho kaykulätsun>. 13Ali chaskishuptikiqa nishqaykinömi paypaq ali kaway kanqa. Mana chaskishuptikimi itsanqa ali kaway kanqatsu. 14Wilakushqaykita tsay wayicho o tsay markacho mana chaskishuptikiqa chakikicho kaykaq polvuta tapshiriykur aywakärinki.#Hech. 13.51. 15Rasunpami kayno nï: Sodoma y Gomorra runakunata castigashqanpitapis#Gén. 19.24-28; Mat. 11.24. mas peormi juiciu final junaqcho tsay runakunata Tayta Dios castiganqapaq.#Luc. 10.4-12.
Discïpulunkuna chikishqa kananpaq Jesús nishqan
Marcos 13.9-13; Lucas 21.12-17
16<<Löbukunaman uyshakunata qaykuqnömi#Luc. 10.3. qamkunata kachaykä. Culebrano alcäbula puripäkunki y ashmay palumano humildi kapäkunki. 17Runakunapita alcäbula puripäkunki. Chikishushpaykimi prësu tsarirkur autoridäkunaman apapäkushunkipaq. Sinagögakunachöpis astapäkushunkipaqmi. 18Noqaman yärakamashqaykipitami gobernadorkunamanpis y reykunamanpis prësu apapäkushunkipaq. Tsaynöpami wilakuynïta paykunata y wakin mana Israel runakunatapis wilapanki. 19Autoridäkunaman apapäkushuptikipis ama lakikärinkitsu: <¿Imataraq nishaq? ¿Imanöraq parlashaq?> nishpayki. Tayta Diosmi tantiyatsishunkipaq imata parlanaykipaqpis. 20Manami kikikikuna yarpashqaykitatsu parlapäkunkipaq, sinöqa Taytaykipa Espïritun tantiyatsishuptikimi nipäkunkipaq.#Mar. 13.9-11; Luc. 12.11-12; 21.12-15.
21<<Noqaman yärakamashqanpitami wawqintapis, tsurintapis y taytantapis wanutsinanpaq autoridäkunaman apapäkunqa.#Mar. 13.12; Luc. 21.16. 22Noqaman yärakamashqaykipitami pïmaypis chikishunkipaq.#Mat. 24.9; Mar. 13.13; Luc. 21.17. Tsayno chikishuptikipis wanunaykiyaq yärakamashpaykiqa salvashqami kankipaq.#Mat. 24.13. 23Juk markacho chikishuptikiqa juk markaman qeshpikärinki. Rasunpami kayno nï: Israel nacioncho kaykaq lapan markakunapa purir manaraq ushaptikimi Runapa Tsurin kutimunqa.
24<<Mayqan yachakuqpis manami yachatsiqninpita mastaqa yachantsu.#Luc. 6.40. Tsaynölami ashmaypis patronninpita mas munayniyuqtsu kaykan.#Juan 13.16; 15.20. 25Yachakuqkunapis yachatsiqninno karmi kushikärin y ashmaykunapis patronninno karmi kushikärin. Noqatapis Beelzebú#10.25 Beelzebúqa Satanáspa jukaq jutinmi kaykan. niykämarqa#Mat. 9.34; 12.24; Mar. 3.22; Luc. 11.15. qamkunatapis wamräkuna kaptiki masraqmi ashlipäkushunkipaq.
Mana mantsakärinanpaq Jesús nishqan
Lucas 12.2-7
26<<Runakuna chikishuptikipis ama mantsakärinkitsu. Paykuna pakaylapa jutsata rurashqanpis juiciu finalchömi musyakanqa.#Mar. 4.22. 27Tsayno kaykaptinqa pakaylapa nishqäkunata pïmaypis mayananpaq wilakäriy. Rinrilaykicho nishqäkunatapis wayi jananman witsarkur qayakuypa wilakäriy. 28Ama mantsakärinkitsu pipis wanutsishunaykipaq jurapäshuptiki. Wanutsishushpaykipis almaykitaqa manami wanutsinqatsu. Tsaypa trukanqa Tayta Dioslata mantsakäriy. Paymi itsanqa munayniyuq kaykan pitapis almantinta infiernucho ushakätsinanpaq.
29<<¿Manaku ishkay pishqukunata juk centimulacho rantikärin? Tsayno kaptinpis manami ni juklaylapis wanuntsu Taytayki mana munaptinqa. 30Aqtsaykipis paypaqqa yupashqalami kaykan. 31Qamkunaqa tsaytsika pishqupitapis masmi välipäkunki. Tsayno kaykaptinqa ama mantsakäriytsu>>.
Favornin parlaqkunapita Jesús nishqan
Lucas 12.8-9
32<<Pipis runakunapa nawpancho favornï parlaptinqa noqapis jana patsacho kaykaq Taytäpa nawpancho paykunapa favorninmi parlashaq. 33Pipis runakunapa nawpancho ñëgamaptinqa noqapis jana patsacho kaykaq Taytäpa nawpancho ñëgashaqmi.#2Tim. 2.12.
Jesúsman yärakuqkuna chikishqa kananpaq nishqan
Lucas 12.51-53; 14.26-27
34<<Ama yarpapäkuytsu shamushqäpita kay patsacho runakuna jawkala kawananpaq kashqanta. Tsaypa trukanqa kikinpurami chikinakärinqa. 35Tsaymi taytanwan tsurin chikinakunqa, mamanwan wawan chikinakunqa y suedranwan lumtsuynin chikinakunqa. 36Chikiqninkunaqa kikinpa wayinchömi kanqa.#Miq. 7.6.
37<<Pipis discïpulü kayta munarqa taytanta y mamanta kuyashqanpita noqata mas kuyamätsun. Tsayno mana kuyamarqa manami discïpulü kanmantsu. Tsaynöpis wamrankunata kuyashqanpita noqata mas kuyamätsun. Tsayno mana kuyamarqa manami discïpulü kanmantsu. 38Cruzninta apaqno mana qatirämarqa#10.38 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami niykan. manami discïpulü kanmantsu.#Mat. 16.24; Mar. 8.34; Luc. 9.23; Juan 12.24. 39Kawayninta salvayta munaqkunaqa kawayninta oqranqami. Kawayninta noqa rayku oqraqkunami itsanqa kawayninta salvanqa.#10.39 Tsayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakunqatsu. Noqa munashqäno kawaqkunami itsanqa salvakunqa>>.#Mat. 16.25; Mar. 8.35; Luc. 9.24; 17.33; Juan 12.25.
Premiuta chaskinantsipaq Jesús nishqan
Marcos 9.41
40<<Qamkunata chaskishuqnikikunaqa noqatami chaskiykäman.#Luc. 10.16; Juan 13.20. Noqata chaskikamaqkunaqa kachamaqnïtapis chaskikurkaykanmi.#Mar. 9.37; Luc. 9.48. 41Profëtakunata chaskikurqa profëtanömi premiuta chaskinqapaq. Tsaynöpis jutsaynaq runata chaskikurqa tsay runanömi premiuta chaskinqapaq. 42Mayqan discïpulüta juk pucillu yakulatapis makyaq kaqtaqa Tayta Diosmi premiuta qonqapaq>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.