Levítico 21
21
Cürakuna imano kananpaq nishqan
1Moisésta Tayta Dios kayno nirqan: <<Aarónpita miraq cürakunata kayno niy: <Cüra impüru mana rikakunanpaq aylun wanuptinpis ayanta ama yatanqatsu. 2Mamanpa, taytanpa, tsurinpa, wawqinpa ayantami itsanqa yatanman. 3Virginlaraq paninpa ayantapis yatanman. Impüru rikakunan kaptinpis paykunapa ayantaqa yatanmanmi. 4Warminpa aylun wanuptinmi itsanqa impüru mana rikakunanpaq ayanta ama yatanqatsu.
5<< <Pï wanuptinpis lakikur aqtsanta ni shaprantapis cüraqa ama rutukunqatsu. Qarantapis pishtaypa pishtar ama kutsukunqatsu.#21.5 Tsay witsanqa Baal diosta adorarmi runakuna qaranta pishtaypa pishtar kutsukurqan. Tsaypita masta musyanaykipaq liyinki 1Rey. 18.28.#Lev. 19.27-28; Deut. 14.1. 6Tsaypa trukanqa Dios munashqanta rurar cürakuna santu kawapäkunqa. Runakuna apapäkamushqanta altarcho rupatsinanpaqmi cürakunata Tayta Dios akrashqa. Tsay rupatsishqankunaqa Tayta Diospa mikuyninmi kaykan. Tsayno kaykaptinqa Tayta Diospaq santu kapäkunqa.
7<< <Cürakunataqa Tayta Diosmi akrashqa santu kananpaq. Tsayno kaykaptinqa ama tätsuntsu wayrapakuq warmiwan, tsaripakushqa warmiwan o runanpita rakikashqa warmiwanqa.
8<< <Cürakuna santu kashqanta Israel runakuna tantiyakäritsun. Paykunata respitapäkutsun noqapaq apapäkamushqanta altarcho rupatsiq kashqanpita y noqa santu kashqäpita. Noqami qamkunata akrashqä santu kapäkunaykipaq.
9<< <Cürapa jipash tsurin wayrapakuq warmi rikakurqa papänintami penqayman churaykan. Tsay niraq jipashtaqa kawaykaqta rupatsipäkunki.
10<< <Mandaq cüralami sagrädu röpataqa jatikunqa. Tsayta jatikunqa mandaq cüra kananpaq umanman sagrädu aceitita winapashqa kaptinmi. Tsaymi wanupakurpis tinsha uma mana purinqatsu ni röpantapis rachinqatsu. 11Maman wanuptinpis o taytan wanuptinpis tsutaraykashqan kaqman ama yaykunqatsu. Tsayman yaykurqa impürumi rikakunqa. 12Sagrädu aceitita umanman winapashqa kaykar ayaman aywarqa Tayta Diospa Sagrädu Tolduntapis impüruyätsinqami. Noqaqa Tayta Diosmi kaykä.
13<< <Mandaq cüraqa virginlaraq jipashta warminpaq ashinqa. 14Manami tanmantsu viüdawan, runanpita rakikashqa warmiwan, tsaripakushqa warmiwan ni wayrapakuq warmiwanpis. Warmita ashirqa Leví trïbupita virginlaraq jipashta ashinqa. 15Warmin tsayno kaptinqa paypita miraqkunata mana jamurpanqatsu. Mandaq cürataqa noqa Tayta Diosmi akrashqä santu kananpaq> >>.
Sänu kaqkunala cüra kananpaq nishqan
16Mastapis Moisésta Tayta Dios kayno nirqan: 17<<Aarónta kayno ninki: <Qampita miraqkuna sänu kaqkunalami cüra kanqa. Paykunalami Tayta Diospaq runakuna apapäkamushqanta altarcho rupatsinqa. Tsay rupatsishqanqa Tayta Diospa mikuyninmi kaykan. 18Tsawraqa mandaq cüra kananpaq manami yaykunmantsu qaprakuna, weqrukuna, sira cärayuqkuna, makllukuna, 19chankan pakishkuna, rikran pakishkuna, 20kurkukuna, takshakuna, nübish nawiyuqkuna, qarachukuna, chupu qeshyawan qeshyaqkuna y runtun däñashkuna. 21Aarónpita miraqkuna sänu mana karqa Tayta Diospaq apapäkamushqanta altarcho manami rupatsinqatsu. Sänu kaqkunalami rupatsinqa. 22Altarcho mana rupatsirpis Tayta Diospaq apamushqan sagrädu mikuyta y aytsatami itsanqa mikupäkunqa. 23Tsaynöpis cortïnata ama pasanqatsu, Lugar Santïsimumanpis ama yaykunqatsu ni altarmanpis ama witinqatsu. Tsayman witirqa Sagrädu Tolduta manami respitaykantsu. Noqa Tayta Diosmi paykunata akrashqä santu kananpaq> >>.
24Tayta Dios tsayno nishqantami Moisés wilarqan Aarónta, Aarónpa tsurinkunata y lapan Israel runakunata.
Currently Selected:
Levítico 21: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 21
21
Cürakuna imano kananpaq nishqan
1Moisésta Tayta Dios kayno nirqan: <<Aarónpita miraq cürakunata kayno niy: <Cüra impüru mana rikakunanpaq aylun wanuptinpis ayanta ama yatanqatsu. 2Mamanpa, taytanpa, tsurinpa, wawqinpa ayantami itsanqa yatanman. 3Virginlaraq paninpa ayantapis yatanman. Impüru rikakunan kaptinpis paykunapa ayantaqa yatanmanmi. 4Warminpa aylun wanuptinmi itsanqa impüru mana rikakunanpaq ayanta ama yatanqatsu.
5<< <Pï wanuptinpis lakikur aqtsanta ni shaprantapis cüraqa ama rutukunqatsu. Qarantapis pishtaypa pishtar ama kutsukunqatsu.#21.5 Tsay witsanqa Baal diosta adorarmi runakuna qaranta pishtaypa pishtar kutsukurqan. Tsaypita masta musyanaykipaq liyinki 1Rey. 18.28.#Lev. 19.27-28; Deut. 14.1. 6Tsaypa trukanqa Dios munashqanta rurar cürakuna santu kawapäkunqa. Runakuna apapäkamushqanta altarcho rupatsinanpaqmi cürakunata Tayta Dios akrashqa. Tsay rupatsishqankunaqa Tayta Diospa mikuyninmi kaykan. Tsayno kaykaptinqa Tayta Diospaq santu kapäkunqa.
7<< <Cürakunataqa Tayta Diosmi akrashqa santu kananpaq. Tsayno kaykaptinqa ama tätsuntsu wayrapakuq warmiwan, tsaripakushqa warmiwan o runanpita rakikashqa warmiwanqa.
8<< <Cürakuna santu kashqanta Israel runakuna tantiyakäritsun. Paykunata respitapäkutsun noqapaq apapäkamushqanta altarcho rupatsiq kashqanpita y noqa santu kashqäpita. Noqami qamkunata akrashqä santu kapäkunaykipaq.
9<< <Cürapa jipash tsurin wayrapakuq warmi rikakurqa papänintami penqayman churaykan. Tsay niraq jipashtaqa kawaykaqta rupatsipäkunki.
10<< <Mandaq cüralami sagrädu röpataqa jatikunqa. Tsayta jatikunqa mandaq cüra kananpaq umanman sagrädu aceitita winapashqa kaptinmi. Tsaymi wanupakurpis tinsha uma mana purinqatsu ni röpantapis rachinqatsu. 11Maman wanuptinpis o taytan wanuptinpis tsutaraykashqan kaqman ama yaykunqatsu. Tsayman yaykurqa impürumi rikakunqa. 12Sagrädu aceitita umanman winapashqa kaykar ayaman aywarqa Tayta Diospa Sagrädu Tolduntapis impüruyätsinqami. Noqaqa Tayta Diosmi kaykä.
13<< <Mandaq cüraqa virginlaraq jipashta warminpaq ashinqa. 14Manami tanmantsu viüdawan, runanpita rakikashqa warmiwan, tsaripakushqa warmiwan ni wayrapakuq warmiwanpis. Warmita ashirqa Leví trïbupita virginlaraq jipashta ashinqa. 15Warmin tsayno kaptinqa paypita miraqkunata mana jamurpanqatsu. Mandaq cürataqa noqa Tayta Diosmi akrashqä santu kananpaq> >>.
Sänu kaqkunala cüra kananpaq nishqan
16Mastapis Moisésta Tayta Dios kayno nirqan: 17<<Aarónta kayno ninki: <Qampita miraqkuna sänu kaqkunalami cüra kanqa. Paykunalami Tayta Diospaq runakuna apapäkamushqanta altarcho rupatsinqa. Tsay rupatsishqanqa Tayta Diospa mikuyninmi kaykan. 18Tsawraqa mandaq cüra kananpaq manami yaykunmantsu qaprakuna, weqrukuna, sira cärayuqkuna, makllukuna, 19chankan pakishkuna, rikran pakishkuna, 20kurkukuna, takshakuna, nübish nawiyuqkuna, qarachukuna, chupu qeshyawan qeshyaqkuna y runtun däñashkuna. 21Aarónpita miraqkuna sänu mana karqa Tayta Diospaq apapäkamushqanta altarcho manami rupatsinqatsu. Sänu kaqkunalami rupatsinqa. 22Altarcho mana rupatsirpis Tayta Diospaq apamushqan sagrädu mikuyta y aytsatami itsanqa mikupäkunqa. 23Tsaynöpis cortïnata ama pasanqatsu, Lugar Santïsimumanpis ama yaykunqatsu ni altarmanpis ama witinqatsu. Tsayman witirqa Sagrädu Tolduta manami respitaykantsu. Noqa Tayta Diosmi paykunata akrashqä santu kananpaq> >>.
24Tayta Dios tsayno nishqantami Moisés wilarqan Aarónta, Aarónpa tsurinkunata y lapan Israel runakunata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.