Mateo 1
1
Jesúspa unay aylunkuna pï kashqanpis
Lucas 3.23-38
1Abrahampita y rey Davidpita miraq Jesucristupa unay aylunkuna kaynömi karqan:
2Abrahampa tsurinmi karqan Isaac.
Isaacpa tsurinmi karqan Jacob.
Jacobpa tsurinmi karqan Judá y wawqinkunapis.
3Judápa tsurinkunami karqan Fares y Zara.
Paykunapa mamanmi karqan Tamar.
Farespa tsurinmi karqan Esrom.
Esrompa tsurinmi karqan Aram.
4Arampa tsurinmi karqan Aminadab.
Aminadabpa tsurinmi karqan Naasón.
Naasónpa tsurinmi karqan Salmón.
5Salmónpa tsurinmi karqan Booz.
Boozpa mamanmi karqan Rahab.
Boozpa tsurinmi karqan Obed.
Obedpa mamanmi karqan Rut.
Obedpa tsurinmi karqan Isaí#1.5 Wakin traduccionkunachöqa Jesé ninmi..
6Isaípa tsurinmi karqan rey David.#1Crón. 2.1-15; Rut 4.18-22.
Rey Davidpa tsurinmi karqan Salomón.
Salomónpa mamanmi karqan Uríaspa viüdan.
7Salomónpa tsurinmi karqan Roboam.
Roboampa tsurinmi karqan Abías.
Abíaspa tsurinmi karqan Asa.
8Asapa tsurinmi karqan Josafat.
Josafatpa tsurinmi karqan Joram.
Jorampa tsurinmi karqan Uzías.
9Uzíaspa tsurinmi karqan Jotam.
Jotampa tsurinmi karqan Acaz.
Acazpa tsurinmi karqan Ezequías.
10Ezequíaspa tsurinmi karqan Manasés.
Manaséspa tsurinmi karqan Amón.
Amónpa tsurinmi karqan Josías.
11Josíaspa tsurinmi karqan Jeconías y wawqinkunapis.
Jeconías kawashqan witsanmi Israel runakunata Babilonia soldädukuna nacionninman prësu apakärirqan.#2Rey. 24.14-15; 2Crón. 36.10; Jer. 27.20.
12Tsaychönami Jeconíaspa tsurin Salatiel yurirqan.
Salatielpa tsurinmi karqan Zorobabel.
13Zorobabelpa tsurinmi karqan Abiud.
Abiudpa tsurinmi karqan Eliaquim.
Eliaquimpa tsurinmi karqan Azor.
14Azorpa tsurinmi karqan Sadoc.
Sadocpa tsurinmi karqan Aquim.
Aquimpa tsurinmi karqan Eliud.
15Eliudpa tsurinmi karqan Eleazar.
Eleazarpa tsurinmi karqan Matán.
Matánpa tsurinmi karqan Jacob.
16Jacobpa tsurinmi karqan Maríapa runan José.
Maríapa wawanmi karqan Jesús. Paymi karqan Tayta Dios kachamushqan Cristo.
17Abraham kawashqan witsanpita David yurishqanyaq chunka chusku generacionmi karqan. Tsaynölami David kawashqan witsanpita Israel runakunata Babiloniaman apakärishqan witsanyaq chunka chusku generación karqan. Tsaynölami Babiloniaman apakärishqan witsanpita Jesucristo yurishqanyaqpis chunka chusku generación karqan.
Jesús yurishqan
Lucas 2.1-7
18Kaychömi qelqaraykan Jesucristo manaraq yuriptin imano kashqanpis. Joséwan tänanpaqmi María parlakushqana karqan.#Luc. 1.27. Joséwan manaraq tarmi Espíritu Santupa munayninwan qeshyaq rikakurqan. 19Joséqa ali runa karmi Maríata penqayman churayta mana munar pakaylapa kachariyta yarparqan.
20Tsayno yarpachakuykaptinmi Tayta Diospa angilnin Joséta sueñuynincho kayno nirqan: <<Rey Davidpa aylun José, Maríawan casarayta ama penqakuytsu. Payqa Espíritu Santupa munayninwanmi qeshyaq rikakushqa. 21Olqu wamratami wachanqa. Payman yärakuqkunata jutsankunapita salvananpaq kaptinmi tsay wamrapa jutinta churapanki Jesús#1.21 Jesús ninanqa Tayta Diosmi salvan ninanmi. kananpaq>>.#Luc. 1.31.
22Lapanpis tsayno pasarqan profëtanwan Tayta Dios kayno nishqan cumplikänanpaqmi:
23<<Juk virgen jipashmi qeshyaq rikakur olqu wamrata wachakunqa.
Tsay wamrapa jutintami churapanqa Emanuel jutin kananpaq>>.#Isa. 7.14.
(Emanuel ninanqa Tayta Dios noqantsiwanmi kaykan ninanmi.)
24Tsayno niptinmi José punuykashqanpita rikcharkamur Tayta Diospa angilnin nishqannöla Maríawan tarqan. 25Itsanqa tarpis wawan yurishqanyaq manami Maríawan punurqanraqtsu. Wamra yuriykuptinnami jutinta churaparqan Jesús kananpaq.#Luc. 2.21.
Currently Selected:
Mateo 1: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.